КАФЕ ПАУЗА

Tag: спиритуално

6 знаци дека сте спиритуално поврзани со некого

Во текот на животот запознаваме голем број луѓе, а секој од нив е уникатен на свој начин. Сепак, постојат само неколку луѓе со кои можеме вистински да се поврземе. Со некои од нив развиваме спиритуална врска, а таа може да трае вечно бидејќи е многу подлабока од нормалната врска. Во продолжение прочитајте кои се знаците дека сте спиритуално поврзани со некого.rnrnrn

1. Вашиот инстинкт не ве лаже

rnВие едноставно знаете дека можете да развиете подлабока врска со оваа личност и овде нема простор за никакво сомневање. Кога сте спиритуално поврзани со некого, вашиот инстинкт најдобро функционира иако понекогаш не можете да најдете логична причина зошто е тоа така.rn

2. Се чувствувате сигурни

rnКога сте духовно поврзани со некого, присуството на таа личност ве смирува и за миг исчезнува сета ваша вознемиреност, нервоза и стравови. Се чувствувате безбедно кога тие се во ваша близина и тие ви даваат енергија и сила да продолжите да чекорите напред, особено во тешките моменти.rn

3. Се чувствувате слободни

rnПрисуството на личноста со која сте длабоко поврзани ве прави похрабри и ви дава поттик да бидете она што навистина сте.rn

4. Имате чувство дека сте ја познавале личноста цел живот

rnИако тукушто сте се запознале, сепак вашата блискост ви остава впечаток дека многу одамна сте се запознале со личноста.rn

5. Им верувате

rnИнстиктивно им верувате, и тоа не само поради длабоката врска меѓу вас, туку и бидејќи тие се добри и доверливи по природа. Има нешто во нив што секогаш ве тера да им верувате.rn

6. Комуницирате во тишина

rnКога сте духовно поврзани со некого, нема потреба да ја изразувате вашата радост или вашиот страв за да им оставите до знаење како се чувствувате затоа што тие се свесни за тоа. Тие можат да го протолкуваат вашето расположение и знаат што точно треба да направат за да се чувствувате подобро.rnrnОткако ги прочитавте кои се знаците дека сте спиритуално поврзани со некоја личност, можеби ќе сакате да ги прочитате и 34-те позитивни афирмации кои ќе го поддржат вашето духовно созревање.rnrnИзвор: themindsjournal.com

January 21, 2022
4 знаци кои покажуваат дека ова не ви е првиот живот на Земјата: Вашата душа веќе била овде!

Реинкарнацијата сè уште е духовен концепт. Таа претставува способност на душата да го напушти телото по смртта и да се префрли во друго. Некои наводно се враќаат на овој свет за да ја олеснат својата карма, а некои пак за да им помогнат на другите да се развијат.rnrnrnrnАвторот на книгата „Наука за спиритуализам и метафизика“, Стивен Банкарз, не само што верува дека реинкарнацијата е возможна од научно гледна точка, туку и ни претставува 4 знаци кои покажуваат дека не го живеете вашиот прв живот на Земјата. Во продолжение прочитајте ги 4-те знаци кои покажуваат дека вашата душа е многу постара од вашето тело:rn

1. Многу добро ги читате луѓето

rnУште од детството сте забележале дека еден поглед на некоја личност е доволен да сфатите нешто во врска со неговиот живот. Штом разговарате неколку минути со некоја личност, можете да сфатите дали е среќна или пак кои се нејзините грижи.rn

2. Уживате во самотијата

rnЗнаете како да уживате во самотијата и времето кое можете да го посветите само на себе. Тоа не е затоа што сте социопат, туку затоа што едноставно обожавате да бидете сами. Тоа е така, бидејќи од некоја причина знаете подобро од другите дека времето потрошено на гледање ѕвезди е поинтересно од времето поминато во трговскиот центар. Бидејќи не сте првпат на овој свет, сега многу подобро знаете што ви одговара и не се правдате на другите околу вас.rn

3. Не ви допаѓаат доделените улоги во животот

rnУчилиште, работа, семејни празници… Вие сте во чекор со овие настани, но сте свесни дека ова не е најдобриот начин за живот. Ви се чини дека луѓето не ве разбираат. Понекогаш имате чувство дека сте лав кој е натеран со сила да се однесува како овца. Често ви изгледа дека не го живеете својот живот, туку само ја исполнувате доделената улога.rn

4. Имате необичен ефект врз луѓето

rnЛуѓето често бараат ваш совет, дури и ако сте 10-20 години помлади од нив. Тие знаат дека сте мудри и остроумни, и покрај вашите години. Вие сте трпеливи, самоуверени, искрени и интроспективни. Она што вие го разбирате и го сфаќате за време од една година, на некого му требаат 10 години.rnrnВие веќе сте поминале низ сето ова. За вас е многу полесно да се справите со животните проблеми, отколку на другите. Не сте опседнати со достигнување на социјален статус, материјални работи, слава…rnrnПогледнете ги и овие 19 фотографии со славни ѕвезди и наши предци што ќе ве натераат да поверувате во реинкарнација.

