КАФЕ ПАУЗА

Tag: макета

Неверојатно 3Д пенкало кое црта во воздух
Сте посакале ли некогаш да го кренете пенкалото од хартијата и да гледате како вашиот цртеж се претвора во реален тридимензионален објект? Епа сега можете!rnrnrnrn„3Doodler“ е 3Д револуционерно пенкало коешто црта во воздух. Работи со ABS пластика (материјал којшто се употребува во многу 3Д печатачи), а може да црта во воздух или на некаква површина. Едноставно е за употреба и не му е потребен компјутер или софтвер за да работи. Едноставно приклучете го во струја и за неколку минути нацртајте сѐ што сакате! Доколку знаете да чкртате, цртате или едноставно да го мрдате прстот низ воздухот, тогаш ќе знаете и да го користите 3Doodler.rnrn

rnrnrnОва пенкало умее да црта во воздух, на начин што од врвот истиснува загреана пластика, која многу брзо се лади и се претвора во цврста и стабилна структура. Ова ви овозможува да градите бесконечно многу разни 3Д форми со леснотија.rnrnСо ова неверојатно пенкало можете многу едноставно да креирате разни артистички дела. Доколку сте артист или едноставно онака, од хоби сакате да создавате нешто убаво со вашите раце, ќе посакате ова пенкало веднаш да го имате!rnrnrn

Што можете да создавате со „3Doodler“?

rnПостојат разни начини на кои можете да го користите ова пенкало. Можете да го користите за креирање на рамни површини кои потоа лесно се одлепуваат од парче хартија, за фристајл 3Д објекти или за засебни парчиња, кои потоа лесно можат да се спојат со помош на пенкалово. Еве што се можете да создадете:rn
- Основни 3Д форми и 3Д макети
- Накит, приврзоци и лампиони
- Декоративни предмети и магнети за фрижидер
- Персонализација на секојдневните предмети (футроли за Ајфон, лаптопи, пенкала итн.)
- Мини Ајфелова кула и што ли уште не…
rn3Doodler работи на секаква површина, вклучително и на пластична, а освен за декорирање и за забава, може да се употребува и за некои ситни поправки на предметите низ вашиот дом. Пенкалото чини 75 американски долари, а негови основачи се Питер Дилворт и Mакс Бoуг.rn
rn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
February 21, 2013
Рилскиот манастир изработен од 6 милиони чкорчиња

Дали мислите дека имате време и трпение за да создадете неверојатно дело како ова? За почеток ќе треба да соберете само 6 милиони чкорчиња од кибрит. Бугарскиот артист Пламен Игнатов употребил токму толкав број чкорчиња за да го создаде овој минијатурен модел од Рилскиот манастир, на кој посветил 16 години од својот живот.rnrn rnrnМакетата е изработена не само од чкорчиња, туку и од дрво и камења, а моментално е изложена во археолошкиот музеј во Софија, Бугарија. Рилскиот манастир е најголемиот и најпознатиот манастир во Бугарија. Тој се смета за најважниот културолошки, историски и архитектски објект во земјата и е главна туристичка атракција. Манастирот е заштитен од светската организација УНЕСКО.rnrnrnrnПотсетете се на скулптурата „Тркалање низ заливот“ од Скот Вивер, која е изработена од 100.000 чепкалки за заби.rn
rn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

January 19, 2012
Најголемиот минијатурен аеродром во светот

Најголемиот светски модел на аеродром е сместен во „Miniatur Wunderland“ во Хамбург, Германија. Овој музеј е едно од најпосетуваните туристички места во северна Германија и е домот на многу минијатурни модели, меѓу кои се наоѓа и најголемиот модел на железница.rnМинијатурниот модел на аеродром е направен според „Fuhlsbüttel“, меѓународниот аеродром кој се наоѓа во Хамбург, Германија. На него има безброј реквизити, меѓу кои 40 авиони, 40.000 светла, 15.000 човечки фигури, 500 автомобили, 10.000 дрвја, 50 возови, 100 вагони, 300 згради и околу 200 копчиња и прекинувачи. За да се изгради биле потребни 7 години, а неговата изградба чинела 4,8 милиони американски долари.

May 16, 2011