КАФЕ ПАУЗА

Tag: маани

Обрнете внимание: 10 нешта кои морате да ги знаете за господин Вистински

Ако сѐ уште не сте го пронашле вашиот совршен партнер, не грижете се! Не морате да бидете најубавата, најслабата или најинтересната дама за да го пронајдете и освоите господинот Вистински. Доволно е само да бидете вистинската и искрена форма од себеси, а тој веднаш ќе го забележи тоа. А кога ќе го забележи, вие веќе треба да ги знаете овие 10 нешта.rnrnrn

1. Тој постои

rnДали некогаш сте си рекле себеси дека нешто е премногу добро за да биде вистинито? Да, вистинито е, но ако не верувате во тоа ќе ви биде многу потешко да го пронајдете. Сетете се на Ѕвончица од Петар Пан – секој пат кога некој ќе каже „не верувам во самовили“ некоја самовила умира. Во овој случај, иако тоа не е толку екстремно, сепак сигурно од посочениот пример ви е јасно за што зборуваме.rn

2. И тој исто така ве бара

rnИсто како и вие и тој не сака да заглави во лоша врска. Всушност, како што вие трпеливо го чекате и го барате со месеци и години и тој го прави истото. Можеби ќе морате малку да му помогнете, но ве советуваме да не му се нафрлате – тој треба да се почувствува пријатно во вашето друштво. Спонтаноста на прво место!rn

3. Тој бара емотивна зрелост

rnВие не можете да знаете кога е и дали е вистинското време за да се запознаете. За да бидете добар партнер во врската вие мора да достигнете одредено ниво на емотивна зрелост за која ќе ви бидат потребни време и искуство. Не обидувајте се да ја занемарите оваа точка затоа што така непотребно ќе се полудите себеси или него.rn

4. Тој се грижи за малите нешта

rnСето она што го сочинува еден романтичен филм е ништо во споредба со добрата врска која долго трае. Вистинскиот живот трае подолго од 120 минути. Вие мора да мислите на малите нешта што ги сакате, затоа што вообичаено малите нешта се всушност големи во долгите врски. Како се чувствувате кога заедно одите во продавница, или кога се соочувате со заеднички тешкотии или кога ги завршувате домашните активности?rn

5. Тој е среќен

rnАко мислевте дека драмата и темпераментноста се секси – многу се лажете. Тоа е обичен мит. Реалноста е дека јаките и агресивни емоции најчесто стануваат болни искуства во врската. Никој не сака да биде во близина на некој кој менува расположение со брзина на светлината, зар не? Среќата е многу повредна од тоа. Мора да бидете среќни за и личноста со која сте да биде среќна заедно со вас. Толку е едноставно – токму како што звучи.rn

6. Тој е многу повеќе од добар секс

rnДа не се разбереме погрешно – немаме ништо против добриот секс, баш напротив. Меѓутоа, врските во кои добриот секс е доволен за нивно одржување вообичаено се лоша идеја. На секоја личност, па дури и на мажите, им е потребен некој што можат да го сакаат со сите нивни зборови и постапки. Едноставно, сексот е само еден преубав дел од врската кој може да ги зближи партнерите, но не е и доволна причина за таа да опстојува.rn

7. Тој ве цени

rnДа бидете во долга врска или да живеете со партнерот е како да живеете под микроскоп – добивате прилика да ги видите сите негови маани кои со текот на времето ќе испливаат на површината. Секој има некоја маана и нема личност која не прави иритирачки грешки.rnrnНајдобар противотров за потенцијалното иритирање или настанување на караници е да го воведете признавањето и секогаш да разговарате за проблемот. На таков начин меѓусебно ќе се прифатите и ќе бидете спремни да ги видите сите добри карактеристики кои ги поседува вашиот партнер, а кои секогаш треба да ги цените.rn

8. Тој ве засмејува

rnПаровите кои заедно се смеат имаат поголеми шанси за остварување на врска на долги патеки, за разлика од оние кои не воведуваат хумор во својот однос. Колку повеќе се смеете – толку повеќе ќе бидете во состојба да се прифатите еден со друг и полесно ќе ги гледате предизвиците кои можат да се јават во врската. Плус, тоа е одличен начин за остварување на здрав однос.rn

9. Тој не е совршен

rnТој само треба да биде вистинската форма на несовршеност. Ако сте опседнати со уредност, а тој не е, вие веројатно нема совршено да си одговарате, но ако двајцата прифатите дека по некое нешто може повремено да се најде на плочките во бањата, тогаш ќе имате подобри шанси за вклопување. Прифатете некои недостатоци – ни вие не сте совршени!rn

10. Тој е џентлмен

rnАко размислувате за врска на долги патеки, дали сакате покрај себе да имате некој кој е нежен и чувствителен кон вас? Џентлемените се често неправедно потценети, така што ви советуваме да обрнете внимание на нив. Ќе видите како тие можат многу добро да влијаат на вашата емотивна состојба и да ве направат горда и среќна дама. Пробајте!

August 16, 2015
Зошто „совршената жена“ секогаш треба да има маани?