August 14, 2019
Која е спиритуалната дарба на вашиот хороскопски знак?

rnПокрај останатите квалитети и карактеристики, секој хороскопски знак има и свои спиритуални дарби и таленти. На тој начин успеваат да воспостават баланс во себе, но и да ги задржат мирот и фокусот. Дознајте која спиритуална дарба ја има вашиот хороскопски знак.rnrnrn

Овен

rnКон спиритуалното, пристапуваат како и кон сè друго во животот – директно. Искрени се во своите намери и верувања, но претераната самодоверба може да ја засили ароганцијата.rnrnНивниот карактеристичен спиритуален талент е прекогницијата, па затоа тие умеат да дознаат сè пред сите останати.rn

Бик

rnБиковите полека, но сигурно, чекорат кон спиритуалниот развој. Внимателни се, но и умеат да се чуваат од психички напади. Поради тоа што се реални и отворени, лесно учат нови спиритуални дисциплини.rnrnПарапсихологијата е нивниот специфичен талент, па поради тоа полесно ги примаат сите спиритуални траги од околината.rn

Близнаци

rnТие обожаваат да комуницираат и да делат совети на другите, но претераното размислување може да биде пречка во духовното отворање. Поради тоа, потребно е да го ограничат степенот на комуникација.rnrnБлизнаците се родени медиуми, па доколку ја негуваат оваа дарба, можеби еден ден ќе може да бидат поврзани со духовниот и реалниот свет истовремено.rn

Рак

rnЧувствителен и внимателен знак, чии стравови можат да ја блокираат комуникацијата. Нивната сочувствителна страна е позитивниот дел од нивната личност, но и се доволно мудри да препознаат ако некој си поигрува со нив.rnrnРаковите интуитивно разбираат слики и симболи, па би можеле да бидат надарени за толкување тарот карти.rnrnrn

Лав

rnЛавовите уживаат во вниманието што го добиваат од другите, а имаат и изразена интуиција, која често се граничи со видовитост. Она што им пречи да го остварат својот природен спиритуален талент, е големото его.rnrnВидовитоста, односно талентот да се претпостават одредени последици и случувања, може многу да им помогне и на самите Лавови, но и на нивните блиски.rn

Девица

rnТие имаат голем потенцијал, кој за жал, е згушен од недостатокот на самодоверба и лежерниот став кон животот. Доколку ги победат овие пречки, лесно може да пристапат до библиотеката на духовните знаења.rnrnТие обожаваат астрологија, а и често може точно да го погодат вашиот хороскопски знак само врз основа на краток разговор или од самата ваша појава.rn

Вага

rnВагите тешко ја прифаќаат спиритуалната енергија, бидејќи се плашат дека погрешно ќе ја користат. Затоа, треба да бидат храбри и отворени и да престанат да ја негираат својата спиритуална енергија.rnrnРодени се за Таи Чи или било која друга медитација во движење. Поради тоа, спиритуалната енергија е лесно достапна за нив, од моментот кога ќе ја препознаат.rn

Скорпија

rnТие се мистични и поседуваат голем потенцијал за канализирање на спиритуалната енергија. Воодушевени се од окултното и непознатото и сакаат да ја истражат оваа тематика.rnrnОна за што се талентирани е телепатијата. Сакаат да дознаат што другите мислат, но и да се обидат да манипулираат со мислите на другите.rnrnrn

Стрелец

rnОвој знак е скептичен во однос на тоа дали верува во спиритуалноста, но секогаш добива јасен знак дека постои нешто над светот кој ни е познат. Во кризни ситуации тие успеваат да ја увидат и препознаат спиритуалната енергија која ги следи.rnrnТие би можеле да бидат одличен астрален патувач, во моменти кога се целосно отворени за енергијата на спиритуалниот свет.rn

Јарец

rnТие спиритуалниот свет го сфаќаат сериозно и ги нервира кога некој се обидува да го побие нивното мислење. Нив ги привлекуваат старите спиритуални обреди, додека кон новите се сомничави и скептични.rnrnЈарците може да покажат талент во толкување на древни записи, руни или други знаци поврзани со спиритуалноста.rn

Водолија

rnВодолиите се свесни дека постои нешто над овој свет, но трагаат по рационален научен одговор на спиритуалните феномени на кои сведочат. Но, тие ја чувствуваат енергијата на другите ентитети.rnrnСо помош на спиритуалниот канал со другите ентитети, нивната свест може да гледа и слуша што таму се случува.rn

Риби

rnТие се вистински емпати, препуштени на спиритуалните вибрации. Често се преполнети со емоции кои им ги мешаат спиритуалната енергија и реалноста.rnrnЗа Рибите може да се каже дека се екстрасенс, односно исклучително чувствителни луѓе кои можат да ја почувствуваат вашата болка, емоција и психолошка состојба.rnrnПрочитајте повеќе и за осмата чакра.

