КАФЕ ПАУЗА

Tag: разделба

5 едноставни прашања што треба да си ги поставите пред да се смирите со поранешниот партнер

Разделбата со личност со која сте биле многу блиски е болна, но понекогаш тоа е најдоброто решение. Сè се случува со причина, па така и разделбите, но тоа не значи дека две личности не може пак да бидат заедно понатаму во животот. Пред да одлучите да го разгорите стариот пламен, треба да си поставите неколку прашања.rnrnrn

1. Дали го сакате партнерот или само чувството да бидете во врска?

rnСекоја врска има свои подеми и падови. Да бидете во врска е одлично, но да бидете сингл може да биде уште подобро.rnrnДа научите да бидете сингл е долг процес и тешко е да се помеша осаменоста со недостасувањето. Постојат многу други луѓе на овој свет и кога раскинувате со некого не треба да се ограничувате да размислувате само за таа личност.rnrnДајте си време да тагувате за изгубеното и потоа вратете се во нормала. Ако по одредено време сфатите дека никој не може да се мери со вашиот поранешен партнер, само тогаш е во ред да размислите за повторно поврзување.rn

2. Дали тој ве тера да бидете подобра личност?

rnДали вашето момче секогаш ве терало да го направите најдоброто за вас или само тоа што е во негова корист? Ако бившиот партнер никогаш не ве терал да бидете подобри од претходниот ден, тогаш зошто бевте со него?rnrnЛуѓето сакаат да се развиваат и да се менуваат како личности во текот на целиот свој живот. Останувањето во врска каде што никој не се развива не е здраво.rn

3. Дали имавте нешто заедничко?

rnПонекогаш спротивностите се привлекуваат, но мора да имате некоја вообичаена активност што двајцата уживате да ја правите заедно, освен гледањето филмови на „Нетфликс“.rnrnАко идејата да одите на голф со партнерот ви е одбивна, а ако тој не сака да оди во театар со вас, тогаш можеби не е баш најдобро да бидете повторно заедно.rn

4. Дали вашите пријатели и вашето семејство го сакаа вашиот поранешен партнер?

rnОдобрувањето на партнерот од страна на пријателите и семејството е многу важно затоа што тие може да видат работи во што вие првично не ги забележувате.rnrnПонекогаш и тие може да погрешат, но ако речат дека вашиот партнер не изгледа како добра личност, веројатно се во право; но вам можеби ќе ви треба повеќе време за да го сфатите тоа.rn

5. Дали се гледате со таа личност за пет години?

rnЗошто да го трошите вашето време на некоја личност ако не се гледате со неа на долг рок? Ако не се гледате со неа за пет години, замислете што ќе биде за 10 или 15 години.rnrnКога размислувате за тоа, ви се чини како измачување или благослов? Ако ви изгледа како тортура, веројатно се чувствувате осамено и враќањето назад кај бившиот не е баш добра идеја.rnrnОдвојте време да запознаете други луѓе и одете на љубовни состаноци за да видите што сакате и што не сакате во врската.rnrnНикој не може да ви каже дали треба да му се вратите на бившиот или не, но направете си услуга и не залажувајте се. Некогаш можеби ќе жалите што сте го потрошиле времето на нешто што не ви е од корист.rnrnРазмислете што ви се допаѓаше и што не ви се допаѓаше кај партнерот и во врската и ќе дојдете до одговорот.rnrnПогледнете какви проблеми може да настанат во врската поради ваши грешки, а не поради грешки на партнерот.

October 28, 2020
Ако вашите родители се разделуваат, испратете им ги следниве пораки

Вашите родители безброј пати ви помогнале во тешки ситуации. Сега улогите се сменети – тие се соочуваат со крај и време е вие да им бидете рамо за потпирање. Може да биде предизвикувачко да знаете што точно треба да правите или да кажете кога вашите родители се разделуваат. Но едно е сигурно – тие барем малку ќе се развеселат доколку им испратите едноставна текстуална порака.rnrnrnrnОчигледно е дека не постои начин за болката што родителите ја чувствуваат комплетно да исчезне. Сепак, ќе бидете изненадени колку многу една порака може да им го подигне духот – па дури и да им даде зрак надеж. Кога зборовите ви недостигаат пробајте да им ги испратите следниве текстуални пораки за полесно да ја преживеат тешката разделба.rn

