Во овие жешки денови, со температури од над 30 степени Целзиусови, доколку сè уште не сте заминати некаде на летен одмор, идејата да се нурнете во еден фантастичен бесконечен базен, лоциран во некое ексклузивно место, сигурно ви звучи волшебно.rnrn
Хотелскиот синџир „Alila“ од Сингапур е надалеку познат по неговите фантастични летувалишта, кои се испреплетени со луксуз и прекрасни природни убавини. Компанијата има три комплекси со вили во Бали, помеѓу кои се наоѓа и феноменалното рајско место „Alila Villas Uluwatu“.rnrn
rnrnИсклучителна убавина на ова место му дава неговата висина и погледот кон океанот. Гостите на ова место добиваат неверојатна услуга, добивајќи личен батлер, а можат да се релаксираат и во бесконечниот базен, пиејќи пијалак од блискиот бар. Во комплексот се наоѓаат 84 вили, а дизајнот на местото е целосна заслуга на сингапурската компанија „WOHA“, која се погрижила секоја спална соба, да има неодолив поглед со спокоен амбиент.rnrn
rnrn rnrn
Олвера е прекрасно мало село лоцирано во срцето на планините Кадиз во Шпанија. Самиот град претставува своевиден споменик, поради специфичноста на градбата и белата боја на куќите, како и нагорните улички кои водат кон импресивниот замок и црквата на врвот од ритчето.rnrn
rnrnРидовите околу селцето се преполни со плантажи на маслинки, од кои се произведува најдоброто маслиново масло во Андалузија. Се верува дека селото, своето име го добило токму поради големиот број дрва во неговата околина. Во Олвера живеат околу 8,5 илјади жители.rnrn
rnrn rnrn
Второто место по посетеност во Индија, по Таџ Махал, е малиот град Кхајурахо, познат по неговите храмови кои датираат од периодот помеѓу 9-тиот и 11-тиот век. Некогаш на времето биле изградени 85 храмови, од кои денеска се останати само 25.rnrn
rnrnТие постојано биле уништувани од страна на муслиманското население заради еротските скулптури кои се наоѓаат на нив. Името на градот потекнува од индискиот збор за урмино дрво, бидејќи некогаш целиот регион околу храмовите бил преплавен со нив. Ова место претставува одличен пример за комбинација од архитектура и фантастични скулптури.rnrn
rnrn rnrn
Природата со својата убавина секогаш знаела да нè воодушеви. Природните езера низ светот навистина ја имаат моќта да ја смират душата и да донесат мир и спокој во напорното секојдневие. Во оваа селекција се вклучени светските езера, кои ретко кому се познати, а воодушевуваат со својата бистрина, околина и атрактивност. Уживајте.rn
rnОвие прекрасни езера се наоѓаат во планинскиот предел Лика во Хрватска и се прогласени за Национален парк. Езерата се опколени со три планини, Мала Капела, Плешивица и Динарските Алпи. Овој национален парк се состои од езера, планини, пештери и водопади. Има 16 езера кои се прелеваат во сина, зелена, азурна и сива боја.rnrn
rn
rnЕзерото Блед се наоѓа во регионот Горна Карниола. Името го има добиено по Бледскиот замок. Езерото добива дополнителна убавина од одблесокот на замокот, кој се наоѓа на карпест остров на средината од него. Местото е многу позната туристичка атракција поради мистичноста и кралскиот изглед на замокот. Тоа е одлична дестинација за заљубени парови, сликари и спортисти. Езерото и околината нудат можност за занимавање со разни спортски активности како голф, пловење, веслање, рибарење, јавање и пешачење. Блед е домаќин и на светското првенство во веслање. На островот во езерото има 99 скалила, а интересна традиција е младоженецот да ја искачи невестата по нив на денот на свадбата.rnrn
rn
rnЕзерото Масуко, познато како Машу, претставува прекрасно езеро формирано во „котелот“ на еден активен вулкан. Тоа е дел од Националниот парк Акан, на островот Хокаидо во Јапонија и е едно од најчистите езера во светот. Целото е опколено со кратерски ѕид висок 200 метри. Се претпоставува дека се создало пред околу 32.000 години, а „котелот“ се создал пред околу 7.000 години како резултат на вулканска ерупција.rnrn
