Пред да стане претседател на САД, Абрахам Линколн имал успешна адвокатска кариера, која ја работел 25 години. Неговиот добар углед натерал многу млади правници да се обратат кај него за совет како да станат подобри адвокати. На четири од нив им ги испратил следните одговори.rnrn
rn
Писмо до Ајшам Ривис, 5 ноември 1855 година
rnПочитуван господине,rnrnШтотуку стигнав дома го најдов Вашето писмо од 23-ти од минатиот месец. Јас поминувам премногу време надвор од канцеларијата за да бидам од корист за еден млад човек кој сака да научи за правото. Ако сте цврсто решен од себе да направите адвокат веќе сте завршиле половина од работата. Не е битно дали ќе читате со некого или не. Јас не читав со никого. Земете ги книгите, читајте, проучувајте ги додека не ги сфатите нивните носечки принципи, тоа е најважно. Не е битно дали сте во голем град додека читате. Јас читав во Њу Салем, место во кое никогаш немало повеќе од 300 жители. Книгите и вашиот капацитет да ги разберете се исти каде и да сте. Господин Дамер е многу умен човек и одличен адвокат, така што немам сомнение дека тој со задоволство ќе ви покаже кои книги да ги прочитате, а веројатно и ќе ви позајми некои.rnrnСекогаш имајте на ум дека вашата решеност да успеете е побитна од што било друго. Искрено Ваш,rnrnА. Линколнrn
Писмо до Вилијам Григсби, 3 август 1858 година
rnПочитуван господине,rnrnВашата пријава за место во мојата адвокатска канцеларија од 14 јули беше примена пред неколку дена. Мојот партнер, г-н Херндон, е задолжен за овие работи и во последните три месеци веќе има одбиено дузина пријави како Вашата.rnrnАко сакате да станете адвокат, не дозволувајте на Вас да влијае местото каде што се наоѓате или луѓето со кои сте опкружени. Земете книги, седнете некаде и читајте. Тоа ќе ве направи адвокат побрзо од што било друго.rnrnИскрено Ваш,rnrnАбрахам Линколнrn
Писмото до Џејмс Торнтон од 2 декември 1858 година
rnПочитуван господине,rnrnГо примив Вашето писмо испратено на 29-ти во име на г-н Видмер. Јас премногу сум отсутен за да можам да бидам соодветен ментор на студент по право. Кога човек ќе дојде до возраста на која е г-н Видмер, сметам дека треба да почне да чита без надгледување од ментор. Јас токму на тој начин влегов во правната професија. Дајте му на г-н Видмер да ги прочита коментарите на Блекстон, застапувањата на Чити, за докажувањето на Гринлиф, за правичноста и застапувањето во име на правичноста на Стори, нека земе лиценца, нека почне да работи и нека продолжи да чита и потоа. Според мене тоа е најбрз, најевтин и најдобар начин за г-н Видмер да направи адвокат од себе.rnrnИскрено Ваш,rnrnА. Линколнrn
Писмо до Џон Брокман од 25 септември 1860 година
rnПочитуван господине,rnrnВашето прашање „кој е најбрзиот начин да се стекне длабоко знаење за правото“ е примено. Начинот е многу едноставен, иако макотрпен и едноличен. Тоа е да земете книги, да читате и внимателно да ги проучувате. Почнете со коментарите на Блекстон, и откако внимателно ќе ги проучите, би рекол два пати, прејдете на застапувањата на Чити, докажувањето на Гринлиф, а потоа прочитајте за правичноста од Стори. Најбитно е да се работи, работи, работи.rnrnИскрено Ваш,rnrnА. Линколнrnrn rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
Главни улоги:
Харви Спектор е успешен адвокат во престижна адвокатска компанија, кој е познат по својот остроумен шарм и по тоа дека секогаш победува. Неговите обврски наложуваат да најми асистент, чие место случајно го пополнува Мајк Рос. Мајк никогаш не завршил правни студии, но многупати полагал правосуден испит за други. Има неверојатна способност за помнење, доволно е само еднаш да прочита нешто за тоа да остане запаметено во неговата глава. Импресионирајќи го Харви на интервјуто за работа, тој ја добива шансата да го живее својот сон.
Нека не ве одбива правниот аспект во приказната. Навистина, сè во серијата се базира на правото, но случаите се интересни, а нивното вешто решавање проследено со неуспеси и надмудрувања, „местенки“ и финти ќе направи да посакате да ја работите оваа работа, дури и ако вашиот сон е нешто друго. Хуморот во серијата е стегнат, вплеткан во куси интервали помеѓу редици сериозни правни дијалози. Просто, немате време да се изнасмеете кога ќе се случат.
И глумата во серијата е фантастична. Ќе биде невозможно да не го сакате Харви Спектор, без разлика дали како љубовник или како ваш идол, да се воодушевувате на држењето на неговата шефица Џесика – сопственичката на фирмата, да го презирате неговиот опонент Луис, да посакате да имате колешка како неговата асистентка Дона и да сочувствувате со Мајк, кога се сопнува на интригите кои му ги приредуваат поискусните.
Најсилно од сè е што во секоја епизода градуално се зголемува елементот на емотивност кој ги поврзува карактерите и прави да се чувствувате како да сте дел од нивниот живот.
Досега се излезени вкупно 22 епизоди организирани во 2 сезони, но ако почнете да гледате „Suits“, брзо ќе сфатите зошто продолжението закажано за јануари, 2013 изгледа толку далечно.
rnrnrn
rn
rn