КАФЕ ПАУЗА

Tag: перфекција

Бои, инспирација, перфекција: Оригинални Инстаграм профили кои мора веднаш да ги заследите

Доколку ви е потребна идеја за тоа како да се нашминкате, облечете или да си го разубавите денот, профилите на овие Инстаграм девојки се одличен избор за вас. Инстаграм го прослави својот 5-ти роденден, а ние ви ги претставуваме 5-те најдобри профили.rnrnrn

1. @debbiefortes

rnДеби Фортес има око за детали – таа може еден обичен момент да го претвори во совршена фотографија. Линиите и облиците се голем дел од нејзиниот стил. Во споредба со другите, кај неа палетата на бои е секогаш нагласена иако никогаш не ја намалува приказната која уметникот сака да ни ја раскаже. Документирањето на секојдневниот живот во Дубаи од едноставна перспектива, Деби ни прикажува работи кои инаку би биле занемарени.rnrnrn

2. @hudabeauty

rnХуда Катан е лице од социјалните медиумски кругови на Блискиот Исток. Таа започнала како бјути блогерка, а сега својот профил го претвори во култен, со повеќе од 6 милиони следбеници на Инстаграм и 650 илјади претплатници на Јутјуб. Да не спомнуваме дека од своите мејкап туторијали направи империја после лансирањето на својот бренд „Huda Beauty“ во 2013 година.rnrnrn

3. @laura_eltantawy

rnПатувајте низ светот заедно со египетскиот фотограф Лаура Ел-Тантави! Од аџиите до јапонските венчавки во Хирошима, постои одредена врска помеѓу неа и нејзините 26 илјади следбеници, докажувајќи дека убавината на светот е насекаде околу нас.rnrnrn

4. @secretsquirrelfood

rnЕден од најмногу фотографираните објекти на Инстаграм е храната, а Карен Маклин знае доста за тоа. Многу од нејзините фотографии со храна се фотографирани од птичја перспектива, а нејзините аранжмани со храна и способностите да ги меша боите се спектакуларни. Оттука произлегуваат нејзините 111 илјади следбеници на нејзиниот Инстаграм профил.rnrnrn

5. @Ascia_akf

rnЕдна половина од дуото Ahmad & Ascia е кувајтска трендсетерка од Блискиот Исток. Нејзините Инстаграм фотографии укажуваат на една жена која не се срами од светлите бои и дезени. Таа често претставува скромни преголеми капути и широки панталони. Фотографиите главно се едноставни, оставајќи облеката и нејзината смисла за мода да зборуваат сами за себе.rnrn

November 4, 2015
98 совршено исечени коцкички од различна храна кои ќе ве направат гладни за перфекција

Холандските артисти Лернет и Сандер исекле различна сирова храна на 98 совршени парчиња во вид на коцки со димензии 2,5 x 2,5 x 2,5 см. На овој начин тие создале многу привлечна геометриска слика.rnrnrnrnОваа вирална фотографија била објавена во холандскиот весник „de Volkskrant“ во нивното специјално издание за храна.rnrnДвајцата артисти почнале да соработуваат на уметнички проекти во 2007, а нивниот прв заеднички филм ги испитува различни начини да се стопи чоколадно зајче.rnrn rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

May 14, 2015
Дали ги правите работите најдобро што можете?

Автор: Калин БабушкуrnrnКолку пати досега сте си рекле: Е ова е најдоброто што можев да го направам. Или колку пати сте слушнале некој да ви каже: Ова е најдоброто што можев да го направам. Но, дали е тоа доволно и дали е тоа навистина така?rnrnrnrnДа направите работи кои најдобро можете да ги направите, не значи дека сте направиле сè за да бидат како што треба. Значи, сте ги истражиле сите опции за да можете да кажете дека сте направиле некоја работа најдобро што може.rnrnСакам да споделам со вас некои мои практични работи кои јас и ние во нашата компанија ги практикуваме за да може да направиме некоја работа најдобро што може:rnrnПрашања – За да може да направите некоја работа најдобро што можете, тогаш треба да си поставите многу прашања (на себеси, пријателите, колегите, фамилијата, итн.) и да стигнете до вистинските одговори. rnrnКреативност – Разбудете ја креативноста во вас и пробајте повеќе начини да го направите тоа што сакате или е побарано од вас на најдобар начин. Си страдаме од рутина, па не дозволуваме креативноста да навлезе во нашите животи при извршување на работите.rnrnТим – Пробајте со тимска работа. Доколку сте во можност, работете во тим затоа што така ќе имате можност за повеќе идеи за извршување на зададената задача.rnrnПланирање – Пред да започнете со работа, имајте повеќе опции пред вас. Секоја опција разработете ја до перфекција и изберете ја најдобрата што вие мислите дека може да е соодветна за таа работа. Споделете ја со вашите колеги/пријатели/фамилија, можеби ќе добиете друга.rnrnФокусираност – Многу е важно за да направите некоја работа најдобро што можете. rnrnПодобрувања – Настојувајте да се подобрувате секој пат. Не се задоволувајте со тоа на што сте. Секогаш стремете се кон повеќе.rnrnИскреност – Бидете искрени кон себе и кон другите. Ако не знаете, признајте си дека не знаете. rnrnЕвалуација – После завршената работа направете евалуација на сработеното (без оглед дали сте дома или на работа) и прашајте се самите себеси: дали е ова најдоброто што можев да го направам?rnrnНо, што и да правите, секогаш имајте го пред вас прашањето: А, зошто да го направам тоа најдобро што можам? Многу е едноставно, затоа што со тоа секој пат сте сè подобри и подобри. Не знаете кои сè промени тоа предизвикува кај вас. Па, само погледнете ги горенаведените точки и ќе видите барем неколку од нив. rnrn[message_box title=”” color=”yellow”]Петар Лазаров и Калин Бабушку, основачи на Македонија Експорт, се автори на прирачникот Tip of the week кој изобилува со совети за личен и професионален развој. Повеќе информации ќе најдете на нивната страница на Фејсбук. [/message_box]rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