rn
rnЕзерото Шеосар е познато по неговите зелени полиња кои го опколуваат, чистата вода и прекрасната рефлексија на околината во водата. Свежото ветре и неодоливите зелени пасишта ја смируваат душата и создаваат убавина која мора да се посети. Во превод, името на езерото значи „слепо езеро“. Лоцирано е во Националниот парк Деосаи во северниот дел на Пакистан на надморска височина од 4.142 метри. Долго е 2,3, а широко 1,8 километри.rnrn
rn
rnЛох Ломонд е најголемото природно езеро во Шкотска. Зборот Лох во шкотскиот јазик означува езеро. Ова езеро на прекрасен начин ги одвојува низините и висорамнините на централниот дел од Шкотска. Долго е 39 километри, а ширината му варира од 1,2 до 8 километри. Интересно е бидејќи на него има триесетина острови. Тоа е позната туристичка атракција бидејќи по него се плови и се спортува. Според една анкета направена од „Radio Times“, езерото било прогласено за петто чудо во Британија.rnrn
rn
rnЕзерото Пејто се наоѓа во Националниот парк Банф во Канада. Тоа добива чиста вода од глечерот, кој го носи истото име, кој во летниот период се топи. Се наоѓа на надморска височина од 1.860 метри. Во летниот период, убави гранули од камен се влеваат во езерото, давајќи ù на водата прекрасна тиркизна боја и брилијантен сјај.rnrn
rn
rnЕзерото Шангрила се наоѓа во Сраду, Пакистан. Бидејќи водата во езерото е минерална, меурчињата прават слика како ѕвездите да танцуваат на неговата површина. Водата на езерото е чисто сина, па така рефлексијата на богатите вили околу него е неверојатна. Ова место е многу посетувано од млади брачни парови кои одат таму на меден месец. Езерото е целосно опколено со овоштарници и со цветни градини.rnrn
rn
rnЕзерото Комо се наоѓа во Ломбардија, Италија. Тоа се полни од глечери кои се топат. Тоа е трето по големина во светот и најубаво на територијата на Италија. Исто така, тоа е едно од најдлабоките езера во Европа (400 метри). Ова место се сметало за елитно, уште во Римската империја. Езерото е опколено со прекрасни вили, а голем дел од нив ги поседуваат славни личности. Гледано од височина, езерото е во форма на буквата „Y“.rnrn
rn
rnЕзерото Дал се наоѓа во Кашмир, Индија. Тоа едно од најпрекрасните езера во светот и неверојатна туристичка атракција. Познато е под псевдонимот „Скапоцен камен во круната на Кашмир“ или „Скапоцениот камен на Срингар“. Тоа е долго околу 15,5 километри и на него има прекрасни бродски куќи, а опколено е со паркови, хотели и градини. Исто така, на езерото има и прекрасни лебдечки градини. Во овие градини расте цвеќето Лотус, кое на лето го декорира целото езеро.rnrn
rn
rnЕзерото Женева е неверојатна природна убавина која ја делат Швајцарија и Франција. Тоа е најголемото езеро во западна Европа. Поголемиот дел, односно 60% ù припаѓа на Швајцарија, а останатите 40 на Франција. Езерото е глечерско, а низ него поминува и реката Рона. Тоа има форма на полумесечина. На него се одржуваат трки со јахти.rnrn
rnrn rnrn
Нашата планета има многу чудни и прекрасни места кои ја имаат моќта да инспирираат и да зачудуваат. Тие нè потсетуваат дека дури и во оваа ера на технолошки чуда, во природата сè уште постојат неверојатни места за откривање. Ова се само 10 од многуте кои ги има на Земјата.rn
rnПрекрасните балконски базени на Памуккале, иако се познато место за луѓето од нашите краишта, сепак претставуваат помалку познато чудо за останатиот свет. Пред неколку илјадници години, земјотресите, кои се честа појава во Турција, создале фрактури во земјата преку кои моќни топли извори богати со калциум карбонат избиле на површината. Како што водата испарувала, варовитиот материјал кондензирал и таложел слоеви над слоеви од травертин, притоа создавајќи ѕидови. Буквално „Памуккале“ значи тврдина од памук, а над него Римјаните изградиле град и го нарекле Хиераполис (Светиот град). Тие биле првите кои го откриле местото и лековитите моќи на млечно белата вода.rnrn