Никој на овој свет не е совршен и токму тоа значи дека сите имаат маани. Но, она што ги разликува луѓето е степенот до кој тие се отворени за своите маани, како и колку ги прифаќаат, разбираат и колку труд вложуваат во нивното менување доколку не им се допаѓаат. Зборот „маана“ секогаш се доживува како негативен, но многу често тој може да значи и нешто позитивно. Да се биде со маани е природно, тоа е единствениот начин на кој светот знае да функционира. Без мааните нема да има ни еволуција, а без еволуција каде би било човештвото сега? Токму затоа погледнете зошто треба да престанете да ја барате „совршената“ жена и да се насочите кон онаа која јасно ги покажува своите маани…rnrnrn

Колку повеќе маани има, толку е понезаборавна

rnНие најчесто ги помниме оние нешта кај луѓето кои се истакнуваат и кои ни делуваат невообичаено. Луѓето многу брзо се навикнуваат на нивната нова средина бидејќи доколку не се случуваше тоа, ние би биле постојано под стрес и во непријатна состојба. Ние се навикнуваме со цел да го ослободиме нашиот ум и да се фокусираме на другите аспекти од нашиот живот.rnrnПонекогаш, во вашата околина може да се појави нешто што целосно ќе ви го привлече вниманието токму поради тоа што е необично. Тоа може да биде интересна жена која со нејзиниот специфичен изглед, говор, размислување, стил, миризба, насмевки, навики, начинот на кој пие кафе или чудната смисла за хумор ќе ве привлече. Но, понекогаш тоа може да биде и фактот што таа е во емоционален хаос, па вие сè што сакате е да ја прегрнете и утешите. Или пак, може да биде и начинот на кој ќе ви го скрши срцето поради тоа што не сака да се обврзува, не ве цени или не е доволно подготвена за врска. Без разлика на ситуацијата, токму овие маани се оние кои ќе направат вие никогаш да не ја заборавите.rn

Колку повеќе маани има, толку се поголеми шансите да ви го размрда светот

rnМааните најчесто водат кон неочекувани нешта, па токму тоа е и една од најголемите причини зошто луѓето често трагаат по нив. Ние сме суштества од навика, па токму затоа и правиме сè што е во нашата моќ за да ги задржиме моменталните врски во нашиот живот колку што е можно подолго. Никој од нас не сака промени. Ние се плашиме од непознатото.rnrnКога една жена со маани ќе влезе во животот на маж, тој останува без зборови. Тоа се случува бидејќи кај него настанува забуна, но и возбуда поради изложеност на нов начин на живот, на една сосема нова реалност која отсекогаш постоела, но која тој досега никогаш не ја забележал. Понекогаш токму оваа промена во светот е онаа која можеби сте ја барале. Понекогаш таа само накратко ве одвлекува од реалноста и ви овозможува еден вид одмор, кој никогаш нема да го заборавите.rn

Мааните водат кон повеќе маани, па токму затоа постојано ќе се прашувате што е следно

rnДоколку некој ви рече да ја опишете вашата жена од соништата со еден збор, тогаш вие сигурно би рекле „фасцинантна“. Сите мажи се во потрага по жена која ќе биде мистериозна, ќе ги тера на размислување и ќе направи да посакуваат да откријат нешто повеќе. Не се сите мажи исти, тоа е факт, но на повеќето многу брзо им досадуваат нештата. Можеби токму ова е една од причините поради кои тие не сакаат да се обврзат на само една жена.rnrnПа, доколку најдете жена која ги има соодветните маани, тогаш таа ќе биде повеќе отколку што ви е потребно. Можеби дури и повеќе одошто би можеле да издржите. Мааните водат кон иновација и еволуција. Тие дозволуваат да се достигне неочекуваното и да се откријат нови предности и можности. Доколку ја најдете жената со соодветните маани вие ќе се заљубите во личност која постојано се менува, еволуира, учи и се адаптира.rn

Таа не се плаши да ги прави нештата поинаку

rnНе постои совршена личност, ни маж, ниту жена. Тоа не се случило од почетокот на човечката раса досега, а сигурно нема ни да се случи до самиот крај на човештвото. Ние сме родени за да имаме маани, но за жал поголемиот дел од луѓето не го прифаќаат овој факт и забораваат дека и покрај тоа што некои маани се негативни, има и маани кои се позитивни.rnrnДоколку не сте задоволни со себе или со одреден аспект од вашиот живот, тогаш слободно сменете го. Преземете ги соодветните чекори со цел следен пат кога ќе се видите во огледало да ја сакате личноста која ви се смее од другата страна. Сите ние сме со маани, но трикот е да се најде начин како тие да се прифатат или променат. Доколку најдете жена која знае како да го направи тоа, која презема одговорност за својата реалност и која ги користи своите маани за да остави трага во овој свет, тогаш таа ќе бидете најдоброто нешто што може да ви се случи во овој живот.