September 5, 2014
Зачудувачки перформанс: балерина танцува со остри ножеви

„En Puntas“ е видео инсталација изработена од страна на шпанскиот артист Хавиер Перез, во која ја гледаме балерината Амели Сегара, како изведува неверојатен танцувачки перформанс на големо пијано, носејќи прилагоден пар балетанки, продолжени нанапред со остри кујнски ножеви. Како танцот на врвот од прстите да не е доволно тешка задача, Сегара додала дополнителен притисок, балансирајќи го своето тело на уште потенка платформа и од уште поголема височина.rn

rnПомислата дека воопшто некој може да застане цврсто на потенцијално опасни обувки е вчудовидувачка, но фактот дека Сегара успева да постигне телесен баланс, додека истовремено го гребе капакот од пијаното, е истовремено освежувачки и застрашувачки за гледање. Интензивниот перформанс станува уште повозбудлив за гледачите, кога елегантната балерина се приближува до работ на пијаното со врвовите од ножевите. Моќната комбинација од сила и баланс прикажана од страна на балерината, е повремено придружена од нејзината емоционална болка и плач од бол, бидејќи вложениот напор и физичката исцрпеност тежат врз нејзините пренапрегнати прсти. Перформансот на Сегара поттикнува емпатија кај публиката додека таа се напрега, тежнеејќи кон совршенство. Таа е истовремено, прекрасна и скршена. Според описот на креаторот на проектот, тој „ја разоткрива слабоста која стои на границата помеѓу некои навидум неспоиви концепти како што се: убавината и злото, ранливоста и насилството, културата и природата на раѓањето и смртта“.
rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn

August 30, 2013
Перфекционизам и одолговлекување – комбинација која гарантира неуспех

