Скутерите можат да изгледаат малку здодевно со својот едноставен дизајн. Но, ако паднат во рацете на уметник, можат да се претворат во многу интересно превозно средство кое никој нема да го остави рамнодушен. Следува нашата селекција на најдобрите.
rnrn
Ова кусо анимирано филмче, наречено „Vespalogy“ ја претставува еволуцијата на скутерите „Веспа“ од 1943 година, па сè до денеска. Креирано е од страна на агенцијата Nomoon која се наоѓа во Париз, Франција. 
На видеото се прикажани дури и некои многу ретки модели, како на пример Vespa 150 TAP, кој се користел за воени цели.rn
rnrn
„Wider 42“ е феноменална јахта која навидум не е многу голема, но на неа можат да уживаат 12 луѓе. Во јавноста е презентирана минатата година непосредно пред Ф1 трката во Монте Карло. Целосно е изработена од карбонски влакна и е придвижувана од два мотори кои имаат моќност од по 370 коњски сили.
Нејзиниот средишен дел може да биде отворен или затворен, а е опремена со неколку телевизори, целосна кујна, простор за седење кој може да се приспособи како спална, целосна бања, а има и „паркинг простор“ за скутер на вода.
rnrn
Како одговор на брзорастечката урбана околина, електричниот скутер Fuse цели кон тоа да понуди брз и елегантен превоз, а пред сè и економичен. Овој концепт на скутер едносед, ја намалува својата возна големина со автоматско и вертикално собирање кога се паркира. А, пак, кога е паркиран, Fuse се полни преку електромагнетна индукција со својата специјално дизајнирана маска.
Концептот на Fuse вклучува и екран осетлив на допир, интегрирана GPS навигација, и Wi-Fi.
Не само за Обама, туку за секој урбан професионалец…rn
Дали понекогаш посакувате да поминете подолго време под вода, восхитувајќи му се на растителниот и животинскиот свет? Секако тоа е возможно за оние кои знаат да нуркаат. Но, што да правите доколку не знаете, а сепак сте љубител на подводни авантури?
„Hidrobob“ е скутер кој им овозможува на сите оние кои не се нуркачи, да уживаат во едно прекрасно искуство, доближувајќи му се на подводниот свет.
Интересно е тоа што е многу лесен и едноставен за користење. Сѐ што треба е да ја ставите главата во балонската шуплина, да седнете и спремни сте за незаборавна лудорија. Дури не е потребно ниту да знаете да пливате. Скутерот овозможува поглед од 180 степени и со него лесно се маневрира. За жал на ваков скутер можете да се возите само во Флорида, а задоволството би ве чинело 25 американски долари за еден час.rn
