Сите знаеме по нешто за животните, но најчесто тоа се само површни познавања. Затоа сме склони кон создавање на стереотипи за нивниот карактер и можности. Овие 10 факти ќе сменат дел од таквите мислења.rn
1. Пит булот не е толку лош колку што се мисли
rnПит булот има углед на лошо и агресивно куче кое често ги напаѓа луѓето, ги повредува, а во некои поретки случаи може и да убие. Не му помага ниту тоа што е познато дека е создаден преку вкрстување на повеќе раси кучиња со цел да се создаде една суперсилна и воинствена раса која ќе се користи во борбите со кучиња. Сепак, колку и да звучи неверојатно, пит булот не е природно поагресивен од кое било друго куче. Тие често пати се дресирани во насока да бидат борбени, но не се родени такви. Големиот број повреди кои ги предизвикуваат доаѓаат поради тоа што ја имаат најсилната вилица меѓу кучињата. Не е исто дали човек ќе биде каснат од пит бул, од златен ретривер или од пудлица. Пит булот има најголеми шанси да предизвика повреда во вакво друштво, но не поради некаква агресивна природа.rnrn
rn
2. Мравките можат да помогнат во лекувањето на рани
rnАнтичките цивилизации кои во нивно време сè уште не знаеле како да ги третираат отворените рани, ги користеле мравките во своја корист. Малите вредни инсекти можат да ја заклучат вилицата исто како пит булот, па таа нивна сила древните лекари ја користеле во времето кога шиењето на отворените рани им било непознато. Тие оставале мравка да се врзе со раната, па и ја кинеле главата која останувала на раната наместо конец. Овој метод се користел пред околу 3000 години.rnrn
rn
4. Комодо змејовите се физички послаби отколку што се мисли
rnОвие големи застрашувачки суштества, кои изгледаат како времето на диносаурусите да се вратило, даваат впечаток како да се најсилното нешто кое чекори по светот. Иако може да порасне и до три метри во должина, каснувањето на овој ѕвер не е посилно од она на домашните мачки. Се вели дека ако тој се обиде да скрши нешто со својата вилица, попрво ќе си го скрши сопствениот череп обидувајќи се. Но сето ова не значи дека не е опасен по животот. Тој, всушност, има многу силен отров кој го намалува крвниот притисок, ја проретчува крвта и не им дозволува на раните да се засират.rnrn
rn
4. Крокодилот танцува кога сака да ја привлече женката
rnКрокодилот има заслужен углед на суров убиец од кого нема спас штом еднаш стигне до пленот. Но, кога е „заљубен“, тогаш покажува понежен карактер. За да ја привлече женката кон себе тој изведува еден вид стомачен танц. Стои на едно место во водата, притоа „мешајќи“ со стомакот на нему својствен начин.rnrn
rn
5. На малите лавчиња им е многу тешко да преживеат
rnЖивотот на малите лавови започнува со многу љубов од своите родители, но штом наполнат две години се смета дека се доволно зрели да започнат самостоен живот. Всушност, по лавовски стандарди тие сè уште се деца, но во нивниот свет преживуваат само најхрабрите и најсилните и затоа треба да поминат некои тестови. Оставени се сами на себе во џунглата и треба самите да најдат начин да преживеат. Кога ќе дојдат до доволна зрелост за да оформат своја глутница, тие прво треба да се справат со конкуренцијата чија територија ја посакуваат, а притоа треба и да им ги убијат сите малечки. Потоа можат на раат да бидат кралеви во своето кралство.rnrn
rn
6. Мравојадот е крволочен
rnМравојадите се мирни суштества, речиси слепи и немаат заби. Се движат тромаво опипувајќи ја околината воглавно со сетилото за мирис. Но, сепак се поопасни од пит булот. Забележани се повеќе случаи во кои тој со своите моќни канџи нанесува тешки повреди на оние кои ќе му се најдат на патот додека лови мравки. Постои дури и еден случај во кој на еден човек во Бразил му ја скинал артеријата во ногата, по што тој искрварил до смрт. Инаку, мравојадот живее само на двата американски континенти.rnrn
rn
7. Комарците се најголемите убијци на светот
rnНе се само растурачи на убавото расположение во летните попладниња и ноќи, туку убиваат повеќе луѓе од кое било друго животно. Иако луѓето повеќе се плашат од средба со змија, ајкула или волк, сепак комарците се вистинските сериски убијци. Преку пренесување на разни вируси годишно убиваат околу три милиони луѓе, најголем дел од нив во Африка. Со тоа имаат повеќе жртви отколку сите други животински видови заедно.rnrn
rn
8. Биковите се далтонисти
rnЗа многумина првата асоцијација за биковите е коридата и бркањето на црвеното платно од страна на разулавеното животно. Тоа е доста чудно, ако се знае дека биковите не можат да ги распознаваат боите. Mythbusters го истражиле тоа и заклучиле дека животното нема поим дека она што му се покажува пред носот има црвена боја. Тој всушност е иритиран од тресењето на платното од страна на тореадорот и затоа напаѓа.rnrn
rn
9. Кенгурите се големи тепачи
rnКога жените се во прашање, кенгурот станува многу посесивен и жестоко го брани она што смета дека е негово. Имаат многу силни нозе кои им овозможуваат лесно да потскокнуваат и затоа можат да бидат одлични кикбоксери. Овие мили животни можат да му скршат коска на противникот, па дури и да го убијат. Прво ги користат рацете обидувајќи се да го зграпчат, а кога ќе успеат во тоа напаѓаат со силните нозе. Иако изгледаат слатко, сепак се работи за големи и вешти тепачи.rnrn
rn
10. Кокошките можат да донесат технолошки напредок
rnКокошките можат да му бидат многу корисни на светот, но не за да го најадат. Научниците успеале во нивните очи да најдат нешто што е прагот кон нови технолошки откритија. Имено, во мрежницата на окото на секое суштество има конусни клетки кои се распоредени по одреден ред, но кај кокошките тоа не е случај. Нивните конусни клетки се хаотично распоредени, а тоа што тие сепак гледаат добро ги тера научниците да истражуваат како можат да го искористат овој податок. За сега сметаат дека можат да пронајдат технологија за пренос на светлина која ќе има ефикасност како кристал и флексибилност како течност.rnrn
rn
rn
rn
rn
rn
rn
rn
rn
rn
rn