Светот наголемо зборува за домашното насилство откако во јавност се појави снимка во која јасно се гледа како познатиот рагбист Реј Рајс ја нокаутира својата свршеница (сега негова жена), па ја влече надвор од лифтот додека таа е во несвест. Факт е дека домашното насилство не е ниту табу тема, а уште помалку новост. Секој од нас познава најмалку една жена или девојка која била жртва на насилство од својот сопруг односно дечко. Би рекле зошто остануваат и понатаму со нив? Моментално на Твитер популарен е хаштагот #whyistayed каде жените кои биле жртви на насилство објаснуваат зошто и понатаму останале со насилникот.rnrn
rnrnДомашното насилство е ужасна појава која со себе повлекува многу жртви, за жал најчесто тоа се децата, кои се принудени во животот да растат со лоши спомени од своето детство. Никој не сака да памети како мајка му била тепана од страна на таткото, никој не сака да го доживува својот дом како место на злосторот наместо безбедно прибежиште.rnrnЕксперти одговараат на најголемите заблуди поврзани со домашното насилство, а за да ја поттикнеме свеста за оваа појава, вклучуваме и изјава од познатиот американски доктор Фил кој објаснува зошто, иако за нас несфатливо, многумина одбираат да останат во насилен брак.rnrn
rn
1. Домашното насилство е ретко
rnСтатистички 1 во 4 жени и 1 во 7 мажи се жртви на домашно насилство. Многумина мислат дека домашното насилство не е така честа појава, дека речиси и не постои во денешно време кога жените имаат толку права. Тоа е огромна заблуда. Тоа што таквите парови не го покажуваат тоа во јавност не значи дека не им се случува, а обично баш насилниците умеат добро да се преправаат пред други.rnrnВсушност, луѓето не го земаат предвид и емоционалното насилство. Дури и ако никогаш не сте биле удрени, може да имате трауми од многубројните вербални навреди и омаловажувања. Една жена која сведочи за својата судбина изјавила „Сè уште можам да го чујам гласот на мојот сопруг како ми одѕвонува во ушите.“rnrnСепак, за среќа, макар во развиените земји, сè помала е трпеливоста кон домашното насилство. За навистина да се намали бројот, јавноста, односно ние како совесни граѓани мора да преземеме нешто. Наместо да молчиме за жртвите кои ги познаваме, јасно да се знае кое е нашето мислење за таа појава – во никој случај не е прифатливо и е казниво! Сè додека се водиме по заостанати принципи дека мажот е глава на куќата и може да прави што сака, бројот на нездрави семејства ќе биде голем. Нашите деца мора да ги воспитуваме противстереотипно – не си маж ако покажуваш сила во домот.rn
2. Невозможно е да се сака некој кој те злоупотребува
rnКако незасегнати набљудувачи може остро да искоментираме дека нема шанси да сакаш некој кој е толку груб кон тебе. Сепак, најголем број од жртвите, иронично, вината ја бараат кај себе и иако се жртви се чувствуваат посрамено. Оваа тема е навистина комплексна, така што овие жени, иако знаат дека не е правилно, може сепак да имаат љубов за својот насилен партнер и упорно да веруваат дека може да го променат. Најчесто кога насилникот сака да ја намали тензијата по нападот, ќе ѝ изјави љубов на жртвата, дури и ќе се расплаче. Жртвата „паѓа“ на ова и му верува.rn
3. Насилникот е вон себе кога напаѓа
rnЕкспертите велат дека домашното насилство се случува бидејќи еден партнер чувствува дека има целосна контрола над другиот, дека е повреден и помоќен од другиот. Неретко насилството се случува кога насилникот е под дејство на алкохол, иако не мора да значи. Насилниците прават секакви нешта со цел да имаат контрола над жртвата, од изолација до криење на финансиските средства, така што во никој случај не можеме да речеме дека се надвор од контрола или пак дека го прават тоа несвесно. Психологот Реј Џонс тврди дека 18 години работи со жртви на насилство и досега не сретнала ниедна жена на која домашното насилство ѝ се случило само еднаш. Насилникот ќе тврди дека нема да го стори тоа повторно, но секогаш лаже и секогаш знае дека лаже.rnrn
rn
4. Домашното насилство е секогаш физичко
rnКако што споменав претходно, тука се вбројува и емоционалното насилство, навредите, изолацијата, заканите, внесувањето страв. На почетокот насилникот најчесто е добар и харизматичен, барем како таков се прикажува, за набрзо да почне претерано да ја критикува својата жртва, навредува и изолира од светот. Постојат многу форми на физичко насилство, не само физичкиот удар. Покрај навредите тука е и присилбата на сексуален чин, која не смее да се запостави. Запрепастувачки е што 1 во 3 жени жртви на насилство морала да остане со насилникот, откако била принудена на незаштитен сексуален однос.rn
