КАФЕ ПАУЗА

Tag: фотоапарат

Надреални фотографии направени со стар фотоапарат на филм

Олег Оприско е брилијантно талентиран фотограф од Украина, кој создава неверојатни надреални фотографии од елегантни жени во бајковити области кои изгледаат како соништа. Но, она што го издвојува овој артист од останатите е тоа што тој не ги прави своите фотографии со дигитален фотоапарат, туку со оној кој работи на филм. Фактот дека тој работи со ваков фотоапарат значи дека сѐ што гледате на овие фотографии мора да биде лично создадено, не може да биде дигитално додадено.rnrn
rn

„Открив дека е идеално за мене да правам сѐ сам. Јас го смислувам концептот, ја создавам облеката, ја откривам локација и ја диригирам шминката и фризурата“, вели Оприско. „Пред снимањето, секогаш прво планирам општа палета на бои. Во однос на избраната палета, одбирам облека, додатоци, локација и се погрижувам сѐ да се одвива во склоп на избраните бои.“

rnrnrn

rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

April 28, 2014
10 трикови за фотографирање поинтересни портрети

Со прецизно следење на правилата за фотографирање ќе добиете фотки за паметење, но неретко и едноставни портрети на кои личноста „стои“ на средината од фотографијата со својата омилена „фаца за сликање“. Искористете ги следните трикови за да ја избегнете здодевноста која ја носат таквите фотографии. Ќе бидете воодушевени од резултатите.rn

Играјте си со контактот со очите

rnКога личноста која ја фотографирате гледа право во објективот тоа создава врска помеѓу неа и гледачот, но постојат неколку трикови кои можат да додадат уште повеќе магија во тоа. Поглед вон објективот кон нешто кое не се гледа на сликата додава мистерија и спонтаност, а ако личноста изразува одредена емоција резултатот е уште подобар. Исто така, можете да се обидете со поглед кон некој друг објект на сликата. На пример, мајка која гледа кон своето дете или дете кое гледа кон топка овозможува создавање на приказна која фотографијата ја носи со себе.rnrnrn

Прекршете ги правилата на композиција

rnКорисно е да се знаат основните правила на фотографирањето, но најдобрите фотографи велат дека најбитно правило е тие да се прекршат кога ја доведуваат креативноста во прашање. Правилото на третини ќе ве натера да ја сместите личноста на сред слика, што може да резултира со одлична фотографија, но ако понекогаш го преместите објектот кон една од страните можете да добиете нешто поинакво и многу поинтересно.rnrnrn

Експериментирајте со позадините

rnРазлична позадина на различен начин ја истакнува личноста на фотографијата. Експериментирајте со бројни позадини во потрага по резултатот кој го посакувате.rnrnrn

Правете спонтани портрети

rnКога една личност ќе се намести како што ѝ одговара со извежбан израз на лицето се добива просечен портрет. Но, кога истата таа личност се однесува спонтано на лицето и излегуваат емоции кои даваат интересни фотографии. На пример, сликање додека прави нешто во што ужива. Затоа често портретите на деца се многу убави и полни со живот.rnrnrn

Фотографирајте во „златниот час“

rn„Златен час“ се нарекува периодот од денот во кој сонцето изгрева или заоѓа оставајќи златни отпечатоци на околината. Со тоа портретот ќе добие извонредна топлина и мистичност.rnrnrn

Фокусирајте се само на еден дел од телото

rnПортретирање одблиску на очите, устата, рацете, или долниот дел од телото оставаат нешто на имагинацијата на гледачот и оставаат силен впечаток. Понекогаш, она што се гледа на сликата може да каже многу за она што е изоставено.rnrnДобра идеја е и да покриете еден дел од телото со што ќе истакнете друг. Со тоа оставате малку на имагинацијата на гледачот, но ќе му го насочите погледот кон оној дел кој сакате да го истакнете.rnrnrn

Направете повеќе фотографии одеднаш

rnЗадолжително експериментирајте со опциите burst и continuous shooting. Направете цела серија фотографии со само едно притискање на копчето за фотографирање. Така ќе успеете да „фатите“ емоција или израз на лицето на вашиот субјект кој инаку не би успеале да го добиете доколку внимателно ви позира. Ова е особено корисно при фотографирање деца.rnrnrn

