КАФЕ ПАУЗА

Tag: скромност

Скротете го егото така што ќе се однесувате со понизност кон светот околу вас

Да се биде егоист никогаш не е добра особина, без разлика на она што некои луѓе би се обиделе да го кажат во своја самоодбрана. Од друга страна, понизноста е особина достојна за почит и чија цел е да го надмине егото. Но, зошто честопати ни преставува голем предизвик да изразиме понизност? Дали бидејќи честопати ја сметаме понизноста за знак на слабост, кога, всушност, е показател на голема внатрешна сила? Во продолжение прочитајте на кој начин можете да го скротите егото и да се однесувате со поголема понизност кон светот околу вас.rnrnrn

Прифатете го фактот дека сите сме луѓе и како такви, грешиме

rnМногумина од нас, кога не успеваме во нешто што ни е важно – на пример, работата или љубовната врска – се разнишува нашата самодоверба бидејќи навикнати сме да ја поврзуваме самодовербата со нашите успеси. Така, одеднаш почнуваме да мислиме дека сме лоши или недостојни и паѓаме во депресија и меланхолија. Понекогаш, процесот на закрепнување од целата ситуација може да биде долг и болен. Сепак, моќта на понизноста лежи во фактот дека ни дава сила да ги издржиме критиките и неуспехот и тоа секогаш потпирајќи се на нашите внатрешни вредности како луѓе. Така, секогаш кога нема да можеме да исполниме нечие очекување, понизноста ќе нè потсети дека и ние сме само луѓе, како останатите, и дека е сосема нормално да погрешиме.rn

Вежбајте медитација и самосвест

rnСпоред научниците, скромните луѓе имаат точна слика за себеси вклучувајќи ги и сопствените предности и недостатоци, а тоа им помага да увидат какви промени треба да направат во животот. Освен тоа, медитацијата може да ја зголеми нашата самосвест на начин што можеме да ги забележиме нашите емоции и чувства без да ги осудиме. Така, колку повеќе стануваме свесни за нашиот внатрешен свет толку полесно ќе ни биде да ги увидиме нашите нездрави верувања и постапките кои би можеле да го ограничат нашето битисување. Меѓу другото, обидете се да се однесувате и со поголема љубезност и поголемо разбирање кон вас самите.rn

Изразете благодарност

rnПреку зборчето „благодарам“ ние им пренесуваме на другите дека ја цениме нивната вредност. Благодарноста нè тера помалку да се фокусираме кон себе, а вниманието да го насочиме на оние околу нас – тоа е и белегот на скромните луѓе. Освен тоа, многубројни истражувања ја докажале и длабоката поврзаност меѓу понизноста и благодарноста. Можеме да заклучиме дека најважниот елемент на понизноста е стремежот кон оние наши особини кои го прикажуваат најдоброто од нас и го прават светот подобро место за живеење.rnrnОткако прочитавте за понизноста, можеби ќе сакате да ги прочитате и 8-те животни вистини од кинескиот филозоф Лао Цу што ќе ви го променат животот.rnrnИзвор: themindsjournal.com

September 28, 2022
8 милијардери чија скромност ќе ве натера да размислите за вашите приоритети

За многу, луѓе богатството значи трошење големи суми пари и екстравагантен начин на живот. Постојат многу луѓе што докажуваат дека ова а вистина, но некои од најбогатите луѓе на светот не само што живеат скромно, туку даваат огромен дел од нивното богатство во добротворни цели.rnrnБез сомнение, парите се важни и можат да ни го променат животот. Но, колку всушност се важни? Веројатно сметате дека богатите зборуваат за неважноста на парите и донираат многу бидејќи имаат и тоа е сосема нормално размислување. Но истражувањата покажале дека парите вистински нè прават среќни кога имаме да ги задоволиме нашите најосновни потреби. Што било повеќе, не придонесува за нашата среќа.rnrnОвие милијардери покажуваат дека штом имаме доволно за нас, на некој начин имаме одговорност да им дадеме и на помалку среќните. Без разлика кои се вашите верувања и мислења за парите, скромноста на овие луѓе ќе ве натера да размислите за вашите приоритети.rn

1. Дејвид Черитон, професор на Стенфорд

rnrnrnДејвид е навистина уникатен милијардер и речиси целото богатство го направил инвестирајќи многу рано во Гугл. Тој ја мрази идејата за екстравагантен живот.rn

