Претходно
Тигрево око: Хит боја на коса за оваа сезона
Веќе пишувавме кои бои на коса ќе бидат популарни оваа сезона, но сепак одлучивме подетално да се задржиме на еден од најпопуларните трендови.
Доколку судиме по социјалните мрежи, како што се Пинтерест и Инстаграм, тогаш најпопуларниот начин на бојадисување на косата за оваа сезона својата инспирација ја пронајде во древниот полускапоцен камен „тигрево око“, во кој се прелеваат богати нијанси на кафеава и златна боја.
Техниката на која овој камен се рекреира во косата е слична како бајлажот, а како резултат се добива убава и природна нијанса која е лесна за одржување. За идеална верзија експертите за коса на подлога од топла или темна чоколадна боја со помош на четката ќе нанесат прамени со нијанса на златна карамела. Резултатот е преубава боја која се прелива од темно кафеава во темно златна нијанса слична на карамела.
Тигревото око е камен кој е познат за зголемување на самодовербата и заштита, па може ли оваа боја за коса да има сличен ефект?