June 2, 2015
Парадокс на убавината – 4 начини на кои потпетиците нѐ охрабруваат и нѐ заробуваат

Дали жената ги носи чевлите или чевлите ја носат жената?

rnСе обидуваме да откриеме каква е пораката кога носиме високи потпетици, а каква е кога не носиме? Зошто некои жени ја поднесуваат болката, а некои не?rnrnУбавината е болка и болката е убавина, но мора ли да бидеме грди за да ни биде удобно? Нема ли да бидеме женствени ако не носиме високи потпетици?rnrnСе симнуваме неколку степени подолу на сексуалната скала ако не носиме високи потпетици и така доброволно им дозволуваме на другите жени да го заземат нашето место.rnrnrnrnДека е тоа така потврдиле и научниците од „Универзитетот во Јужна Бретања“. Тие составиле група од 19-годишни девојки кои носеле потпетици со различни висини и требале да анкетираат мажи на возраст од 25 до 50 години. Резултатот покажал дека мажите двапати повеќе застанувале да разговараат со девојките на повисоки потпетици.rnrnДали со носењето високи потпетици го отпоздравуваме феминизмот или тоа е чекор наназад? Дали е тоа застарена форма на ропство или пак враќање на женственоста?rnrnТие се меч со две острици. Како и животот на жената, така и тие се полни со контрадикторности и двојни стандарди. Истовремено се форма на еманципација, но и на заробеништво. Потпетиците се со нас и против нас.rnrnrn

1. Ни даваат моќ, но сепак нè оковуваат

rnАко убавината носи моќ, тогаш зошто понекогаш се чувствуваме толку слабо?rnrnНе можеме да негираме дека одредени привилегии и предности следуваат со повеќе убавина. Но колку моќ може да има жена која владее од одредена висина на која не може да се движи? Само заради тоа што убавината е моќна не значи дека оној што ја поседува ја има моќта.rnrnВо Антички Рим, високи потпетици носеле сексуалните робови и проститутките. Во тоа време тие биле симбол на секс и заробеништво.rnrnСтанале актуелни во 1500-те години, но со друго значење – претставувале моќ на владејачката класа. Биле знак на моќ и престиж, дотолку што високо позиционираните луѓе ги викале „луѓе на висока потпетица“.rnrnНа запад претставувале моќ, но им ги скратувале правата жените – тие не можеле секаде да се движат со нив. Плус, тие се поврзувале со слабост, бидејќи не се очекувало дека жените можат нешто да прават додека ги носат.rnrnСо моќта доаѓа и поробувањето.rnrnrn

2. Нè прават повисоки, но и помалку застрашувачки

rnСо нив добиваме на височина, но не и на убедливост. Ни додаваат сантиметри наспроти противникот, но и ги изложуваат нашите слабости. Можеби ќе бидеме повисоки, но сме дефинитивно и послаби.rnrnПотпетиците ја намалуваат можноста не само да избегаме во моментот туку и за цел живот. Според „Women’s Health Magazine“ движењето на потпетици ја вкочанува Ахиловата жила. Оваа жила ги вкочанува листовите на нозете на потпетици. Затоа кога ќе ги соблечеме потпетиците нормалното движење е болно. По подолго време движењето по рамно станува тешко.rnrnНа високи потпетици можеби ќе можеме да им „јадеме бурек на глава“ на машките, никогаш нема да можеме да бидеме побрзи од нив.rnrnrn

3. Нè прават гласни, а истовремено ни го одземаат авторитетот

rnСо нив привлекуваме внимание, но какво?rnrnНе само што ни го отежнуваат одот туку и нè издаваат. Со нив непријателите полесно ќе го слушнат нашето доаѓање, дури и оние кои не сакаат да се во чекор со нас.rnrnСамо затоа што секој може да нè чуе не значи и дека ни се плаши. Тоа што сме погласни од другите не значи дека сме помоќни.rn

4. Нè прават да се чувствуваме посекси, но и нè повредуваат

rnЗа потпетиците веќе одамна е докажано дека ја зголемуваат привлечноста на жената – со нив се издолжуваат нозете и се зацврстува задникот. Благодарение на нив жените можат да постигнат одредено ниво на убавина, но по која цена?rnrnСпоред „Associated Press“, медицински, високите потпетици може да предизвикаат болки во грбот и да го зголемат ризикот од повреди на зглобовите. Докажано е дека предизвикуваат оштетувања на коските и нервите, остеоартритис, пукнати капилари, плускавци и сраснати нокти.rnrnrnrnШто е поентата на убавината ако цената што ја плаќаме не е вредна за тоа? Кога инвестицијата во високите потпетици престанува да биде исплатлива? Се откажуваме од делови од себеси за да ги воодушевиме мажите. Ние сме посекси, но самите себе се повредуваме.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 27, 2015
15 несовршености кои треба да се дел од онаа која неизмерно ја сакате

Секој човек е приказна сам за себе. Со своите доблести и маани, секој е уникатен и единствен и како таков, тој е некому совршен. Всушност, кога се заљубувате во некого, тоа е поради сите оние убави, но и оние „лоши“ особини кои на некој начин заедно ве шармирале. Ако сакате некого, тоа е бидејќи таа личност за вас е убава во секое светло и знаете дека оние недостатоци и маани кои таа ги има ја прават таква каква што е и се дел од причината поради која вие го чувствувате тоа што го чувствувате. Со други зборови, кога некого сакаме, ние всушност го прифаќаме и убавото и лошото кај нив. А ако се прашувате кои се тие „маани“ кои треба да ги поседува вистинската девојка за вас, тогаш погледнете подолу.rnrnrn

