КАФЕ ПАУЗА

Tag: 8 часа

Зошто работиме 8, а не 6 часа дневно и кој го измислил тоа?

Дали знаевте дека 8-те работни часа некогаш биле вистински спас за работниците? Во XVIII век, социјалното движење на работничката класа одлучило да му се спротивстави на владеачкиот систем. Всушност, барањето било одговор на работниците на лошите услови за работа, експлоатацијата на децата и работното време кое варирало од 10 до 16 работни часа дневно.rnrnrnrnНеверојатно долгите работни денови не биле издржливи и наскоро храбриот човек, Роберт Овен, започнал кампања за воспоставување 8-часовен работен ден. Неговиот слоган бил „8 часови работа, 8 часови рекреација, 8 часа одмор“, а наскоро државите, една по една, започнале да применуваат нови услови за работа. Една од првите компании што ги почнала промените била компанијата „Форд мотор“ во 1914 година.rn

Колку е тоа корисно?

rnДенес многумина сметаат дека 8 часа се премногу, и тврдат дека би функционирале најдобро со 6 часа работно време. Најпознатиот пример за земја што воведе такво работно време е, секако, Шведска. Во текот на првите 18 месеци од експериментот, медицинските сестри кои работеле 6 часа пријавиле дека се чувствуваат поздраво и попродуктивно. Ова влијаело и врз нивната работа, намалувајќи го драстично бројот на оние кои пријавиле боледување. Откако се вратиле на 8-часовна работа, една медицинска сестра изјавила дека се чувствува исцрпено и дека при враќањето на работа по старото работно време, ѝ одзеле вредни часови поминати со нејзиниот син.rnrnЏејсон Фрид, коосновач на „Basecamp“ тврди дека креативните работни места како програмирање и пишување треба да им дадат на луѓето време да размислат за својата работа.rnrnАко ги прашавте кога последен пат имале можност навистина да размислат за својата работа, повеќето од овие вработени би ви кажале дека немале можност да размислуваат долго време за тоа, што е навистина тажно, според Фрид, кој поддржува 6-часовно работно време.rn

Може ли сè да се направи за 6 часа?

rnБидејќи оваа тема станува сè поактуелна, еве што велат за неа неколку млади вработени луѓе.rn

„Фактот дека имам повеќе време за себе секој ден дополнително ќе ме мотивираше да ги завршам сите задачи во тие 6 часа.“ – вели Леа (26), која смета дека ретко кој може да биде подеднакво продуктивен во текот на сите 8 часа.

rnСлично мислење има и Вероника (24) велејќи:rn

„Мислам дека прашањето дали некој ќе ја заврши или нема да ја заврши работата во рок од 6 часа зависи од видот на работата. Но, исто така, кога 6-часовното работно време би станало стандард, природата на работата ќе се прилагоди и верувам дека и ние ќе се приспособиме. Продуктивни сме максимум 6 часа од вкупното работно време.“.

rn

„Поради обемот на работа, би било соодветно да работам 6 часа во првите две петини од неделата и 8 часа во вторите три, кога има повеќе работа. За жал, дури и 8 часа дневно не ми се доволни за да ги извршувам сите мои дневни задачи, затоа работата ја завршувам дома или за време на викендите.“ – вели Томислав (29).rnrnМожеби сакате да прочитате и за еден научник од Оксфорд тврди дека одењето на работа или на училиште пред 10 часот има ефект сличен на мачење.

January 18, 2020
Како настанал 8-часовниот работен систем и како да се справите со него денес?
Доколку кликнавте на оваа статија, најверојатно и вие, како и најголемиот дел од денешното општество, сте дел од 8-часовниот работен систем. Еден од најконстантните елементи на нашиот живот денес е оптималното работно време. Генерално, скоро секој човек работи приближно 8 часа во денот, но и покрај ова сите ние сме свесни дека без разлика колку часа просечниот човек работи во денот, тоа скоро и да нема врска со тоа колку е ефикасен и продуктивен. Зошто?rnrnrnrnКон крајот на 18-тиот век, фабриките сакале да ја максимизираат својата продуктивност, а со тоа и производството, па поради тоа се стремеле да работат 24/7. За поголема ефективност, секако, и луѓето морале да работат повеќе. Поради тоа работеле 10-16 часа дневно. Иако тоа било премногу напорно ситуацијата продолжила сè додека Роберт Овен, производител на текстил и активист, не почнал кампања со слоган:rn