Врамете го субјектот

rnУпотребете ја целата своја креативност за да ја ставите личноста која ја портретирате во одредена рамка која вниманието на гледачот ќе го привлече кон неа. Ако вашиот субјект гледа низ прозорец, погледот на гледачот ќе се насочи кон прозорецот и кон содржината која е во него.rnrnrn

Држете го фотоапаратот под искривен агол

rnАко ви здодеале правилно направените портрети, пробајте го овој трик. Накривениот агол на вашите фотографии ќе им даде необичност, ќе ги исполни со енергија и ќе ги направи позабавни.rnrnrn

Побегнете од фокусот

rnДоколку вашиот фотоапарат ви нуди можност за рачно подесување на фокусот, пробајте да направите портрет без да се фокусирате на личноста. Оставете ја целата фотографија без фокус или насочете го кон некој помалку важен објект. Ќе бидете изненадени од мистериозноста на вашето дело.rnrnrnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

November 22, 2012
Славните личности во улога на фотографи

Славните личности секојдневно се мета на неуморните папараци, кои секогаш на крај успеваат да ги фотографираат во интересни ситуации. Но, во ова издание улогите се сменети и познатите се тие кои што ја имаат контролата врз фотоапаратот. На вас оставаме да одлучите колку добро им прилега ваквата професија.rnrn
Бред Пит
rnrn
Шон Конери
rnrn
Мик Џегер
rnrn
Џеки Кенеди
rnrn
Грејс Кели го фотографира Френк Синатра
rnrn
Мет Дејмон и Бен Афлек
rnrn
Едвард Нортон
rnrn
Џони Деп
rnrn
Хит Леџер
rnrn
Пол Макартни
rnrn
Мајкл Сера
rnrn
Џејмс Франко
rnrn
Мадона
rnrn
Анџелина Џоли
rnrn
Мајкл Џексон
rnrn
Дајен Кругер
rnrn
Кејт Мос
rnrn
Мерлин Монро

rnrn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

August 20, 2012
Можете ли да се сликате со овошен фотоапарат?

Еко-дизајнерот и фотограф Ден Крету изработува скулптури од овошје и потоа ги фотографира. Мислите дека ќе излезете добро на фотка направена со ваков фотоапарат? 🙂Неговите еколошки скулптури се достапни и во зеленчукова, а и во комбинирана варијанта.
rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

July 6, 2012
Реконструкција на познати филмски сцени направени на разни локации низ светот

Ален Фјуква има две големи страсти: да патува по светот и да гледа филмови. Како и секој друг турист, за време на бројните патувања направил огромен број фотографии покрај разни знаменитости, па откако му здодеале, добил оригинална идеја како да го избегне тоа во иднина. Идејата ја преточил во проект кој го нарекол „Movie Mimic“ (Филмски имитации).rnrn
Возење (Drive)
rnrn
28 дена подоцна (28 Days Later)
rnrnКога патува, Ален оди на локацијата каде што е снимена одредена филмска сцена и целосно ја реконструира со тоа што композицијата на фотографијата од филмот е многу слична со онаа неговата. Тој влегува во улогата на познатите актери така што се поставува исто како нив, со него има и статисти, а тие дури имаат и ист израз на лицето.rnrn
Настанокот на планетата на мајмуните (Rise of the Planet of the Apes)
rnrn
Бурни времиња во Риџмонт Хај (Fast Times at Ridgemont High)
rnrn
Без обврски (No Strings Attached)
rnrn
Доцна пролет (Late Spring)
rnrn
Шепотот на срцето (Whisper of the Heart)
rnrn
Загубени во преводот (Lost in Translation)
rnrn
Амелија (Аmelie)
rnrn
Вистинска љубов (Love Actually)
rnrn
Италијанска работа (The Italian Job)
rnrn
Полноќ во Париз (Midnight in Paris)
rnrn
Вики Кристина Барселона (Vicky Cristina Barcelona)
rnrn
Вики Кристина Барселона (Vicky Cristina Barcelona)
rnrn
Пред зајдисонце (Before Sunset)
rnrn
Талентираниот г-дин Рипли (The Talented Mr. Ripley)
rnrn
10 нешта кои ги мразам кај тебе (10 Things I Hate About You)
rnrn
Изворен код (Source Code)

rnrn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn

May 4, 2012
Трикови и совети за подобри фотографии

Дигиталните фотоапарати имаат сè поголема улога во нашиот живот. Без разлика дали пред некој ден сте го купиле вашиот прв фотоапарат или веќе со години ги фотографирате најдобрите моменти од вашиот живот, погледнете ги овие неколку трикови и совети. Доколку се придржувате до нив, вашите фотографии ќе бидат многу подобри, повпечатливи и попрофесионални од досегашните…rnrnrn