Секогаш сум тука ако ти треба некој да те сослуша или што било друго

rnПонекогаш најдоброто нешто коешто можете да го направите е едноставно да им ставите до знаење дека ќе бидете тука за нив. Тие знаат дека вие имате зафатен живот и се чувствуваат лошо кога ќе помислат дека ви се товар барајќи ваша поддршка. Со испраќањето на оваа порака вие им ставате до знаење дека мислите на нив и сакате да им помогнете на кој било начин и покрај тоа што имате календар преполн со обврски. Нема сомнеж дека ќе ви бидат благодарни за ова искрено потсетување.rn

Ќе го надминеш ова – си поминал/а и полошо

rnВистината е дека вашите родители преживеале многу потешкотии. Можеби изгубиле работа, родител или некој близок – можеби преживеале сериозна болест или повреда, а можеби и веќе поминуваат низ развод. Вие не само што ги гледавте како ги доживуваат тие работи туку исто така ги гледавте и како ги прифаќаат. Одвојте една минута да им ставите до знаење дека се силни. Разводот може да биде трауматично искуство, па сигурно ќе им треба потсетување за нивната сила. Ќе се почувствуваат самоуверени кога ќе им ставите до знаење дека поминале низ сè и дека истото го надминале.rn

Дали вечерва си слободен/на за вечера?

rnНајдобриот подарок што можете да им го дадете е вашето време. Тоа навистина ќе им биде потребно во миговите кога се чувствуваат осамени. Направете план за да поминете квалитетно време заедно. Излегувањето на вечера ќе им ги оттргне мислите, а доколку не ви се излегува спремете домашно подготвена храна и јадете заедно. Ако вашите родители не живеат во близина, тогаш направете онлајн дружба.rn

Повели дневна доза смеа за да те забавува

rnВелат дека смеењето е најдобриот лек – никогаш не ја потценувајте неговата моќ. Доколку најдете некоја смешна и интересна содржина, не се двоумете да им ја испратите. Тоа ќе им дојде добро затоа што ќе им ги пренасочи мислите на малку забава наместо постојано да мислат на разделбата.rn

Што направи за себе денеска?

rnПознато е дека грижата за себеси е последна кога некој се соочува со болна разделба. Потсетете ги вашите родители дека треба да бидат нежни со себе во време кога се ранливи. Поставувањето на ова едноставно прашање не само што ќе им покаже дека се грижите за нивната добросостојба туку и ќе ги инспирира да направат нешто што ќе придонесе да се чувствуваат добро. Ако изгледа дека тие ја отфрлаат грижата за себе можеби ќе можете да направите некои сугестии што одговараат на нивните потреби и интереси.rnrnПостои голема веројатност дека вашите родители биле покрај вас кога вие сте се соочувале со раскинување. Сега е вашиот ред да бидете тука за нив. Колку и да мислите дека не им помагате доволно во процесот на нивното закрепнување, реалноста е дека и кратката текстуална порака ќе им покаже дека ги поддржувате. Тие ќе бидат вечно благодарни што израснале толку љубезна и внимателна личност што им дава поддршка во нивните најтешки денови.rnrnПрочитајте ја и оваа приказна која вели дека родителите треба да се сакаат и почитуваат во нивната старост.

July 3, 2019
5-те фази на болка низ кои минуваат близначките души додека се разделени

Врската на близначките души е исполнета со љубов и радост, но не е без тешкотии. Љубовта што ја чувствуваат едни кон други е навистина интензивна, но на ист начин ја чувствуваат и болката додека се разделени.rnrnrnrnРазделбата на близначките души не е како кај обичните врски. Кога се одделувате од вашата близначка душа може да ви се сруши целиот свет. Постојат неколку фази на болка низ кои минуваат разделените близначки души, а кога ќе ги знаете полесно ќе се справите со процесот.rn

1. Разбирање на разделбата

rnЗа да ја преболите разделбата најпрво треба да ја разберете. Близначките души минуваат низ разни фази на „бркање и бегање“, а овој процес е нормален кога една од душите почнува да ја негира врската. Таа личност не може да се справи со ова, па бега. Другата личност ќе го разбере процесот, но ќе остане со скршено срце.rn

2. Шок на душата

rnШокот на душата е посилен од скршеното срце. Личноста мора да го разбере и со текот на времето да му се предаде. За да ги искажете овие емоции потребно е да ги разберете. Немојте да тонете во тага. Штом ќе го надминете шокот на душата, ќе го пронајдете вашиот мир.rn