Честопати сме ставени под голем притисок кој го носи желбата за совршенство. Се трудиме нештата да бидат изработени до перфекција, работите околу нас подредени во совршен ред, нашите обврски да бидат организирани и да имаме контрола над целата ситуација. Но, сиот тој притисок поради стремежот кон перфекција, во комбинација со одложувањето на обврските за подоцна е рецепт за неуспех и неисполнување на главните зацртани цели. Тоа нè прави најголеми непријатели на самите себе. Како да се поштедиме од овие навики и колку би можел еден перфекционист да се промени во овој поглед со цел да се спаси себеси од притисокот и стравот од несовршеното?rnrnrnrnНајпрво да ги дефинираме и двата поими, за кои психолозите тврдат дека во комбинација се гаранција за неуспех. Што е перфекционизам, а што одолговлекување?rnrnПерфекционизмот би можеле да го дефинираме на многу начини, но секој од нив кој е поврзан со потрагата по совршенство би бил точен. Перфекционистите се стремат кон извонредност на речиси секое поле во животот, трагаат по одлични резултати и се залагаат за сите сфери во кои би можеле да постигнат успех. Имаат потреба и нагони да го поправаат несовршеното, дури и кога станува збор за ситници и небитни детали. Одолговлекувањето претставува одложување на обврските, најчесто за некој друг, подобар и посоодветен ден. Не можам денес, но ќе го направам тоа утре или наредната седмица. Една шпанска поговорка вели: „Утре е најзафатениот ден од неделата.“ Станува збор за одлагање на важни обврски со цел да се извршат оние кои не се примарни.rnrnrnrnЗошто се јавува одолговлекувањето? Најчесто е поради стравот од неуспех и недоволното ниво на самодоверба. Се плашите дека нема да успеете, дека не сте доволно добри, дека ви е потребно повеќе време. Така тоа се претвора во навика за речиси сè во животот и вие почнувате константно да ги одлагате обврските.rnrnКоја е поврзаноста помеѓу перфекционизмот и одолговлекувањето? Перфекционистите се луѓе кои знаат до детаљ да ги испланираат своите зацртани цели и начините како да дојдат до нив. Но, често се случува работата да остане само на планирање, без да се преземе акција бидејќи се одлага за понатаму. Поради стравот од неуспех или страв дека нешто нема да излезе перфектно, чувствуваме дека ни треба повеќе време за да се подготвиме пред да дејствуваме.rnrnrnrnПланирањето на обврските сè до најситен детаљ одзема време. Нè прави да се чувствуваме безбедно, како да имаме контрола над ситуацијата. До некаде тоа е добро бидејќи сте подготвени за она што доаѓа. Но, мора да постои момент кога ќе почнете да дејствувате. Претераното размислување и планирање ги уништува работите.rnrnЕве еден мал пример. Се подготвувате да учите со цел да го положите испитот. Но, не само да го положите, туку да извлечете најмногу што можете, па притисокот станува уште поголем. Вашиот план за учење е направен, материјалите се собрани, но имате „поважни“ обврски. Прво ќе си ја средите собата, ќе го разлистате омиленото списание, ќе видите што има ново на интернет за да бидете во тек со новостите, ќе излезете на пазарење за да не мислите што треба да купите додека учите… и на крај ви станува јасно дека оваа листа на „обврски“ нема крај. Решението е примарната обврска и задача да ја направите пред сите останати.rnrnСо сфаќањето дека имаме проблем со потрагата по перфекција и со одлагањето на важните обврски, сме на самиот пат кон решението. Некогаш перфекционизмот ни носи навистина совршени резултати, но проблемот е што по некое време не би биле задоволни со ништо помалку од совршеното.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

December 10, 2012
Совршенство

Недела наутро, вкусно кафе и она чувство дека цел ден можете слободно да си го поминете во безделничење… и после не постоело совршенство, кој рече такво нешто? Си постои совршенството, ама го бараме во погрешните работи.rnrnНеодамна прочитав текст кој ме натера на размислување. Зошто трагаме по перфекцијата, знаејќи дека никогаш нема да ја најдеме? Кој вели дека мора да бидеме совршени за да бидеме среќни? Од една страна тоа е добро, нè тера да се трудиме и да успеваме, но негативностите секогаш ќе тежат повеќе на оваа замислена вага, бидејќи притисокот кој се создава во потрагата по совршенството едноставно е преголем.Таа потреба сè да биде совршено, постојано нè притиска и ни создава немир. Постојаната потрага по совршеното никогаш нема да нè остави вистински да уживаме, блазе на оној кој свикнал да е задоволен со постоечката состојба. Но, јас со тешко срце признавам дека сум дел од оние кои не можат да ги остават работите да поминат несовршени. Едно време мислев дека тоа ми е предност, но претпоставувам дека сфаќањето на оваа карактеристика како маана е првиот чекор кон опоравување.rnrnНо, почнувам да свикнувам на тоа дека нема совршени луѓе, треба да ги прифатиме онакви какви што се, нема совршени врски, но постојат личности кои заслужуваат заедно со нив да минувате низ несовршенство, ничиј живот не е совршен, само има такви кои си го сакаат животот онаков каков што е.rnrnЗа почеток да се навикнеме на периодите, тогаш кога ништо не ни оди по посакуваниот тек и тогаш кога ни се чини дека што и да направиме ќе ни излезе погрешно. Да бидеме свесни дека таквите периоди му се случуваат секому и да се научиме самите да се шегуваме на своја сметка. Да се шегуваме на нашата несмасност, нетрпеливост, на фризурата која никако да застане на место…rnrnДа му се восхитуваш на некој кој во твоите очи е совршен може навистина да те мотивира, но и психички да те уништи, проблемот е голем кога тоа ќе ни стане опсесија. Експертите тврдат дека читањето на начинот на кој размислуваат овие луѓе е многу лесен. Само погледнете во насоката по која се движат и ќе сфатите од што бегаат…rnrnАко навлезам подлабоко во проблемот, ова ќе добие сосема различна форма. Затоа се враќам на примарната цел со огромна желба сите ние да се освестиме и да престанеме да трагаме по совршеното. Не сум совршена, мојата коса стои на место најмногу до пет минути откако ќе излезам од дома, а кога се лакирам барем еден нокт ќе се залепи за нешто или ќе се размачка. И не сум само јас, тоа е секоја девојка и секој човек. Дури и тој кој навидум изгледа совршено. Затоа да запреме со потрагата по совршеното и да ги прифатиме работите такви какви што се.rnrnСовршена е вашата насмевка, совршени се летните утра, цветот и љубовта. Совршено е сонцето, совршена е среќата, совршена е нашата бушава коса и растурената соба. Совршена е нашата несмасност, а понекогаш и тромавост.rnrnУште еднаш ќе речам, да, совршенството постои, не одрекувам, само треба да го најдеме и да му се израдуваме.rnrnИмајте убаво неделно попладне,rnrnВашата Ели.rn
rn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