Проверете ги поставките пред да почнете со фотографирање

rnВеднаш по притискањето на копчето „on“ проверете ги „сетинзите“ на вашиот фотоапарат. Можеби последниот пат кога сте го употребиле сте биле на затворено или пак, било навечер. Доколку поставките не одговараат добро за фотографирање во околината, би можеле целосно да ги уништите наредните неколку фотографии.rn

Забрзајте го вашиот фотоапарат

rnНајголемите жалби се однесуваат на недостиг од брзина помеѓу фотографиите. Секако вие не можете да го претворите фокусот во ферари, но има неколку трикови кои ќе ви помогнат да не притискате бесцелно со прстот на копчето за сликање додека чекате претходната фотографија да се запомни.rnrnПрво најдете ја опцијата „Burst“ или „Continuous mode“ во менито и одберете ја најголемата брзина. Потоа исклучете ја опција за преглед на фотографиите (да не се појавуваат на мониторот после секое снимање). Добар додаток на овие трикови би било и доколку имате побрза мемориска картичка.rnrnrn

Секогаш одбегнувајте дигитален зум

rnИ покрај тоа што ја имате таа можност, фотографиите со дигитален зум изгледаат ужасно. Најдобро би било доколку не го надминувате оптичкото зголемување кое го нуди вашиот фотоапарат или едноставно исклучете ја таа можност од менито.rn

Одлични портрети – во секое време

rnВградениот блиц на вашиот фотоапарат би требало да се употребува за повеќе работи, а не само за внатрешни забави. Наредниот пак кога ќе сликате портрет, погрижете се да ви биде вклучена опцијата „Fill Flash“ или „Forced Flash“ во зависност од моделот. На овој начин и покрај дневната/собната светлина, вашиот блиц ќе се активира и ќе ви го осветли секој дел од ликот рамномерно, елиминирајќи ги несаканите сенки.rnrnrn

Трикови за штедење на батеријата

rnНема ништо полошо од празна батерија во критичен момент. Секако дека најдоброто решение за ова би било доколку ги наполните батериите вечерта пред да излезете. Но, постојат и други начини на дополнително искористување на батеријата доколку таа е при крај.rnrnДоколку на вашиот фотоапарат имате WiFi или вграден GPS, исклучете ги целосно. Исто така доколку имате оптички стабилизатор за фотографиите, исклучете го и него. Можеби фотографијата на крај ќе ви излезе малку матна, но барем ќе ја имате. Намалете ја и светлината на мониторот и исклучете ја и опцијата за преглед на фотографиите.rnrnНе пробувајте да заштедите батерија така што ќе го исклучувате фотоапаратот после секоја фотографија, бидејќи на тој начин само побрзо ќе ја дотрошите.rn

Секогаш фотографирајте со најдобар квалитет

rnВеднаш по купувањето на нов фотоапарат, проверете ја оваа опција. Бидете сигурни дека квалитетот на фотографијата (резолуцијата или пикселите) се на највисоко ниво, а потоа проверете ја компресијата доколку ви е достапна. Тука можете да наидете на многу ѕвезди, броеви и зборови како добро, подобро, најдобро. Секогаш одбирајте го највисокoто ниво, што е еднакво на најмала компресија, бидејќи тоа значи и попрецизна фотографија во поглед на деталите.rnrnrn

Вклучете ја координатната мрежа на мониторот

rnОваа можност ќе ви помогне да не правите „криви“ фотографии. Поставете ги линиите на мониторот паралелно со хоризнтот и ќе добиете совршено „права“ фотографија. На овој начин пејзажите, вертикалните и групните фотографии ќе ви изгледаат многу попрофесионално. Дополнително, точките каде што се пресекуваат линиите се добра позиција за поставување на вашите предмети на фотографирање.rn