„Всушност, навистина сум навреден од тоа… Овие луѓе кои градат куќи со 13 тоалети и слично, има нешто погрешно со нив“, изјавил Дејвид.

rnНајскорешното големо купување на Дејвид е автомобил Honda Odyssey од 2012-та година.rn

2. Тони Хсие, извршен директор на Запос

rnrnrnТони е еден од најпознатите извршни директори на денешницата. Но она што малкумина го знаат е неговата скромност. Откако ја продал рекламната мрежа LinkExchange што ја основал во 1996-та година, тој ги инвестирал парите во нов проект. Според неговите блиски, животниот стил на Тони речиси и да не се променил со текот на годините.rn

„Парите едноставно не му се важни. Тој би бил среќен само со долар во банка и опколен со луѓе за кои се грижи и кои се грижат за него“, изјавил Ерик Мур, инвеститор во Запос.

rn

3. Кристи Валтон, филантроп

rnrnrnКако вдовица на наследникот на Волмарт, Џон Т. Валтон, Кристи Валтон и нејзиниот син наследиле дел од богатството на Џон. Денес се верува дека таа има околу 7 милијарди евра, но она што го направила со богатството го дефинира нејзиното индивидуално наследство.rnrnИзминативе две децении, Кристи има донирано неколку милијарди во добротворни организации, од кои една е основана од нејзиниот сопруг. Кога се родил нејзиниот син, целта на Кристи била да му даде нормално детство, па се преселила на место каде што може да го направи токму тоа. Денес таа живее мирно во Џексон, Вајоминг и е посветена на добротворните цели.rn

4. Ворен Бафет, извршен директор на Беркшир Хатавеј

rnrnrnРечиси секој има слушнато за Ворен и за неговото огромно богатство. Но, она што речиси никој не го знае е неговата скромност. Секое утро, тој оди на работа со неговиот автомобил. Пред да влезе во канцеларијата, зема појадок од Мекдоналдс, а за најскапиот оброк плаќа најмногу 3 евра. Покрај ова, Ворен донира милијарди евра во разни добротворни организации, од кои дел се основани од неговите деца.rnrnПродолжува на следната страница…rnrn

February 21, 2019
9-те карактерни особини на храбрите умови

Храбрите и смели ставови и идеали се еден возбудлив начин на живеење. Луѓето кои се обидуваат да зграпчат што повеќе шанси и прилики со помош на нивното размислување искусуваат еден поисполнет, побогат и поинтензивен живот. Во продолжение прочитајте кои карактеристики ги одликуваат храбрите умови и дознајте ги причините за нивниот успешен развој и напредок.rnrnrn

1. Храбрите умови бараат различни перспективи

rnДодека посмирените луѓе се опкружуваат со личности кои го ценат и практикуваат нивниот начин на размислување, храбрите умови во својот круг на пријатели вклучуваат личности кои имаат различни идеологии. Тие не се обидуваат да се променат или да ги променат другите, туку се отворени и прифатливи кон оние кои го гледаат светот поинаку од нив.rn

2. Храбрите умови уживаат во предизвикот

rnБестрашните храбри умови ги привлекува уметноста која го истражува контрадикторното и им открива вистини и наративи кои можат да завршат двосмислено. Нивниот интелект ги цени и вреднува вкусовите – во храната, музиката, филмовите, а добрите вкусови мора прво да се култивираат за да се добијат.rn

3. Храбрите умови не копнеат по сечие внимание, љубов и почит

rnВо неговата книга, „Давид и Голијат“, Малком Гладвел открива дека успешните претприемачи ја вреднуваат несогласноста како карактерна особина многу повеќе од обичното население. Тие не се некултурни или нељубезни, туку не бараат прифаќање или благослов од нивните пријатели за да го сторат тоа што мислат дека е правилно.rn

4. Храбрите умови можат да бидат сами без да бидат осамени

rnХрабрите умови не дозволуваат нивното внимание да се задржува на телевизијата, социјалните мрежи и сличните тривијални активности, туку се обидуваат да останат будни и свесни во секое време.rn

5. Храбрите умови се помирени со своите стравови и анксиозноста

rnТие ги забележуваат своите мисли дури и кога тие се негативни. Не се обидуваат да ги игнорираат или да не ги прифаќаат, туку само ги регистрираат и именуваат додека се присутни и додека не им најдат решение.rn