May 22, 2018
Одлучете што навистина сакате од животот според советите од еден шаман

Секое човечко суштество често чувствува дека нешто му недостига во животот, но не може да дојде до одговорот што точно е тоа. Може да имаме доволно пари за да купиме сè што сакаме или пак да отидеме на патување за кое одамна сонуваме, но иако мислиме дека токму тоа ни фали, повторно постои онаа мала нејасна празнина која никако не се пополнува. Проблемот, најчесто, лежи во очекувањата што општеството ги има (или сметаме дека ги има) за нас.rnrnrnrnКолку и да мислиме дека дека се знаеме себеси, шаманот Дурек смета дека единствениот начин да се запознаеме целосно е да дозволиме срцето да биде она кое нѐ води низ животот. На тој начин би престанале да правиме нешта што другите ги сакаат, а очекуваат и ние да им се придружиме. Всушност, сосема е во ред да не отидете на концертот што не ви се допаѓа само затоа што целото друштво е таму, ниту пак треба да очекувате да ви се допадне храната во ресторанот кој важи за место со врвна гастрономија. Кога би излегле од рамките кои ги поставува општеството, тогаш ќе постигнете социјална независност.rnrnШаманот Дурак им помага на луѓето да ја разбудат својата внатрешна индивидуална моќ и ги потсетува дека не мора да го прават она што не сакаат. Вие можете исто така да го примените овој совет. Сетете се, во светот не постојат две исти дрвја или две исти животни, па така и луѓето треба да излезат од „калапот“ кој општествените правила го креираат.rnrnrnrnРазбудете ја вашата внатрешна енергија, на која ѝ е доста од играње туѓи игри. Вие не сте она што сте го научиле, вие сте она што вашето срце и душа кажуваат дека сте. Она што го поседувате и она што сте го постигнале се делови од вас, но не ве дефинираат како личност. Пронајдете ја вистината во себе, за конечно да дознаете кои сте вие. Дозволете му на срцето да ви ги покаже вашите моќи, пронајдете ја спиритуалната независност и владејте со себе, онака како што е правилно за вас.rnrnОбидете се да го направите тоа на следниот начин:rnrn1. Следете каде ја трошите енергијата. Што прави да се чувствувате добро? Кои негативни сили ве обесхрабруваат? Идентификувајте ги и елиминирајте ги. Велете си во себе: „Ги бришам сите податоци поврзани со овој лош настан и си дозволувам да функционирам автентично и со љубов.“rnrn2. Пред да купите нешто, запрашајте се: „Дали ако го имам ова ќе станам помоќна личност која ја следи својата вистина?“rnrn3. Водете дневник за тоа што ви одзема најмногу енергија и ви ја руши менталната концентрација во текот на денот. На што вашиот ум останува концентриран најдолго? Дали вашите мисли се обземени од љубов, желба за пари, мисла за здравје или целење кон успех? Овие одговори ќе ве насочат кон тоа што навистина сакате од животот.rnrnДознајте ја и тајната на среќата според јапонската филозофија.

May 20, 2018
Дали знаевте дека постои и 8-ма чакра? Прочитајте како да ја активирате

Сите ги знаеме седумте главни чакри преку кои ја впиваме животната енергија и го чуваме физичкото и емотивното, но и духовното здравје. Низ нив поминуваат земските енергии, но и вселенските вибрации и помагаат во формирање на нашиот духовен идентитет. Но, дали знаевте дека под и над седумте главни чакри постојат по уште пет трансперсонални чакри?rnrnrnrnДел од овие чакри не располагаат со доволно високи фреквенции и воопшто не е лесно да им се пристапи, но она што е важно е дека се клучни за спиритуалниот развој и разбирањето на светот. Чакрата која се наоѓа веднаш над седмата, таканаречената крунска чакра, се нарекува ѕвезда на душата или Ауреола. Нејзе успеваат да ја активираат спиритуално напредните лица кои постигнале небесна светлост.rnrnНејзина главна функција е поврзаноста меѓу вашите возвишени личност и душа со инкарнираните ваши личност и душа. Истовремено е и последна чакра која содржи човечки особини и помага нашите главни чакри да создадат целина со трансперсоналните. Таа претставува портал за бесконечна и чиста духовна енергија. Кон неа може да пристапите доколку веќе сте успеале да достигнете отворање на седумте главни чакри, со примена на системи на вежби кои ја канализираат енергијата нагоре.rnrnrnrnАуреолата служи и за да ги филтрира духовните фреквенции и да пропушти само толку колку што човечкото тело може да поднесе. Колку повисока фреквенција успеваме да поднесеме, толку помалку работа ќе има ѕвездата на душата. Фактори кои влијаат врз Ауреолата се вибрациите кои потекнуваат од стилот на живот, исхраната, енергијата, потсвесноста и вербата.rn