„Осум часа труд, осум часа рекреација, осум часа одмор.“

rnПосле долго промовирање на оваа кампања, Форд први го вовеле 8-часовниот систем и направиле промена на дотогашните стандарди. Тие не само што го скратиле работното време речиси на половина, туку и ја дуплирале платата на секој вработен. Светот бил шокиран, но за кратко време Форд изјавиле дека имале зголемена продуктивност, поголемо производство и повеќе профит во рок од 2 години.rnrnПосле изјавата на Форд, до почетокот на 20-тиот век скоро сите компании го усвоиле овој систем.  Но денес, во 21-ви век, во времето на социјални мрежи, економска криза и зголемен стрес, критериумите се поинакви од оние во минатите векови. Денес, 8-часовниот работен систем на луѓето им создава монотонија и анксиозност поради нивната (не)продуктивност. Доколку во минатото клучната работа била времето, денес, фокусот се става на енергијата.rn

„Менаџирај ја пред сè твојата енергија, а не времето“, вели познатиот автор Тони Шварц.

rnrnrnДенес, повеќе од кога било, фокусот може лесно да се изгуби, а ресурсите на енергија со кои располагаме често ги трошиме на погрешни места. Според Шварц, луѓето имаат 4 типа енергија со која располагаат секој ден:rn
- Физичка енергија – Колку здраво се чувствувате?
- Емоционална енергија – Колку сте среќни?
- Ментална енергија – Колку добро можете да се фокусирате на нешто?
- Духовна енергија – Зошто го правите ова? Која е вашата цел?
rnОна што денешните работодавци го забораваат е дека ние луѓето сме сосема различни од машините. Машините се движат линеарно, а луѓето циклично. Токму поради тоа, со цел успешен фокус на работата, треба добро да се разбереме себеси и да сме сигурни во нашата цел за она што го правиме, за да можеме правилно да ја насочиме нашата енергија.rnrnОсновната психологија на човечкиот мозок вели дека нашиот мозок може да се фокусира на една задача во рок од 120 минути. После тоа, концентрацијата се губи и потребни се 20-25 минути пауза и релаксирање со цел да се подготвиме за следната задача. За мозокот е многу полесно да се запраша каква работа може да заврши за 2 часа, отколку за 8. Доколку работните задачи ги поделиме на помали сесии, продуктивноста ќе се зголеми, а со тоа и нашето „лутање“, односно ќе можеме многу појасно да го одвоиме важното и приоритетното.rnrnrnrnМногу направени истражувања и анкети покажале кои се најдобрите совети кои може да му се дадат на еден човек поврзани со неговото работно време. Издвојуваме четири:rn
1. Сами зголемувајте ја важноста на задачата која ја извршувате, без разлика дали ви е даден рок. Зголемувајте ја постепено и дајте си стимулација со некоја награда за возврат. На пример: Ако го завршам овој дел во следните 60 минути ќе си направам кафе и ќе одморам на тераса.
2. Поделете ги вашите обврски во 90-минутни рамки и ќе ги гледате нештата појасно.
3. Испланирајте го заслужениот одмор, за да можете да завршите сè на време и навистина да се одморите. Доколку заборавите да се одморите и да направите пауза, продуктивноста сигурно ќе ви се намали, па ќе бидете и непродуктивни и уморни во исто време.
4. Нула нотификации – Последниот совет може да ви помогне многу – исклучете ги сите нотификации кои ве одвлекуваат од обврските, а се наменети да ги проверувате во слободно време. Подобро напијте се кафе со колегите, наместо да ги отворате нотификациите од Фејсбук и Инстаграм.
rnДоколку ги примените овие совети, ќе бидете попродуктивни, поодговорни, а со тоа и посреќни. Пробајте!rn

Автор: Сара Коваческа
July 19, 2018
Најважниот козметички третман за секоја жена

Спиењето по осум часа е еден од најдобрите козметички третмани во светот, а е потполно бесплатен. Истражувањата покажуваат дека изгледаме многу поздраво и поубаво доколку сме спиеле осум саати, а сме помалку атрактивни ако не сме имале добар сон, посебно ако тоа се случува неколку ноќи по ред. Студиите покажуваат и дека количината на сон значајно влијае на тоа како другите нè гледаат и според тоа судат за нашиот изглед.rnrnrnrnОпшто познато е дека сонот влијае на нашето здравје, но треба да имаме предвид и дека кожата се подмладува во текот на ноќта. Токму затоа изгледаме поубаво кога се будиме после подолго спиење. Кожата речиси двојно се регенерира во текот на ноќта, поточно во периодот од 23 часот до 4 часот наутро. Ако користиме квалитетна ноќна крема или серум тоа може да има чудесни ефекти на нашата кожа, но мораме да бидеме сигурни дека спиеме доволно долго и да внимаваме да не го пропуштиме овој период од ноќта. Ноќната крема ја зголемува предноста од осумчасовното спиење, на тој начин што специјалните состојки коишто ги содржи вршат подмладување на кожата. Препорачливо е вашата крема да содржи антиоксиданси, ретинол и пилинг состојки коишто ќе обезбедат интензивна хидратација.rnrnrnrnХидратацијата е неопходна затоа што студиите покажуваат дека нашата кожа губи повеќе влажност кога не спиеме доволно долго. Иако со негата на кожата може да поправите дел од штетата предизвикана од недоволната количина сон, различните козметички препарати не можат да ги заменат нашите задолжителни осум часа сон. Недостатокот од сон е поврзан со процесот на стареење и луѓето коишто премалку спијат изгледаат и до десет години постари. Денес спиењето е луксуз, но мораме да се потрудиме да најдеме време за добар сон!