6. Храбрите умови го толерираат неразбирањето

rnЗбунетоста е незапирлива болка на мозокот во развој која постојано расте. Храбрите умови никогаш не ги прават оние работи кои сметаат дека се погрешни.rn

7. Храбрите умови се и отворени и одлучни

rnСигурно ви е добро познато правилото: „Два пати мери, еднаш сечи“. Храбрите умови се отворени за дискусија и преговарање пред да донесат некаква одлука и да се посветат на неа.rn

8. Храбрите умови се скромни и самоуверени

rnХрабрите умови се свесни за нивните маани и нивните пропусти, па затоа самоуверено и активно работат на нивната способност да ги изгубат и да се ослободат од нив.rn

9. Храбрите умови го сакаат парадоксот

rnТие дозволуваат нивниот разум да маринира во комбинирањето на навидум различните поими и затоа успеваат да бидат истовремено и отворени и одлучни, како и скромни, а сепак самоуверени. Храбрите умови го гледаат светот како внатрешно поврзан систем од парадоксалности.

February 6, 2016
5 контраинтуитивни начини да успеете на работното место
Постои општоприфатено верување дека успешните луѓе се енергични, интелигентни, полни со енергија, работливи, вредни и фокусирани. Сепак, многу од ваквите успешни луѓе им пркосат на овие стереотипи и на крајот на денот се гласни и нападни и побрзо ќе се продадат себеси и својот живот за да ја спасат својата кариера и работа, отколку да ги стават нивните примарни желби и посакувања на прво место.rnrnrnrnСледуваат 5-те контраинтуитивни начини како да успеете на работното место, без да станете жртва на сопствената кариера:rn

1. Работете помалку

rnrnrnНе е сѐ во работата со која моментално се занимавате. Немојте да бидете едни од оние луѓе кои работат 16 часа дневно за недоволен надомест и немаат време за себе, или уште полошо, немаат време да учат нови вештини и понатаму да се градат себеси. Обидете се да ја завршите работата во 5-8 часа во денот, да не работите преку викендот и да не се форсирате. Временското ограничување ќе ви помогне да направите подобри одлуки за тоа како да го користите своето време. Научете кои работи треба да ви бидат приоритетни.rn

2. Бидете скромни

rnrnrnДобрите лидери се познати како егоцентрични визионери кои се постојано во движење и газат сѐ пред себе. Сепак, тоа не е така бидејќи лидерите од модерното време се луѓе кои постојано водат евиденција за вредноста на својата компанија и се залагаат за хуманоста и човековите права. Важно им е сите вработени да бидат задоволни и да не работат под никаков притисок. Скромноста не значи дека треба да се снижите себеси, туку да ги гледате работите реално. Спуштете го егото и дозволете му на успехот да расте.rn

3. Развивајте емпатија

rnrnrnНајпознатите лидери на денешницата секогаш бараат една работа од оние кои аплицираат во нивните компании: емпатија. Успешните продавачи многу добро ги разбираат и ги проценуваат своите купувачи, па затоа знаат како правилно да им пријдат. Следејќи ги и поврзувајќи се со луѓето ќе научите подобро да ги разбирате и расудувате различните карактери и ќе знаете како правилно да реагирате во даден момент. Тоа ќе воведе големи промени во вашите унапредувања.rn

4. Ставете ги вежбите пред кариерата

rnrnrnВежбањето и медитацијата го чистат умот и помагаат да ги разбистрите мислите. Исто така, ја зголемуваат самодовербата и го разубавуваат вашето мислење за себе. Кога сте одлични во една сфера на животот тоа ќе се пренесе и на останатите. Водете сметка за своето тело и ќе можете сѐ, бидејќи без здравје нема да можете ни да работите, ни да вложувате колку што сакате.rn

5. Видете великодушни

rnrnrnЗаконите за постигнување успех во работата се:rn
- Вредност: Од професионален аспект, вие повеќе вредите кога давате, отколку кога добивате.
- Компензација: Платата зависи од тоа колку луѓе услужувате и колку добро.
- Влијание: Вашето влијание расте сразмерно со тоа колку сте во состојба да ги ставите потребите на другите пред вашите.
- Автентичност: Кога е работата во прашање, не постојат големи победи кога нема страст. Успешните го работат само она кое го посакуваат.
- Приемчивост: Ако не знаете како да го примите она што другите ви го кажуваат, нема ни да знаете како да му дадете значење.
January 25, 2016
8 работи кои можеме да ги научиме од Кинезите

