Tag: змии

За да се релаксираат после секојдневните притисоци и тензии, некои луѓе одморот го зачинуваат со таканаречените супстанци за „ослободување“ на умот, кои во најголемиот број земји се забранети со закон. За да избегнат судир со законот, решението го гледаат во ексклузивен одмор на некоја од следните дестинации (18+ забранети супстанци):rnrnrn

1. Кава на островот Фиџи

rnТрадиционалниот напиток на Фиџи е Кава. Се прави од растението кава-кава (метистинов пипер). Начинот на подготовка на овој пијалак е по малку одвратен. Млади момчиња и девојчиња со здрави заби, џвакаат парчиња од коренот на растението и ги плукаат во чинија или врз бамбусови лисја. Сето тоа го мешаат со вода. Подоцна врз ваквата мешавина се гази за да се исцеди водата. Под влијание на ензимите кои се наоѓаат во усната празнина, настапува ферментација, како резултат на која се добива напиток со боја на кафе со млеко. Ефектот од овој напиток е силен и потсетува на опивање со класичен алкохол.rnrnРечиси секој хотел на Фиџи на туристите им предлага да го погледнат целиот ритуал на подготовка на овој напиток. За вистинско уживање, тие советуваат посетата да биде индивидуална, а не во организирани тури, со цел кава-ритуалот да се доживее на вистински начин. Пиењето кава е всушност дел од ритуал, во кој спаѓа и танцувањето. Ако не сте расположени за танцување, после две-три чаши од напитокот верувајте ќе станете. :-)rnrnВнимание! Тој што веќе одлучил да седне во кругот на кава, враќање назад нема, сè додека не се испие и последната капка.rnrnrn

2. Марихуана во Амстердам

rnОвде „смајли“ цигарата може слободно да се нарача и спокојно да се испуши и тоа во ултрамодерна атмосфера, во специјални кафулиња или во некоја пријатна хотелска соба. Идеално место? New Dampkring coffeeshop. Или пак, можеби барате повеќе визуелни стимулации? Тогаш, вистинскиот избор е Green House Namaste.rnrnСепак, не можете да се расфрлате со марихуната. Дозволени се само мали количества за лична употреба и тоа на точно одредени места. Погрешно е мислењето на многу туристи дека во Холандија „тревата“ можат да ја конзумираат колку сакаат и каде било. Уште еден повод за внимание: пушењето на јавни места во Холандија е забрането од 2008 година. За непочитувачите, следуваат соодветни казни.rnrnrn

3. Волшебните печурки на Девствените острови

rnКој не ги пробал печурките, треба да знае дека после кул чувството доаѓа грозно чувство. Следуваат вртоглавици и нагони за повраќање. Но, туристите не треба да очекуваат дека со една печурка ќе гледаат „марсовци“. Халуцинациите се повеќе во вид на лебдење во воздух и дезориентација во времето.rnrnВо Тортола е легално да се конзумираат „волшебните“ печурки, но не и да се продаваат. Затоа во Bomba’s Surf Shack, тие се нудат во облик на чај. Традиционалната денс забава во ова кафуле е доста еуфорична, но ако ви дојде премногу, удрете еден ладен туш. Локалните жители толку многу свикнале на „издрогираните“ туристи, што воопшто и не ги забележуваат.rnrnrn

4. Темаскал во Мексико

rnУчесниците во овој древен централноамерикански ритуал лежат во круг околу оган. Шаманите прават пареа од билки како арника, камилица, алое и салвија. Целосна еуфорија од вдишувањето на пареата се постигнува после еден до три часа, на температура од над 30 степени Целзиусови.rnrnАко се заинтересирани, туристите сепак, на овој ритуал треба да се подложат во проверени центри, како што е на пример, Maya Spa Wellness Center. Има цели одморалишта и хотели специјализирани за темаскал, како луксузниот Zoëtry Paraiso de la Bonita. Ако пак, туристите бараат максимална автентичност, тогаш за нив е Posada del Tepozteco. Во благодетите на ова место уживале дури и холивудските актери Анџелина Џоли и Антонио Бандерас.rnrnПредупредување: ако не пиете вода, дехидратацијата е загарантирана. :-)rnrnrn

5. Кокаин во Боливија

rnВо главните земји-производители на кокаин во Јужна Америка е забранета употребата на оваа дрога. Сепак, локалното население ги џвака лисјата на растението од кое се добива кокаинот, исто како што европејците го џвакаат тутунот. Ефектот не е како при користење кокаин, но чувството е пријатно и е еден од начините да се избегнат вртоглавиците од патувањето низ пресечените планински терени во Боливија.rnrnПретседателот на државата, Ево Моралес го заштитува правото на локалните жители да ги џвакаат лисјата од кокаин и да заработуваат од нив. Така Боливија успеала да ги избегне крвавите судири, кои се вообичаени во Колумбија. Во Ла Паз има цел музеј на кокаинот, во кој е претставена социјалната, економската и културната историја на ова национално растение. На брегот на езерото Титикака пак, туристите можат да џвакаат, сè додека имаат сила. :-)rnrnrn