1. Се грижи за вас и повеќе одoшто е потребно

rnСѐ што е претерано не чини, но грижењето за вашата среќа никогаш не е. Таа се грижи бидејќи сака да бидете среќни и насмеани. Ништо повеќе и ништо помалку.rn

2. Потребно ѝ е многу време да се подготви за излегување

rnНаместо да ја критикувате бидејќи доцни, помислете на фактот дека сето тоа е токму поради вас. Таа е за вас во секое издание убава, но треба да покажете дека го цените фактот дека сепак сака да изгледа уште поубаво.rn

3. Ви ги посочува вашите недостатоци

rnВие знаете дека ги имате, а и таа ве сака без разлика на нив. Тоа што ви посочува на тие недостатоци е бидејќи сака да бидете најдобар што може. И не само за неа, туку за самиот вас пред сѐ.rn

4. Непредвидлива е

rnСпонтаноста е една од најзабавните и најослободувачките чувства на светот. А најубавото во врска со тоа е што никогаш не се знае каков ќе биде крајот на патувањето. Непредвидливата девојка секогаш ќе ве изненадува и со неа ќе ви биде сѐ освен досадно.rn

5. Барањето совршен подарок за вас е долго патување

rnВо свет на вештачки емоции и незначајни подароци, таа се обидува да го најде подарокот кој за вас ќе биде совршен без разлика колку време ќе ѝ биде потребно за тоа. Најубаво е што тоа е подарок од срце.rn

6. Се грижи за себе, па вие покрај неа не изгледате ни приближно убаво

rnМожеби звучи лошо вака кажано, но колку пати ви се случило таа да јаде здраво, а вие не? Или, пак, таа да се дотера за излегување, а вие сте облечени во првите две парчиња облека кои ви се нашле при рака?rn

7. Таа е секогаш во право

rnИ секогаш ќе биде. Едноставно нема поента да се расправате бидејќи на крајот секако се согласувате со неа. Но она што е навистина важно тука е дека таа е, без разлика на тоа, секогаш на ваша страна.rn

8. Потребен сте ѝ, но може и без вас

rnПотајно секој заљубен човек сака да знае дека неговиот партнер не може без него, па затоа е веројатно фрустрирачки кога ќе видите дека вашата сакана и може и не може без вас. Ја сакате знаејќи дека сте ѝ потребен бидејќи тоа е убаво чувство, но тоа дека е доволно самостојна за да може и без вас ќе направи да ја сакате уште повеќе.rnrnrn

9. Ве форсира да бидете подобри

rnМногу луѓе прават лице кога се однесуваат како да се грижат за вас, но онаа личност која го прави тоа бидејќи знае дека можете повеќе и подобро, е онаа која ве сака. Таа тоа го прави за ваше добро, бидејќи сѐ додека не дадете максимум од себе никогаш нема вистински да уживате во животот.rn

10. Го кажува тоа што ѝ лежи на срце и на ум

rnТаа е личност како и сите други и има свои мислења и ставови кои не ѝ е страв да ги искаже. Тоа е особина која ретко може да се најде кај луѓето. Со други зборови, таа е искрена и директна и со неа ќе знаете на што сте иако може не секогаш ќе ви се допаѓа тоа.rn

11. Секогаш сака да се држите за раце или да бидете гушнати

rnИако надвор се 50 степени и вие не можете да дишете, сепак таа инсистира да се држите за раце или да се гушкате. Убавината на тој момент е што колку и да ви е топло, чувството кога таа ќе се припие до вас е непроценливо и во тие моменти ја сакате повеќе од кога било.rn

12. Ако таа го прави, го правите и вие со неа

rnБез разлика за што станува збор, таа настојува да го правите тоа заедно. Може да е нешто што го сакате и вие, но може и да е нешто што го мразите. Но неа ја сакате, а таа само сака да биде со вас и да ве вклучи во она што сака да го прави бидејќи тоа е секогаш поубаво кога сте вие покрај неа.rn

13. Очекува да ја сакате повеќе од што било

rnТаа ве сака вас со цело срце и душа и нормално е дека очекува и вие да ја сакате неа. Очекува таа да ви биде целиот свет и иако невозможно, она што навистина го сака е малку внимание и многу љубов бидејќи тие кажуваат сѐ.rn

14. Прави да чувствувате страв дека може да ја изгубите во секој момент

rnЧувството на несигурност кое оди рака под рака со овој страв е неверојатно лошо чувство иако таа не го прави тоа намерно. Но кога малку би размислиле, ќе согледате дека сето тоа е со цел да сфатите колку таа ви значи и колку многу би изгубиле кога би ја изгубиле неа.rn

15. Очекува да го поминете остатокот од животот со неа

rnЖените се многу поконструктивни од мажите. И тие планираат. А мажите, кога станува збор за врските, се плашат најмногу од тоа – обврски. Но вие се сакате, па замислата целиот живот да бидете заедно не треба да ве плаши бидејќи ја имате таа среќа да го поминете остатокот од животот со многу љубов. А оваа шанса е многу ретка.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn

February 14, 2015
20 фантастични работи кои ќе ви се случат откако ќе сфатите дека мора да се сакате и почитувате себеси пред сѐ останато