Совети од Холивуд

rnРежисерите од Холивуд постојано работат напорно за усовршување на нивната работа, но и вие можете многу лесно да направите добро видео. Прво, проверете дали ви е вклучен стабилизаторот за фотографиите и дали се наместени поставките на највисок квалитет. Откако ќе започнете со снимање, секогаш одржувајте го вашиот фотоапарат во хоризонтална положба и воздржувајте се од нагли движења лево-десно или горе-долу, како и од многу брзо зумирање. Доколку сакате да снимите убав пејзаж, секогаш движете го фотоапаратот многу бавно од лево кон десно.rnrnrn

Не бидете премногу сензитивни

rnПроизводителите секогаш се фалат за сензитивноста на нивните фотоапарати, тврдејќи дека тие можат да прават одлични фотографии на многу слаба светлина. Во некои случаи тоа е вистина, но во повеќето не е.rnrnСензитивноста се мери преку ISO рејтинг кои се движи од 100 до 16.000 и повеќе… Кога опцијата ви е поставена на „Auto“, фотоапаратот ќе избере максимална ISO вредност при услови на слаба светлина. Но, ова може да даде ужасни резултати како дигитални точки кои ја прекриваат фотографијата, на која едвај може да се види што се наоѓа.rnrnДоколку вашиот фотоапарат има лимит во овој поглед, изберете од 400 до 800 и на тој начин ќе имате почисти фотографии. Но, доколку имате време тестирајте во затворени простории, без блиц, со различна сензитивност и потоа проверете ги фотографиите да видите со кој ISO рејтинг ќе имате најдобри резултати и во иднина употребувајте го него.rn

Експериментирањето е одлично

rnУбавината кај дигиталните фотоапарати е што можете да направите илјадници фотографии за многу брзо време. Испробајте ги сите комбинации на копчиња кои ви изгледаат примамливо, па ако нешто не ви се допаѓа можете многу брзо и лесно да го избришете и да почнете од почеток.rnrnДоколку притиснете нешто погрешно и после не знаете како да се вратите на првичните опции, не грижете се… Отидете во менито и од поставките изберете ја опцијата „Reset All“. Во ретки случаи при вакви експерименти може да ви се замрзне мониторот на фотоапаратот и тогаш најдобро би било да ја извадите батеријата и повторно да ја вратите. Кога ќе го вклучите фотоапаратот ќе биде како ништо да не се случило.

May 3, 2012
Фотографии од Авганистанци кои никогаш не виделе фотоапарат

Серијата фотографии „Вахан, другата страна на Авганистан“ на француските фотографи Fabrice Nadjari и Cedric Houin на фасцинантен начин ги портретира жителите на изолираниот авганистански регион Вахан, во ситуација кога тие за првпат во животот се среќаваат со фотоапарат.Воодушевени од земјата, Фабрис и Седрик сакале на светот да му го прикажат овој ретко посетуван регион лоциран близу границата со Таџикистан, Пакистан и Кина. Портретите се направени така што ги сликале помалку срамежливите селани додека во рацете држеле сопствени фотографии кои претходно биле направени со Полароид.Вахан е толку изолиран што на ниту еден начин не се чувствува дека во земјата владее војна. Фотографиите се направени токму со цел да го урнат стереотипот кој Авганистан го поврзува само со Талибанците, тероризмот и со убивањето.
rnrn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

April 26, 2012
Сосема нов начин на фотографирање со фотоапаратот „Ubi“

Фотоапаратот „Ubi“ е уште еден несекојдневен изум на Јапонците. Овој фотоапарат нема ниту дисплеј, ниту визир (viewfinder). Што ќе содржи вашата фотографија зависи од тоа како ќе ги поставите прстите, бидејќи во овој случај тие ја преземаат улогата која ја имаат визирот и дисплејот. Значи, палците и показалците се поставуваат во форма на правоаголник и со тоа се обележува рамката на фотографијата, а за да сликате потребно е да притиснете со палецот на копчето кое се наоѓа од страна.Фотоапаратот има сензор кој го мери растојанието помеѓу лицето на фотографот и самиот фотоапарат. Измереното растојание се користи за зумирање. Иако зумирањето се прави дигитално преку компјутерот, потребно е да се знае колкаво е растојанието за да се постави соодветно и зумот.

