За разлика од електричните скутери на литиумска батерија што се полнат на класичен начин, ROLO оди чекор подалеку и нуди можност за полнење директно преку соларни панели инсталирани на предниот дел од возилото, додека „трчате“ на него.rnrn
rnrnОва возило на четири тркала има вградена подвижна лента за брзо одење, што придонесува за полнење на батериите и со тоа го поддржува неговото движење по улиците, но и вашата форма.rnrnДизајниран е од Алехандро Оталора од студиото „OneBot Design“ со седиште во Калифорнија, а неговата желба беше да создаде возило на иднината што ќе се грижи за околината.rnrnROLO засега е само идеја. Тој би бил наменет за изнајмување преку мобилна апликација, би имал вградена навигација за најбрзо пристигнување од точката А до точката Б и однапред би ја покажал цената на возењето во зависност од растојанието и состојбата на батеријата.rnrnПрочитајте кои се најголемите митови за Инстаграм.
Tag: батерија
-
Новина за која се зборува многу: Електричен скутер кој се полни додека „трчате“ на него
-
Научниците во пресрет на револуционерно откритие: Батерија за телефон која се полни само неколку секунди?
Повеќето корисници на паметни телефони по неколку месеци употреба се соочуваат со ист проблем – сѐ почесто и почесто посегнување кон полначот. Сепак, научниците од универзитетот во централна Флорида се сѐ поблиску до неверојатно откритие. Тимот научници развил нов процес за изработка на флексибилни суперкондензатори кои чуваат повеќе енергија и може да се полнат повеќе од 30.000 пати без некое позначајно оштетување.rnrn
rnrnНовиот метод на универзитетскиот центар за технологија и нанонаука би можел да биде револуционерен во технолошка смисла и за мобилни телефони и за електрични возила. Научниците велат дека доколку батериите би се замениле со овие суперкондензатори, би можеле да наполните мобилен телефон за неколку секунди и не би ви бил потребен полнач повеќе од една недела. Сите кои имаат паметни телефони ќе го препознаат овој проблем: По отприлика 18 месеци, функцијата на батеријата почнува да опаѓа и ќе морате сѐ почесто и почесто да ја полните. Научниците ја анализирале употребата на наноматеријалите со цел да ги подобрат суперкондензаторите кои од друга страна би можеле да ги подобрат, па дури и да ги заменат батериите во електричните уреди. Тоа е малку незгодно, затоа што суперкондензаторот кој би задржувал онолку енергија колку и литиум-јонската батерија, би требало да биде многу, многу поголем.rn„Постои проблем во начинот на кој луѓето ги вметнуваат овие дводимензионални материјали во постоечките системи – тоа е тесно грло во оваа област. Имаме развиено едноставен пристап на хемиска синтеза, за да можеме убаво да ги интегрираме постоечките материјали, со дводимензионалните“, вели професорот Јеонвунг Јунг.
rn
rnrnНеговиот тим има развиено суперкондензатори составени од милион жици со нанометарска дебелина кои се обложени со двонимензионален материјал. Високо проводното јадро овозможува брз пренос на електроните за брзо полнење и празнење, а рамномерно обложените обвивки со дводимензионални материјали се висок пренос на енергија и моќност на густина. Научниците веќе знаеле дека дводимензионалните материјали имаат голем потенцијал во примената за складирање енергија, но сѐ додека не бил развиен процесот за интегрирање на овие материјали, не постоел начин тој потенцијал да се реализира.rn„За малите електронски уреди, нашите материјали ги надминуваат оние конвенционалните во поглед на густината на енергија, моќта и цикличната стабилност“, вели Нитин Чаудхери.
rnЦикличната стабилност дефинира колку пати батеријата може да се наполни и испразни пред да почне да ја губи нејзината функција. На пример, литиум-јонската батерија може да се полни помалку од 1.500 пати, пред да биде значително оштетена. Последните создадени суперкондензатори со дводимензионални материјали може да се полнат неколку илјадници пати. Суперкондензаторите кои користат нови материјали би можеле да бидат употребени на телефоните и другите електронски уреди, како и кај електричните возила, што би можеле да донесат придобивки во поглед на брзината и силата. Затоа што се флексибилни, тие би можеле да придонесат и за значаен напредок во технологијата.