Филип Мања е од Белград и има дипломирано кинески јазик и книжевност, а за време на студиите се заинтересирал и за кинеската медицина. Така открил многу работи кои можеме секојдневно да ги учиме од Кинезите.rnrnrnrnВо 2008 година, кога престојувал во Кина, тој се запознал со кинеските вештини чи гонг и таи џи чуан, а после три години повторно се вратил во Кина за да пронајде учител со кого би ги совладал овие вештини како и кинеската медицина.rnrnПоминал 8 месеци под кровот на стариот мајстор Дуан Зилианг, за потоа да одлучи својот живот да го помине во изучување на кинеската медицина.rnrnФилип кажува дека премногу научил додека бил во Кина, но патот до знаењето нема почеток и крај, туку постојано се надградува.rn

1. Фокус и упорност

rnКога Кинезите прават нешто, тоа го прават со внимание и не постои ништо што може да им го одвлече. Ако имаат некаква цел, тогаш секој нивен потег ќе биде фокусиран на остварување на целта, без разлика колку време тоа ќе трае или дали е лесно или тешко.rn

2. Скромност

rnСкромноста помеѓу Кинезите отсекогаш била високо вреднувана и таа е доблест која никогаш не ја напуштиле, дури ни денес покрај големите промени во модерното кинеско општество. Интересно е тоа што порано во кинескиот јазик постоеле зборови за „јас“ во скромна форма.rn

3. Почит кон постарите и учителите

rnПрофесорите, лекарите, спортистите, луѓето кои нешто постигнале се крајно почитувани во Кина. Со тоа покажуваат дека се благодарни.rn

4. Поддршка на другите

rnСпоред Филип, ако во Кина се изразите на каков било креативен начин – со зборови, со песна, со игра, со слика – секогаш ќе добиете поддршка и тие ќе ви се приклучат во тоа што го правите. Исто како што прават малите деца.rn

5. Староста не е болест

rnКина е рај за пензионерите. Кинеските пензионери се многу креативни и среќни. Наутро или во текот на денот се во парковите, а навечер на плоштадите. Секаде ќе видите група од постари луѓе кои пеат, свират, се забавуваат со игри или се движат за да ја подобрат циркулацијата во телото.rn

6. Балансирани оброци на време

rnКинезите појадуваат наутро околу 7 или 8 часот, ручаат во 12 или 13 часот, а вечераат околу 18 часот. За разлика од кај нас, таму нема оброк кој се состои од огромно парче месо. Зеленчукот доминира, а месото е издробено на мали парчиња. Имаат обичај да зборуваат за храната додека јадат, а тоа е одличен начин мозокот во моментот да се фокусира на самиот процес на јадењето.rn

7. Вежбањето е патот до здравјето

rnКинезите не вежбаат со цел да ослабат, да го затегнат телото, да го подобрат изгледот или да се исцрпат максимално, тие вежбаат за да бидат здрави. Тие практикуваат брзо одење, лесно трчање, флуидни движења и истегнување. Целта им е да ја подобрат циркулацијата на крвта, да го покачат нивото на енергија, да ја стимулираат работата на внатрешните органи, да го истегнат телото и да ги зајакнат тетивите и мускулите.rn

8. Чи гонг и таи џи чуан

rnОва се традиционални системи за статички и динамички вежби со цел да се унапреди физичкото и менталното здравје, да се постигне подобар фокус на мозокот и да се стекнат посебни вештини.

June 14, 2015
7 бисери на мудроста кои ќе ве водат кон подобар живот

Одвреме-навреме, секому е потребен совет и рамо за плачење. Добриот збор и силната прегратка можат да направат многу за некој кому тие се најпотребни. Колку и да се силни пред сите, понекогаш дури и тие најсилните имаат потреба од разговор со најблиските кои ќе ги посоветуваат и смират со некој мудар збор. Некогаш, доволни се само два-три збора да допрат до некого за тој некој да си го смени животот од корен.rnrnrnrnВелат дека постарите знаат најдобро, а следниве мудри зборови, кои не за џабе со децении наназад се пренесуваат од колено на колено, го докажуваат токму тоа.rn