3. Љубов кон себе

rnДодека сте разделени од вашата близначка душа, треба да научите да се сакате. Ако сакате да бидете со некого, прво треба да научите како да бидете со себе. Работете на сите нешта што сакате да ги промените кај себе и научете да бидете сами. Дури тогаш ќе бидете среќни.rn

4. Верба во огнот

rnИако е вистинско искушение да ја обвините другата личност за разделбата бидејќи си заминала, не значи дека таа е крива. Таа го прави истото што и вие – созрева во личноста што треба да стане со цел да се обедини со вас. Потребно е да верувате дека еден ден ќе се врати кога ќе биде подготвена.rn

5. Верба во универзумот

rnВо текот на секоја разделба доаѓа момент кога треба да заборавите на сè и да почнете да му верувате на универзумот. Бидете трпеливи.rnrnОбединувањето на близначките души ќе се случи пред да се свестите. Повторно ќе ја сретнете вашата близначка душа кога ќе воспоставите рамнотежа и кога ќе си простите. За ова е потребно да еволуирате и да бидете свесни за вашата духовна реалност.rnrnДознајте и што се случува кога ќе го сретнете вашиот духовен близнак.

February 8, 2019
Нови правила за развод што го заштитуваат детето и им помагаат на родителите

Денес разводите не се ништо ново, но верувале или не, и тие еволуираат. Марен Кардило е адвокатка од Њујорк која работи со разводи. Таа има понудено неколку нови трендови кои стануваат сè попопуларни кај паровите кои се разведени.rnrnrn

1. Вгнездување

rnНа овој начин, детето продолжува да живее во семејниот дом, а родителите се оние кои се менуваат. Кога не е со детето, родителот престојува во близина, на пример со некои роднини.rn

„Во поголемиот дел од случаите, вгнездувањето функционира како привремен договор. Штом родителите ќе почнат да го водат својот живот или стапат во брак, станува комплицирано. Ова функционира со пар кој има тинејџер и кој чека нивното дете да заврши средно, па да ја продадат куќата. Предноста е тоа што децата се во еден дом, имаат своја соба и ги одржуваат истите пријателства. Нема потреба постојано да се прилагодуваат кај едниот, па кај другиот родител.“

rn

2. Разводен помошник

rnКако што има помош за породување, овие професионалци нудат совети и се рамо за плачење. Помошничката за развод од Торонто, Лин Каплан, укажува на практичните и емоционалните компликации кои настануваат при разделба:rn

„Помошникот обично не е правно лице и нуди поддршка и информации во текот на разводот. Некому кому му е потребна помош за трошоците, може да му се најде лице со финансиска позадина. На тој што му е потребна помош за родителство, најдобро е да најде помошник искусен за ментално здравје.“

rn

3. Делење на старателство

rnВо нејзината кариера, Кардило забележала дека повеќето родители сакаат да го поделат старателството еднакво. Ова значи 4 дена со мајката, 3 со таткото, па 1 недела со едниот, 1 недела со другиот. Ова е добро за родители кои живеат блиску еден до друг и во близина на училиштето на детето.rn

„Времето поминато без дете им помага на родителите да ги наполнат своите батерии. Исто така улогите се поделени. Мајката прави ручек, а таткото помага со домашната. Следниот пат таткото прави ручек, а мајката помага со домашната. На децата ова им е од корист бидејќи и двајцата родители преземаат одговорност.“

rn

4. Разведени парови кои живеат и/или работат заедно

rnМожеби отворањето на заедничка пекара било одлична идеја. Но што ќе се случи по разводот ако бизнисот е заеднички? Денес многумина продолжуваат со бизнисот. Кардило им помогнала на многу клиенти кои продолжиле да работат или живеат заедно и по разделбата. Причината за ова најчесто се финансиите. Кога доаѓа до ова, мажот и жената обично ја делат куќата. Сепак, за ова се потребни неколку строги правила.rn

„Потребно е да има правила за социјализирање со пријатели или нови партнери и за тоа како ќе се дели заедничкиот простор. Професионалната врска може да остане продуктивна, особено ако бизнисот е успешен. Важно е да имаат и договор како и сите останати бизнис партнери.“

rn

5. Апликации за развод

rnСистемите за организација кои се достапни онлајн не дозволуваат никому да ја испушти посетата на лекар, да го заборави училишниот концерт или да не плати некоја сметка.rn

