Претходно
Започнете го денот со овие здрави утрински навики!
Некои утра се будите со негативни мисли кои едноставно не исчезнуваат. За среќа, тајното оружје за борба против нашата самокритика е токму нашето самољубие. Не заборавајте дека единствениот начин да имате среќен и исполнет живот е да се прифатите себеси онакви какви што сте. Според експертите за ментално здравје, навиките за самољубие ќе ви помогнат да изградите посилна врска со самите себе и да добиете поголема самодоверба. Тука спаѓаат и навиките за како да го започнете денот грижејќи се за себе.
1. Одвојте пет минути за медитација
Преку медитацијата ќе научите како да го смирите вашиот ум и да го пренасочите вниманието кон сегашноста. Направете петминутна медитација притоа фокусирајќи се на вашето самољубие и вашата внатрешна сила. Според експертите, утринската медитација ќе ви помогне да се чувствувате смирени, но и подготвени за новите предизвици и можните стресови во текот на денот.
2. Наместете си го креветот
Колку и да звучи едноставно, сепак ова е едно од првите нешта што можете да ги направите наутро ако сакате да се грижите за себе. Одлична можност да си докажете дека вашите чувства и потреби ви се приоритет над сè друго. Тоа пак, од друга страна, ќе ви го подобри расположението.
3. Размислете за местото кое ве прави среќни
Целосната свест за моментот може да ви помогне да го ублажите стресот и да ја намалите напнатоста што можеби ја чувствувате поради неизбежните обврски кои морате да ги извршите во текот на денот. Доволно е да пронајдете мир во себе така што ќе ги затворите очите и ќе размислете за дестинација која ве прави среќни.
4. Гласно изговорете охрабрувачки зборови
Охрабрувачките зборови ќе ви помогнат да изградите позитивна слика за себе. Позитивните мисли пак, ќе ви влијаат полесно да се справите со секое чувство на страв и ниска самодоверба. За почеток, почнете со реченицата: „Јас сум тоа што сум и сум токму онаму каде што треба да бидам“.
5. Фокусирајте се на нешто за кое сте благодарни
Започнувајќи го денот со чувство на благодарност кон малите нешта, и воопшто, кон животот, дефинитивно ќе придонесе да се чувствувате поубаво и самоуверено.
6. Вежбајте длабоко дишење
Доколку сакате да го започнете денот со чувство на смиреност и спокојство, користете ја техниката на длабоко дишење. Доволно е да издвоите барем една минута секое утро за да се фокусирате на сегашниот момент и да го намалите нивото на стрес.
7. Заблагодарете му се на вашето тело
Откако ќе се разбудите, првото нешто кое ќе го направите е да му се заблагодарите на вашето тело за она што го прави за вас. Оваа техника може да биде многу корисна, особено доколку минувате низ тежок период исполнет со фрустрации, премногу сте уморни за да вежбате, чувствувате некаква болка, или едноставно не сте задоволни од тоа како изгледате. Ќе увидите како лека-полека негативните чувства им го отстапуваат местото на благодарноста и сочувство.
Откако прочитавте како да го започнете денот со здрави утрински навики, можеби ќе сакате да прочитате и 6 цитати за да го започнете денот со позитивна мисла.
Извор: huffpost.com