December 9, 2015
9 митови поврзани со спиењето

Ако понекогаш имате тешкотија да заспиете или пак имате несоница, можеби мислите дека знаете што ја предизвикало таквата состојба. Но, Мишел Дрерап, доктор по психологија на клиничкиот центар за справување со нарушеното спиење во Кливленд и креатор на онлајн програмата „GO! To sleep“, открива 9 митови поврзани со спиењето, кои отсекогаш сме слушале од повозрасните луѓе, дека се причина поради која се чувствуваме наспано или уморно во текот на денот.rnrnrn

1. Мит: Потребни ни се точно 8 часа спиење на ден

rnВистина: Секој има различна потреба за спиење. Нема апсолутно ништо магично во бројот 8. На некои луѓе им се потребни 8-9 часа сон за да се чувствуваат одморено во текот на денот, а на други само 6, бидејќи потребата за спиење варира од човек до човек. Клучот за да се чувствувате енергично во текот на денот, е во пронаоѓањето на вашите индивидуални потреби за спиење. За да ја пронајдете вашата мерка, треба да тестирате колку часа спиење ви се потребни, за да се чувствувате одморено, освежено и подновено наредниот ден. Кога немате обврски наредниот ден, исклучете го алармот, легнете си пред полноќ и видете кога ќе се разбудите наредниот ден.rn

2. Мит: Колку повеќе спиете, толку подобро ќе се чувствувате

rnВистина: Истражувањата покажуваат дека вишокот спиење, не е здраво. Резултатите покажале дека процентуално, оние луѓе кои спијат од 6 до 8 часа дневно, имаат пониска стапка на смртност, во однос на оние кои спиеле повеќе од 8 часа, кај кои имало прогресивно растечка стапка на смртност. И покрај тоа што е нејасно дали подолгото спиење само по себе предизвикува лоша здравствена состојба или е резултат на други недефинирани проблеми со здравјето, сепак има болести кои се поврзани со поминувањето повеќе часа во кревет како, депресија, неконтролиран дијабетес и опструктивен прекин на дишењето во сон.rnrnrn

3. Мит: спиењето до покасно за време на викендите, го надокнадува уморот акумулиран од работната недела

rnВистина: Конзистентноста е најдобро решение – нашето тело е во најдобра состојба ако секое утро стануваме од кревет во исто време. Ваквото „надокнадување“ на пропуштениот сон од работната недела, во текот на викендот, го нарушува деноноќниот ритам на живот и не придонесува за да се чувствуваме посвежо, ако малку повеќе сме поспале. Поради тоа, на луѓето им е најтешко да заспијат во недела навечер. Еве зошто: Ако во недела сте спиеле до 11 часот, не можете да очекувате дека вашето тело ќе биде спремно за спиење во 22 часот, само затоа што наредното утро треба да станете во 6 часот за на работа или факултет. Ако се превртувате во кревет од една на друга страна, тоа значи дека вашето тело ви сигнализира дека не е доволно опуштено, за да биде подготвено за сон. Па така, обидувајќи се да се наспиете за време на викенд, правите да се чувствувате полошо, креирајќи циклус на проблеми со спиењето.rnrnrn