rn

Засега фотоапаратот е поврзан со компјутер, но во иднина планираат да дизајнираат самостојна верзија. Уште една работа која планираат да ја променат е сензорот за растојание. Засега тие користат инфрацрвен сензор кој може да направи проблем при детекцијата на лицето на фотографот поради светлина од околината, па затоа планираат да го заменат со техниката на препознавање ликови.Овој концепт е развиен од истражувачката група во јапонскиот институт за современа уметност и наука. Моменталната верзија на фотоапаратот е 1.0. Иако „Ubi“ има недостатоци и изгледа доста чудно и недоволно софистицирано, тој има потенцијал да премине во нешто воодушевувачко во следната 2.0 или 3.0 верзија.

rnrn

rn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

April 11, 2012
По што најпрво би посегнале во случај на пожар?
Скромни, фалбаџии, сентиментални, практични…, различни сме дури и во неволја. Во тоа ќе се уверите и преку проектот „The Burning house“, кој ни поставува хипотетичко, но многу едноставно и добро прашање: „Што би понеле со себе, ако избувне пожар во вашиот дом?“ Идејата е генијална, а одговорите шаренолики.rnrnПрочитајте како на оваа тема размислуваат луѓе од различни делови на светот, на различна возраст, со различна професија…rn
rn

1. Брет Роговски

rn
- Години: 38
- Живеалиште: Пенсилванија, САД
- Професија: програмер, фотограф
rn rnrnЛиста: џебно ноже, дрвен украс – татко со бебе (имавме проблеми со зачнувањето на првото дете, затоа овој подарок ми е од особена важност), медали од многу маратони, паричник, моите омилени Мизуно чевли, облека за моите две девојчиња, медицинска цуцла, хартиено маче – Paper mache cat (по едно вакво имавме јас и сопругата кога се сретнавме), мојата гитара (единствениот предмет кој го чувам повеќе од 15 години), вино од 2008 година (од денот кога се роди мојата ќерка), моето верно куче Gimli, пиротехника, кутија со различни цвеќиња (што ми ги подари сопругата пред повеќе од 11 години), црвен пипер, очила, моето омилено пенкало, мемориските картички, ајфон, ајпад, фотоапарат Canon 40D, 50 милиметарски и 125 милиметарски објективи, компјутер Dell 2600 (мојот живот е речиси комплетно дигитализиран во моментов), монохроматска слика од 2005 година.rn
rn

2. Алекс Боениш

rn
- Години: 23
- Живеалиште: Филаделфија, Пенсилванија
- Професија: графички дизајнер
rn rnrnЛиста: фотоапарат Canon Rebel Eos T2i со Tamron 17-50 милиметарски објектив (со него фотографирам), пиштол Sig Sauer P226 (Dark Elite), инхалатор (ќе ми треба после ползењето низ чадот), преклопен нож, мултифункциско ноже, омилената фотографија со мојата девојка, клучеви, визит карти, паричник, стара фотографија од дедо ми и неговиот автомобил, фотографија од баба ми (која ја направил дедо ми), обичен мобилен телефон, а не ајфон. Чудно, нели? 15-инчен лаптоп Macbook Pro.rn
rn

3. Кери Пол

rn
- Години: 19
- Живеалиште: Њу Џерси
- Професија: сè уште е студент
rnrnrnЛиста: сите луѓе и домашни миленичиња, велосипед, виолина, првото издание на речникот Вебстер од 1930 (подарок од дечко ми), платна, четки, маслени бои, лаптоп, мојот портокалов паричник, телефон, ајпод, очила, бисерен ѓердан и обетки од прабаба ми, бројаница што ѝ припаѓала на баба ми, прстен од кожа (ми го направи мајка ми), полароид фотографија од моето куче, обувки за планинарење, чантата на мајка ми (купена е во источен Берлин, пред падот на Берлинскиот ѕид), две од моите омилени плишани играчки, стари каубојски чизми од мојата мајка.rn
rn