Како може некој да ве сака и почитува ако вие не се сакате и почитувате себеси? Кога вие не ја сакате личноста која ја гледате во огледало и не сте задоволни од неа, тогаш сето тоа ќе се одрази на вашето секојдневие, на вашето однесување и на сите врски во вашиот живот, па правите да е скоро невозможно некој да сака да биде во ваша близина. За да бидете подобри, мора да се погледнете такви какви што навистина сте, да се откриете целосно пред себе и да се прифатите со сите доблести и маани. Но најважно од сѐ, да научите да се сакате себеси со сите тие карактеристики и додатоци.rnrnrnrnТоа што не ви се допаѓа не може да го промените на ниту еден друг начин, а тоа што ве прави убави во секоја смисла на зборот не можете да го подобрите ако не сте помирени со личноста која ја претставувате. Покрај тоа, никогаш навистина нема да можете да уживате во ништо што го правите, а уште помалку ќе можете да ги искусите следниве ефекти и придобивки на самопочитта и љубовта кои би можеле да си ги подарите себеси.rnrn1. Ќе се ослободите од вината, срамот и гневот кои ги чувате во себе, а за возврат ќе ги пречекате моќта, сопственоста и креирањето на вашиот живот таков каков што сакате да биде.rnrn2. Ќе почнете да верувате во себе, навистина да чувствувате и слушате. Наместо тоа што другите го зборуваат за вас, важно ќе ви биде како вие се чувствувате и однесувате кон себе.rnrn3. Ќе чувствувате мир бидејќи конечно сте се прифатиле себеси.rnrn4. Ќе станете одговорни за својот живот и ќе прифатите одговорност за вашите одлуки, тоа што ви се случува и најмногу од сѐ, за вашата среќа која е единствено во ваши раце.rnrn5. Ќе ѝ кажете чао на осаменоста и ќе се чувствувате многу повеќе поврзани со сите и со сѐ околу вас.rnrn6. Ќе си дозволите себеси да се покажете пред другите и да бидете тоа што сте.rnrn7. Ќе се најдете себеси во ситуација каде нема повеќе да ги осудувате другите, туку ќе ги прифаќате и разбирате бидејќи веќе знаете колку храброст е потребно за да се направи тоа.rnrn8. Чекор по чекор, ќе го рушите ѕидот позади кој долго време се криевте прифаќајќи дека човечки е да се згреши и со тоа ќе станете ранливи бидејќи тоа ве прави човек.rnrn9. Повеќе нема да чувствувате потреба да се докажувате некому бидејќи сега знаете дека сте доволни такви какви што сте и дека љубовта и грижата кон некого се она најдоброто и највредното кое може да го понудите.rnrn10. Повеќе нема да чувствувате страв бидејќи веќе сте го пребродиле најголемиот – сте се прифатиле себеси.rnrn11. Нема да имате потреба да се споредувате со другите бидејќи знаете кои сте и што сакате.rnrn12. Ќе се отворите себеси кон другите дозволувајќи им на креативноста и инспирацијата да си играат со вашите мисли.rnrn13. Полесно ќе ја прифаќате реалноста.rnrn14. Секоја врска која ја имате во животот, без разлика дали е со семејството, пријателите или партнерот, ќе скршне во сосема друга насока и тоа подобра бидејќи ќе ѝ дадете поголемо значење и конечно ќе ја цените и негувате колку што и заслужува.rnrn15. Неуспехот веќе нема да го гледате како уште една затворена врата пред вашиот нос, туку само како скалило плус на патот кон успехот.rnrn16. Ќе си дозволите да бидете и давате повеќе: повеќе среќа, повеќе љубов, повеќе човечност.rnrn17. Ќе станете свесни за вашите мисли и ставови и сето она кое не е добро за вас по што ќе успеете полесно да се справите со стресот и проблемите, а најмногу со начинот на кој вие реагирате на нив.rnrn18. Ќе се чувствувате побезбедни бидејќи знаете дека вие сте секогаш тука за себе, дури и кога другите нема да бидат.rnrn19. Конечно ќе се опуштите и ќе уживате повеќе во животот.rnrn20. Постојаното чувство дека нешто недостасува и незадоволството кое оди со него ќе исчезнат и ќе бидат заменети со прекрасното чувство на ценење на тоа што го имате знаејќи дека тоа е доволно за да бидете среќни.rnrnДа се сакате и почитувате себеси и уште повеќе, да не се срамите да го признаете тоа, нема никаква врска со нарцизам. Единствено значи дека сте подготвени да го земете вашиот живот во ваши раце и да направите нешто во врска со личноста која сакате да бидете.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

January 23, 2015
5-те љубовни маани на секој хороскопски знак

Во повеќето врски, причината за кавги, недоразбирања, па и раскинување, лежи во недостатокот на љубов и концентрирањето на недостатоците на другиот. Вистината е дека секој од нас има маани, а доколку ги знаете оние на вашиот партнер, можете да спречите тие да предизвикаат поголем проблем во вашата врска.rnrnrn

Овен

rn1. Ова е хороскопски знак со најексплозивен темперамент и често има проблем со контрола на бесот.rnrn2. Често се однесуваат како да се многу наивни и незрели.rnrn3. Секогаш се возбудени околу започнување на нови нешта, но многу лесно го губат интересот.rnrn4. Нивната нетрпеливост е многу напорна, секогаш сакаат сè и сега.rnrn5. Поприлично се егоисти и тешко ја разбираат туѓата перспектива.rn