4. Мит: Гледањето ТВ во кревет може да ви помогне да се релаксирате и да заспиете

rnВистина: Гледањето телевизија непосредно пред часот кога најчесто си легнувате да спиете, особено во спалната соба, го спречува квалитетниот сон. Телевизијата стимулира: звуците, светлата кои трепкаат и ангажираноста од страна на вашиот мозок ве држат будни. Ноќните шоуа како криминалистичките серии, вестите и слично, исто така ја зголемуваат вашата тензија, која очигледно не ви помага да се опуштите и да заспиете. Ако гледате телевизија додека лежите во кревет, вие потсвесно го поврзувате лежењето со будната, а не со заспаната состојба на вашето тело и ум. Ваквата навика, исто така, може да доведе до непотребно будење во текот на ноќта, особено доколку заспиете со вклучен телевизор. Не е само телевизорот некомпатибилен уред со спиењето. Не треба ниту да јадете, зборувате на телефон, да проверувате имејл или да ги разгледувате сметките за комуналии додека лежите во кревет и се подготвувате за спиење. Избегнувајте сè што ви создава тензија.rnrnrn

5. Мит: Кога не ви се спие, лежете и одмарајте

rnВистина: Кога не можете да заспиете треба да станете и да правите некоја друга активност. Доколку само лежите, создавате умствена состојба во која креветот и спалната ги поврзувате со будност, а не со спиењето. Тоа секако не ви оди во прилог, бидејќи кога лежите во кревет будни, а всушност ви се спие, тоа најчесто прави да се чувствувате исфрустрирано, вознемирено и нервозно, а тоа нема да ви помогне да се одморите, нели!?rn

6. Мит: Алкохолот помага при заспивањето

rnВистина: Алкохолот е седатив кој може да ви помогне да заспиете, но нема да ве одржи цврсто во сон. Алкохолот почнува да прави проблем во втората половина од спиењето, кога телото треба да се опушти. Поради тоа, алкохолот го прави спиењето многу помалку релаксирачко отколку што треба да биде. Тој создава често будење и немирен сон, особено откако ќе се раздени. Затоа доколку сте решиле да пиете алкохол, најдобро е да престанете неколку часа пред да си легнете. А откога ќе станете, преземете соодветни мерки за да се ослободите од мамурлакот.rnrnrn

7. Мит: Доколку патите од несоница, дремките можат да ви го намалат уморот

rnВистина: Доколку имате проблем со спиењето, дремките можат само да ја направат ситуацијата уште полоша. За оние луѓе кои немаат проблем со спиењето, дремките можат да бидат одличен начин за да се преживее некој напорен ден, бидејќи истражувањата покажале дека дремката од 45 минути може да ја подобри меморијата и да го намали нивото на крвниот притисок. Но, за луѓе кои имаат проблем со спиењето, ова може драстично да ги намали шансите за да заспијат и да се одржат во сон во текот на ноќта.rnrnrn

8. Мит: Не е голема работа ако не спиете еден ден, само наредниот ќе бидете уморни

rnВистина: Спиењето е од огромна важност за нормално функционирање на човечкото тело. Тоа не претставува само период за одморање. За време на спиењето, телото постојано работи. Тоа создава трајна меморија и ги поправа штетите кои ги добило во текот на денот. Не за џабе, луѓето секогаш ви велат „преспиј го денот и донеси одлука утре“ кога сте имале некое непријатно искуство. Една од бенефициите на спиењето е можноста мозокот подобро да ги испроцесира новите искуства и информации, што доведува до подобро разбирање и помнење на работите. Исто така, додека спиете, телото произведува дополнителни протеински молекули, кои го зајакнуваат вашиот имунолошки систем и овозможуваат тој подобро да се бори против инфекции и да го одржи целокупното здравје.rn

9. Мит: Вежбањето пред спиење изморува, па така побрзо ќе заспиете

rnВистина: Вежбањето може да помогне при заспивањето, но не доколку тоа се случува непосредно пред легнувањето. Доколку вежбате непосредно пред спиење, вие можете да создадете контра ефект. Вежбите го стимулираат срцето, мозокот и мускулите, обратното од она што вие сакате да го сторите преку спиењето. Исто така ја подигнува температурата на телото, нешто што е контрапродуктивно при обидот за заспивање.rnrnrnrnУтринското вежбање може да ви помогне за ослободување од стресот и да ви го подобри расположението, што има индиректно влијание врз вашето спиење. Исто така, ако секојдневно излегувате надвор на прошетка, изложени на природна сончева светлина, можете да си го подобрите сонот, поттикнувајќи го 24-часовниот циклус од будна и заспана состојба, да функционира подобро. Доцното попладне е исто така добар период за спорт, бидејќи постои поврзаност помеѓу телесната температура и заспивањето. Температурата на телото се покачува додека вежбате, а потоа на телото му се потребни околу 6 часа за да почне да се лади, па така тоа ќе биде во совршена состојба додека дојде време за спиење. Кога и да одлучите да вежбате, гледајте да е минимум 3 часа пред легнување во кревет.rnrnМожеби би ве интересирало да научите како да ги помните вашите соништа.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

October 4, 2011