Веднаш да отстраниме еден сомнеж, принцезите се супер. Ги сакаме додека се убави. Ги сакаме додека ненаспани се вртат на зрно грашок. Ги сакаме кога бакнуваат жаби, а богами ги сакаме и нивните згодни принцови. Кога го рековме сето тоа, ни изгледа дека принцезите на Дизни многу повеќе би страдале во модерниот свет отколку во своите кралства. Замислете ја ненаспаната принцеза како брза на работа, како некој ѝ дише во врат во автобус преполн со средношколци и замислете ја, на пример, кутрата принцеза на која шефот ѝ вика затоа што згрешила нешто на работа. Која нормална принцеза би го издржала сето тоа?rnrn
rnrnПред брзо да заминеш на Pickbox и да гледаш каков лежерен живот имале принцезите на „Дизни“, погледни со кој тип принцеза на „Дизни“ најмногу се поклопува твојата модерна личност.rn
Снежана
rnНајдобриот ден за тебе е оној во кој успешно си сликала барем 20 селфи фотографии и за секоја од нив си добила најмалку 100 лајкови? Честитки, ти не си принцезата, туку вештерката што ја мрази принцезата. А ако си убава и не си свесна за својата убавина, и си толку наивна што од кого било на улица би зела јаболко и би го изела, имаш многу пријатели што ќе те заштитат ама и доволно непријатели за еднаш дневно да те турнат во очај, ти веројатно си модерната Снежана. Не земај јаболки од други луѓе, аман!rn
Алиса
rnНема на глас да кажеме дека се дрогираш, но да речеме дека авантурите во „Земјата на чудата“ не ти се непознати. Дури знае да се случи и да имаш халуцинации дека си се смалила, си поминала низ зајачка дупка и си завршила на луда забава со многу откачени луѓе. Инаку си мила девојка, секогаш убаво облечена и уредно исчешлана, имаш културни родители и се гордееш со своите префинети манири. Ова со опијатите е само рекреација, но не би штетело малку да се прибереш.rnrn
rn
Есмералда
rnСакаш да го минуваш времето по патишта, да пееш и да свириш со улични свирачи, а во животот да им помагаш на несреќни луѓе кои животот не ги галел. Ти си лежерна, мила, а кога е потребно, и кога тоа животот од тебе го бара, многу си храбра. Никогаш не би ги предала своите идеали и имаш храброст да им се спротивставиш и на најмоќните луѓе. Честитаме, девојко, со уличната интелигенција и со големото срце ти си олицетворение на Дизниевата Есмералда од „Ѕвонарот на Богородичната црква во Париз“ и единствена си што би се снашла сама во белиот свет. Што ќе ти е принц кога се имаш самата себе и пријатели кои те носат на грпката?rn
Покахонтас
rnНајубавиот можен ден за тебе е оној во кој можеш да трчаш по ливади, да го впиваш сонцето, да скокаш во реки и мориња (на глава, секако), а најлошиот е кога некој ти наредува и ти кажува што да правиш. Иако си пораснала во мала средина, сепак си многу слободоумна и не познаваш граници. Ако се заљубиш во висок, русокос странец (да ти кажеме веднаш дека тој веројатно е Скандинавец), прифати ја романсата и избегај со него на крајот од светот. Па ти си Покахонтас, а Покахонтас го слуша своето срце. Знае да се снајде во светот, но животот понекогаш ја крши твојата храброст. Никако немој да одбираш работа во корпорација.rnrn
rn
Храбрата Мерида
rnТи си девојка што секогаш ја задушувале семејната традиција, општествените клишеа и светот во кој младите жени се слаби и имаат потреба од внимание. Не си груба жена, но знаеш да го подигнеш гласот, да влезеш во неволи и да се искараш кога е потребно. Иако си една од оние што би се истепале со момчињата на училиште, всушност си симпатична, со добро срце и никогаш никому не би му наштетила за џабе. Да, мила, ти си Храбрата Мерида. Па, уште и ако имаш виткана портокалова коса, не треба да бараме понатаму. Паметно одбери ги своите битки.rn
Пепелашка
rnДома те тераат постојано нешто да чистиш и да раскреваш и имаш сестри кои те малтретираат на дневна основа и манијакално се љубоморни на твојата аристократска убавина. Деновите ги минуваш како добра мала домаќинка, а навечер се искрадуваш и одиш на забави и таму го бараш вистинскиот. Ти си модерната Пепелашка која ја немаат скршено проблемите во животот. А и мило ни е што си свесна дека забавите се најдобриот начин да се заборави горчливото секојдневие. Ослободи се, напиј се пијачка и возврати му на намигнувањето на она згодно момче. Не е принц, ама…rnrn
rn
Принцезата и жабата
rnТи имаш претприемачки дух и сонуваш да отвориш сопствен бизнис, и ништо нема да те спречи во тоа. Цел живот работиш многу, си поминала низ сѐ и сешто, но сепак, ништо не успеало да ја скрши твојата амбиција. Иако понекогаш мислиш дека би било најдобро патиштата да ти се вкрстат со некаков богаташ кој ќе те обезбеди за цел живот, јасно ти е дека во животот ништо не се добива тукутака. Ќе ти кажеме само една работа, Тијана, ако случајно сретнеш жаба со лице што необично потсетува на човечко, немој да се двоумиш, бакни ја. Ако не се претвори во принц, барем ќе имаш интересна приказна за внуците.rn
rnrnСпоред приказната на Аноша, Мерида е млада бунтовничка која сака да јава коњи секој викенд и да зема часови по стрелаштво. Таа го обожава британскиот панк рок и нејзиниот омилен бенд е „Mor’du“.rn
rnrnСнежана, уште позната како @poison_apple7, ја сака природата, старата мода и старите филмови. Таа никаде не оди без својот ајфон и има голем број следачи поради нејзината скромна природа и фактот што ги охрабрува сите да се сакаат себеси, бидејќи убавината доаѓа во секакви форми и големини.rn
rnrnСпоред Аноша, Ариел сака да учи за луѓето и различните култури. Нејзиниот татко нема да биде многу среќен кога ќе дознае дека таа студира антропологија, бидејќи тој отсекогаш сакал Ариел да биде морски биолог, но сепак ќе ги прифати и почитува желбите на неговата омилена ќерка.rn
rnrnПокахонтас, поради љубовта кон различните јазици и нејзиното потекло, е студент по лингвистика и повремено работи како преведувач. Исто така, таа го сака адреналинот и обожава да планинари, да кајакари и да нурка. Нејзиниот сон е да работи како културен советник во филмската индустрија за да може да се погрижи дека холивудските филмови ќе ги почитуваат различните култури и ќе ги прикажуваат точно и оригинално.rn
rnrnСпоред приказните на Аноша, Есмералда се преселила во Франција кога имала 16 години и станала главна балерина во една престижна балетска компанија. Таа напорно работела и се соочувала со многу предрасуди и стереотипи, но никогаш не ги заборавила своите корени. Затоа таа секогаш присуствува на протестите за права на емигрантите. Таа го обожава Париз, но нејзиното омилено место е Богородичната црква.rnrn
rn
rn