rn
rnОвие големи, тркалезни камења со вонземски изглед се наоѓаат на плажата Коекохе, која пак е дел од брегот Отаго на Јужниот новозеландски остров. „Камењата Моераки“ првично биле создадени на дното од морето, преку наталожување слоеви околу јадро, на ист начин како што бисер се формира околу честичка од песок. Некои од карпите тежат по неколку тони и се широки по три метри.rnrn
rn
rnГрадот Бепу, се наоѓа на островот Кјушу, вториот најголем „производител“ на геотермална вода во светот. Во истата област се наоѓаат „Деветте пекола“, таканаречените базени кои меѓусебно се разликуваат по своите карактеристики и бои, благодарение на различните минерали во нив. Овие базени се многу популарна туристичка атракција во Јапонија, но сепак ретко кој ги знае надвор од земјата. За жал, како и за многу други неверојатни природни чуда, областа околу нив стана премногу комерцијализирана и „невкусна“.rnrn
rn
rnГолемата сина морска дупка во Белизе е една од најимпресивните природни убавини во светот. Таа е со дијаметар од 300 метри и е длабока околу 150, а најверојатно се создала поради наглото покачување на нивото на водата пред околу 65.000 години. Нуркачите известуваат дека дупката е преполна со разновиден животински свет, а дел од него сè уште е непознат за науката и го има само овде.rnrn
rn
rnВо близина на селото Дарваза, кое е лоцирано во пустината Каракум во Туркменистан, во 1971 година, тим на истражувачи од Советскиот Сојуз пробушиле голема комора полна со природен гас. Кровот на јамата пропаднал, оставајќи кратер длабок 25 метри со дијаметар од околу 60-70 метри. Наскоро станало евидентно дека природниот гас сè уште излегувал низ кратерот од подлабоки извори, па приказната оди дотаму дека била донесена одлука да се запали гасот и да не се ризикува тој да се прошири или да доведе до локално труење. Според повеќе извори, оттогаш огнот постојано гори, а локалното население местото го нарекло „Портата на пеколот“. Сепак, други лица, по неколку разговори со локални водачи од регионот, тврдат дека станува збор за неверојатен природен феномен.rnrn
rn
rnСанциншан е релативно мал национален парк во близина на градот Шанжао. Но тоа што е мал по големина, само го прави голем по убавина. Националниот парк е прогласен за седмо светско наследство во Кина и е познат по неговата сценична атрактивност. Клучот за мистиката на ова место е комбинацијата од извонредни гранитни столбови и карпи, заедно со сезонските климатски варијации кои често создаваат магла и маркантни зајдисонца. Оние кои го посетиле ова место велат дека им создава неверојатно чувство, кое го опишуваат како мир и спокојство. Овој ефект е подобрен благодарение на бројните водопади, природни базени и извори.rnrn
rn
rnОд вселената, оваа мистериозна вдлабнатина во пустината Сахара во Мавританија, навистина наликува на човечко око. Според една од теориите, окото се создало откако метеор паднал на земјата, додека други веруваат дека тоа претставува трага од подземна нуклеарна експлозија. Сепак, според огромниот дијаметар тоа би значело детонација со огромен опсег. Моментално не постои земја во светот што поседува оружје кое може да направи ни одблизу толкава детонација.rnrn
rn
rnОвој волшебен и не толку познат остров, Сокотра се наоѓа во близина на брегот на Јемен во Блискиот Исток. Изолиран од остатокот од светот, неговите растенија еволуирале во толку многу бизарни облици и форми, што не им се познати на другите краишта на Земјата. Едно од најпознатите е дрвото „Крвта на змејот“ чиј сок може да се употреби за создавање кристали кои можат да се користат како боја или како афродизијак. Островот пополека почнува да станува познат за остатокот од светот и може да прерасне во одлично место за еко-туризам, сè додека неговите посетители не прават штети.rnrn
rn