1. Немојте премногу цврсто да се држите за сѐ во животот

rnНишто не е вечно. Сѐ доаѓа и поминува додека да трепнете. Затоа немојте да се држите за нештата како да ќе ви се слизнат низ раце бидејќи токму тоа ќе се случи. Уживајте во нив додека можете и научете да ги пуштите кога е време за тоа.rn

2. Не плашете се

rnСтравот е најголемиот непријател на човекот и единственото нешто кое го сопира да направи нешто повеќе од себе и тоа што го може. Стравот е ништо повеќе од губење драгоцено време за кое може да направите многу. Затоа најдете начин да се изборите со своите стравови бидејќи само така ќе можете со полно срце да уживате во животот.rn

3. Прифатете ги вашите сакани такви какви што се и сакајте ги во секој случај

rnВо животот често губиме повеќе време концентрирајќи се на тоа што не чини отколку на убавите работи, па така и кај луѓето тежнееме да го бараме лошото и ретко или воопшто не забележувајќи го доброто кај нив. Секој има право да биде свој човек и никој не е без маани, како ни вие. Прифатете ги луѓето такви какви што се и сакајте ги без разлика на сè поради тоа кои се тие за вас и што ви значат.rn

4. Бидете свои и сакајте се такви какви што сте

rnЖивотот ви дава милион шанси да бидете подобри луѓе. Доволно е да искористите само една и оттаму да почнете да се градите како личност со која ќе бидете задоволни, која ќе ја почитувате и надградувате секојдневно. Земете ја таа шанса, искористете ја најдобро што можете и станете личноста која сакате да бидете и која ќе ја сакате и почитувате.rn

5. Прифаќајте и не бидете премногу строги

rnПрифаќањето работи со кои не се согласувате и луѓе чии ставови и мислења се различни од вашите, е една од најтешките работи кои се бараат од вас за да живеете подобар живот. Не секогаш ќе ви се допаѓа сѐ што ќе видите и чуете, но сепак прифатете го како такво и продолжете понатаму. Немојте да очекувате премногу бидејќи тоа може само да ве разочара. Омекнете кон себе и другите и уживајте повеќе.rn

6. Бидете скромни

rnСкромноста е особина на големите луѓе. Бидете меѓу нив. Не сте подобри од другите само бидејќи така мислите. Бидете скромни и прифатете ги луѓето. Препознајте кога е потребно да се истакнете и кога е потребно да се повлечете. Ако е потребно да се извините некому, направете го тоа. Изборете се за она во кое верувате и за вашите соништа.rn

7. Живејте страсно

rnЖивотот е краток и еден. Живејте го најдобро што можете и сѐ што правите правете го со страст и желба. Смејте се. Уживајте. Исполнете ги деновите со убави спомени и не губете време на нервирање за работи кои не можете да ги смените. Целете кон исполнување на вашите соништа и остварување на вашите желби. Простете кога е потребно. Сакајте со цело срце и душа и немојте да се каете за ништо.

