Психолозите се согласуваат дека пораките од соновите не треба да се игнорираат бидејќи токму од нив можете да прочитате важни информации за вашата здравствена состојба. Истото го тврди и народната традиција. Симболите од сонот може да бидат знаци на депресија, срцев удар или може да предупредат на ризикот од Алцхајмерова или од Паркинсонова болест.rnrn
rnrnПостојат конкретни докази дека соновите, почнувајќи од оние што се повторуваат секоја ноќ, преку живописни соништа и кошмари до бизарни ноќни визии, можат да предупредат на некоја болест пред да се појават првите симптоми.rn
„Ако често страдате од кошмари, тоа може да предупреди на проблеми со срцето, мигрена или недоволно спиење. Непријатните кошмари можат да бидат предизвикани и од лекови за крвен притисок од редот на бета-блокаторите“, вели професорот Џим Хорн, експерт за сонови од Универзитетот во Лофборо.
rnОвие лекови ги прошируваат крвните садови, но експертите веруваат дека тие, исто така, можат индиректно да ја нарушат рамнотежата на одредени хемикалии во мозокот и затоа сонувате кошмари. Лошите соништа, исто така, можат да бидат поврзани со слабо срце, според истражувањето спроведено на повеќе од 6.000 испитаници чии резултати биле објавени во холандското издание на „Journal of Medicine“.rnrnНаучниците откриле дека оние кои страдаат од неправилно чукање на срцето имаат трипати поголем ризик од кошмари, а кај оние кои чувствуваат болка во градите се јавува седумпати поголем ризик. Луѓето кои имаат проблеми со срцето се, исто така, повеќе склони кон проблеми со дишењето, што го намалува нивото на кислород во мозокот.rnrnКошмарите и грдите соништа полни со бес и агресија може да бидат предупредување дека имате мигрена. Без разлика дали секоја вечер сонувате како ве прогонуваат или ве напаѓаат, ваквите стресни соништа можат да бидат предзнак на некое заболување на мозокот или на невродегенеративни болести како Алцхајмерова или Паркинсонова болест.rn
„Предупредувачките сонови се случуваат и десет години пред првите симптоми на болеста, како што е губењето на меморијата“, истакнува д-р Оскорфт од болницата Папворт во Кембриџ.
rnСе верува дека луѓето кои редовно сонуваат како некој ги напаѓа или ги прогонува, страдаат од нарушувања во однесувањето во РЕМ-фазата на спиењето. Акутната форма на ова нарушување може да се појави и при откажување од алкохолот или од лекови за смирување.rn
„Бизарните соништа може да предупредуваат на инфекција или на почеток на менопаузата. Инфекциите можат да предизвикаат полубудна состојба, што е причина за бизарни соништа“, вели неврологот д-р Патрик Мекнамара од Медицинскиот факултет во Бостон.
rn
„И пиењето доцна во ноќта може да биде причина за такви живописни соништа, што најчесто се јавуваат во зори затоа што тогаш ефектите на алкохолот ослабуваат, а тоа влијае на хемикалиите во мозокот и создава чудни соништа“, открива професорот Џим Хорн.
rnПокрај тоа, според сведоштвата на многу жени, живописните соништа се карактеристични за менопаузата и се смета дека се знак за хормонални промени.rn
„Ако ви се чини дека сонувате повеќе од вообичаено, причината за тоа може да биде флуктуацијата на хормоните, поради што жените често сонуваат многу повеќе за време на менструацијата“, вели проф. Хорн.