July 8, 2012
Време резервирано за вас

За момент исклучете се од светот околу вас, стопирајте го времето, земете здив и резервирајте си момент посветен исклучиво на себеси. Доволно трчавте за да ги исполните вашите обврски за денес, да ги задоволите очекувањата на сите, да им направите услуга на блиските и да ги средите сите работи кои тргнале наопаку. Ова е време резервирано само за вас, за работите кои ви годат и ве опуштаат, време посветено за нештата во кои вие уживате. Еве неколку начини како да си отстапите повеќе време за себе.rn

Не бидете робови на перфекцијата

rnПостојаните грижи да ги доведеме работите до перфекција, можат да бидат навистина напорни и да ни донесат повеќе стрес и притисок отколку задоволство. Не мора креветот секој ден да ви е совршено наместен, ниту рамките на сликите совршено подредени, зашто еден ден ќе сфатите дека опседнатоста сѐ да доведете до совршенство, ви ги одзела скапоцените мигови за одмор и релаксација. Оставете некои работи да поминат несовршени и уживајте во дополнителните мигови посветени на самите вас.rn

Мигови за лично задоволство

rnОставете го вашиот мобилен да мирува, опуштете се со добар третман за лице или поминете повеќе време со најблиските и не дозволувајте да ве гризе совест. Тоа не е изгубено време, напротив, тоа се мигови за лично задоволство.rn

Направете си распоред и почитувајте го

rnНаправете си мини распоред за работните денови, што и кога правите. Не мора да сте точни до минута, но ако имате определен распоред, функционирањето на вашето тело и ум, ќе го прилагодите на една секојдневна рутина. Тоа е добро бидејќи ќе имате одреден ритам на движење, ќе знаете за што колку време ви треба, па полесно ќе ги избалансирате обврските и паузите во денот.rn

Километарски разговори по телефон

rnОва е еден од оние моменти кога ви се јавува здодевната тетка, а вас ви се крева косата од глава. Не трпете непотребно долги телефонски разговори, културно дајте ѝ до знаење дека имате други обврски на кои морате да се посветите.rn

Листа со работи кои ви одземаат најмногу време

rnНаправете листа со работите кои ви одземаат најмногу време, зошто денешниот ден не може да го вратите назад. Најдете начин како да ги скратите или сосема да ги отфрлите работите кои непотребно ви одземаат време.rn

Избегнете долги редици и чекање

rnНе мора да одите во маркет тогаш кога сите пазарат или во банка кога на пензионерите им стигнуваат пензиите, бидејќи така само ќе изгубите драгоцено време и нерви. Бидете ефикасни и планирајте ги работите и ќе бидете изненадени колку лесно можете да ги насочите работите во ваша корист и притоа да заштедите време.rn

Престанете да го правите она што не морате и не сакате

rnПоделете ги обврските на делови, не мора сѐ да завршите во еден ден. Така и работата ќе си ја направите поефикасна. Избегнете ги обврските кои не ви се задолжителни, а тогаш кога ви е потребно време за себе, не морате да трчате да му направите услуга некому. Понекогаш не е грев да одбиете нова обврска и едноставно да речете „не“.rn

Прилагодување на обврските

rnНе мора цел ден да парадирате низ градот. Сами одредете си ја дневната динамика, складирајќи ги обврските и потребите во определен дел од денот, задолжен за едното или за другото.Често самите си наметнуваме обврски и правила кои нѐ гушат и ни ја цицаат енергијата. Не заборавајте дека вие управувате со сопствениот живот и со вашето време. Опуштете се со добра книга, но само ако уживате во тоа, во спротивно земете списание или едноставно не правете ништо. Не е страшно ако сте поминале некое време во безделничење – ритамот на животот си го диктирате самите. Пуштете музика, кренете ги нозете во вис, дозволете си чаша вино на пладне, искапете се во добра пенеста купка, разгалете се и опуштете се. Вие може да сте толку успешни, што би можеле со една наредба и планина да поместите, но пак ништо не сте направиле ако немате време со задоволство да уживате во вашето кафе и на раат да си читате Кафе пауза :)rn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 3, 2012