Канализирање на енергијата на осмата чакра

rnСамото отворање на чакрите е долг медитативен и духовен процес кој се одвива постепено, во етапи. Се верува дека Ауреолата го поврзува телото со возвишени спиритуални енергии кои постојат надвор од овие димензии. Друго верување е дека токму осмата чакра е светлосниот тунел низ кој личноста преминува кога настапува смртта.rnrnОние кои успеале да стигнат до осмата чакра велат дека од тој момент на себе гледаат како на душа која има човечки облик, наместо како човек кој има душа. Со нејзиното активирање, ќе почувствувате силна потреба за да се редефинирате себеси.rnrnrnrnОна на што треба да внимавате е да не форсирате брзо активирање на вашите главни, ниту пак на трансперсоналните чакри, бидејќи на тој начин ќе си предизвикате нагли психички промени и нарушувања, но и ќе го истурнете од баланс вашиот енергетски систем.rnrnОсмата чакра исто така содржи и кармички лекции кои мораме да ги научиме за да може полесно да се ослободиме од тежината на нашето земско искуство, односно да започне процесот на одвојување на егото и духот. На тој начин имаме пристап до повозвишена духовност и откриваме бројни спиритуални тајни.rnrnrnrnОние кои се занимаваат со активности преку кои ги активираат чакрите, тврдат дека не постои повозвишено чувство од тоа. Тие откриваат сосема нова и подлабока димензија на својата личност, полесно балансираат со енергијата и многу лесно можат да пристапат до она што се наоѓа во нивната потсвест. Нештата можат да отидат дотаму што ќе почнат да ви пречат лажните љубезности, лошата храна, штетните навики и пороците. Всушност, со активирање и отворање на главните и трансперсоналните чакри, вие го доведувате телото во состојба во кое тоа се бори да остане здраво, но и да ги исцели постоечките нарушувања. Поради тоа и луѓето кои се занимаваат со спиритуална работа често се доста здрави физички, но и многу напредни на духовно ниво.rnrnНајважно од сè е да не го форсирате овој процес и да најдете инструктор кој ќе ви помогне правилно да го изведете, за да не дојде до преголем проток на енергија низ вашите чакри, а со тоа и нејзино пребрзо празнење. Кога еднаш ќе успеете да ја достигнете оваа духовна возвишеност, се менува и вашата перцепција за реалноста и сите искуства ги поминувате низ спиритуалното ниво на вашата личност.rnrnПрочитајте и нешто повеќе за чакрите – главните енергетски центри на телото!

May 16, 2018
Како да ја вратите духовноста во вашиот сексуален живот и да уживате во љубовното заедништво?
Многумина веруваат дека сексуалноста и духовноста се две сосема различни работи. Се смета дека не можете да бидете духовни, ако имате секс, бидејќи сексот е „грев“. Но, пред догматските идеологии, сексуалноста се почитувала како свето изразување на животната сила и природа. Ако сакате да имате духовен живот, мора да ја почитувате својата сексуалност исто како што ги почитувате сите останати делови од вашата природа. Иако сексот се поврзува со многу валкани и „перверзни“ идеи, самиот чин може да се претвори во нешто свето и длабоко.rnrnrn

Како да се справите со сексуалната вина и срам?

rnСексуалноста е табу тема во нашето општество, бидејќи таа е една од основните сили кои не можеме да ги контролираме. Длабоко во себе, веруваме дека таа е поврзана со оној непознат универзален извор на енергија од каде што потекнуваме и каде што продолжуваме со живот.rnrnЧувството на срам е една од најголемите пречки со којашто многумина се соочуваат кога се обидуваат да ја прифатат сопствената сексуалност. Но, зошто убиствата на телевизија се сметаат за нешто што е „соодветно за гледање“, а љубовните сцени се означени како нешто неприкладно? Зошто е толку тешко отворено да ја прифатиме и признаеме животната сила која постои во нас?rnrnСрамот е емоција што ја учиме од нашето семејство и заедница. Уште од рана возраст учиме поради кои работи би требало или не би требало да се чувствуваме лошо и како резултат на тоа, ја развиваме способноста за чувствување вина. На тој начин, почнуваме да отфрламе одредени аспекти од себе и да ги потиснуваме, како што се сексуалните желби и фантазии.rnrnНекои луѓе ја негираат својата сексуалност и ја отфрлаат како низок физички инстинкт. Тврдат дека треба да се издигнат над неа, а не знаат дека сексот ги создава основните музички мелодии на духот.rnrnСекако дека сексуалноста не може да ве дефинира, но таа е сепак дел од вас. Ако ја негирате, ја блокирате вашата внатрешна енергија што доведува до прекршување на душата и тогаш станувате нецелосни и ограничени, наместо да творите како целина.rnrnrn

Спиритуален секс: 3 вида божествена поврзаност

rnПостојат многу луѓе кои сфатиле дека сексот е моќен алат што помага при трансценденталниот развој. Всушност, духовниот секс е најбрзиот и најлесниот начин да спознаете слично мистично искуство.rnrnСексуалната енергија е еден од ретките инстинкти што постојат во нас и кој никогаш не може во целост да се „цивилизира“. Доколку сте дошле дома уморни после работа и друштвото ве вика да одите во кино, најверојатно ќе одбиете. Но, ако запознаете привлечна личност која ви е достапна, тоа ќе предизвика силна енергија во вас, за која најверојатно не сте ни свесни дека постои.rnrnЕкспертите тврдат дека постојат 3 основни видови секс што можете да ги имате…rn

1. Будна поврзаност

rnПоголемиот дел од првите сексуални искуства со партнерите спаѓаат во овој вид на поврзаност. Кога сме ранливи, интимни, изложени и кога „работиме“ на заедничките пријатни моменти, нашата свесност станува сѐ посилна поради истражувањето на телото на сексуалниот партнер. Таа поврзаност не е толку длабока, туку станува збор за будна свест. Чувствата на ранливост и возбуда го активираат адреналинскиот механизам кој стимулира будност и на тој начин целото искуство е повеќе исконско одошто духовно. Овој вид на секс е многу заразен, бидејќи новите сексуални партнери нѐ наградуваат со тие моменти на „божествена“ состојба на свеста.rn