6. Хашиш во Мароко

rnВо Мароко, хашишот може да се најде во кое било време од годината. Мароканскиот „деликатес“ е надвор од законот, но сепак, му носи најмногу приходи на туризмот. Токму заради големите приходи, неговата употреба практично е декриминализирана, полицијата нема никаков интерес да ги апси туристите за поседување минимална доза за лична употреба.rnrnХашишот во Мароко се продава како Ролексите во Кина – насекаде. Локалните жители го нарекуваат киф и со него ги зачинуваaт лебот и слатките. Најинтересно е да се пуши со долго луле. Гратчето Шефшауен, кое се наоѓа близу Тангер е прогласено за главен град на хашишот. Па освен да се „напушите“, таму можете да уживате и во преубавата колоритна архитектура.rnrnrn

7. Банг (Bhang) во Индија

rnЗа време на годишниот фестивал на цвеќињата во март, Индијците си приготвуваат банг. Пупки и листови од марихуана се толчат и се варат со млеко, во кое се додаваат чисто масло и зачини. Банг се користи и за подготовка на слатки. Иако, марихуаната во Индија е забранета, сепак, властите затвораат очи за време на религиозниот фестивал.rnrnГратчето Барсана (помеѓу Делхи и Агра) е своевиден банг-шампион. Таму за време на фестивалот, дел од ритуалот е жените да ги бркаат мажите со стапчиња. Тој што ќе го фатат го тераат да танцува сè додека не ја изгуби свеста. Мажите пак, ги гаѓаат жените со боја. И сето тоа е зачинето со добра доза банг.rnrnrn

8. Пејотл во Мексико

rnОва растение има неверојатен психотропен ефект: 15 часа халуцинации и најмалку еден напад на повраќање. Многу од луѓето коишто пробале од ова растение ги опишуваат халуцинациите како средба со Бог и тврдат дека постигнале целосна хармонија со себе и со околината.rnrnКактусот Пејотл расте во реонот на некогашното рударско гратче Реал де Каторсе во Централно Мексико. Секој може да најде водич, кој може да го одведе во пустината за да бара пејотл. Сепак, иако потрошувачката е декриминализирана, собирањето на овие кактуси е забрането, освен за религиозни цели. Затоа е добро водичот да е човек, на кој може да му се верува, а и треба да знае како да го исече растението за да не го уништи. Пејотл е свето растение за Индијанците од племето Хуичол.rnrnrn

9. Змиско вино во Виетнам

rnКога животот ќе ти даде лимон, направи си лимонада. Во Виетнам животот нуди многу отровни кобри, па затоа Виетнамците си приготвуваат змиско вино.rnrnЖителите на северновиетнамското село Ле Мат се општо познати по вештините да ловат змии. На крајот на април и почетокот на мај, тие прават фестивал на змиското вино, кое се смета за силен афродизијак. Во Ле Мат сите ресторани сервираат змиско вино, како и ферментирана змиска крв, змиски ликери и оризова ракија со препарирана кобра во шишето. Од Velo Asia организираат цели „змиски“ тури, а и повеќето од останатите тур-оператори не би одбиле молба на турист да го посети Ле Мат.rnrnВнимание: змиското вино опива!rnrnrn

10. Ајахуаска во Бразил

rnПовеќе од 3.000 години, амазонските племиња прават чај од лисјата на растението ајахуаска. Пијалакот содржи DMT (диметилтриптамин), што значи дека ефектот е како на екстазите и трае од два до пет часа, во зависност од испиеното количество.rnrnАмериканската организација Heart of the Initiate нуди работилници за ајахуаска во еко одморалиште на брегот. Таму употребата на растението за верски и ритуални цели е заштитено со закон. Работилниците трат 8 или 17 дена, а во првите два дена учесниците се прочистуваат за да ја издржат церемонијата. Од компанијата предупредуваат дека по халуцинациите следува непријатност. Укажуваат и дека, дури и самата церемонија би била доста наелектризирана за неискусниот турист. Повраќањето пак, се смета како дел од ритуалот за прочистување. Тие што го пробале овој пијалак, тврдат дека делува позитивно врз нервниот систем.rnrnrn

11. Апсинт во Париз

rnАпсинтот бил практикуван од Винсент ван Гог и Оскар Вајлд, како и од многу други уметници. Сите тие имале репутација на лоши момчиња, поради халуцинациите и налудничавото однесување по консумацијата на апсинтот. Тој бил забранет во Франција цели 100 години, односно сè до 2001-та година.rnrnВистината е дека оној што конзумирал апсинт не видел ниту едно зелено човече, ниту пак, си го исекол увото. Пијалакот единствено може да ве натера да го видите светот во посветли бои. 🙂 Откако забраната на апсинтот се укинала, напитокот започнал да се става во многу коктели, особено поради неговото својство да ја менува бојата и густината по разредување со ладна вода. Огромна разновидност се нуди во Les Caves du Roy во Париз. Во октомври пак, илјадници туристи патуваат од Париз до Понтарлие (Источна Франција), за да го посетат традиционалниот фестивал на апсинтот.rnrnrnrnВнимание! Ако одлучите да го „ослободите“ духот на ваков начин, најпрво консултирајте се со лекар, потоа купувајте од проверени места кои ќе ви ги посочат агенциите (доколку патувате преку туристичка агенција) и бидете уверени дека супстанците се со јасно потекло. Претходно, задолжително пријавете се во конзулатот на земјата од која доаѓате.