КАФЕ ПАУЗА

Tag: картичка

Внимателно: Места на кои не би требало да користите кредитни и дебитни картички

Кредитните и дебитните картички одамна ја заменија готовината која и понатаму е најсигурниот облик на плаќање. Без разлика на заштитата, сѐ почесто доаѓа до злоупотреба на картичките. Освен физичката кражба на кредитните и дебитните картички, често се случуваат и кражби на податоците од картичките на Интернет или со помош на електронски уреди кои криминалците ги поставуваат на банкоматите и други уреди. Погледнете на кои места не би требало да користите кредитни и дебитни картички.rnrnrn

1. Банкомати кои се оддалечени од банката

rnЕкспертите препорачуваат да се користат само банкомати кои се наоѓаат во банките или во нивна непосредна близина, бидејќи оние оддалечените на изолирани места се мамка за криминалците. Во нив е полесно да се постават уреди за кражба на податоците, бидејќи не се под постојан надзор.rn

2. Улични станици за полнење на мобилниот

rnКога патувате во странство, можете да наидете на киосци за полнење на батеријата на телефонот. Во некои градови таа услуга е бесплатна, но таму каде што не е, мора да платите со кредитна картичка. Освен што може да ги украдат податоците од картичката, познато е дека можат да ги симнат и податоците од вашиот мобилен.rnrnrn

3. Десктоп и мобилни апликации

rnБидете внимателни при купувањето надвор од официјалната продавница со апликации или официјалната програма. Сигурно веќе сте имале прилики да видите поп-ап прозорци кои ви бараат да уплатите одредена сума пари за да го отстраните вирусот или да ги отклучите вашите документи, но не наседнувајте на такви барања, бидејќи е во прашање измама.rn

4. Непроверени онлајн веб-сајтови за купување

rnМожеби сте помислиле дека веќе го знаете ова, но не е штетно да повториме колку е опасно оставањето на податоците од својата картичка на веб-сајтови чија сигурност претходно не сте ја провериле.rnrnСекогаш внимавајте на вашите лични податоци, како ги користите и на кој начин ги споделувате, а овие лични податоци никако не треба да ги испраќате преку текстуална порака.

December 22, 2017
Слатки пораки со неверојатна доза хумор и искреност

Замислете, конечно се охрабривте да ѝ признаете на таа посебна личност сѐ што ви лежи на срце. Спремате совршен говор, го чекате вистинскиот момент и во моментот кога почнувате да зборувате од вашата уста излегува сѐ, освен зборовите кои долго време ги вежбавте и наскоро не знаете како да се извлечете од непријатниот хаос. Веројатно, ако сте во некој холивудски чик-флик на другата личност ќе ѝ се види сето тоа симпатично па можеби и ќе ќарите прв состанок. Картичките подолу (со малку послободен превод) се вистински приказ на слатката збрка од мисли која ни поминува низ глава во вакви ситуации и веројатно ќе се пронајдете во барем една од нив.rnrnКартичките се дело на дизајнерката Емили МекДауел, а нејзината цел била реално да ги прикаже врските такви какви што се, убави, збркани, чудни па и проблематични. Практично секој може да се пронајде и на некој начин да си се утеши дека не е сам на светот со такви мисли и чувства.rnrn
rnrn

За твојот роденден сакав да ти дадам нешто совршено што во исто време изгледа како да не бара многу труд, како ноншалантно да сум го купил/а на враќање од пазар или од теретана или од каде било, па би бил/а импресиониран/а истовремено од леснотијата со која тоа го направив и од моите способности за купување најдобар подарок. Но тоа не се случи.

rnrn
rnrn

Знам дека веќе некое време сме заедно и животот повеќе не ни се врти постојано околу жешки состаноци и романтика, но сакам да знаеш дека не постои некој со кој повеќе сакам да го правам тоа од тебе. Исто така, ме правиш толку среќен/на што дури е по малку засрамувачки.

rnrn
rnrn

Драга мамо, знам дека не секогаш успевам да ти кажам како се чувствувам, ниту пак што било друго да кажам, но сакав да ти посакам Среќен 8-ми март на навистина искрен начин, а не ми изгледаше доволно да ти купам цвеќе или пак да излеземе некаде, па затоа ти ја купив картичкава. Среќен 8-ми март. Те сакам и сите тие работи.

