Претходно
Вкусен пудинг со семе од чиа и банана
Овој пудинг со семе од чиа и банана е одличен појадок кој е многу здрав и лесен за подготовка! Ако брзате за работа или едноставно немате време да подготвувате комплициран појадок, тогаш овој рецепт мора да го погледнете.
Потребни состојки:
- 35 г семе од чиа
- 150 милилитри млеко по избор
- 1 лажичка агаве сируп или мед
- 1 лажичка цимет
- 1 пасирана банана
- 1 банана за украсување
- кокосови струготини за украсување
Начин на подготовка:
- Во еден сад ставете ги семето од чиа, млекото, сирупот или медот, циметот и пасираната банана. Мешајте додека не се комбинираат.
- Покријте го садот и оставете во фрижидер за 1 час.
- Ставете од смесата во 2 чаши и украсете со сечкана банана и кокосови струготини или по избор.
Дополнителна информација:
Готовиот пудинг измешајте го и почекајте 2 до 3 минути, а потоа пак измешајте за да нема грутки.
Пробајте го и овој вкусен чиа пудинг за љубителите на здравата исхрана.
