Претходно
Слатко есенско задоволство: Рецепт за чизкејк со костени
Не пропуштајте го нашиот рецепт за чизкејк со костени кое сигурно ќе стане вашиот омилен есенски рецепт!
Потребни состојки за кората:
- 250 грама бисквити
- 50 грама омекнат путер
- 1 лажица пире од костени
Потребни состојки за филот:
- 500 грама крем сирење
- 125 грама шеќер
- 3 големи јајца
- 3 жолчки
- 175 милилитри кисела павлака
- 1 лажичка сок од лимон или лимета
- 1 лажичка екстракт од ванила
- 2 лажици рум
- 350 грама засладено пире од костени
Потребни состојки за сирупот:
- 80 милилитри вода
- 60 милилитри рум
- 1 лажица пире од костен
- 15 грама путер
Начин на подготовка:
1. Загрејте ја рерната на 180 степени целзиусови и загрејте вода која ќе ја искористите при печење.
2. Измешајте ги мелените бисквити, омекнатиот путер и пирето. Мешајте додека не добиете хомогена смеса, а потоа префрлете ја во калап за печење (со рабови што се вадат) и ставете го калапот да отстои во фрижидер додека во меѓувреме го приготвувате филот.
3. Измешајте го крем сирењето и додадете го шеќерот. Постепено додавајте ги јајцата и мешајте додека не се соединат сите состојки. Додадете ја павлаката, сокот од лимон, екстрактот од ванила и румот и повторно измешајте. Додадете го и пирето од костени.
4. Ставете го калапот врз парче фолија и убаво притиснете ја фолијата на рабовите.
5. Истурете ја смесата со костени во калапот, а калапот префрлете го во сад за печење. Истурете загреана вода до половина од калапот во кој се наоѓа колачот.
6. Печете околу 60 минути. Внимателно отворете ја рерната и извадете го калапот од плехот. Оставете го колачот да отстои преку ноќ во фрижидер и следниот ден отстранете го од калапот. Оставете го на собна температура пред послужување.
7. Можете да го декорирате со карамела, чоколадо или сируп. За сирупот доволно е да ги измешате водата, румот, путерот и пирето од костени и да ги загреете. Кога смесата ќе згусне и зоврие оставете ја настрана да се излади на собна температура, а потоа нанесете ја врз колачот. На здравје!
Откако го прочитавте нашиот рецепт за чизкејк со костени, можеби ќе сакате да го прочитате и рецептот за торта од палачинки и пире од костени.
Извор: punkufer.dnevnik.hr