Бик

rn1. Ужасно се тврдоглави и во кавгите со нив не треба да очекувате дека некогаш ќе победите, дури и ако знаат дека не се во право. Секако нема да попуштат.rnrn2. Со среќа во очекувањата дека тие ќе бидат вредни партнери кои ќе раскреваат низ дома за сè да биде на место.rnrn3. Нивните потреби и желби секогаш имаат приоритет.rnrn4. Често знаат да бидат здодевни.rnrn5. Емотивно тешко се отвораат и најчесто само велат „сè ќе биде во ред“.rn

Близнаци

rn1. Најчесто се многу несигурни и тешко можете да сметате на нив.rnrn2. Секој ден прво мора да анализирате каква им е волјата, за да знаете како да се прилагодите на нивното однесување.rnrn3. Сакаат да шармираат со убави зборови, но често не ги исполнуваат своите ветувања.rnrn4. Сè брзо им здосадува, па така и партнерот. Затоа покрај нив може брзо да почнете да се чувствате како да сте им вишок.rnrn5. Животот со нив подразбира безброј полузавршени проекти и напуштени идеи.rn

Рак

rn1. Нивните промени во расположението се многу исцрпувачки.rnrn2. Често ќе ве повредат со тешки зборови, а подоцна нема да ја преземат вината за тоа.rnrn3. Ќе ве побрзаат за „сериозна врска“, брак и семејство, но ни самите не се сигурни во тоа.rnrn4. Ќе покажуваат знаци на зависност од вашата врска заради што може да се чувствувате како во затвор.rnrn5. Животот со нив може да биде прилично монотон и предвидлив, тешко ќе ги навикнете на нови активности.rn

Лав

rn1. Тешко е да се чувствувате сигурни со нив, бидејќи сакаат да флертуваат кај ќе стигнат.rnrn2. Никогаш нема да имате чувство дека ве сакаат колку што вие ги сакате нив и повремено ќе ви создаваат чувство дека се наметнувате во врската.rnrn3. Ретко признаваат дека не се во право, а дури и ако го направат тоа, самите не веруваат во тоа.rnrn4. Знаат да бидат многу арогантни и нетактични.rnrn5. Бидејќи тие мора да бидат во центарот на вниманието, може да се чувствувате како да живеете во нивната сенка.rn

Девица

rn1. Тие се кралеви во анализирање и осудување на туѓото однесување.rnrn2. Животот со нив значи дека секогаш вие ќе мора да бидете иницијатор на сè.rnrn3. Сакаат да се муртат, па после кавга очекувајте однесување како на петгодишно дете.rnrn4. Бидејќи често се несигурни, од вас очекуваат сè за да не се чувствуваат така, иако вие со тоа немате никаква врска.rnrn5. Мора да живеете според нивните правила. Во спротивно ќе слушате критики секој ден.rn

Вага

rn1. Ретко ќе знаете што всушност мислат за нешто, бидејќи може да ви го зборуваат она што знаат дека сакате да го слушнете.rnrn2. Ќе се обидат со разни игри, како оние со казнување и наградување, за да манипулираат со својот партнер.rnrn3. Лесно можат да се свртат против вас ако ги повредите.rnrn4. Често се многу тажни и оптоварени со изгледот, а и од вас ќе очекуваат секогаш да изгледате совршено.rnrn5. Нивната упорност е спорна, а често се жалат, што може да биде тешко за слушање.rn

Скорпија

rn1. Нивната љубомора е легендарна и можете да очекувате бесни погледи при секој разговор со некој од спротивниот пол, за кого тие ќе проценат дека е привлечен.rnrn2. Покрај нив тешко ќе знаете како самите се чувствувате, бидејќи тие се во состојба да манипулираат со вашите емоции.rnrn3. Во состојба се потполно да ве игнорираат и да ве остават така што само ќе исчезнат од вашиот живот.rnrn4. Често имаат тајни, а ни малите „наивни“ лаги не им се непознати.rnrn5. Со нив и малите кавги можат да се претворат во големи.rn

Стрелец

rn1. Обожаваат да зборуваат, но тешко ги слушаат другите.rnrn2. Очекуваат од партнерот постојано да ги забавува, а ако тоа не се случува, ќе кукаат.rnrn3. Со среќа во обидот нешто да го научите вашиот Стрелец, бидејќи тој и така веќе сè знае.rnrn4. Обожаваат да доминираат во односите.rnrn5. Знаат да бидат многу директни и бесчувствителни, и ако сакаат – мајстори се во повредување на туѓите чувства.rn

Јарец

rn1. Работата, нивните цели и успеси секогаш ќе им бидат на прво место, пред партнерот.rnrn2. Тие се најпознати „контрол фрикови“ во целиот Зодијак.rnrn3. Често им недостига спонтаност бидејќи не се способни да се опуштат, заради што вашиот однос може да стане здодевен.rnrn4. Ќе ја анализираат и паметат секоја грешка што сте ја направиле и бидете сигурни дека ништо не забораваат.rnrn5. На нивниот став не можете да влијаете, единствено што можете е да се прилагодите.rn