rnИако ноќе за време на РЕМ-фазата „минувате“ низ 4-6 епизоди од соништата, повеќето луѓе не се сеќаваат на тоа. Луѓето сонуваат 28-42 соништа за време на една седмица, но се сеќаваат само на два или три сонови, а остатокот е избришан. На сонот можете да се сетите само ако се разбудите додека сонувате.rnrnАко „филмот заврши“ и продолжите да спиете, ќе го заборавите тој сон. Се претпоставува дека жените се сеќаваат на соништата многу повеќе од мажите токму затоа што имаат полесен сон и почесто се будат.rnrnАко сонувате повеќе од вообичаеното, тоа може да биде резултат и на хронична болка, откажување од употребата на антидепресиви или ако во просторијата е премногу топло или ладно. Сето ова му пречи на спиењето и предизвикува почести будења во текот на РЕМ-фазата, поради што се сеќавате на повеќе соништа и верувате дека сонувате повеќе од вообичаеното.rn
„Ако сонувате и се будите ноќе и рано наутро, тоа може да предупреди на депресија и да биде знак дека сте под зголемен стрес или дека имате прекумерна тежина. Мрсната храна, исто така, може да биде причина за лошите сонови. Оние кои се под стрес или страдаат од депресија, влегуваат порано во РЕМ-фазата, порано „минуваат“ низ соништата и порано се будат“, вели проф. Хорн.
rnСите такви сонови се пораки дека е време малку да забавите.rnrnМногу мајки сведочат дека имале живописни и вознемирувачки соништа за време на бременоста, но тие имале помал ризик од постпородилна депресија. Исто така, стресот често се манифестира со панични соништа и многу луѓе сонуваат дека доаѓа голем бран или дека доцнат некаде.rnrnПрочитајте дали еротските соништа со друг маж се предупредувачки знак.
rn
rn
rnrnСе смета дека кошмарите се појавуваат бидејќи имаат некоја цел за процесирање на стресот. Но, ако тие се појавуваат почесто од 2 пати месечно, тоа не е добро. Многу истражувања ја поддржуваат идејата дека хроничните кошмари се лоши за здравјето. Циклусот на спиење се нарушува, а луѓето размислуваат за соништата и во текот на денот.rnrnДруги истражувања на оваа тема покажале дека луѓето кои страдаат од хронични кошмари се поанксиозни и имаат проблеми со спиењето.rnrnВо едно 
rnrnКако и секој аспект од бременоста, секое искуство на жените во овој период е различно. Многу бремени жени изјавиле дека нивните соништа се многу пореални и поинтензивни, многу подобро ги помнат и им се случуваат многу често.rnrnНајчеста тема на овие соништа била нивната неподготвеност за пристигнување на бебето. Некои жени сонувале животни, вода, патувања, неверен партнер, архитектура, катастрофи или компликации при породувањето. Многу од овие соништа се всушност кошмари, и за разлика од некои други феномени, постојат цврсти докази дека се почести во поодмината бременост.rnrn
rnrnЕдно истражување од 2014 година покажало дека жените во третото тромесечје од бременоста искусуваат најмногу кошмари. Содржината на соништата се менува со менувањето на телото на жената. Нејзините соништа ја отсликуваат нејзината промена и стравовите и надежите за детето што треба да се роди.rnrnВо првото тромесечје соништата за вода и за плодност се најчести. Како што се менува телото, тие стануваат сѐ помалку апстрактни и сѐ повеќе за бебето и за она што се случува со телото. Конечно, во последното тромесечје почнуваат соништата со страв за породувањето и она што следува после него. Сето ова најверојатно се случува поради неколку причини: Масивно зголемување на хормоните и често прекинување на сонот.rnrn
rnrnБидејќи бремените жени се будат почесто навечер (поради неудобност, физиолошки потреби или поради мрдање на бебето) тие неколку пати ја прекинуваат РЕМ фазата од нивното спиење. Во оваа фаза се случуваат соништата, па кога ќе се разбудат додека сонуваат многу е полесно да ги запомнат соништата и тие изгледаат пореални.rnrnНе може многу да се направи за соништата во текот на бременоста. Едно решение е тие да се искористат како показател за она што ги измачува во реалниот живот. Има многу видови соништа во текот на бременоста бидејќи ова е период од животот кога жените најмногу сонуваат. Некој од нив се дури и убави – соништа за родендени, одмори или прослави кои може да рефлектираат некој заклучок или весела прослава.rnrnДознајте го и значењето на 
rnrnИсто така, оние кои имаат кошмари повеќе сочувствуваат со другите луѓе и честопати ги доживуваат туѓите искуства како да се нивни. Психијатарот Ернест Хартман во 1980 година дознал дека интензивните кошмари може да се поврзани со емоционалноста на човекот, а не со неговата анксиозност. Тој дошол до заклучок дека чувствителноста на личноста е движечката сила на интензивните кошмари. Зголемената чувствителност на застрашувачки работи и закани во текот на денот доведуваат до лоши соништа и кошмари, додека, пак, зголемената страст и возбуда можат да доведат до поинтензивни позитивни соништа.rnrnЛуѓето кои имаат кошмари доживуваат мисли кои наликуваат на соништа дури и кога се будни. Овој начин на размислување се чини дека ги прави покреативни. Истражувањето покажало дека овие луѓе имаат поголема креативност и уметнички начин на изразување. Двајца од учесниците всушност и биле уметници по професија.rnrnНаредниот пат кога ќе сонувате како бегате од зомби, паѓате од височина или држите говор сосема голи, запаметете дека тоа може да го поттикне вашето креативно размислување кога ќе се разбудите.