5. Ако некој те малтретира, решението е очигледно, излези од таа врска/брак
rnВсушност не е толку едноставно за жртвите на насилство. Најчесто поставуваното прашање е: Зошто ли останува во таква врска? Но, кои сме ние да судиме? Ситуацијата е многу комплексна, не може да се запостави стравот, а уште потешко е доколку жртвата има деца и се плаши за нивната безбедност. Најголем страв е за тоа што ќе се случи откако ќе го напуштат партнерот, што ако проба да им наштети? Факт е дека жртвите на насилство не се слободни и не можат да прават што сакаат.rn
6. Жртвата може едноставно да повика полиција
rnПовикувањето полиција е правилното нешто што жртвата мора да го стори, но не е ни најмалку лесно за неа. Некои не сакаат нивниот партнер да оди во затвор, или се плашат дека повикот само ќе предизвика повеќе насилство или дека нема да бидат соодветно згрижени и заштитени. По повикувањето полиција следи давање изјава од што жртвите се плашат. Доколку тука ја вброиме и нашата култура, односно фактот дека најголем број ако не и секој од соседите нема да ѝ помогнат на жртвата и ќе останат глуви и слепи пред насилството, сфаќаме дека воопшто не е едноставно.rn
7. И двете страни се виновни за избувнување на насилството
rnНародот рекол дека за кавга се потребни двајца, но не постои ниедна логична и морална причина ниту пак оправдување за насилството. Точка.rnrnНасилникот итро ќе направи жртвата да се чувствува како соучесник, како да го заслужила тоа, како да не е доволно добра сопруга/мајка/девојка, како да го испровоцирала и сл.rn
8. Речиси еднаков е бројот на жени и мажи жртви на насилство
rnНе одрекуваме дека постојат мажи кои се жртви на насилство, но да се верува дека бројот е еднаков, едноставно е смешно. Тоа што некои ќе се потпрат на своја измислена статистика не го прави овој проблем помал ниту пак понеопасен. Гледајте на ова вака, на секој маж хоспитализиран поради домашно насилство, има 46 жени кои се хоспитализирани поради истата причина (оваа бројка важи за САД, кај нас, верувам, бројот на жени е многу поголем).rnrn
rn
9. Домашното насилство им се случува само на жени кои се сиромашни, зависни од мажот и неедуцирани
rnНајголем број од жртвите се од оваа категорија, иако има исклучоци. Домашното насилство не дискриминира ни според статус ни според образование. Секој може да биде жртва на насилство. Сепак, финансиските средства играат голема улога. Жените кои имаат финансиска сигурност полесно би се оттргнале од насилникот, додека зависните и сиромашни жени се поранлива категорија.rn
10. Дрогата и алкохолот го предизвикуваат домашното насилство
rnТочно е дека го поттикнуваат, дека голема е веројатноста пијаниот маж да ја малтретира својата жена, но не може алкохолот да биде наведен како виновник. Постојат многу луѓе кои пијат, но не се насилни со своите жени и уште поважно, пијаните насилници не се насилни кон себе, нема да си наштетат себеси, што значи дека се свесни што прават.rnrnИако алкохолот го поттикнува насилството, многу фактори играат улога во емоционалното и физичкото насилство. За жал, многу од жртвите исто така ќе почнат со употреба на дроги и алкохол како начин да се справат со тоа што им се случува.rn
Како да ѝ помогнам на пријателка која е жртва на насилство?
rnНајпрво не смеете да се поставите супериорно ниту пак да осудувате. Поставувањето прашања како „Зошто веќе еднаш не си заминеш?“ не помага многу. Мора да покажете големо разбирање и трпение, да сочувствувате, да направите вашата пријателка да се чувствува доволно безбедно и сакано за да ви се довери вам. Во никој случај не смеете да бидете груби мислејќи дека така ќе ѝ ги отворите очите, таа знае во каква ситуација е. Информирајте се за активните организации кои би можеле да ѝ помогнат и да ѝ обезбедат правна помош и безбедно место. Но, најпрво разговарајте со жртвата бидејќи нема да можете насила да ја оттргнете од насилникот додека самата не стане свесна дека треба да си замине. Жртвата може да лаже пред полицијата и да каже дека никогаш не ѝ била нанесена повреда поради многу причини.rnrn
rn
Како насилникот управува со своите жртви и зошто им е тешко да си заминат?