„Онлајн алатките ја олеснуваат комуникацијата помеѓу партнерите во конфликт. Кога интеракцијата е ограничена, овие веб-сајтови им овозможуваат на родителите да споделуваат информации, да ги следат трошоците и да прават промени во распоредот. Понекогаш проблемите кои го предизвикале разводот произлегуваат од лошата комуникација и недоразбирањето. Овие апликации го елиминираат тој проблем.“

rn

6. Нежно слетување

rnОва е договор за заедничко старателство каде што разведениот пар живее во иста зграда или исто соседство. Викендите ги поминуваат како семејство, заедно одат на одмор и ги одржуваат семејните традиции за децата.rn

„Го имам видено ова, но за жал многу ретко. Ако парот може да ја задржи способноста за ефективна комуникација и ако можат да се почитуваат, ќе имаат многу повеќе опции. Најважно е тоа што децата ќе учат од нивното однесување и полесно ќе го поднесат разводот. Исто така ќе имаат и поздрава врска со двајцата родители.“

rnПогледнете и како да ги заштитите вашите деца за време и по разводот.

January 17, 2018
Доколку сте еден за друг, овие 10 работи никогаш нема да можат да ве разделат

Кога е вистинската љубов во прашање, не постојат многу работи кои се несовладливи. Можеби вистинската љубов со силни емоции, не може да се избори со некои тешки препреки, но со овие секако би требало. Немојте да бидете злопамтило, бидејќи тоа нема да донесе ништо добро за вас и вашиот партнер. Решете ги сите несогласувања веднаш и продолжете понатаму без „багаж“. Доколку навистина сте еден за друг, овие 10 работи никогаш нема да можат да ве разделат.rnrnrn

1. Големи очекувања

rnАко навистина сака да биде со вас, вашиот партнер ќе се обиде да напредува за да ги исполните сите ваши (реални) очекувања. Нема да биде мрзлив и ќе има волја да вложува напор за да ја зацврсти вашата врска. Едноставно, ќе посака да биде подобра личност покрај вас.rn

2. Ирационални стравови

rnАко е вистинскиот за вас, тој ќе ви помогне да се смирите доколку сте уплашени заради нешто. Нема да ве обвинува дека заради нешто сте ја изгубиле главата. Тој ќе ви помогне да ја совладате таа криза.rn

3. Долго минато

rnСте лажеле, сте „влечеле“ некого за нос, сте изневерувале. Сите во своето минато правеле некои работи за кои не се горди, но кога ќе се појави вистинскиот, сето тоа се остава зад себе. Во врската полна со љубов и доверба нема место за овој „куфер“ од минатото.rnrnrn

4. Чуден карактер

rnСите тие глупости кои ќе ги кажете би требало да прават вашиот партнер да ве сака повеќе, а не помалку. Ако не ја сака вашата чудна смисла за хумор, тогаш не ве сака ниту вас. Заради тоа е подобро да пронајдете личност на која ќе ѝ се допаѓаат работите кои се својствени за вас, така што не морате да размислувате што ќе направите следно или што да изговорите, од страв да не бидете сфатени погрешни.rn

5. Необично семејство

rnВашиот партнер не би требало да се плаши од вашите најсакани, без разлика какви се тие. Ако врската е сериозна, тој мора да го разбере тоа, бидејќи сите имаат по некоја „црна овца“ во семејството.rn

6. Силни емоции

rnНе би требало да се воздржувате за да му кажете на вашиот партнер како се чувствувате. Ако е тоа она вистинското, тогаш вашата врска би требало да биде само поцврста кога сте отворени и искрени. Доколку тој бега секојпат кога ќе му кажете како навистина се чувствувате, тогаш вашата врска нема да потрае долго.rn

7. Физички изглед

rnАко ве остави откако сте добиле некој килограм повеќе, тогаш очигледно дека му е грижа само за вашето тело. Ако тоа е вистинска љубов, тогаш нема да се грижи за вагата сè додека вие се чувствувате добро.rnrnrn

8. Цврсто мислење

rnМислењата се секогаш важни, дури и кога сте дијаметрално спротивни. Вие слушате поп, тој хард рок – нема место за расправија, компромисот е решение.rn