rnЛоцирани во една од најбезживотните места на светот, во Долината на смртта, Калифорнија, чудните и необјасниви „Камења кои пловат“ се вистински феномен. Еднаш, во текот на годината, во сувото езеро се случува да паднат зимските дождови и површината наеднаш станува лизгава и каллива. За време на овој период, карпите и камењата почнуваат да се движат, оставајќи зад себе видливи траги. Иако научниците веруваат дека за ова придонесуваат и силните ветрови, некои од карпите ненадејно го менуваат правецот и вртат совршени прави агли, изместувајќи се од нивната претходна патека. Сите докази потврдуваат дека тука не станува збор за некаква измама, но сепак овие движења никогаш не биле фатени на снимка.rnrn
rn
rnНа врвот на планината Теиде, се наоѓа еден од најголемите островски вулкани во светот Лас Канадас. Кратерот, кој има пречник од 16 километри е како слика од пеколот. Стрмните ѕидови кои се формирале кога „котелот“ престанал да врие, формираат голема сува површина со вонземски изглед. Во околината се изградени патишта и обзерватории, што е чудно за оваа „ничија земја“ каде постои заспан, но сепак сè уште огромен активен вулкан, кој одвреме навреме ја затресува земјата. Од масата на вулканот е создаден Тенерифе, еден од Канарските острови.rnrn
rnrn rnrn
Caño Cristales (Кристалната река) е Колумбиска река, лоцирана на планината Серанија де ла Макарена, во близина на областа Мета. Таа честопати е нарекувана и „Реката со пет бои“, „Течното виножито“, „Реката која дотече од рајот“, па дури и „Најубавата река на светот“, бидејќи алгите кои се наоѓаат на нејзиното дно, создаваат црвена, жолта, зелена, сина и црна боја, кои ѝ даваат еден уникатен и совршен изглед.rnrn
rnrnПрелевањето на овие пет бои во Кристалната река, се случува само во текот на еден краток период од годината, меѓу дождливата и сувата сезона.rnrn
rnrnТогаш нивото на водата во реката е нормално, а таквите временски услови им овозможуваат на уникатните видови растенија т.н. Macarenia clavigera кои се распослани на дното на реката, да добијат брилијантна црвена боја.rnrn
rnrnОвие алги, во комбинација со жолто-зелениот песок и сината вода, создаваат стотици нијанси на бои, поради кои реката изгледа како едно волшебно чудо на природата.rnrn
rnrnЗначи, ова се случува само во текот на кусиот период помеѓу двете климатски сезони кои ги има во Колумбија. За време на дождливата сезона, водата во реката се движи со голема брзина, затемнувајќи го дното и оневозможувајќи му на Сонцето да продре до растението Macarenia clavigera, кое му е потребно за да ја промени својата боја во црвена. Во текот на сувата сезона, пак. нема доволно вода во реката, за да го поддржи растот на природното богатство на дното.rnrn
rnrnСепак, во текот на тие неколку недели во септември и ноември, реката се претвора во вистинско ликвидно виножито.rnrn
rnrnПрекрасната малечка река во Колумбија, не надминува повеќе од 100 км во должина и 20 м во широчина.rnrn
rnrnОва место изобилува со богата флора и фауна, која туристите имаат прилика да ја разгледаат и притоа да останат вчудовидени. Во овој Колумбиски национален парк, има неверојатни 420 видови птици, 43 видови влекачи, 10 видови водоземци и 8 видови примати.rnrn
rnrnОва место беше затворено за туристи неколку години, поради герилските активности кои се случуваа во регионот, како и поради грижите за евентуалните последици од метежот предизвикан од неконтролираната посета на туристите.rnrn
rnrnНационалниот парк беше повторно отворен во 2009 година.rnrn
rnrnCaño Cristales е лоцирана во зафрлено, изолирано место, до кое е тешко изводливо да се пристигне преку патот. Авантуристичките туристи сега можат да стигнат со авион во градот Ла Макарена, кој се наоѓа во близина. Оттаму има краток пат до националниот парк Серанија де ла Макарена, каде што се наоѓа Кристалната река.rnrn