2. Свесна поврзаност

rnКако што чувствата на ранливост и стимулација слабеат, така слабее и нашата желба за првиот вид на секс. Во свесната поврзаност учиме како да го негуваме урамнотежениот облик на духовниот секс, кој создава баланс помеѓу страсната животинска и сензуално разиграната страна на нашата сексуалност. Во свесната поврзаност ги слушаме нашите сексуални желби, го истражуваме своето тело и телото на нашите љубовници, развиваме подлабока интимност по пат на набљудување и сензуално милување, односно ги следиме нашите најдлабоки форми на сексуално изразување. Тоа честопати предизвикува интензивни чувства на заедништво и љубов кои накратко не водат надвор од земскиот свет. Токму преку вежбање на свесна поврзаност, ќе можете да стигнете до следната фаза на длабока поврзаност.rnrnrn

3. Длабока поврзаност

rnПостои еден убав термин во тантричките белешки напишан на санскрит познат како „Maithuna“, што буквално значи „сексуално соединување“. Тоа е едно од најважните тантрички учења бидејќи свесно го користи „сексуалниот интензитет“ како скала која се издигнува до поголемите висини на интензитетот и се фокусира на духовното просветлување, а не само на физичкото сексуално задоволство.rnrnСексуалниот нагон произлегува од силата на нашите тела и емоции, но сам по себе не е доволно силен за да нѐ подигне на ново ниво на свест. Тантричкиот секс може да ни помогне да доживееме вистинска длабока сексуална поврзаност, преку отелотворување на нашата душа. Овој вид на секс може да се опише само како чувство на бескрајно чисто блаженство, топлина и соединување на идентитети (или губење на егото), особено за време на оргазмот.rnrnДоколку сакате да доживеете длабока поврзаност преку духовен секс, прочитајте ги следниве неколку совети…rn
- Останете во целибат колку што можете подолго. Тоа ќе ја зголеми вашата сексуална енергија и тогаш ќе можете да научите како да ја канализирате. Можеби ќе почувствувате трпки во долниот дел од грбот, но тоа е само духовната енергија што ви помага да го доживеете единството.
- Одвојте време и посветете се само на вашиот партнер. Создадете сензуална атмосфера со свеќи, тивка музика, убава облека од природни материјали, пријатни миризби и слично.
- Седнете еден спроти друг и полека ставете ги рацете на телото на вашиот партнер за да ги разбудите сетилата. Нежно допирајте го телото на партнерот, но не дозволувајте рацете да преминат на ерогените зони, туку само во нивна близина. Оваа состојба на возбудување нека трае колку што сакате.
- Приближете се во заедничка прегратка и вдишете си го здивот. Тоа ќе ви овозможи да остварите свесно соединување.
- Одржувајте контакт со очи во текот на односот. Вашето сведочење на љубовниот чин ќе ви овозможи да останете присутни и да видите дел од таа бесценета убавина.
rnДоколку сакате да доживеете духовно будење за време на сексуалниот однос, прочитајте го овој водич за тантрички секс.
October 26, 2017
Како да се справите со духовната осаменост?

Живееме во свет каде што не е прифатливо да се биде поинаков од останатите. Ако доживеете духовно будење, постои голема веројатност дека ќе почнете да се чувствувате осамени. Но, оваа осаменост не треба да се смета како негативна појава. Напротив, треба да ја прифатите и да научите како да се справите со неа. Иако духовната осаменост е едно од најтешките чувства на светот, верувајте дека можете да ја победите. Прочитајте ги следниве неколку совети кои ќе ви помогнат да се справите со духовната осаменост…rnrnrn

Побарајте други духовно будни луѓе

rnНајдете ги луѓето со коишто сте на иста бранова должина. Овие поединци ќе ве разберат и ќе можат да ви помогнат. Иако духовно будните луѓе се вистинска реткост, ќе можете да ги најдете доколку ги побарате повнимателно.rn

Не заборавајте кои сте

rnВие сте прекрасно човечко суштество кои има своја животна смисла. Не им дозволувајте на несреќните луѓе да ве разочараат. Не заборавајте дека се наоѓате токму таму каде што треба да бидете.rn

Препуштете им се на спонтаните случувања

rnДозволете им на работите да се случуваат сами по себе и престанете да го контролирате светот околу вас. Немојте да станете очајни за друштво и да поминувате време со луѓе што не ви одговараат. Сѐ се случува со причина, престанете да се борите против тоа.rn

Ослободете се од луѓето кои ве уназадуваат

rnНема место во вашиот живот за луѓето кои го попречуваат вашето духовно патување. Ако забележите дека некој не ве поддржува и не ви дозволува да го извлечете најдоброто од себе, веднаш треба да го отстраните тој човек од вашиот живот. Не треба да губите време за луѓето кои не се грижат за вас. Ваквите поединци уште повеќе ќе ја засилат вашата осаменост.rnrnrn

Земете си домашен миленик

rnАко луѓето не се тука за вас, вашиот домашен миленик никогаш нема да ве напушти. Можете да посвоите маче или куче кои биле оставени во засолниште. На тој начин ќе успеете да спасите некое животинче, а тоа е најпрекрасното нешто што можете да го направите во животот.rn

