Tag: инсталација

Преку својата извонредна архитектонска инсталација, францускиот уметник Serge Salat ги повикува посетителите на едно до сега невидено тридимензионално патување, низ бескрајни просторни слоеви, украсени со разни коцкести форми, огледала поделени на панели, како и промена на светлината и музиката. „Beyond Infinity“ претставува едно фантастично мултисензорско, мултимедијално доживување, во кое се помешани источно-кинеската и западната ренесанса. За да ја создаде ваквата оптичка илузија, Serge Salat ги користи огледалата, претворајќи една соба во експлодирачка просторна бесконечност.Оваа несекојдневна инсталација е спонзорирана од автомобилската компанија „Бјуик“, која ја користела како изложбен салон за своите автомобили. Архитектонското чудо било инсталирано во трговскиот центар Вестгејт во Шангај, од 16 до 18 септември 2011 година.Со должина од 10,8 метри, широчина од 12,45 метри и 3,8 метри во висина, оваа структура е целосно затворена. Со челична инфраструктура и алуминиумски панели во форма на саке кои се прекриени со огледала, оваа просторна изманипулирана инсталација има за цел да ги одведе нејзините посетители на едно „мистично патување“.Додека посетителите се шетаат внатре во инсталацијата, музиката свири, осветлувањето „пулсира“ и се менува кога луѓето ќе поминат во некое друго ниво во „бесконечниот“ простор. Боите на светлата варираат од виолетово-сина кон бела, а нивното менување, на секоја минута ги имитира ефектите на зората, изгрејсонцето и ноќта.После Шангај, инсталацијата „Beyond infinity“ ќе патува во Пекинг, Ченгду, Далиен, Шијан, Женгжу и Женшен.rnrn———————————————————————————————————————————————————————rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.