rnrnГолем број колумбиски туристички агенции организираат патување до Ла Макарена, кое вклучува обиколка на туристите околу реката со водич, пеш или јавајќи на коњ (или магаре). На посетителите не им е дозволено да преспијат, ниту да готват во овој национален парк.rnrn
rnrnРеката Cano Cristales, за која се вели дека е најубавата на светот, е дефинитивно мелем за човечкото око. Таа многу се разликува од секоја друга река во светот, што доволно е само еднаш да ја посетите за да ви остави силен впечаток кој вечно ќе го чувствувате во вашата душа. На ова спектакуларно уметничко дело на природата, особен „шмек“ му даваат и карпите по кои течат прекрасните водопади.rnrn
rnrnКристалната река, која претставува едно биолошко наследство за мештаните во Ла Макарена, привлекува огромен број туристи од целата Земја.rnrn
rnrn rnrn
Од секакви причини, со текот на времето, некои градови тотално умираат. Некои поради војни, други поради природни катастрофи, трети поради грешки на човекот. Сепак, нивните остатоци остануваат да сведочат за животот и историјата на местата, но мораме да се согласиме, сите тие делуваат многу морничаво.rnrn
rn
rn011
rn
rnПриказна: На 26 април, 1986 година се случи големата експлозија во Нуклеарната централа Чернобил, која се наоѓа на 14,5 километри северно од градот. Повеќето вработени во централата живееле во градот, кој бил изграден токму за таа намена. Иако се преземени сите соодветни мерки за изолирање на реакторот, сепак градот и понатаму останува несигурен за живот. Засега во градот се врати само дивиот свет. Волците ловат диви свињи помеѓу опустошените згради и во напуштениот забавен парк, кој за некое чудо беше отворен утредента после експлозијата, за време на евакуацијата.rnrn
rn
rn011
rn
rnПриказна: Оваа област наречена Сан Жи оригинално беше предвидено да биде одморалиште за американските војници, кое се наоѓа северно од Тајпеј. Местото е многу познато по неговата архитектура и често се вели дека има НЛО-шмек. Сепак, изведбата наиде на тешкотии уште на самиот почеток. За време на изградбата многу работници починале во сообраќајни и многу други невообичаени незгоди. Отприлика загинале околу 20 луѓе, а за секоја незгода се верува дека имало натприродна причина за нејзиното случување. Некои шпекулираат дека одморалиштето било изградено врз холандски гробишта, други пак несреќите ги препишуваат на статуата на змејот која била уништена за време на градењето. Во секој случај, местото никогаш не ги дочека своите први гости, а проектот беше напуштен.rnrn
rn
rn011
rn
rnПриказна: Изграден на еден карпест врв, целта на градот Крако била да биде тешко освоив. Сепак, поставувањето на градот на карпа, почнало да претставува опасност за неговиот интегритет. По неколку земјотреси и лизгања на земјиштето, Крако бил напуштен, а луѓето се симнале на пониско земјиште. Денеска градот е одличен за истражување, а во него можат да се најдат голем број интересни цркви, како што е „Санта Моника дела Стела“.rnrn
rn
rn011
rn
rnПриказна: Некогаш успешна рударска заедница за дијаманти, Колманскоп сега е пустински град на духови, каде што во куќите е добредојден само песокот. Пустинскиот град бил изграден кога Германци откриле големи минерални богатства во регионот. Тие го изградиле градот во германски стил, со театар, сала за балови, како и со трамвајски систем, прв во Африка. Пустината го проголтала градот, откако рударите се отселиле. Песокот ги преплавил куќите, ги покрил улиците и полека ги избришал знаците од цивилизација.rnrn
rn
rn011
rn
rn Приказна: За време на индустриската револуција во Јапонија, компанијата „Мицубиши“ го изгради овој далечен остров, околу едно големо наоѓалиште на јаглен. Островот станал дом на 5.000 жители, кои биле помеѓу првите, кои во Јапонија живееле во згради направени од бетон. Скоро еден век, рударите со своите семејства живееле на островот. Сепак, во 60-тите и 70-тите години од минатиот век, во Јапонија почнале да се затвораат сите рудници за јаглен, па така се случило и со овој. Денеска во градот владее една пост-апокалиптична атмосфера, со празни улици и трошни згради и една морничава индустриска тишина. Од 2009 година, островот е отворен за туристи, и сите можат да ги посетат напуштените театри, кина, продавници, згради и другите објекти на него.rnrn