-
9 причини зошто батеријата на вашиот телефон се троши премногу брзо
Без разлика каков паметен телефон имате, сигурно и вам ви е познат проблемот со брзото трошење на батеријата. Бидејќи телефоните се скапи, многу е важно правилно да ги одржувате, со цел да го одложите процесот на купување нов. Погледнете кои се најчестите причини зошто батеријата на вашиот телефон се троши толку брзо и во иднина обидувајте се истите да ги избегнувате.rn
1. Светлината на екранот ви е поголема
rn
rnrnАко батеријата на вашиот телефон се празни премногу брзо, тогаш можеби треба да ја намалите светлината на вашиот екран. Или изберете помала светлина или пак поставете ја опцијата за автоматско прилагодување на екранот според светлината во вашата околина. Така ќе бидете во можност непречено да ракувате со вашиот телефон, а истовремено ќе ја заштедите и батеријата. Исто така настојувајте секогаш да го исклучувате екранот кога ќе завршите со негово користење, односно, не оставајте го да свети доколку не ракувате со него.rn2. Вашиот телефон постојано бара Интернет мрежи
rn
rnrnПристапот до отворени Интернет мрежи може да ви ја намали месечната сметка за телефон, но, постојаното барање кога сте надвор од вашиот дом или од местата каде што ја имате сочувано лозинката од мрежата, може значително да ја потроши вашата батерија. Доколку не ви е потребен Интернет во одреден момент, исклучете ја таа опција.rn3. Постојано имате известувања
rn
rnrnИзвестувањата од многу апликации кои ги имате во вашиот телефон се уште еден виновник за трошењето на вашата батерија. Ако вашиот телефон постојано светка, вибрира или ве известува со некој звук, веќе ви е јасно зошто не успевате да ја задржите батеријата дури ниту еден ден. Изберете да добивате известувања само од оние апликации кои ви се важни, а останатите исклучете ги.rn4. Имате апликации кои работат во позадина
rn
rnrnВо опциите на вашиот телефон можете да проверите кои од апликациите најмногу користат од енергијата на вашата батерија. Овде ќе ги забележите оние кои најчесто ги користите, но исто така можете да бидете изненадени од некоја друга, која работи во позадина. Проверете и исклучете го сѐ она што не ви е потребно и ќе видите колку подолго ќе трае вашата батерија.rn5. Премногу ги користите апликациите
rn
rnrnДоколку пред крајот на денот вашата батерија секогаш е празна, тогаш време е да погледнете во вашите дневни навики. Сосема во ред е да ги користите апликациите кои ви ги нуди вашиот паметен телефон, особено затоа што тие може да бидат многу корисни во секојдневието, но, не користете ги истите без потреба. Доколку постојано ги проверувате социјалните мрежи, снимате видеа или пак играте игри, тогаш многу веројатно е дека вашата батерија ќе се испразни.rn6. Користите апликации кои повеќе трошат батерија
rn
rnrnАко сте зависник од апликации кои користат голем број податоци, тогаш вашата батерија побргу ќе се потроши, за разлика од оние кои користат помалку. На пример, доколку се обидувате да ја сочувате батеријата, тогаш одлучете се да ги прочитате најновите вести, наместо да ги слушате, или пак интересното видео поставено на Фејсбук оставете го да го гледате кога ќе стигнете дома.rn7. Апликациите и податоците автоматски се синхронизираат
rn
rnrnАвтоматската резервна копија на вашите фотографии или синхронизирањето на апликациите звучи како добра идеја, но ако батеријата на вашиот телефон постојано се испразнува во средина на денот, тогаш можеби подобра идеја е да го направите тоа рачно или пак кога ќе го поврзете телефонот со вашиот компјутер.rn8. Вашиот софтвер не е ажуриран
rn
rnrnПостојат повеќе причини поради кои треба да го ажурирате вашиот оперативен систем и апликациите. Имено, ваквите ажурирања ќе ги поправат евентуалните грешки кои постојат. Најдобро е да ја користите последната достапна верзија на оперативниот систем, така што ќе имате корист од најновите подобрувања.rn9. Вашиот телефон има проблем со хардверот
rn
rnrnДоколку ги променивте своите навики и сѐ уште имате проблеми со батеријата, тогаш можно е да имате проблеми со хардверот. Во зависност од тоа каков телефон имате, од каде сте го купиле и колку е стар, можете да побарате стручно мислење и да дознаете дали нешто не е во ред со него. -
Еве ги одговорите на прашањето: Зошто вашата батерија на мобилниот телефон брзо се празни?