4. Кејт Мекаули

rn
- Години: 36
- Живеалиште: Австралијка која моментално живее во Лондон
- Професија: писател
rnrnrnЛиста: мачка, скршена школка (првото нешто кое мојот сакан ми го подари по кусо време откако се запознавме во Порт Морезби, Папуа, Нова Гвинеја), потоа жад и сребрени обетки (исто така, подарок од мојот сакан, купени се во Мускат, Оман), сребрена нараквица (повторно подарок од него, купена е на пазар во Дуала, Камерун), копии на баба ми од делата на Оскар Вајлд, брезлетна од пазар во Кипар (подарок од саканиот), растенија од градината на мајка ми во Сиднеј и од мојот двор во Дубаи, орхидеите што ги добив за роденденот, еден куп бележници (во кои ги запишувам моите планови и прозата за моите новели), лаптоп Macbook Pro (во него се сместени мојот речиси завршен роман, фотографии и музика), ајфон, бронзена статуетка (купена во Дуала, Камерун), сребро, зелена ткаена шапка од Сиднеј, врамени фотографии од мене и од саканиот (сликани сме кај Гранд Кањон и пред Лувр), кактуси од Икеа.rn
rn

5. Марта Васакс

rn
- Години: непознато
- Живеалиште: Сан Франциско
- Професија: инвеститор/колекционер
rnrnrnЛиста: уметничка слика од боксер од 1935 година, две стаклени човечиња (подарок кој го купив за мојот татко), сет од моливи од Tombow, стари фотографии и фотографии за лична карта, материјал за цртежите на коишто работам во моментот, папка со скици од завршени портрети, моите чизми, ајпад 2 со слушалки и ајфон.rn
rn

6. Кристијан Барон

rn
- Години: 39
- Живеалиште: Бон, Германија
- Професија: фотограф
rnrnrnЛиста: моите омилени плочи (Kraftwerk, Kruder & Dorfmeister, Stone Roses, Dj Shadow, Pixies, Smiths, Blumfeld), часовник, телефон, хард диск со поголемиот дел од моите фотографии, мојот leica М7 со 35 милиметарски објектив, еден долар (којшто ми остана од моето прво патување во САД од пред 20 години), омилениот ремен, фармерки ramone (не се прикажани на фотографијата, бидејќи во моментот ги носам на себе), шише џин (ограничена серија), збирка од моите омилени испечатени фотографии, емулзија, мојот Hasselblad со 80 и 180 милиметарски објективи и две папки со најважните негативи.rn
rn

7. Матео Сартори

rn
- Години: 44
- Живеалиште: Торино, Италија
- Професија: фотограф, програмер
rnrnrnЛиста: лаптоп, надворешен хард диск, телефон, мојата музика, најновите книги (оние кои сè уште не ми се прочитани), моите патувачки записи, неколку семејни фотографии, пасош, удобна облека и обувки, паричник, батериска ламба, повеќенаменско џебно ноже, камера.rn
rn

8. Емили Лорк

rn
- Години: 30
- Живеалиште: Далас, Тексас
- Професија: блогер, писател
rnrnrnЛиста: забавни игри од детството (за носење), омилената чаша за кафе, пасоши, гитарата Гибсон од 1962 година (од мајка ми), омилен ремен, изводи на родените и на венчаните, машина за пишување „Royal Quite Deluxe“ од 1941 година (подарок од драги пријатели), лаптоп Macbook, ајфон, паричник, клучеви, чековна книшка, античка виљушка од коска (подарок од татко ми), кутија со рецепти и книга на баба ми, кожен дневник (со писмата од мене и мојот сопруг, кои си ги пишувавме еден на друг во изминатите 5 години), сина марама од мајка ми (од 1960 година), омилениот соларник и сад за црн пипер (ме потсетуваат на мојата сестра близначка), старомоден сад (подарок од мајка ми), античка кутија со пари (со заштедата за 25-годишнината од нашиот брак), фотоапарат Canon 40D (со него ја направив и оваа фотографија).rn
rn

9. Роан Андерсон

rn
- Години: 35
- Живеалиште: Баларат, Австралија
- Професија: фотографија и дизајн
rnrnrnЛиста: Часовник за нуркање Никсон, јапонски нож со коскена дршка (го поседувам цели 22 години), батериска LED ламба, ајфон, фотоапарат Nikon и објектив од 50mm f/1.4, 500 гига хард диск, лаптоп Macbook, очила (не гледам без нив), нож, CZ 22 Магнум (омилено оружје за лов), фармерки G-Star и јакна Barbor.rn
rn