rn
rn011
rn
rn Приказна: За време на Втората светска војна, нацистичките трупи дошле во градот и целосно го уништиле, притоа убивајќи 642 луѓе. Запалените автомобили и живеалишта останале замрзнати во времето за да посведочат за монструозноста на војната и за спомен на луѓето кои го изгубиле својот живот. Овој масакр е еден од најтешките моменти во човештвото. Сите посетители на местото се замолуваат да останат тивки додека шетаат по меланхоличните улици.rnrn
rn
rn011
rn
rn Приказна: Во 1962 година, избувнал пожар во една депонија во градот. Пожарот кој брзо се ширел ги потпалил и наоѓалиштата за јаглен кои се наоѓаат под градот и оттогаш до ден денеска, огнот не престанува. Чад излегува од дупките по улиците и огромни дупки ненадејно се отвораат насекаде по земјата испуштајќи пламени и топлина која достигнува до 1.000 степени. Градот пополека низ годините бил евакуиран, иако мал дел од жителите сè уште не сакаат да се иселат, верувајќи дека се случува заговор против нив од страна на државата, за да им бидат одземени имотите под кои се наоѓаат големи наоѓалишта на јаглен.rnrn
rn
rn011
rn
rn Приказна: Од 2005 година овој град е заштитен од УНЕСКО. Хамберстон бил рафинерија за шалитра и се наоѓал во пустина, северно од Чиле. Животот во Чилеанскиот пампас бил екстремно редок, а населбата како Хамберстон била живеалиште и место за работа на многу рудари. Сепак, непријателската животна средина се покажа како непријатна и заканувачка по животот на жителите.rnrn
rn
rn011
rn
rn Приказна: За време на златната треска и во неговите најдобрите времиња, Боди бил еден од најголемите градови во цела Калифорнија. Боди прераснал во место исполнето со карактеристики на голем град, како што се цркви, болници, пожарни, па дури и кинеска улица. Денеска градот е празен и посетителите можат да прошетаат по улиците на надежта и златото.rnrn
rn
rn011
rn
rn Приказна: Илјадници грчки христијани живееле неколку стотици години во овој град, јужно од Фетие, во југозападна Турција. Овој град останал празен по Грчко-Турската војна. Повеќе од 500 куќи и неколку цркви скапуваат во оваа градина на распаѓачки скулптури. Некои се надеваат на повторно оживување на овој град, како што се фармерите и занаетчиите кои почнаа да го населуваат, но во многу мал број.rnrn rnrn
Неверојатните песочни плажи со ситен бел песок и прекрасните планини на островот Муреа, ќе ве воодушеват на секој можен начин. Муреа е тропски остров кој се наоѓа во архипелагот Француска Полинезија, кој се состои од 130 острови, од кои најблиску до него се Тахити и Бора Бора.rnrn
rnrnРомантичната Муреа е честа дестинација на вљубени парови и одлично место на кое можете да го поминете медениот месец или пак вашиот одмор. Тиркизно-синото море ќе ви помогне да се релаксирате и да уживате како никогаш досега. До островот се стига со фериброд од островот Тахити, на кој се наоѓа интернационалниот аеродром, портата на овој регион.rnrn
rnrn rnrn
Се ближи летото, периодот во кој сите размислуваат каде да се почестат за напорната работна година. Доколку вашата замисла е ова лето да го поминете со партнерот шетајќи по рајските песочни плажи за време на зајдисонцето, гушкајќи се на кралските лежалки со меки перничиња, пиејќи винце на балконот со неверојатен поглед, тогаш следниве дестинации можат да ви помогнат да го направите вистинскиот избор. Повеќето од нив се подалечни и можат да ве чинат повеќе пари, но сепак вредат да се најдат на оваа листа на најромантичните дестинации за летниот период.rnrn