Доколку ви се чини дека останувате без батерија побрзо отколку што ви требало време за да ја наполните, тогаш внимавајте на овие неколку работи кои можеби се причините за тоа. Погледнете кои може да бидат.rnrn
rn1. Зголемена ви е светлината на телефонот
rnКолку повеќе е зголемена светлината, толку повеќе батеријата се троши. Затоа наместете ја светлината на вашиот телефон така што ќе ја намалите до степен да не ви влијае на видливоста, а воедно ќе ви овозможи подолго траење на батеријата.rn
2. Апликациите коишто ги користите
rnАпликациите коишто ги користите на телефонот може да имаат поголемо влијание на трошење на батеријата за разлика од некои други. Затоа најдобро е во поднесувањата да проверите кои апликации повеќе ја празнат вашата батерија и да ги затворите доколку не ги користите.rn
3. Известувања
rnВерувале или не, постојаните известувања кои ги добивате од Фејсбук или Инстаграм може да влијаат на брзото празнење на батеријата. Затоа исклучете ги, бидејќи и така немате потреба да го проверувате вашиот телефон на секои 5 минути.rnrn
rn4. Вибрации
rnВибрацијата ја троши вашата батерија повеќе, отколку ако вашиот телефон е ставен на нечујно или пак на звук. Затоа користете некоја од овие две опции за да не морате да го полните вашиот телефон на секој час.rn
5. Не го исклучувате wi-fi сигналот
rnДоколку вашето wi-fi е константно вклучено, немојте да се чудите зошто вашата батерија побрзо се празни. Најдобро е да го вклучувате само тогаш кога навистина ви е потребен.rn
6. Не го вклучувате авионскиот режим
rnДоколку знаете дека ќе треба да го користите вашиот телефон подолго време, а нема да ви бидат потребни праќањето и добивањето пораки и повици, тогаш одберете го авионскиот режим. Тој ќе ја зачува вашата батерија на подолго време.rnrn
rn7. Автоматско надградување на апликациите
rnСекој кој има паметен телефон знае дека некои апликации одвреме-навреме самите се надградуваат, но тоа истовремено влијае на батеријата. Затоа исклучете ја оваа опција за да немате проблеми со траењето на вашата батерија.rn
8. Вклучена ви е опцијата за пронаоѓање локации
rnДоколку опцијата за пронаоѓање на локацијата каде што моментално се наоѓате ви е постојано вклучена, ете ви уште една причина за батеријата побрзо да ви се испразни. Исклучувајте ја оваа опција во моментите кога воопшто не ви е потребна.
-
Како да ви трае подолго батеријата на лаптопот?
Батериите за лаптопот се доста скапи за постојано да се заменуваат, па затоа овие пет начини да ѝ го продолжите векот на траење можат да ви бидат од голема корист.rnrn
rn1. Не дозволувајте лаптопот да постигне висока температура
rnАко можете да ја почувствувате високата температура на лаптопот врз вашата кожа, тоа не е добро ниту за вас, ниту за него и неговата батерија. Уште полош симптом е ако тој сам се исклучува поради оваа причина.rn
2. Не ја отстранувајте батеријата додека лаптопот е вклучен
rnЗа доброто на батеријата, потребно е лаптопот да биде целосно исклучен пред да направите што било со неа. Не ја вадете или ставајте додека тој е вклучен.rn
3. Правилото 80/20
rnНекои информатичари велат дека векот на батеријата се продолжува доколку секогаш е полна помеѓу 20 и 80%. Значи не треба да дозволите да дојде под 20%, а кога ќе ја полните тоа не треба да надмине 80% исполнетост.rn
4. Никогаш на 100%
rnНе се препорачува батеријата да се наполни 100%. Не оставајте ја да се полни ниту откако ќе дојде до својот максимум, тоа е уште полошо за неа.rn
5. Не оставајте ни да се испразни целосно
rnПостои некој мал ризик од оштетување на лаптопот и на батеријата доколку оставите тој сам да се исклучи.rnrn rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn -
Како да препознаете мобилен телефон кој е прислушуван?