rnДоктор Фил гостува во емисијата на Венди Вилијамс каде таа го поставува она прашање што сите жени, кои не биле жртви на насилство лесно ќе го постават бидејќи навистина не им е јасно: Зошто жените и понатаму остануваат во таква врска? Зошто не си заминат?rnrnДоктор Фил одговара дека е многу потешко отколку што звучи и притоа ги објаснува фазите на насилникот и како тој управува со жртвата:rn
rn011
- Прва алатка која насилникот ќе ја употреби е изолацијата. Тој ја изолира својата жртва од семејството, пријателите, црквата, продолжува со одземање на мобилниот, финансиските средства, за да ја остави сосема изолирана.
rn011
- Продолжува со намалување на самодовербата додека не ја донесе до состојба на парализа – неможност да се направи што било. Насилникот секојдневно ја „опсипува“ жртвата со погрдни зборови и подли навреди за да се чувствува супериорно, истовремено правејќи ја неа да се чувствува слабо, незаштитено, да мисли дека не вреди ништо и дека всушност треба да биде благодарна што тој е со неа. Ќе направи да се чувствува како да не прави доволно за него, дека е лесно заменлива и дека е лоша мајка.
rn011
- Кога жртвата конечно ќе реши да го напушти насилникот, најчесто поради последниот најстрашен напад, започнува периодот кога таа најмногу се плаши од она што би можело да ѝ се случи. Доколку жртвата не е згрижена и заштитена, може да биде повторно нападната. Всушност, во тие две или три недели по разделбата во просек се случуваат повеќе напади отколку што имало во текот на врската. Затоа жртвата задолжително треба да се обрати до организација и да побара заштита.
rn
rnhttp://youtu.be/tKt_9EnXyrI?t=2m55srn
Запамтете, не сте должни да трпите насилство и имате право на заштита и љубов. Доколку вие сте жртви на насилство или познавате жени кои се жртви на домашно насилство, пријавете, не молчете, постојат луѓе и организации кои ќе ве згрижат, не сте сами!
rn rnrn
rnrnБидете секогаш во тек со новите содржини на
Кафе пауза. Следете нè
на Твитер или пак станете фанови на
нашата страница на Фејсбук.
rn
rnrnИако можеби некоја жена немала негативни искуства, таа постојано прави стратегии како би се одбранила доколку дојде до такво нешто. Во денешниот современ свет, жените стекнале несвесни рефлекси за одбрана од мажи кои би можеле да им предизвикаат непријатност, физичка опасност или психичко малтретирање. Жените цврсто ги држат клучевите во раце кога си одат накај дома доцна навечер, ставаат слушалки со исклучен звук за да чујат ако некој ги следи, не влегуваат во автобус доколку забележат дека има пијан човек, внимаваат на нивните насмевки, погледи, зборови и тела затоа што НЕ САКААТ ДА ИСПРАТАТ ПОГРЕШНА ПОРАКА. Тие постојано се плашат да не бидат погрешно разбрани. Се плашат дека нивната љубезност ќе биде сфатена како флерт. Се плашат дека нивниот избор на облека ќе испровоцира некого. Се плашат дека мислењето на шефот и колегите се базира на нивниот физички изглед, а не на нивните работни способности.rnrnКога жените се наоѓаат во присуство на мажи кои не ги познаваат и на кои не им веруваат, тие стануваат претпазливи. А мажите кои никогаш претходно не помислиле дека нивната мажественост можеби претставува закана за некого, сега веројатно ќе станат посочувствителни кон жените кои секој ден внимаваат на нивното однесување и постапки.rnrnСекако дека мажите не треба да се плашат од жените. Треба само да ги почитуваат. Тешко е да се биде маж во денешно време за оние поединци кои ги малтретираат, навредуваат и злоупотребуваат жените. И треба да биде тешко за нив! Тешко им е на оние кои си ја имаат мувата на капата. За сите останатите, воопшто не е тешко да се биде маж во денешно време.rnrnЗа да дознаете повеќе во врска со тоа како е да се биде жена во денешно време, дознајте 
rnrnХолтен се надева дека со оваа фотосесија ќе успее да им помогне на многу жртви од овој тип да се отворат и да преземат нешто во врска со тоа што им се случило. Таа признава дека единствено поради огромната поддршка и разбирањето од нејзиниот шеф била во можност да ги направи овие фотографии, свесна дека и покрај тоа што многумина ја немаат таа поддршка, сепак ќе успеат да најдат начин да го кажат тоа што го имаат.rnrn
rnrn rn
rnrnЗа жал, многу луѓе се жртви на вакво прекршување на нивната интимност и приватност. Дури 10 проценти од бившите партнери се заканувале дека ќе објават интимни фотографии, а неверојатни 60 проценти од нив го направиле тоа. 90 проценти од овие жртви се жени. Активисти низ целиот свет се обидуваат да издејствуваат овој прекршок да биде казнив со закон, како што веќе е во 13 земји со САД. Ема Холтен се надева дека овие фотографии ќе придонесат во таа борба.rnrn
rnrn rnrn