January 22, 2015
10 знаци дека некој е попаметен од вас

Освен доколку не мислите дека вие сте најпаметни во светот, сигурно сакате вашата интелигенција постојано да е во раст. Џејмс Гарднер, кариерен иноватор во голема корпорација, напишал 10 знаци според кои ќе препознаете дека некој е паметен. И покрај тоа што неговата намера со овој текст била делумно хумористична, сепак мора да признаеме дека има вистина во овие зборови.rnrnrnrn1. Тие не зборуваат колку вас, бидејќи знаат дека станале паметни бидејќи слушале.rnrn2. Тие знаат многу работи кои се надвор од нивната специјалност. Надарени се со широк, отворен ум, константно нахранет со стимулот да бидат заинтересирани за сето она што го прават другите луѓе.rnrn3. Тие умешно „жонглираат“ со семејните, професионалните и личните интереси и никогаш не зборуваат за тоа колку е тешко да постигнеш баланс помеѓу работата и животот. И додека „жонглираат“ изгледаат како да се 100% посветени на тоа што го прават во моментот, симултано, на сите животни фронтови. Прават сè за да се осигурат дека нивниот живот е совршено избалансиран и спокоен.rnrn4. Тие веројатно се активни на социјалните мрежи. Можеби не постојано, но веројатно сепак се активни. Не само што социјалните мрежи се уште една шанса да „слушаат“ внимателно, туку и ги користат за да се осигурат дека ќе го нахранат нивниот мозок со информации кои инаку не би допреле до нив.rnrn5. Дури и кога работите одат кон лошо, тие се смеат. Паметните луѓе никогаш не се вознемируваат и муртат, бидејќи нивниот паметен мозок брзо им презентира алтернативни решенија уште пред да се случи проблемот.rnrnrnrn6. Знаат дека најчесто се најпаметните во просторијата, но тие не си го губат времето чувствувајќи се така. Наместо тоа, за нив претставува вистински предизвик да видат дали можат да придонесат сите останати луѓе да бидат исто така, најпаметни во просторијата.rnrn7. Доколку се менаџери, тие ќе ги вложат сите напори за нивните вработени да бидат попаметни, поповрзани и попопуларни од нив во тимот. Тоа не прави да се чувствуваат загрозени, бидејќи знаат дека интелигенцијата е синергична. Тие исто така сакаат да се осигурат дека нивните интелигентни вработени ќе изгледаат пред другите уште попаметно од нив, поради истата причина – соработка на бистри умови.rnrn8. Тие имаат скриени способности, кои не излегуваат на површина сè додека не им притребаат. Не чувствуваат апсолутно никаква потреба да ги покажат нивните целосни способности, за да докажат дека се подобри од другите.rnrn9. Можеби имаат завршено скапо образование, а можеби и немаат. Финтата е дека вие никогаш нема да го дознаете тоа само затоа што поминувате време со таа личност, освен ако не погледнете директно во нивното сиви.rnrn10. Никогаш, во ниедна ситуација не прават да се чувствувате глупаво, дури и ако имаат вистинска причина да го сторат тоа. Тие имаат научено по пат на горко искуство дека единствената работа којашто се случува кога се трудиш да направиш некој да изгледа лошо, е да изгледаш и самиот лошо.rnrnПосле овој текст сигурно добивте желба и вие да бидете едни од паметните луѓе нели?! А за да го постигнете тоа, ќе ви помогне еден екстра совет од мудриот Стив Џобс: „Остани гладен. Остани будалест.“rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

September 12, 2013
7 карактеристики на зрелите луѓе

Зрелоста на еден човек во нашето општество најчесто се изедначува со прифаќање на широко прифатените норми на однесување карактеристични за одредена возраст, но психолозите поинаку гледаат на овој проблем. Некој може веќе да има широки знаења од одредена област, одлично да комуницира, да има дете на 25-годишна возраст, но тоа не значи дека стекнал емоционална зрелост. Д-р Тим Елмор издвојува седум битни карактеристики кои човек треба да ги усвои за да може да се нарече зрел.rnrnrn

Знаат да го одложат задоволството

rnЕдна од најзначајните карактеристики на зрелите луѓе е способноста да го одложат задоволството. Пример за одложување на задоволството е ученик кој домашните задачи ги завршува во петок за да има целосно слободен викенд. Тој задоволството од слободата го одложува за периодот кој доаѓа откако претходно ќе се соочи со маката на вложувањето труд. Созреаната личност нема проблем на ваков начин да го одложува задоволството кога се работи за долгорочни цели. Таа ќе продолжи да работи на нив дури и кога уживањето ќе изостанува, но е свесна за позитивните резултати кои ја очекуваат.rn

Знаат да се справат со комплименти и критики

rnСозревањето значи учење дека ништо не е онолку добро колку што можеби изгледа, ниту е толку лошо колку што се чини. Затоа оние кои веќе созреале знаат да ги прифатат комплиментите и критиките, а воедно тоа да не им влијае премногу на сопствената слика за себе. Тие нема да се дигнат во облаци од убави зборови за нив, ниту ќе се паднат во депресија од лошите критики.rn

Поседуваат скромност

rnНаспроти раширеното погрешно гледиште, скромноста не е особина која се манифестира со тоа што ќе се откажете од своите потреби и ќе се задоволите со малку. Тоа подразбира цврсто да стоите на земја, да бидете свесни за сопствената вредност и да го барате она што мислите дека ви припаѓа. Скромниот човек оддава почит на оние кои му помогнале и не очајува по туѓите признанија. Тоа е зрелост и е спротивно на ароганција.rnrnrn

Носат рационални одлуки врз основа на принципи

rnЌе препознаете незрел човек по тоа што заклучоците и одлуките го носи врз основа на емоциите кои го преплавуваат во дадениот момент. Зрелиот човек има свои принципи, добро изграден сопствен систем на вредности и не отстапува од нив ниту кога е соочен со тежок предизвик. Секогаш носи рационални и независни одлуки.rn