Денес е лесно да се прислушува телефон. Можно е дури и преку имејл или блутут на него да бидат испратени и инсталирани апликации кои од него ќе црпат информации и ќе ги праќаат до оној кој е заинтересиран за нив. Ако некогаш се посомневате дека вие сте жртва на таков напад, задолжително проверете го присуството на овие неколку знаци.rnrn
rnБатеријата брзо се троши
rnАпликациите кои го прислушуваат телефонот побрзо ја јадат батеријата. Тие работат и кога не го користите, па како последица на тоа батеријата многу брзо се троши.rn
Температура на батеријата
rnАко температурата на батеријата е доста висока во моментите кога не го користите телефонот, тоа може да значи дека имате некој проблем со неа, но и дека можеби имате инсталирано софтвер за следење на комуникациите кој бара батеријата да работи малку повеќе.rn
Телефонот потешко се исклучува
rnСледењето на вашата комуникација е една од причините поради кои вашиот телефон се гаси побавно од вообичаеното. Истите апликации кои ја трошат батеријата бараат и подолго време за да се исклучат пред да се исклучи и телефонот.rn
Необјаснива активност
rnОва може да се случи и поради други причини, но треба да знаете дека прислушуваниот телефон може често пати да се вклучува и исклучува или инсталира и апдејтира апликации без ваше барање.rnrn
rnЧудни СМС-пораки
rnАматерското следење на комуникациите може да ви даде сигурен знак дека нешто се случува ако добиете некои чудни СМС-пораки од непознат број во кои има знаци кои не ги разбирате. Прислушувачите понекогаш користат СМС за да го инсталираат софтверот на телефонот кој сакаат да го следат, а ако таа инсталација не биде направена професионално и како што треба, се добиваат вакви пораки.rn
Погледнете ги податоците во сметката
rnАко имате потрошено повеќе интернет сообраќај отколку што сметате дека сте можеле да потрошите, а телекомуникациската компанија нема ништо со тоа, можно е некој друг однадвор да го троши тој сообраќај извлекувајќи информации од телефонот.rn
Шумови во разговорите
rnПонекогаш може да е лоша врската, но понекогаш и уредите за следење придонесуваат за зуење и шумови во текот на телефонските разговори.rn
Дисторзија на гласот
rnДоколку ви се чини дека вашиот соговорник има роботски глас, тогаш задолжително проверете ги сите останати знаци на прислушувањето, затоа што има големи шанси тоа навистина да се случува.
-
Супер трикови кои ќе ви го олеснат животот и мора да ги знаете
Добро е да знаеме по некој трик кој ќе ни го олесни секојдневниот живот и ќе ни заштеди време и енергија. Ова се 13 супер трикови кои ќе ви помогнат во животот.rn
1. Може да ја украсите вашата тастатура лепејќи парченца селотејп во боја на секое од копчињата, што ќе ја направи поинтересна и разиграна.
rn
rn2. Ролната од тоалетна хартија може да ја употребите како помош при озвучување на вашиот телефон.
rn
rn3. Ставете неколку коцки мраз во сушарата за да немате изгужвани алишта.
rn
rn4. Кога ја загревате пицата во микропечка, ставете чаша со вода за да ја омекне кората на пицата и да може полесно да се џвака.
rn
rn5. Кога загревате остатоци од храна, поставете ја храната во чинијата така што ќе оставите еден празен круг на средина. Со помош на овој трик рамномерно ќе ја загреете храната.
rn
6. Ако некој ги притисне сите копчиња во лифтот, може да се поштедите себеси од застанување на секој кат со притискање на секое од копчињата два пати.
rn
rn7. Замотајте наводенета хартија околу стаклено шише пред да го ставите во фрижидер. Вака пијалакот ќе биде сосем ладен за околу 15 минути.
rn
8. Многуте кабли од електронските апарати во домот, може да ги организирате ставајќи самолеплива хартија на секој кабел, каде ќе биде напишана функцијата на кабелот и каде е поврзан. Така ќе го избегнете нередот и ќе заштедите време при вклучување и исклучување на каблите.
