Tag: постигнување

Дали се прашувате која е тајната да ги надминете пречките и да добиете сè што сакате во животот? Има луѓе кои ги остваруваат своите соништа, додека некои се откажуваат. Сè е до начинот на размислување! Во продолжение откријте кои 4 чекори ќе ви помогнат да го добиете она што го посакувате во животот.rnrnrn

1. Откријте што сакате

rnЧестопати, не успевате затоа што вашите цели се премногу општи или премногу нејасни. Не кажувајте само: „Сакам да бидам богат/а“ или „Сакам да бидам успешен/а“. Тоа е многу недефинирано. Поимот за успех може да биде различен за секој од нас. Бидете експлицитни – на пример „Сакам да ја завршам мојата книга до крајот на годината“или „Сакам да имам сопствен бизнис до 30-тата година“. Не е важно колку е голем или „луд“ вашиот сон. Сепак, за да можете да го реализирате вашиот сон, мора да имате многу добра идеја и добар план.rn

2. Верувајте во себе

rnСигурно понекогаш ви се случило да помислите дека ги немате потребните вештини и способности за да ги постигнете вашите цели. Но, запомнете дека сето тоа може да биде само вашата перцепција. Значи, ако сметате дека ви недостига нешто што ве спречува да ги остварите вашите соништа, направете проценка и почнете да работите на вашето усовршување.rn

3. Гледајте се себеси како личноста што сакате да станете

rnНека една од главните мотивации ви биде сликата на личноста која сакате да постанете. Тоа се нарекува слика за себе и генерално нема никаква врска со сликата што ја гледате во огледалото. Но, начинот на кој се гледате себеси го диктира вашето однесување, постапки и исходи. Освен тоа, не заборавајте дека ако имате слика за личност со ниска самодоверба тогаш имате многу мали шанси за победа.rn

4. Обидете се (и видете што се случува)

rnНе заборавајте дека со секој нов обид вие сте поблиску до целта. Од друга страна, не дозволувајте да ве обесхрабрат грешките и неуспесите. Гледајте на нив како на можности за учење и напредување. И никогаш, ама никогаш немојте да заборавите дека вие можете да ги остварите своите цели и соништа! Верувајте во себе!rnrnОткако прочитавте на кој начин можете да ги остварите вашите цели и соништа, можеби ќе сакате да прочитате и која е тајната „состојка“ за постигнувањето цели во животот.rnrnИзвор: themindsjournal.com

Дали работите дење и ноќе со целосна посветеност и одлучност, но сè уште не можете да ги исполните вашите цели? Ако одговорот е „да’, тогаш ви треба нешто повеќе од мотивација. Во продолжение прочитајте кој е клучниот елемент кога станува збор за постигнувањето на целите во животот.rnrnrnrnКои се зборовите што ви паѓаат на ум кога ќе го слушнете зборот „цел“? Најверојатно мотивацијата е на прво место. Сепак, иако мотивацијата е еден од главните елементи, таа сама по себе не е доволна. Друг збор за кој веројатно сте размислувале е волјата. Проблемот со волјата е што таа може да се „потроши“ со преголемиот напор и прекумерната употреба. Но, во голем дел од случаите, тајната за постигнување цели во животот лежи токму во истрајноста. Зошто е тоа така?rn

Истрајноста ги отстранува оправдувањата од типот „немам време“ или „премногу сум зафатен/а“

rnПонекогаш доволно е да бидете креативни и на тој начин продуктивно да го искористите времето што ви е на располагање. Така, наместо да ги потрошите навидум безначајните 15 минути пауза помеѓу состаноците на социјалните мрежи, искористете ги за себе и за својот развој. Можете да медитирате, да пишувате дневник, да изгледате инспиративно видео… Не заборавајте дека клучот е во конзистентноста и истрајноста. Повторете го овој процес 3 до 5 пати неделно и за кратко време ќе забележите напредок.rn

Истрајноста станува навика

rnНавика е нешто што го правите автоматски без размислување. Кога ќе развиете навика постојано да го повторувате истото дејство, нема потреба од одлучување дали да направите нешто или не. Се разбира, на почетокот може да биде непријатно, но доколку истраете за време на почетната фаза, по одредено време ќе почнете да го правите тоа автоматски.rn

Истрајноста го отстранува притисокот од совршенството

rnРечиси е невозможно да направите нешто совршено во рок од 15 минути, но самата идеја ќе ве поттикне да работите повеќе на тоа. Дали понекогаш ви се случило да ги одвлекувате обврските кои се поврзани со целта и да се плашите да дејствувате? Тоа е, всушност, стравот од неуспех. Не заборавајте дека доволно е да го направите првиот чекор. На почетокот, доколку секој ден посветувате 15 минути на вашата цел, за кратко време ќе постигнете напредок. Бидете истрајни и не фокусирајте се на совршенството. Така полесно ќе постигнете успех.rnrnОткако прочитавте за истрајноста, можеби ќе сакате да прочитате и зошто патот кон целта е поважен од нејзиното постигнување.rnrnИзвор: themindsjournal.comrnrn 