rnrn
rn

Епа ова е тапа. Би сакал/а да имав подобар начин да го кажам ова, но мозоков навистина не ми функционира во моментов. Но сакам да знаеш дека иако не секогаш ти ги кажувам вистинските зборови, секогаш ќе ме имаш. Не одам никаде. Па се надевам дека тоа е во ред со тебе. Затоа што те сакам.

rnrn
rnrn

Мислам на тебе, ама не на морничав начин. Само еднаш поминав со кола покрај твојата куќа. Не е дека го замислувам твоето лице цело време или нешто такво. ОК, можеби размислував за тебе на скоро незначително морничав начин. Ох мој Боже, зошто ти го кажувам ова? Не е важно, и онака воопшто не размислувам за тебе.

rnrn
rn

Знам дека не сме заедно ама ми беше малку чудно да не ти кажам ништо, па ти ја земав картичкава. Не е некоја голема работа. Не дека значи нешто. Дури нема ни срценце на неа. Ова е всушност картичка за да те поздравам. Заборави.

rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

June 29, 2014
Како да ги употребите тапите од вино?

Дали знаете дека тапите од вино не скапуваат? Освен тоа, тие се толку лесни и интересни по облик и текстура, па наредниот пат кога ќе пиете вино не мора да ги фрлате во корпа за ѓубре. Следниве идеи се одлични ако имате многу тапи и ги чувате во некоја кутија. Еве како да ги искористите.rnrnrn

Палење оган

rnНамокрете ја тапата со алкохол и ставете неколку такви тапи во камин под стари хартии. Запалете ги тапите со рачна запалка и огнот брзо ќе почне да гори.rn

Заштита на алатите

rnВо тапата направете дупка. Тапата ставете ја на врвот на острите алати за да ја заштитите нивната острина, но и вашата безбедност.rn

Шкрипење на врати од ормани

rnОд тапата исечете мало тркалце и залепете го на внатрешниот агол од вратичката од орманот кој шкрипи.rn

Работна површина

rnrnrnАко имате многу тапи кои не сте ги фрлиле, ова е одличен начин да ги искористите. Земете четири штици со должина по ваша желба (зависи колкава работна површина ви треба). Залепете ги штиците за да добиете правоаголен или квадратен облик. Во празнината, ставете ги тапите и лепете ги една до друга, странично. Во празнините во кои не може да се стави цела тапа, исечете делови од тапата и вметнете ги. Така, ќе добиете работна површина во кујната (на која може да ставите жешко тенџере) или во вашата работилница.rn

Ѓубриво за почва

rnЗемете неколку тапи, исечете ги или раздробете ги ситно во гранули. Ставете ги во почвата во вашата градина наместо класично ѓубриво.rn

Сјаен нож

rnЗа кујнскиот нож да ви биде сјаен, намачкајте го со средство за чистење и тријте го со тапа, наместо со абразнивно средство. Така, ножот ќе биде сјаен.rn

Потпирач на врата

rnrnrnНа тапата ставете дебела игла, протнете ја низ тапата и иглата забодете ја во подот, низ дупчињата од паркетот. Тоа ќе спречи удирање на вратата во ѕид.rn

Држач за лампиони

rnrnrnЗемете го лампионот и на горниот дел протнете рибарски конец. Со игла, провлечете го рибарскиот конец низ тапата. Од рибарскиот конец направете отвор во кој ќе можете да го закачите лампионот на новогодишната елка.rn

Лента за остри ножеви

rnЗалепете неколку тапи странично, едно до друго. Лентата со тапи ставете ја во фиоката и поставете ја странично каде што доаѓаат врвовите од ножевите. Така, врвовите на ножевите нема да направат дупка во дрвената фиока и ќе останат остри.rn

Тапа наместо селотејп

rnИсечете ја тапата по должина. На исечените парчиња ставете течен лепак и лепете на аглите од вашите постери и други хартиени проекти кои ги поставувате на ѕидот. Цврстината на тапата нема да дозволи да се изместуваат.rn

Држач за картички

rnrnrnОва е многу инвентивен начин за вашата забава, роденден или прослава. На тапата со нож направете странична вдлабнатина, доволно длабока за да се стави картичка. Потоа, ставете ја картичката со соодветни информации на секоја маса.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

November 12, 2010