rn
rn9. Замрзнат сунѓер за капење натопен во вода и ставен во дебела затворена најлонска ќеса е одличен како ладна облога за повреденото место. Неговата предност е што водата нема да капе кога ќе почне да се одмрзнува.
rn
10. Употребете ги калапите за мраз за да направите одлично ладно кафе. Филтер или инстант кафето внимателно претурете го во калапот за мраз, вратете го во замрзнувач и оставете да замрзне. Потоа коцките прелијте ги со млеко во чаша и уживајте.
rn
rn11. Издишувајте во моментите кога левото стапало ја допира земјата за да избегнете грчеви при трчањето.
rn
rn12. Прилагодете го вашиот телефон на авионски режим и неговата батерија ќе се наполни многу побрзо.
rn
13. Сликајте ги вашите пријатели со предметот кој им го позајмувате за да не заборавите каде сте ги дале вашите предмети. 🙂
rnЗа уште корисни трикови кои ќе ви го олеснат животот, кликнете тука.
-
Најголемите заблуди во врска со полнењето на батеријата на вашиот смартфон
Кога станува збор за траењето на вашата батерија, постојат многу правила кои одредуваат што можете, а што не треба да правите со вашиот смартфон. Некои од нив имаат врска со реалноста, но некои се само митови. Еве 5 правила кои можете слободно да ги прекршите и едно до кое треба да се придржувате.rnrn
rn1. Полначите од помалку познати производители ја уништуваат батеријата
rnИако не се оптимизирани за паметните телефони од познатите производители, тие нема да им наштетат. Сепак, треба да купувате полначи од легитимни производители, а не лажни копии на познатите брендови.rn
2. Не е добро да го користите мобилниот додека се полни
rnУште еден мит. Можете да го користите колку сакате сѐ додека не користите сомнителен полнач. Сѐ додека си ја користите оригиналната батерија и полнач кој е одобрен од производителот, единствена последица од користењето на мобилниот додека се полни е тоа што полнењето ќе оди малку побавно.rn
3. Полнењето во текот на ноќта ја „убива“ батеријата
rnПа не баш. Повеќето паметни телефони препознаваат кога е полна батеријата и во тој момент прекинуваат со полнење. Всушност, тогаш тие не ја ни користат батеријата. Сепак, не мора да го полните мобилниот преку ноќ секоја ноќ. Батеријата ќе потрае подолго ако мобилниот го одржувате со капацитет на батеријата помеѓу 40 и 80%.rn
4. Никогаш не треба да го исклучувате смартфонот
rnПонекогаш и него им е потребна пауза. Ако не морате баш секогаш да бидете достапни, во ред е повремено да го исклучувате телефонот, на пример пред да си легнете. Се препорачува да го правите ова еднаш неделно. Ако не можете да го исклучите, барем ресетирајте го.rn
5. Не го полнете телефонот сѐ додека батеријата комплетно не ви се испразни
rnПогрешно! Многу подобро е ако го дополнувате секој ден, отколку да го трошите до нула и потоа да го полните докрај. Литиум-јонските батерии какви што користат Епл и Самсунг подобро се одржуваат кога се наполнети. Ако постојано ги цедите до максимум, можат да постанат нестабилни. Секоја батерија може да издржи одреден број полнења пред да треба да се замени со нова. Секој пат кога ја празните докрај, многу поблиску сте до замената.rn
Факт: Топлината ја уништува батеријата
rnТочно! Технологијата и високите температури обично не одат заедно. Батериите не се исклучок од ова. Литиум-јонските батерии се загреваат при работа, повеќе во текот на полнењето. И ладното време може да има негативен ефект врз траењето на батеријата – ладната батерија побрзо ќе се испразни при ниски температури.rnrn rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук. -
Иновативни торби кои ќе се погрижат мобилниот никогаш да не ви биде празен
Колку пати ви се случило на излегување од дома да забележите дека вашиот мобилен има нешто помалку од 7% батерија? Во такви ситуации сигурно сте многу нервозни и постојано се прашувате дали ќе издржи батеријата додека да се вратите дома. Но, благодарение на иновативните луѓе, овој проблем може набрзо да стане минато.rnrn