Дали некогаш сте се запрашале зошто целите кои си ги поставувате во новата година доживуваат неуспех уште во првиот месец? Не е проблемот во волјата или во некои животни пречки, туку поради тоа што нејасните цели водат кон нејасни активности, а сето тоа води до нејасни резултати. Сите сакате промени, но не знаете како да ги направите на вистинскиот начин.rnrnrnrnПовеќето луѓе грешат во следниве работи: Најпрво, тие се многу возбудени на почетокот, па имаат нереални очекувања за тоа што може да го постигнат. И покрај истражувањето и планирањето, нивната желба за тоа брзо исчезнува. Во втората група спаѓаат луѓе кои имаат идеја што сакаат да прават, но немаат составено план за акција. На пример, тие си поставуваат цел да создадат поголема рамнотежа помеѓу работата и приватниот живот. Иако ова звучи прекрасно, ним не им е јасно какви активности треба да преземат. Така, недостатокот од стратегија и одговорност ги држи овие луѓе безбедни од неуспех, но исто така ги држи и заглавени.rnrnБез разлика во која група и да припаѓате, решението е исто: Треба да настојувате да поставите подобри цели, такви кои ќе ве мотивираат и ќе ве поддржуваат. Притоа, треба да направите и вистински план кој ќе ве води кон успех. Во продолжение погледнете на кој начин треба да ги дефинирате вашите цели, а притоа истите и да ги остварите.rn

1. Идентификувајте ги специфичните работи што сакате да ги постигнете

rnВашата цел треба јасно да дефинира што ќе направите. Таа треба да го претставува она што сакате да го постигнете и начинот на кој планирате да го изведете. Внимавајте да ги вклучите сите потребни чекори. Наместо да си кажете „Сакам поголема рамнотежа помеѓу работата и приватниот живот“, обидете се со „Ќе практикувам секојдневни активности за да создадам рамнотежа, така што ќе почнам со 10-минутна медитација, а потоа ќе преминам на втората активност, па на третата…“rn

2. Направете ги мерливи

rnТука многумина грешат. Не треба да ја направите мерлива само вашата цел, туку и секој чекор што планирате да го преземете. Ова ќе ви помогне да правите изводливи чекори, да ја задржите мотивацијата и да сфатите колкав прогрес имате направено кон својата цел. За да ги направите акциите мерливи, бидете прецизни. Наместо да кажете дека работните обврски ги оставате само за на работното место, прецизирајте го тоа така што ќе си кажете себеси дека за време на работните денови нема да ја проверувате вашата електронска пошта после 8 часот навечер, а за викенди ќе го правите тоа само еднаш во денот.rnrnЗа да ја направите вашата целокупна цел мерлива, потребно е да ја дефинирате вашата почетна точка. Изберете колку акции треба да преземете за да стигнете до целта и на крајот споредете ги. Исто така можете да го оценувате своето ниво на успех или својата способност на скала од 1 до 10, на почетокот и на крајот од секоја цел. Ако вежбате еднаш неделно, наместо да си велите дека ќе вежбате повеќе, кажете си дека ќе одите во теретана 3 пати неделно и ќе вежбате од 45 до 60 минути.rnrnrn

3. Изберете цел што е возможно самите да ја постигнете

rnИзберете цел чиешто постигнување не зависи од другите, различните околности или добивка на лотарија. Во примерот за одржување рамнотежа помеѓу работата и личниот живот, лош показател за успех би бил износот на работа кој ви е доделен. И покрај тоа што се однесува на вашата цел, вие не можете да го контролирате она што ви го кажува вашиот шеф. Сепак, на некој начин можете да реагирате. Така, може да зборувате со него за крајните рокови и за приоритетните задачи.rnrnСекогаш имајте на ум дека целите треба да бидат достижни и дека не треба да имате премногу нереални очекувања. Наместо да си кажувате дека сакате да изгубите 10 килограми за 2 месеци, обидете се да бидете малку пореални и тоа прилагодете го според вашиот начин на живот. Целта не е во врска со крајниот резултат, туку ја претставува вашата способност да преземате акции за да го достигнете тој резултат.rn

4. Идентификувајте релевантни чекори, а не случајно избрани

rnСекој чекор треба да биде директно поврзан со вашата цел и не треба да избирате случајни активности. Така, ако вашата цел е да најдете нова работа, тогаш треба да се фокусирате на соодветните чекори за тоа. Иако секојдневното вежбање е важно, тоа не е директно поврзано со вашата крајна цел (наоѓање работа), па не треба да го поврзувате со (не)успехот при обидите за нејзино остварување. При изборот на соодветни чекори, важно е да се запрашате самите дали тоа што сакате да го преземете директно влијае на тоа да ја постигнете целта. Ако одреден чекор не води кон доближување до вашата цел, тогаш не го вклучувајте.rn

5. Поставете си крајни рокови

rnНе е важно дали сакате или мразите крајни датуми, сепак, потребно е да ѝ одредите на вашата цел краен рок за нејзино остварување. Одберете таков датум што е доволно далеку за да ги видите резултатите, но и доволно блиску за да можете да ја одржувате својата мотивација. Поврзувањето на вашата цел со временска рамка создава некое чувство за итност, но и здрава непријатност помеѓу тоа каде сте сега и каде сакате да бидете. Во зависност од целта, најдобро е да изберете датум кој е 1, 2 или 3 месеци подалеку од денес. Тоа е доволно долго за да можете да ги видите промените, но и доволно кратко за да биде релевантно. Исто така ова ќе ви овозможи да ги преземате потребните активности за да продолжите напред.rnrn