Благодарни се

rnНезрелите претпоставуваат дека го заслужуваат сето убаво што им се случува, без разлика колку сработиле за да го достигнат тоа. Оние другите знаат дека сè мора да се заслужи, знаат дека патот до успехот не е лесен и свесни се колку имаат во споредба со другите. Тие секогаш чувствуваат благодарност за она што го постигнале, кон себе и кон оние што им помогнале во тоа.rn

Знаат како и кога да им дадат приоритет на другите

rnПостојаното давање приоритет на туѓите потреби пред своите може да нанесе многу штета по менталната состојба на една личност, но доколку таа поседува вистинска зрелост, тогаш ќе знае кога и како да го стори тоа. Нивниот свет не се врти само околу самите нив, туку тие знаат да им помогнат и на оние кои имаат потреба од тоа. Знаат да проценат кога треба да постапат така, а кога не.rn

Отворени се за учење во текот на целиот живот

rnНа крај, зрел човек знае дека не знае сè. Колешката на д-р Елмор, д-р Сузан Питерс има кажано дека децата имаат добри шанси да созреат ако тоа прво им успее на нивните родители. Оној кој е доволно зрел да биде родител не се поставува кон другите како да ги знае сите одговори на овој свет, туку продолжува постојано да учи и да бара совети кога му се потребни.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 21, 2013
Кога почнав да се сакам себеси – Чарли Чаплин

Се претпоставува дека поемата „Кога почнав да се сакам себеси“, Чарли Чаплин ја напишал на својот 70-ти роденден, на 16 април 1959 година.rnrnrnrnКога почнав да се сакам себеси,rnсфатив дека секогаш и во секоја приликаrnсум на вистинското место, во вистинското време,rnи дека сè што се случува е така како што треба да биде.rnОттогаш можам да бидам спокоен.rnДенеска знам: тоа се нарекува ВЕРБА.rnrnКога почнав да се сакам себеси,rnсфатив колку може да биде навредливо за некојrnкога се обидувам да му ги наметнам моите желби,rnиако знам дека моментот не е вистински и дека таа личност не е подготвена за тоа,rnпа дури и тогаш кога таа личност сум јас.rnДенеска знам: тоа се нарекува ПОЧИТ.rnrnКога почнав да се сакам себеси,rnможев да препознаам дека емотивната болка и страдањетоrnсе предупредување да не живеам против сопствената вистина.rnДенеска знам: тоа се нарекува АВТЕНТИЧНОСТ.rnrnКога почнав да се сакам себеси,rnпрестанав да копнеам за друг животrnи можев да видам дека сè околу мене беше повик за растење.rnДенеска знам: тоа се нарекува ЗРЕЛОСТ.rnrnКога почнав да се сакам себеси,rnпрестанав да се лишувам од моето слободно време,rnпрестанав да планирам грандиозни проекти за иднината.rnДенеска го правам само она што ми причинува задоволство и радост,rnона што го сакам и заради кое моето срце се смее.rnГо правам на мој начин, со мое темпо.rnДенеска знам: тоа се нарекува ИСКРЕНОСТ.rnrnКога почнав да се сакам себеси,rnпобегнав од сè што не е здраво за мене,rnод јадења, луѓе, работи, ситуации…,rnод сè што ме влечеше надолу и ме оттргнуваше од самиот себе.rnНа почетокот тоа го нарекував „здрав егоизам“,rnно денеска знам: тоа е ЉУБОВ КОН САМИОТ СЕБЕ.rnrnКога почнав да се сакам себеси,rnпрестанав да сакам секогаш да сум во право,rnа на тој начин помалку грешев.rnДенеска знам: тоа се нарекува СКРОМНОСТ.rnrnКога почнав да се сакам себеси,rnодбив да живеам во минатотоrnи да се грижам за мојата иднина.rnЖивеам овде и сега.rnДенеска знам: тоа се нарекува СВЕСТ.rnrnКога почнав да се сакам себеси,rnвидов дека моите мислиrnможат да ме направат мизерен и болен.rnНо, кога моите мисли побараа сила од срцето,rnмојот ум доби важен партнер.rnДенеска знам: тоа се нарекува МУДРОСТ НА СРЦЕТО.rnrnКога почнав да се сакам себеси,rnсфатив дека нема потреба да се плашиме од дискусии, конфликти и проблеми,rnбидејќи дури и ѕвездите понекогаш се судираат,rnно потоа создаваат нов свет.rnДенеска знам: тоа се нарекува ЖИВОТ.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