rnrn„GoPlug“ торбите во себе содржат вградена батерија која ви овозможува преку стандарден или УСБ кабел да го полните вашиот мобилен телефон, фотоапарат, компјутер и таблет без разлика на вашата локација. Батеријата ќе го наполни вашиот мобилен 6-8 пати, таблетот 2 пати и двојно ќе му го продолжи животот на вашиот лаптоп пред да треба повторно да го полните. Овој пронајдок е совршен за оние кои постојано патуваат, а особено од корист може да ви биде за по аеродроми, конференции и сл. Постојат неколку различни видови торби, во зависност од намената, од мали торбички за таблет, торби за лаптоп и за фотоапарат, па сѐ до големи куфери.rnrn
rnrnПроектот се финансира преку Кикстартер, а преостануваат уште само неколку дена пред официјално да се најде на рафтовите во продавниците.rnrnrnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук. -
8 начини на кои можете да го продолжите траењето на батеријата на вашиот смартфон
Смартфоните станаа клучни во нашите секојдневни активности. Ги употребуваме за да провериме имејл, да гледаме видеа на Јутјуб, да читаме вести, да слушаме музика, да фотографираме, да играме игри… Но, покрај многуте придобивки од нив, тие сепак имаат и една негативна страна – животот на батеријата. Искрено се надеваме дека во иднина ќе се најде начин батеријата да трае со денови, па можеби дури и со недели, но дотогаш мора она што го имаме да го искористиме најдобро што можеме.rnrn
rnrnПогледнете ги наредниве неколку начини на кои можете да го продолжите траењето на батеријата на вашиот смартфон.rn1. Ниво на осветленост на екранот
rnОсветленоста на екранот многу влијае врз перформансот на батеријата. Кога има доволно светлина околу вас, намалете го осветлувањето најмногу што можете. Или пак, подесете го на „автоматски“ и на тој начин вашиот смартфон сам ќе го намалува/зголемува осветлувањето на екранот во однос на околината во која се наоѓате. Исто така не заборавајте дека доколку подолго време гледате во премногу светол екран тоа може лошо да влијае врз вашите очи.rn
2. Вибрации
rnВибрациите ве информираат доколку имате повик или порака за време на состаноци или на места каде што мора да го чувате вашиот мобилен на тивко. Но, во сите други ситуации можете да наместите различни рингтонови за повиците и пораките и да ги тргнете вибрациите.rn
3. Подесувања за поврзување
rn„Wi-Fi“, „Bluetooth“,„GPS“ и „3G“ се прекрасни можности за користење, но тие ја трошат вашата батерија дури и кога не ги употребувате. Обидете се да си создадете навика да ги исклучувате секогаш кога не ви се потребни.rn
4. Апликации
rnПроверивте што има ново на Твитер? Супер, но доколку ги оставате овие апликации да работат во позадина тие ќе продолжат да ја трошат вашата батерија. Токму затоа ако имате апликации кои во одреден период не ви се потребни, исклучувајте ги целосно веднаш откако ќе завршите со нив.rn
5. Полнење
rnОвој трик не е секогаш возможен, но обидете се да ја трошите вашата батерија до крај. Исто така кога ќе го полните смартфонот, оставајте го да се наполни до 100%. Не го прекинувајте порано. На овој начин не само што ќе ги подобрите перформансите на батеријата туку и ќе го продолжите нејзиниот живот.rn
6. Апликации за штедење на батеријата
rnСимнете ја бесплатната апликација „Battery Doctor“. Таа ќе ви покажува кои апликации трошат најголем дел од вашата батерија како и уште колку време од батеријата ви останува додека го користите мобилниот. Направете мало истражување и погледнете ги и останатите апликации со истата функција. Ако се бесплатни, ништо не ве спречува да ги пробате.rn
7. Автоматско исклучување на екранот
rnОбидете се да го исклучувате екранот веднаш откако ќе завршите со работа. Исто така подесете го автоматското исклучување на екранот на минимум.rn
8. Нотификации
rnОбидете се да ги намалите нотификациите за секоја од апликациите. Постојаната поврзаност со интернет предизвикува известувања за сите промени поврзани со апликациите, а на тој начин вашата батерија непотребно брзо се троши. Дали навистина имате потреба од сите нотификации кои ви пристигаат? Или можеби доволно е одвреме-навреме, кога ќе имате потреба сами да ги проверувате апликациите кои постојано непотребно ве известуваат?rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.