Волонтирајте

rnВолонтирањето значително ќе ви го подобри расположението. Вашата животна цел е да ѝ помагате на планетата и на луѓето и животните кои живеат на неа. Освен тоа, волонтирањето ќе ви помогне да запознаете многу истомисленици и да го пронајдете вашето место во светот.rn

Правете ги работите што ви носат среќа

rnПочнете да се занимавате со некое забавно и креативно хоби. Тоа ќе ви помогне да се развеселите кога ќе бидете тажни. Без разлика дали станува збор за сликање, фотографирање или плетење, одвојте време за вашето омилено хоби.rn

Вежбајте јога или медитирајте

rnМедитацијата ќе ви помогне да се ослободите од сите негативни мисли и да остварите длабока поврзаност со самите себе. Преку медитирањето ќе почнете да водите значајни и духовни разговори со себеси!rnrnСосема возможно е да бидете осамени, дури и тогаш кога сте опкружени со луѓе, особено ако нивното животно патување се разликува од вашето. Не плашете се од изолацијата и применете некои од горенаведените совети за да си го подобрите расположението уште веднаш.rnrnДоколку не сте сигурно дали сте доживеале духовно будење, прочитајте ги следниве 10 главни знаци дека сте го откриле вашиот духовен пат.

September 20, 2017
За оние кои веруваат во натприродни сили: 5 знаци дека вашиот дом е опседнат со духови

Во зависност од тоа колку верувате во духови, дали секое крцкање го припишувате на натприродна сила, или, пак, тоа ви е знак дека треба да го смените паркетот, можно е сите тие мистериозни работи што ви се случуваат дома да ги сфатите како знак дека некој дух ве прогонува или како присуство на некој ваш близок кој починал. Дури и да не верувате признајте дека барем еднаш сте се запрашале дали е тоа возможно. Доколку сте љубопитни прочитајте ги следниве неколку знаци кои го издаваат присуството на духовите, според спиритуалниот медиум Морин Хенкок…rnrnrn

1. Забележувате бесконечен број

rnСпоред Хенкок, ова обично се случува кога некој ваш сакан кој починал се обидува да ви покаже дека е тука. Хенкок објаснува дека вашите сакани ќе ви кажат дека се присутни на различни начини, како на пример преку покажувањето 11:11 на часовникот. Тоа значи бесконечност и нема крај.rn

2. Чувствувате необичен мирис во вашиот дом

rnМоже да станува збор за чад од цигари, дури и никогаш да не сте пушеле во животот. Или, пак, мирисот на некое јадење кое го готвела мајка ви одеднаш е присутен во кујната. Овој мирис може да биде каков било, но тој ќе ве потсети на некој ваш близок кој починал. На овој начин тој се обидува да ве утеши со неговото присуство.rn

3. Не можете да ги објасните проблемите со водоинсталацијата и електричните уреди

rnНекои духови можат да бидат малку поѓаволести од духовите на вашите блиски. Според Хенкок, духот на вашиот сакан никогаш нема да направи нешто што би ве исплашило, туку ќе го покажат нивното присуство на нежен начин поради што ќе се почувствувате сигурни. Но, ѓаволестиот дух може да прави работи што ќе ве исплашат. Понекогаш тој може да ја вклучува и исклучува водата, или ќе чуете трескање на врати. Тогаш станува збор за духови кои се некако поврзани со домот каде што живеете. Според нив, вие не припаѓате тука.rn

„Има некои домови, посебно постари домови, во кои понекогаш се чувствува енергијата на нивните оригинални сопственици, оние кои го изградиле домот. Тие се задржуваат некое време таму и сакаат да бидете свесни за нивното присуство. Можеби се работи за стар човек, чија сенка постојано ја гледате во прозорецот“, објаснува Хенкок.

rnОвие појави особено се зголемуваат, доколку новите сопственици ја реновираат куќата. Исто така, духовите обожаваат светло.rnrnrn

„Честопати тие го одбираат истото светло. Дури и да ја промените сијалицата или да викнете електричар да ја поправи, таа сѐ уште ќе биде под влијание на духот“, вели Хенкок.

rn

4. Се будите во демонско време

rnАко се будите секоја вечер во 3 часот наутро, може треба да намалите со кофеинот навечер. Или можеби има духови во вашиот дом кои сакаат да ве будат.rn

„Границата помеѓу нашиот и спиритуалниот свет е најтенка помеѓу 3 и 5 часот наутро, но најчесто се будиме помеѓу 3:15 или 3:30 наутро. Поради тоа што границата е толку тенка, духовите можат да ве разбудат, па дури и да ви се појават на сон“, вели Хенкок.

rn

5. Во вашиот дом има необјасниви промени во температурата

rnТука не се работи за спалната соба којашто е секогаш ладна. Според Хенкок, ако одеднаш почувствувате студ на вашиот врат и температурата се променила, можно е да станува збор за спиритуално присуство. Буквално ве полазуваат морници и чувствувате како некој да стои зад вас. Ова исто така важи и доколку одеднаш во собата почнува да владее некоја тешка и загушлива атмосфера или станувате нервозни веднаш штом влезете внатре. Сенките и одблесоците што ги забележувате се исто така чести знаци на дух.rnrnrn