rnrnНа голема радост на љубителите на убавиот пишан збор, посебно на обожавателите на Харуки Мураками, Издавачкиот центар ТРИ, кој е и негов ексклузивен издавач во Македонија, неодамна го издаде неговиот најнов роман Безбојниот Цукуру Тазаки и неговите години на аџилак. И покрај фактот дека сè уште не ја добил Нобеловата награда, она што е несомнен факт е дека Харуки Мураками едноставно е еден од најпопуларните и највлијателните автори на денешницата. Ако еднаш прочитате едно негово дело, не може да не побарате уште едно од него… а токму најновиот роман Безбојниот Цукуру Тазаки и неговите години на аџилак ја оправдува неговата популарност.rnrnРоманот зборува за љубовта и пријателството, но и за разочарувањата и болката. Главен лик е 36-годишниот Цукуру Тазаки, архитект на железнички станици, кој се враќа во својот роден град Нагоја во централна Јапонија, во потрага по одговорот зошто неговите четворица најдобри другари пред шеснаесет години одненадеж му соопштуваат дека не сакаат никогаш повеќе ниту да го видат ниту да зборуваат со него. Зошто во средношколските години, па и во првите години од студирањето, две девојки и две момчиња со кои има искрено, силно и интензивно пријателство кое навидум ништо не може да го скрши, одеднаш го отфрлаат од својата група. Длабоко повреден, Тазаки гради ѕид околу себе, не дозволувајќи никому да му се доближи.rnrnЖивее осамено, изолирано, празно и безживотно, сè додека не ја сретне љубопитната Сара, која ќе го поттурне во едно ново, необично патување. Чувствувајќи ги неговата отсутност и повременото дистанцирање, како и стравот од зближување, за да не биде повторно повреден, таа бара од него многу повеќе отколку тој од самиот себе. И повторно љубовта е таа која ќе го натера да се обиде да го надмине минатото, да собере храброст по 16 години да открие зошто бил отфрлен. Притоа Мураками гради приказни и ликови на тој начин што секој од нас може да пронајде дел од себе во нив.rnrnОва е роман за внатрешните борби, за преиспитувањето на сопствените вредности, за воспоставувањето рамнотежа со светот, за истрајноста во барањето на вистината. По својата длабочина и психолошко портретирање на главните ликови, овој роман е близок на Норвешка шума, а по прашањето на двојниот идентитет, односот меѓу реалноста и соништата, сеќавањата на минатото, неизвесноста на иднината, како и според авантурата што ја носи секојдневниот живот, потсетува на трилогијата 1Q84. Но сепак е поинаков од нив. И воопшто не е претенциозно да се каже дека можеби е едно од најдобрите дела на овој јапонски книжевен маг. Како што е вообичаено за Мураками, и во овој роман доминираат микросветот на индивидуата, односите со другите и потрагата по одговорите на прашањата што го свртиле животот во друга насока. Во таа потрага исчезнуваат јасните граници и рамки, вистината добива повеќе форми, а времето ја губи својата нормална линеарна димензија.rnrnИсклучителна приказна за соништата и кошмарите, за патувањата назад во минатото. Вистински пример за мајсторство на јазикот и на психолошкото портретирање на ликовите, на нивните битки и премрежија. Ова е роман кој хипнотизира.rnrn rnrn