10. Дејвид Когинс

rn
- Години: непознато
- Живеалиште: Њујорк
- Професија: писател, сценарист
rnrnrnЛиста: првото издание од Големиот Гетсби, две добри пенкала, отворач за шише, часовник, држач за цигари, матарка, омиленото англиско одело, чевли, вратоврска, антички казино чип, картичка за телефон, календар Smythson (п.с. килимите на фотографијата не се вклучени).rn
rn

11. Рајли Мекмастер

rn
- Години: 22
- Живеалиште: Ванкувер, Канада
- Професија: нема (невработен)
rnrnrnЛиста: Ако мојата куќа се запали, ќе се обидам да зграбам парче пица од фрижидерот. Пламените јазици можат само да го испечат. И додека седнат во тревникот набљудувам како се кремираат сите мои животни колекции и куп непотребни работи, ќе се тешам со вкусното парче пица. :-)rn
rn

12. Кенис Милер

rn
- Години: 16
- Живеалиште: средношколец на размена во Загреб, Хрватска (доаѓа од САД)
- Професија: нема
rnrnrnЛиста: дневник (мојот живот во една книга), шапка од H&M, омилените чевли, чевлите за балет, Nikon D3000, моите зум објективи, Minolta XG-M, мобилен телефон, марама, кафена кожена јакна (не е прикажана на фотографијата), пасош (имам големи амбиции, сакам да ги посетам сите места во светот… не можам да бидам долг период на една локација).rn
rn

13. Викторија Торн

rn
- Години: 52
- Живеалиште: Калифорнија
- Професија: мајчинство, уметник
rnrnrnЛиста: децата, нивните уметнички дела, полароид од најмладот син (фотографиран на 3-годишна возраст), омилените книги (мои и на сестра ми), книга од мајка ми, торбата со мапи на татко ми, белегзија од еден пријател, брош направен од мојата прабаба, кучето, фотографии, намирници, прстен… Но, на крајот на краиштата, сè што навистина ви треба е љубов.rn
rn

14. Хариет Хортон

rn
- Години: 24
- Живеалиште: Лондон
- Професија: препаратор на животни
rnrnrnЛиста: мојата девојка (не е на фотографијата), препариран Феникс, лаптоп, ајпод, слушалки, Блекбери, паричник, скулптура од светицата Фатима, фотографии од детството, чевли.rn
rn

15. Памела Лопс

rn
- Години: 33
- Живеалиште: Париз, Франција
- Професија: дизајнер
rnrnrnЛиста: водич за тоа како да се изгради дрвена куќа, чекан, кабел, клинци, стари фотографии од семејството и од пријателите.rnrnПроектот е отворен и за вашите одговори, кои слободно можете да ги споделите и тука со нас…rn
rn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
March 13, 2012
Футрола која вашиот ајфон го трансформира во вистински фотоапарат

Автор: Маја ВладимироваrnrnСо оглед на популарноста на овој смартфон, не е зачудувачки што компаниите често нè изненадуваат со разни додатоци наменети за него, кои или го разубавуваат или му додаваат функционалност. Ваков новитет е и оваа футрола од „Photojojo“, која вашиот ајфон ќе го опреми со сите функционалности и карактеристики кои ги поседува еден класичен фотоапарат, како што се визирот (viewfinder), копчето за фотографирање (shutter button), бројчињата на леќата (aperture number) и стативот (tripod mount).Футролата е додаток за ајфон на којшто љубителите на фотографијата нема да можат да му одолеат. Тој едноставно ќе го трансформира вашиот смартфон во фотоапарат кој можете да го закачите на вратот и да правите неверојатни фотографии со него.Иако оваа футрола е дизајнирана во „old-school“ стил, тоа нема никакво влијание врз фотографиите. Вие сè уште ќе ги добивате високо квалитетните фотографии карактеристични за ајфон, како и моменталното задоволство создавајќи ги истите.И додека вашиот ајфон е маскиран во фотоапарат вие сè уште ќе можете да ги користите неговите вообичаени функционалности.Доколку ви се допадна овој додаток, можете да го добиете за 65 долари (само футролата) или за 99 долари (футролата заедно со три леќи).
rnrn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 8, 2012