Ви звучи познатo? Еве што да направите

rnХенкок предложува неколку работи што можете да ги направите за да се ослободите од духовите што не ги сакате во домот. Вообичаено, повеќето луѓе би се чувствувале пријатно доколку видат некој нивен близок кој починал. Но, ако вашиот дом е опседнат од духови кои се поѓаволести, ова се советите на Хенкок…rn

Кажете му на духот да си оди

rnТреба да му покажете на духот кој е шефот. Хенкок советува да комуницирате со духот. Кажете му нешто како: „Ние живееме тука, го цениме тоа како си го средил домот и ние со многу почит ќе направиме неколку промени“. На тој начин, духовите ќе се почувствуваат ценети. Луѓето ќе ви се смеат кога ќе го кажете тоа, но Хенкок се соочила со многу настани кога некој кажал само: „Ми се спие, мораш да си одиш“, и духот престанал.rn

Доколку сте религиозни, попрскајте го домот со светена вода

rnОва зависи од вашите лични убедувања, но според Хенкок свештеник или некој друг спиритуален работник може да го реши проблемот.rn

„Секогаш им велам на луѓето да закачат крстови и да попрскаат со светена вода, затоа што јас сум религиозна. Ако донесете светлина, ќе ја избркате темнината. Спиритуалните работници понекогаш ставаат сол во одредени делови од просторијата и користат кристали или изведуваат други церемонии“, објаснува Хенкок.

rnrnrnДоколку не ви се допаѓа идејата да закачите крстови низ целата соба, ние ви предложуваме да ги тргнете завесите. Мора да признаеме дека сѐ е многу пострашно кога се случува во темница.rn

Мавтајте со жалфија како спиритуална божица

rnОвие совети можеби ви делуваат како некои типични решенија што ги гледаме на евтините хорор филмови, но според Хенкок тие навистина помагаат. Таа советува да набавите жалфија и да го поминете целиот дом со неа. Мавтајте со стапче од жалфија во секоја соба и на тој начин ќе ги порчистите од негативната енергија или од нечие присуство кое не е добредојдено.rnrnДали навистина постојат духови или не, засега останува мистерија. Во секој случај забавно е и истовремено по малку страшно да се верува дека понекогаш нечие присуство може да нѐ изненади додека сме сами дома.

July 17, 2016
Научете како да ја гледате вашата аура и како редовно да ја чистите
Чистењето на аурата е неопходно за спиритуалната хигиена. Чистата аура е исполнета со харизма и токму затоа предизвикува подобри односи со другите луѓе. Доколку вашата аура е чиста, вие ќе привлекувате многу повеќе луѓе кои ќе сакаат да ви помогнат или да ви направат некаква услуга, но исто така и подобро ќе се согласувате со нив.rnrnrnrnАурата е енергетско поле кое се протега дваесетина сантиметри околу телото. Човечката аура се состои од бројни сенки, но обично секој од нас во својата аура има одредена доминантна боја која се менува според здравјето, расположението, духовноста и емоционалноста. Но, она што е најинтересно е дека вие не треба да бидете духовно развиени со цел да ја видите сопствената аура. Постојат многу вежби кои можат да ви помогнат во тоа…rn

Значење на боите во аурата

rnИако боите на аурата се менуваат, постојат мали знаци што тие би можеле да значат доколку во моментот се доминантни:rn
- Црвената открива агресивност, склоност кон забава и подготвеност на акција.
- Портокаловата најчесто се појавува кај личност која го следи својот прв впечаток во однос на другите, која е чувствителна и сочувствителна.
- Жолтата претставува независност, слободоумност и интелектуална личност која треба да внимава да не се грижи премногу.
- Зелената ужива во различноста и промените, понекогаш е наивна, но секогаш е миротворец.
- Сината претставува исклучителни комуникациски способности, верност и креативност, без разлика на полот.
- Виолетовата значи искрена заинтересираност за спиритуалноста, свесност за себе, високи критериуми и подготвеност да се штитат другите.
- Белата претставува личност која е срамежлива и интровертна, полна со ментална енергија, но и нервоза и напнатост.
rn

Чистење на аурата

rnЧистењето на аурата е неопходно за спиритуалната енергија. Токму затоа со секојдневното чистење на нашата аура ние се чистиме себеси од психолошки напади и болести. Овој процес на чистење одзема само неколку минути дневно, но дефинитивно вреди да издвоите малку време за него. Доколку некоја личност е болна или депресивна, тогаш аурата е нечиста и може да ѝ бидат потребни многу медитации со цел да се исчисти. Најидеално би било доколку 2 пати дневно ја чистите, по будењето и пред спиењето, но за почеток еднаш на ден е сосема доволно.rnrnЧистењето на аурата пред спиење е неизбежно, особено ако сте биле во контакт со многу луѓе во текот на денот бидејќи сте собрале многу енергија која може да резултира со појава на проблеми. Но, како да ја исчистите вашата аура? Постапката е многу едноставна и ќе ви одземе само неколку минути…rnrnЗамислете сјајно светло пред вас кое целосно ве опколува. Чувајте ја оваа слика во мислите неколку минути, а потоа замислете како светлото станува сè посилно и поинтензивно на сите чакри, како минијатурни сонца.rn

