Tag: искуство

Ако на вашата листа со новогодишни цели за 2016-та години се наоѓале точки како доведување на телото во форма, промена на начинот на исхрана и губење вишок килограми, тогаш сега е вистинското време да започнете да работите на тоа. За да знаете од каде да почнете, важно е да пронајдете единствена програма која ќе одговара на вашите животни навики, општата здравствена состојба, полот и годините, и која притоа ќе ви даде врвни резултати. Затоа решивме да ги споделиме приказните на овие пет сосема „обични“ жени кои ги изгубиле непотребните килограми на вистинскиот начин.rnrnrn

Со помош на видео тренинзи, прилагодени за вежбање во домот

rn

„Два месеци пред почетокот на мојата фитнес приказна, бев на долго и тешко патување во Азија. Покрај постојаното движење имав и крајно нездрава исхрана и тогаш изгледав најлошо во мојот живот. Инаку, секогаш бев многу активна личност и сакав да работам, но заради работата и патувањата дојдов до точка кога повеќе не бев задоволна со себе и својот изглед. Ги пронајдов програмите на Аши Бајнс и Кајла Итсајнс, кои се занимаваа со менталното здравје и филозофијата на здравиот живот. Тие ме научија дека здравиот живот подразбира ментална и емоционална промена.rnrnМојата фитнес програма се нарекува 28-дневен предизвик и е создадена од Аши Бајнс. Програмата вклучува вежби со објаснување и видео записи, како и план на исхрана. Вежбите во рамките на таа програма траат околу еден час, но кога ќе ја совладате техниката и потезите, тренингот станува малку пократок.rnrnПосле завршувањето на овој предизвик, забележав огромни промени и сакав да продолжам во истата насока. Го купив водичот за бикини тело од Кајла што беше малку поразлична. Оваа програма се засноваше на утрински прошетки и тренинзи со отпор, кои ги правев три пати неделно. Покрај тренингот со висок интензитет, ја променив и исхраната, која се фокусираше на внесување протеини, како и на соодветни јаглехидрати и масти.rnrnПред почетокот на првиот тренинг имав 61 килограм, а сега имам 52, што значи дека изгубив 9 килограми! Во текот на овој период забележав огромен пораст на енергија, среќа и самодоверба. Тоа е толку неверојатно чувство и сега повторно го почитувам и го сакам своето тело.“ – Карли, 26

rn

Со помош на крос фит тренинзи

rn

„Се обидов со разни теретани и диети, но ми беше потребна целосна промена на начинот на живот за да успеам да добијам резултати. Сакам скијање, па така кога го открив крос фитот се заљубив во истиот момент во него.rnrnСо помош на своите тренери, почнав да ја менувам својата исхрана, која се засноваше на палео диетата. Во последните година дена изгубив околу 30 килограми и признавам дека тоа го правам побавно, бидејќи сметам дека е подобро да се слабее полека и на долгорочен план. Иако би сакала да ослабам преку ноќ, знам дека оваа опција е многу подобра за здравјето. Благодарение на крос фит тренинзите, моето тело е сега многу посилно!“ – Мелиса, 34

rnrn

Со помош на програмата за слабеење од Џени Крег

rn

„Целиот мој живот имав проблеми со тежината, а како возрасна личност, пред да го добијам првото дете, имав 98 килограми. После третата бременост се обидов да ослабам, но тоа не беше ниту близу до она што ми беше потребно. Се прашував како можев да бидам вака несреќна кога имам три деца и неверојатен сопруг. Тогаш мојата мајка ме охрабри да се придружам на групата на Џени Крег. Бев исплашена и ми беше срам. Особено тогаш кога морав да застанам на вагата и во истиот момент да забележам дека имам 145 килограми. Тогаш навистина сфатив дека треба да се приклучам на програмата.rnrnЕден аспект од програмата на Џени Крег кој беше пресуден за мојот успех е фактот дека имав свој личен консултант за слабеење, кој беше и мој ментор, навивач и наставник, кој ме охрабруваше на мојот пат кон слабеењето. Според програмата имавме точно мени, кое се засноваше на три оброци и три ужини дневно. Притоа, можев да додадам многу зеленчук во својата исхрана, бидејќи тој ми помогна да го скротам гладот во текот на денот.rnrnИзгубив 55 килограми за околу 19 месеци, а мојот живот, во позитивна смисла, многу се промени. Сега станав пример во моето семејство. Од претерано дебела личност, станав здрава.“ – Линди, 29

rn

Со помош на органска исхрана

rn

„Претходно умеев да се здебелам и до 13 килограми над нормалната телесна тежина, од прејадување и лоша исхрана. Верувам дека прекумерната тежина е јасен сигнал дека постои нерамнотежа во телото, умот и навиките, односно дека моето дебелеење едноставно е симптом за некој поголем проблем, кој се крие во коренот на исхраната. Исто така, верувам во схоластичкиот пристап за одржување на здрава телесна тежина. Исхраната е главен дел, но мене при слабеењето ми помогна и јогата.rnrnПокрај тоа, го променив и начинот на исхрана. Сега јадам органска храна. Го избегнувам млекото, брашното, шеќерот и обработената храна. Пијам зелен сок, а секој ден го започнувам со смуди што го приготвувам од домашно незасладено млеко од бадем, зелје, авокадо и бобинки. За ручек обично јадам салата, а денот го завршувам со здрава вечера која ја подготвувам дома.“ – Леа, 34

rnrn

Со помош на кикбокс

rn

„Како што се случува со повеќето луѓе, како што стареев, така и килограмите ми се насобираа. Не бев задоволна со својот физички изглед, но исто така не бев ни среќна. Во минатото користев програмирани вежби за тренинг во домот, брзо одење, тренинг на отпор и кардио вежби, заедно со броење на калориите. Со текот на годините, мојот метаболизам беше сѐ побавен, така што мислам дека сите тие напори го спречија насобирањето на килограмите, но не ми помогнаа да се решам од вишокот.rnrnЗатоа решив да се придружам на кикбокс групата за да го ублажам стресот кој се насобираше во мојот живот во изминатите година дена, додека тежината ми беше ставена во втор план. Така слабеењето ми дојде како фантастичен бонус! Предизвикот кој траеше 45 дена ме мотивираше да останам на вистинскиот пат и да го срушам личниот рекорд. Од почетокот на кикбокс програмата изгубив седум килограми за три месеци и потоа ја одржував тежината уште дополнителни четири месеци. Тогаш сфатив дека имам многу повеќе енергија и самодоверба. Исто така, нивото на стрес значително ми се намали и се чувствував толку силно, како да сум способна да се носам со сè во својот живот.“ – Лорен, 36

rnЗа да ја исполните вашата одамна зацртана цел во текот на годината којашто ни доаѓа, прочитајте ги овие одлични совети за слабеење од оние кои успеале да се ослободат од вишокот килограми.