April 17, 2012
6 карактеристики кои е добро да ги поседувате

Автор: Вера МартиноскаrnrnМногу често сме преокупирани со негативните карактеристики кај луѓето кои ни пречат и ни ја отежнуваат комуникацијата. Заради тоа, тешко ни е да ги забележиме и да ги цениме оние кои се позитивни и посакувани. Неретко, огорчени од односот на другите кон нас, ги оставаме запоставени овие особини и во нашиот сопствен карактер.rnrnБарањето личности со здрави, позитивни карактеристики може природно да ни помогне да се држиме настрана од оние отровните, кои ни ја заробуваат енергијата или кои прават да се чувствуваме лошо. Сепак, секогаш треба да тргнеме од себе и да се трудиме да бидеме што попозитивни и попријатни. Затоа еве неколку карактеристики кои би требало секој од нас да ги поседува и негува, а кои сè потешко се наоѓаат во денешново општество:rnrnrnrnНесебичност: Во свет каде многу луѓе немаат доволно време и не се интересираат за другите, несебичноста е квалитет кој е сè поретко присутен. Луѓето може да бидат несебични во времето кое го посветуваат, во способноста да слушаат, во нивото на трпение и љубовта која ја пружаат. Оние кои даваат и кои се великодушни по природа имаат моќ да направат другите да се чувствуваат сакани и ценети, како и да се чувствуваат посебно. Од друга страна пак, оние кои се себични го прават сосема спротивното, покрај нив луѓето не се чувствуваат сакани, туку отфрлени, потценети и помалку вредни.rnrnТолеранција: „Пријател е оној кој ти дава целосна слобода да бидеш тоа што си.“ Толерантните луѓе прават да се чувствуваме удобно со тоа што сме и посебно како индивидуи. Сите сме различни, многу од нас имаат свои каприци, суеверија и ексцентрични навики. На крајот, токму овие разлики го водат светот напред. Поседувањето на способноста да ги прифатиме луѓето онакви какви што се и да не очекуваме да бидат тоа што ние сакаме и очекуваме да бидат е многу важно за животот, среќата и здравјето на нашите односи.rnrnОригиналност: Поседувањето на способноста да се биде реален, автентичен и искрен е уникатна во свет каде премногу се става акцент на површноста. Да се чувствуваме удобно во своја кожа и да сме искрени кон себе е една од најубавите карактеристики што може да ја имаме. Искреноста е неопходна ако сакаме да имаме вистинска врска со некого… тоа бара сослушување и давање одговор кој не секогаш е „популарен“, што пак значи дека треба да се има сила работите да се кажат онакви какви што се и да не постои страв од соочување со последиците од тоа. Да ги сакаме луѓето за тоа што се длабоко во душата, а не за тоа како ни изгледаат на прв поглед.rnrnЧувствителност: Многу често сме фокусирани на она што ни е важно нам, така што забораваме на тие околу нас. Оние кои се чувствителни најчесто се и внимателни, ги ценат другите на начин кој ги прави да се чувствуваат разбрани и почитувани. Честопати чувствителните луѓе се и самосвесни, што пак ги прави и свесни за тоа како им влијаат на другите со тоа што го прават и кажуваат, со еден збор – обзирни.rnrnИнтегритет: Денес оваа карактеристика особено тешко се наоѓа. Ова е време кога луѓето тајно прават работи само за да заработат екстра пари или пак си го изложуваат својот приватен живот само за да станат познати (реалните шоуа од типот на „Големиот брат“) и го прават она што ги прави да се чувствуваат добро во моментот, без да размислуваат за последиците, што значи дека интегритетот денес е вистинска реткост.rnrnСкромност: Кога некој е исклучително паметен, екстремно талентиран или неверојатно убав, навистина ќе биде нешто посебно доколку не се прави дека секогаш знае сè. Скромноста кај оние кои поседуваат извонредни карактеристики ги прави другите да се чувствуваат исто така посебно.rnrnОваа листа продолжува… пишете ни ги во коментар карактеристиките кои мислите дека треба повеќе да ги негуваме!rn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

January 11, 2012