Водолија

rn1. Тие често живеат во своите соништа, заради што се чинат оддалечени од сè и од сешто, па така и од партнерот.rnrn2. Врската со нив може да се претвори во доживотна низ предавања – бидејќи тие секогаш знаат како е најдобро.rnrn3. Во вашиот приватен живот скоро секогаш ќе ги вовлекуваат пријателите и покрај нив може да се чувствувате како вие да не сте им доволни.rnrn4. Иако се гордеат со тоа што се либерални, всушност според своите принципи тие ги осудуваат сите други.rnrn5. Секогаш можете да знаете за што размислуваат, но ретко што чувствуваат.rn

Риби

rn1. Нивната замисленост е проблем, сметајте дека сè што ќе кажете ќе мора и да го повторите.rnrn2. И додека е тешко да ги поттикнете нешто да започнат, уште потешко е да ги натерате тоа и да го завршат во разумен рок.rnrn3. Ќе ги жртвуваат своите потреби и чувства за другите, па може да имате впечаток дека се слаби и дека мора да се грижите за нив.rnrn4. Ги идеализираат односите и од вас ќе имаат бројни очекувања.rnrn5. Рибите постојано размислуваат што сакаат во животот, па вие веројатно често ќе се запрашувате каде сте вие во таа равенка.rnrnПрочитајте ги и 7-те најдобри карактеристики на секој хороскопски знак и 5 причини зошто вреди да сте во врска со секој хороскопски знак.

October 17, 2014
Не оценувај ја книгата според кориците

Не можеш да кажеш такво нешто во свет каде корицата е сè. Еве на пример, неодамна прочитав за некој познат дизајнер на вагини (да, добро прочитавте), кој прво ја „скоцкал“ неговата пациентка, и откако ја направил „совршена“ ја побарал за жена. Самите велат дека тоа било љубов на прв поглед. Ха! Сериозно? Речиси ништо на неа не е природно, од глава до пети е „поправена“, а плус како капак на сè внимавал на нејзината тежина за да остане „совршена“.rnrnМислам да, баш супер изгледаат заедно, ги видов и на слика. Ама нашите баби и прабаби раѓале во просек по 4 деца, а нивните мажи не пробале да ги разубават или „поправат“ бидејќи телата не им биле цврсти и тонирани. Има нешто што се вика вистинска љубов, и тоа постои, но како што минува времето, ми се чини дека е сè поретка и сè попогрешно дефинирана.Да не се разбереме погрешно. Убаво е да обрнуваш внимание на својот надворешен изглед. И нема некој кој не се труди да биде среден и убав, кој повеќе, кој помалку. Да не се лажеме, ако не ти беше воопшто гајле, ќе се шеташе по пижами, а и тоа не чини. Ја слушам сестра ми како вежба водена од инструкциите на некој онлајн тренер, и нерви ми кине, ама ѝ се восхитувам на вложениот труд и на издржливоста. Сепак, грижата за изгледот и сопственото здравје лесно можат да преминат во опсесија. Е тоа не е во ред. Граница постои и мора да ја повлечете.rnrnЌе иташ кон тоа глупаво совршенство сè додека не изгубиш допирна точка со твојот природен изглед. Била позната и убава водителка, ама сакала да биде уште поубава па сега е анорексична и изгледа како жив скелет. Зошто би си го направиле тоа себеси? Убавината е во нас и во начинот на кој зборуваме, се движиме, јадеме, го искусуваме животот чекор по чекор. Не можеш цел живот да го поминеш затворен во твојот мал свет каде ќе бидеш опседнат со изгледот и со тоа дали изгледаш подобро од оние околу тебе, наместо слободно да излезеш, да го покажеш своето јас, просто да уживаш во животот, колку и да звучи како клише.rnrnПред една година ми рекоа дека морам да носам наочари. Јас ги носев ретко. Зошто? Мислев дека не ми стојат добро. Сега ми е дијагностицирано влошување на видот. По купувањето на новите наочари се погледнав во огледало и си плеснав едно најискрено – ГЛУПАЧКА. Да си упропастиш вид бидејќи не ти стоеле наочарите добро. Имаш ли ти пилешки мозок?rnrnБез разлика на моделот, наочарите нема да ти стојат добро ако ти не се гледаш со поинакви очи. Сè што мислите дека претставува некаква маана во вашиот изглед, носете го како да е ваша најголема предност. Така се гради сопствен стил. Така ќе се ослободите од глупавите мисли кои ве влечат назад и ви кажуваат дека, во светот на сите совршени лица од насловните страни, вие не сте убави. Вие сте дупло поубави од сите нив… помножени по двесте. Бидејќи така се чувствувате и тоа го мислат за вас оние најблиските, всушност оние чие мислење се важи.rnrnЕлиrnrn
rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

September 1, 2013
6 најиритирачки машки навики

По завршувањето на фазата меден месец, ви станува јасно дека тој е обичен маж, смртник кој има маани, кои искрено понекогаш ви одат на нерви. Не го спушта капакот на веце-шолјата, ги остава чорапите на под, не се отвора да зборува за најинтимните чувства и понекогаш чувствувате дека не ве цени доволно. Што се крие зад овие иритирачки машки навики и зошто ги прават?rnrnrn