Вежби за гледање на аурата

rnКога се штитиме, ние несвесно ја повлекуваме аурата поблизу до телото, но исто така можеме и да ја поместиме подалеку од нас во оние моменти кога сме опуштени и кога се чувствуваме силно. Вежбата за гледање на аурата е исто така многу важен процес бидејќи таа лесно може да им овозможи на сите да се уверат во своите способности. Токму затоа земете празен бел лист хартија во А4 формат и поставете ја врз него вашата дланка така што прстите да ви бидат малку одделени еден од друг. Помеѓу показалецот и средниот прст нацртајте една точка, со големина на мало зрно грашок, по можност во црна боја. Фокусирајте го својот поглед на таа точка и гледајте без прекин неколку минути. По некое време, различно за секој човек, по краевите на вашите прсти ќе почне да ви се појавува енергетски слој – аура, која на почетокот ќе ви изгледа безбојно, но со внимателно набљудување ќе успеете да забележите и други нијанси на бои.rnrnДруг начин на кој можете да ја видите сопствената аура е доколку застанете пред огледало, во добро осветлена просторија и се опуштите. Набљудувајте ја својата глава и областа околу рамената. Насочете го погледот кон едната страна и набрзо ќе почнете да ја забележувате електромагнетната енергија околу вас, како еден вид поле со светлина.rnrnСо редовно вежбање на овој начин, многу брзо ќе ја развиете способноста да забележувате аури и на други луѓе и токму ова е многу важно за оние кои се занимаваат со каков било вид спиритуална работа. Во туѓите аури можеме дури да забележиме и различни симболи, понекогаш дури и личности, особено ако се или неодамна биле љубовници.
March 24, 2015
Цитати за духовниот живот од Херман Хесе

Херман Хесе е германски писател и поет кој во сите свои дела зборува за спиритуалниот живот, за потрагата по себе и за себеспознавањето. Во нив комбинира автобиографски елементи со психоанализа и агностицизам, алатки кои му помогнале во неговиот духовен пат. Следните неколку цитати се извадени од неговата литература и ако ви се допаѓа нешто во овој стил, сигурно ќе ве натераат наскоро да прочитате нешто од него.rnrnrnrn rn

„Ако мразиш некоја личност, мразиш нешто во неа што е и дел од тебе. Она што не е дел од нас не ни пречи.“

rnrn

„Јас живеам во моите соништа, тоа е она што се чувствува. И други луѓе живеат во соништа, но не во своите. Во тоа е разликата.“

rnrn

„Мораш да го откриеш својот сон… но ниеден сон не трае вечно, после секој сон доаѓа друг и затоа не треба премногу да се држиш само до еден.“

rn

„Нема друга реалност освен онаа која е содржана во нас. Затоа толку многу луѓе живеат нереален живот. Тие гo прифаќаат она што го гледаат надвор од нив како реалност и никогаш не му дозволуваат на светот во нив да излезе на површина.“

rn

„Вишата сила е во тебе, а не во идеите и книгите. Вистината се живее, не се учи.“

rn

„Мудроста не се пренесува. Кога мудар човек се обидува да ја пренесе својата мудрост, тоа секогаш звучи глупаво. Знаењето се пренесува, но не и мудроста. Таа се пронаоѓа, се живее, се прават чуда со неа, но не се пренесува и не се учи.“

rn

„Кога некој бара нешто, многу лесно се случува да го гледа само она што го бара. Тогаш не може да пронајде ништо, ниту да прими ништо, затоа што е опседнат со својата цел. Барањето значи да имаш цел, но пронаоѓањето значи да бидеш слободен, отворен за искуства и да немаш цел.“

rn

„Човек може никогаш да не го пронајде својот дом, но кога ќе ти се спојат патиштата со пријател, тогаш целиот свет ти изгледа како дом, барем некое време.“

rn

„Умот е меѓународен и наднароден. Тој не служи за војна и уништување, туку за мир и помирување.“

rn

„Љубовта не постои за да нè направи среќни. Верувам дека постои за да ни покаже колку можеме да издржиме.“

rn

„Научи го тоа што сериозно вреди и насмеј се на останатото.“

rn

„Да го сопреме јазикот кога сите озборуваат, да се смееме без зло на луѓето и институциите, да надоместиме за недостатокот на љубов на овој свет со повеќе љубов во малите и лични прилики, да имаме верба во она што го работиме, да покажеме повеќе трпение, да ја надминеме онаа евтина одмазда која произлегува од потсмевот и критицизмот… ова се работи кои имаме способност да ги направиме.“

rn

„Кога некој ти се допаѓа, го сакаш и покрај неговите мани. Кога љубиш некого, го сакаш сосе неговите мани.“

rn

„Младоста завршува истовремено со себичноста. Зрелоста започнува кога човек ќе почне да живее за другите.“

rn

„Твојата душа е целиот свет.“

rn

„Среќата е ‘како’, а не ‘што’. Таа е способност, а не предмет.“

rn

„За првпат во мојот живот ја вкусив смртта, и беше горчлива. Затоа што смртта е раѓање, страв од некоја ужасна преродба.“

rn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

August 9, 2013