9. Финансиски проблеми

rnБез разлика дали вие или вашиот партнер сте шворц, тоа секако внесува стрес во врската. Ако навистина сакате вашата врска да успее, морате заедно да штедите пари. „Тркалото на среќата се врти“, а истото важи и за финансиската ситуација на двајцата партнери.rn

10. Лутење

rnДовербата и комуникацијата се важни. Но, опростувањето е уште поважно. На секого му се случува да погреши, дури и на совршениот партнер. Немојте да бидете злопамтило, бидејќи тоа нема да ви донесе ништо добро. Решете ги сите проблеми што ги имате и продолжете понатаму без никаков „товар“.rnrnЗа да опстане вашата љубов, треба да ја негувате, а паровите кои вистински се сакаат никогаш не престануваат да ги прават овие работи.

September 20, 2017
Момци, на овој начин ја губите девојката која ве исполнува

Можеби еден ден, после неколку месеци или години, ќе се разбудите и ќе сфатите дека таа ви недостига. Ќе ви недостига начинот на кој ве гушнала пред да си кажете збогум или начинот на кој ве засмевала, мирисот на нејзината коса или нејзината умешност секогаш да ве расположи кога сте имале лош ден, без разлика дали тоа било со бакнеж, прегратка или мал гест на внимание. Ќе ви недостига начинот на кој таа се обидувала да се насмее откако сте ѝ кажале шега која не ја сфатила, или пак моментот кога секогаш знаела да се извини, дури и кога тоа што се случило не било нејзина вина, само за да не се карате повеќе. Ќе ви недостига и звукот на нејзиниот глас и како нејзината рака совршено се вклопувала во вашата.rnrnrnrnЌе ви недостига начинот на кој таа гледала во вас. Ќе ви недостигаат нејзините очи, насмевка, љубов и слатките пораки со кои знаела да ве изненади. Тој ден, ќе го почувствувате ударот на сите оние грешки, сите оние моменти кога ја повредувавте само затоа што не знаевте што да правите. Кога ја натеравте да се чувствува незначајна затоа што сте биле премногу загрижени за своето его. Секогаш кога одбиравте да не се грижите, наместо да разговарате за проблемите. Одеднаш, ќе се соочите со безброј прашања од типот „Што ако“ и дури тогаш ќе помислите дека сте можеле да направите нешто, па ќе посегнете по телефонот со цел да ја побарате, затоа што сакате барем да зборувате со неа. И тогаш ќе се сетите дека немате зборувано подолго време и дека нејзините пријателки еднаш ви споменале дека таа го променила нејзиниот број.rnrnТогаш ќе ви стане уште потешко, кога ќе надојдат спомените. Но, најмногу од сѐ, ќе помислите на денот кога после вашето карање таа стоела и ве чекала, додека вие заминувавте. Ќе се сетите колку пати се обидувала со вас и колку многу труд вложила во вашата врска. Но тоа никогаш не било доволно за да почнете да се грижите. Ќе се сетите и дека го одбравте полесниот пат, па ќе почувствувате празнина во срцето.rnrnrnrnПа, можеби ќе го побарате новиот број од нејзините пријатели и ќе ја контактирате, но таа најпрво ќе се запраша за кој станува збор, затоа што вашиот број веќе не постои во нејзиниот именик. Во тој момент ќе ѝ признаете колку ви недостига и колку жалите за сите оние работи што ви се случиле и дека посакувавте да можете да го вратите времето и да донесете поинакви одлуки. Но, тогаш таа нема да знае како да ви објасни дека веќе има свој нов живот и е задоволна со него. Па тогаш ќе сфатите дека е премногу доцна. Тогаш ќе знаете дека сте ја изгубиле засекогаш. Таа ќе ви се извини, затоа што е таков тип човек, но ќе знаете дека ова извинување нема да промени ништо. Иако мислевте дека разговорот ќе ги смени работите помеѓу вас, тоа нема да се случи. Тогаш ќе се запрашате: „Како си дозволив да ја изгубам девојката која ме исполнуваше?“rnrnЗа да го спречите ова да се случи, никогаш не земајте ја здраво за готово девојката што навистина се грижи за вас и ве исполнува. Дајте сè од себе за да ја задржите, бидејќи никогаш нема да најдете личност што поискрено ќе ве љуби од неа. Препознајте ја вистинската љубов и едноставно не дозволувајте да ја изгубите. Бидејќи ако еднаш ви се „лизне“ од раце, никогаш повеќе нема да можете да ја вратите.

