Претходно
Уживајте во лубеницата на 3 креативни начини
Лубеницата може да се исече на неколку начини, но обично секогаш ја јадеме на истиот. Сепак, постојат и некои покреативни начини за сервирање лубеница, благодарение на кои уште повеќе можете да уживате во нејзиниот вкус.
Лубеницата најмногу се состои од вода, затоа е идеално решение за задоволување на чувството на глад и жед. Исто така, таа е и богата со антиоксиданси и диететски влакна, па затоа се препорачува почесто да се конзумира.
Сок од лубеница
Лубеницата можете да ја сервирате како пијалак. Подготовка не е потребна, ви треба само лубеница, мраз и блендер. Исчистете ги семките од лубеницата, исечете ја на коцки и ставете ги во блендер. Додајте иста количина мраз и пуштете да се бленда неколку минути. По желба можете да додадете шеќер, мед или некој зачин. Сервирајте во длабоки чаши.
Лубеница на стапче
Ако сте љубители на овошни сладоледи или ви доаѓаат гости, а немате да послужите ништо благо, ова е идеално брзо решение во кое сите ќе уживаат. Исечете ја лубеницата на коцки (со или без кора) и едноставно набодете ги на стапчиња и пикнете ги во ладилникот на 2 часа.
Лубеница како сад за коктели
Ова е уште еден предлог за брза подготовка на одличен десерт за вашите гости. Лубеницата пресечете ја на пола, издлабете ја до кората, и содржината исечете ја на парчиња во какви било форми. Вратете ги парчињата во „садот од лубеница“ односно во половината кора и додајте рум или вотка. Ставете го целиот „сад“ во ладилникот на неколку часа за да се спојат вкусовите.