1. Мажите не зборуваат за чувства

rnЗа разлика од жените кои многу често зборуваат за своите емоции, мажите не го прават тоа речиси никогаш. Дури и кога ќе се отворат за нешто, нема да слушнете никакви детали. Обично како изговор ќе ја имаат работата или нешто слично.rnrnЗошто мажите се емоционално затворени? Бидејќи во машкиот свет е грев да бидеш плачко. Уште како мали мајките и татковците ги учеле да се однесуваат како мажи, да не плачат и да не се жалат. Да се расплаче мажот пред жената, или да покаже колку е ранлив, за него би значело убивање на машкоста. Што и да се случи, тој мора да остане храбар и да не цимоли за повредените чувства.rn

2. Мажите не забележуваат што сè жените прават за нив

rnМожеби сте го поминале цело попладне готвејќи посебна вечера за двајца, или сте го облекле новиот фустан купен специјално за него, сте се дотерале за тој да ве види, и што? Многу често ви се чини како тој воопшто да не забележува каква било промена и ретко ви дава комплименти, а тоа ве прави бесни.rnrnПричината за тоа се крие уште во праисториско доба. Мажите генетски се програмирани да бидат ловци и заштитници. Дневната рутина на пештерскиот маж била да стане наутро, да улови некој див ѕвер, да донесе храна во семејството и да го заштити од напади од други племиња. И баш кога ќе помислиш дека после илјадници години нешто ќе се смени, примитивното кај мажот останува. Тој се чувствува одговорен да направи пари, и да се врати дома доцна навечер, очекувајќи да го прашате како му поминал денот. Како сè она што вие го правите да било просто ваша обврска како жена, суштеството кое тој треба да го заштити.rnrnДури и кога ќе забележи некаква промена кај вас, не секогаш ќе коментира. Некогаш поради тоа што не сака постојано да ви дава комплименти мислејќи дека ќе престанете да го цените, а понекогаш поради тоа што можеби само за момент кога ќе ве погледне ќе почувствува дека не ве заслужува.rn

3. Забораваат важни датуми

rnВо денешно време, со сите потсетници на мобилен или компјутер, би било глупаво мажите да заборават важен датум, како годишнина од брак. Но некогаш дури нема ни да го стават во потсетник. Зошто? Бидејќи, искрено, нив не им е важно. Жените имаат голем дел во мозокот резервиран за сите тие ситници и тактички потези, додека мажите не им придаваат толкава важност. Тоа не значи дека не ве сакаат, дека не им е грижа за вас или дека воопшто нема исклучоци меѓу нив. Тие едноставно не им придаваат важност на формални детали како што се датумите.rnrnДоколку сте жена која им придава голема важност на датумите, направете си услуга и потсетете го вашиот маж неколку дена порано. Така и вие ќе се поштедите од нервози, а и него ќе го поштедите од спиење на кауч.rn

4. Мажите лажат за да не ги навредат своите девојки/сопруги

rnМажите не дискутираат надолго и нашироко, туку она што го мислат го кажуваат во неколку збора. Освен, за нешто кон што негуваат посебна страст, како фудбалот на пример. Всушност, станува збор за стандардни фрази кои ги кажуваат за да не ве навредат. Нема да ви каже дека сте здебелена, дека не ви стои добро фустанот или дека залудно сте потрошиле толку пари на козметика. Како да се истренирани да одговараат по шема на теми кои се осетливи.rn

5. Заспиваат после секс

rnЖените после секс сакаат да се гушкаат, да споделат интимни разговори и тајни, да ве гледаат во очи. Мажите, од друга страна, особено откако ќе стапат во брак, многу повеќе би сакале да ги затворат очите и да спијат. Зошто?rnСпоред некои научни истражувања, при оргазам, мозокот на мажите се исклучува. Потоа следува ослободување на хемикалии кои ја намалуваат сексуалната желба и предизвикуваат потреба од сон.rn

6. Го оставаат кренат капакот на веце-школката

rnЗа мажите капакот треба да е кренат, за жените спуштен. Решението навидум е едноставно, но феноменот зошто мажите упорно го оставаат капакот кренат, останува како некој вид смотана, нерешена мистерија.rnrnПри секое влегување во тоалет, ве иритира кренатиот капак, кој може да биде причина за кавги. Работата е во тоа што мажите не сакаат кога некој им наредува. Никогаш нема да разберат колку тоа ве нервира ниту пак зошто ви претставува толкав проблем. Уште додека биле деца, нивните мајки ги навикнале сè да чекаат на готово.rnrnПоставена маса кога сакаат да јадат, без обврска да ја исчистат откако ќе завршат, ниту да го наместат креветот наутро. Тогаш зошто би чувствувале потреба да го спуштат капакот на вeцe-школката?rnrnИсклучоци од горенаведеното, секако дека постојат. Но секогаш кај партнерите, се јавуваат некои навики кои се иритирачки за другата страна. Ваша е одлуката за кои работи сте спремни и треба да направите компромис. Врската се темели на компромис и разбирање. Плус, кога добро ќе размислите, како што премногу размислуваме за сè, така премногу размислуваме и за нивните маани и причините за нивното настанување. Вистината е дека секој човек има барем по неколку навистина иритирачки навики.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

April 9, 2013