October 4, 2016
Присилно разделени по 62 години љубов: Солзите на овие баба и дедо ќе ги трогнат и најрамнодушните!

83-годишниот Волф Готчок и неговата 81-годишна жена Анита се запознале како тинејџери во еден германски станбен блок и биле неразделни целиот нивен живот. Но, дошло време да се преселат во дом за стари лица. Ниту еден дом во канадскиот град Сари, каде што се преселиле во младоста, не можел да ги прими и двајцата, па последните 8 месеци овој пар живее одвоено.rnrnrnrnСекој втор ден, членови од семејството ја носат Анита да го види саканиот кој е оддалечен 40 минути возење со автомобил. Тој е во ран стадиум на деменција, а таа станува сѐ повеќе неподвижна.rnrnРазделбата многу тешко ги погодила и секогаш кога конечно ќе се видат, почнуваат да плачат. Семејството е очајно.rnrnrn

„Баба ми сега не може ни да го бакне за добра ноќ. Тој ја нарекува со разни прекари како ’глувче мое мало’ секогаш кога ќе ја види“, рекла една од внуките.

rnСега кога памтењето на Волф се влошува, а семејството дознало дека боледува и од лимфома, потребно е последните денови да ги помине со неговата жена. Властите преземаат сѐ што можат за овој случај да стане приоритет и повторно да ги соединат заљубените сопружници.rnrnrnrnПогледнете го следново видео од збогувањето на овие двајца вљубени кое несомнено ќе ги стопи и најладните срца.rnrn

August 27, 2016
Збогум

– Си одам.rnrn- Каде?rnrn- Некаде далеку.rnrn- Ме оставаш?rnrn- Не сакам…rnrn- Епа зошто тогаш го правиш тоа?rnrn- Морам. Нема иднина тука за мене.rnrn- А јас што сум? Нели требаше твојата и мојата иднина да станат едно?rnrnrnrn- Тоа беа детски соништа.rnrn- Имаш некоја друга?rnrn- Не тропај глупости.rnrn- Не ме сакаш повеќе?rnrn- Не се работи за тоа… (молк) Види… Јас не можам да останам тука. Се гушам. Монотонијата ме убива. Тапкам во место. Не го замислував мојот живот вака на 25 години. Мислев дека ќе стане човек од мене. Јас сум никој и ништо. Не сум реализиран. А времето тече. Верувај дека се обидував и тука да створам нешто, да направам нешто значајно. За мене. За нас. Но, не оди. Морам да преземам нешто.rnrn- (се обидува да ги задржи солзите, со треперлив глас) Мислиш дека ова е фер спрема мене?rnrn- (ладно) Не сакав вака да испадне… Знаеш дека премногу ми значиш. Но, на крајот на краиштата не сме толку долго заедно за да го сфатиме ова трагично. Не смееме да ги заборавиме нашите цели и соништа само затоа што сме се заљубиле.rnrn- Ќе се вратиш?rnrn- Кога ќе успеам во нешто, ќе се вратам. И ќе те побарам.rnrn- А до тогаш?rnrn- До тогаш секој по свој пат.rnrn- (низ солзи) Ќе те чекам! Ти ветувам дека ќе те чекам! Нема да погледнам во друг. Нема да дозволам моето срце да затрепери поради нечиј туѓ поглед. Само тебе ќе те чувам во мислите. Ти ветувам. Верувај ми!rnrn- (се насмевнува и ја прегрнува цврсто) Глумице моја. Вистински ли се солзиве?rnrn- Само јас си знам колку се вистински…rnrn- (виновно) Јас ти верувам, но јас не можам да ти го ветам истото. Не можам да ти ветам дека во мене ќе тлеат истите чувства што се дел од мене сега. Не можам да знам. Не можам да ветам.rnrn- Не си сигурен во твоите чувства?rnrn- Сигурен сум сега. Но, до тогаш… Којзнае.rnrn- А добро зошто тогаш не можеме да бидеме заедно сè до последниот ден? После оди и ако сакаш не се враќај. Но, да останеме заедно до самиот крај!rnrn- После ќе биде потешко… Побезболно е ако ставиме крај сега.rnrnrnrn- (со ентузијазам) Но, еве претстави си вака: Ако дознаеш дека ти останува уште една недела живот, ќе одлучиш да се затвориш и сам да ја дочекаш смртта за да не биде после потешко, или, пак, ќе гледаш таа една единствена недела да ја поминеш со сите луѓе што ги сакаш?rnrn- Во право си… Ама ова не е прашање на живот или смрт. Јас ќе се вратам и ќе те побарам.rnrn- А ако си најдам некој друг?rnrn- Ако си решила да најдеш, ќе најдеш.rnrn- Нема да ти биде криво?rnrn- Секако дека ќе ми биде. Ќе сакам да го убијам.rnrn- И ти си спремен да ризикуваш да ме изгубиш мене, само затоа што не знаеш дали уште ќе ме сакаш на истиот начин после извесен период?rnrn- Таков е животот. Нема добивка без ризик.rnrn- Нема да имам проблем да си најдам друг. Знаеш, нели?rnrn- Ако сакаш да си најдеш, ќе најдеш. Прекрасна си.rnrn- (остро) Кога да ти ја вратам кошулата?rnrn- Не ми ја враќај. Ќе ми треба изговор да те побарам, кога ќе се вратам.rnrn- Баш си ти итар. (молк) Сигурен си за ова? (последната солза се спушта по нејзиното лице)rnrn- Мора да биде вака. Долго размислував. Нема друг начин.rnrn- Се надевам дека не грешиш. Збогум.rnrn- Те сакам и ќе те сакам…

May 29, 2016
7-те најголеми грешки при разводот

Без разлика дали вие сте разведени, или пак познавате барем една брачна двојка којашто се разделила, следниве совети можат многу да ви помогнат при справувањето со оваа ситуација. Ваквата ситуација е тешка и многу стресна, па затоа честопати повредените чувства може да доведат да се направат погрешни одлуки. Во продолжение погледнете некои од нив, како и начините на кои можете да ги спречите со цел да се заштитат најблиските.rn

rn1. Ги принудувате децата да застанат на нечија страна

rnПоследното нешто што би сакал да го направи еден родител за време на разводот, е да им предизвика болка на децата. Но, за жал, многу работи се случуваат несвесно. Секако, тоа е стресно време каде што сте лути, па честопати сакате да го казните својот партнер со користење на децата. Она што е важно е да не ги принудувате децата да заземат нечија страна. Без разлика колку е тешка ситуацијата, најважно е да ги потсетувате вашите најмали дека и двајцата родители се еднакво важни и дека и двајцата треба да се сакаат.rn

2. Го користите адвокатот за развод како терапевт

rnАдвокатот може да биде од голема помош кога станува збор за законот, но во никој случај тој не е професионалец за ментално здравје. Не жалете му се нему! Тој не е соодветно трениран за да ви помогне, ниту па тоа е неговата работа. Ако барате совети од него или неа, големи се шансите дека ќе се насочите во погрешна насока без да знаете како сте успеале да стигнете до таму.rn

3. Се борите при поделбата на предметите

rnКај повеќето партнери коишто се разведуваат постои борба за тоа кој ќе го добие телевизорот, новиот лаптоп и слично. Не борете се за материјалните нешта само за да се чувствувате како победник, бидејќи тие воопшто не се важни во оваа ситуација. Вие секако ќе потрошите повеќе пари за адвокатите и во никој случај нема да ви го олеснат префрлувањето во новиот сингл живот, колку и да го посакувате тоа.rn

4. Ги оставате работите онака како што се

rnМногумина не би сакале во процесот на разведување да им бидат досадни на своите адвокати, па затоа ги оставаат работите онака како што се. Иако судските процеси се одвиваат бавно, сепак потребно е континуирано да го следите процесот и да бидете времено известени за сите промени. Не би сакале одеднаш да се изненадите од некој настан што се одлучил одамна, и кој би можел да ви донесе поголема штета отколку доколку сте се справиле со него во истиот момент кога излегол.rnrnrn

5. Одбивате да соработувате

rnСигурно не сте во можност да ги решавате сите прашања, затоа, соработувајте и полесно ќе преминете низ цела ситуација!rn

6. Го навредувате бившиот партнер

rnОсобено штетно за децата е споделувањето неубави детали од вашиот брачен живот. За нив се важни и двајцата родители, подеднакво. Ако вашиот поранешен партнер е лоша личност, оставете децата сами да го откријат тоа. Нивните односи се сосема поинакви.rn

7. Лесно се впуштате во нова врска

rnРазводот е едно од најстресните искуства со кои би можеле да се соочите. После тоа, логично е да сакате удобност, емотивна врска и забава. Но, воздржете се, затоа што сигурно не сте подготвени да му го дадете на новиот партнер она што го заслужува во врската. Освен тоа, вашите деца со ова ќе бидат дополнително изложени на траума. Оставете си простор каде што ќе сфатите што навистина сакате.

May 4, 2016
Колку долго трае еден просечен брак во различни делови од светот?

Дали надевањето за брак кој ќе трае засекогаш е премногу добро за да биде вистинито? Од друга страна пак, постојано слушаме приказни за љубов која ја изгубила својата страст и завршила со развод. Всушност, ова толку често се случува што веќе може да се каже дека е повообичаено отколку оние врски кои навистина засекогаш траат. Погледнете колку често се случуваат разводите и во просек колку долго трае еден брак во некои од најголемите градови ширум светот.rnrnrn

1. Рим, Италија: 15 до 18 години

rnРазделбите и разводите во Рим се зголемени за 30,7% од 2010 година. Од тогаш, на секои 1.000 бракови има 307 разделби и 182 разводи. Во секој случај, Рим сè уште има најмногу парови кои остануваат заедно, во просек од 15 до 18 години, но и најголем број години во живеење разделено сè додека конечно не заврши врската со развод.rn

2. Отава, Канада: 13,8 години

rnПросечната должина на брак во Отава е 13,8 години. Но, со оглед на тоа што бројките на развод постојано растат, достигнувајќи и 48% на национално ниво, овој просек може брзо да се промени.rn

3. Париз, Франција: 13 години

rnЗа жал, дури ни градот на љубовта не е имун на пропаднатите бракови, каде што стапката на разведување е 55%. Во Париз еден просечен брак трае 13 години.rn

4. Њујорк сити, Њујорк: 12,2 години

rnБраковите во Њујорк, со просек од 12,2 години, траат подолго од националниот просек. Но, ако ја гледаме пошироката слика, другите држави во Америка се движат помеѓу 10 и 14 години.rn

5. Мексико сити, Мексико: 12 години

rnПросечниот брак во Мексико трае околу 12 години. Само 15% од врските завршуваат со развод, но неодамнешни студии покажуваат дека голем број парови раскинуваат по само 2 години брак. Токму затоа и во 2011 година, владата во Мексико почнала да издава моментални дозволи за брак со цел да го направи разводот полесен за новите парови.rn

6. Токио, Јапонија: 11 години

rnСпоред националниот цензус, просечниот брак во Јапонија не трае повеќе од 11 години, каде што 36% од браковите завршуваат со развод. Тие имаат и церемонии за развод, каде што се спроведува ритуал со цел да можат паровите да продолжат сами по својот пат.rn

Кејптаун, Афика: 11 години

rnСпоред еден извештај од 2012 година, разводот во Кејптаун варира според полот и годините. Мажите најчесто се разведуваат помеѓу 40 и 44 години, додека пак жените помеѓу 30 и 35 години. Просечниот брак трае 11 години, а стапката на разводи е 31,2%.rn

8. Сиднеј, Австралија: 8,7 години

rnАвстралискиот институт за семејни студии открил дека паровите се разделуваат многу побрзо од 2011 година, со просек од 8,7 години. Но, оваа студија исто така открила и дека голем број парови имаат тенденција да останат заедно само поради своите деца. Националната стапка на разводи е 43%, каде што паровите најчесто се разведуваат по 20 или повеќе години или пак, кога нивните деца се целосно пораснати.rn

9. Лондон, Англија: 4 до 8 години

rnПросечниот брак во Лондон најчесто завршува со развод по 4 или 8 години. Во овој град од сите бракови 42% завршуваат со развод. За разлика од Лондон, националниот просек на браковите е 11 години и повеќе.rn

10. Доха, Катар: 5,5 години

rnСтапката на разводи во Доха е 38%, каде што браковите во просек траат само 5,5 години. Еден извештај од 2011 година ни покажува дека 60% од паровите се разделуваат во првите 5 години, а некои дури и пред да го консумираат својот брак (немале секс ниту еднаш).

August 6, 2015