Претходно
Шведска торта: Рецепт за највкусниот бел десерт
Иако на прв поглед изгледа комплицирано, вреди да ја направите оваа торта.
Потребни состојки:
- 100 грама листови од бадеми
- 200 гр мелени бадеми
- 4 јајца
- 220 гр шеќер
- 100 мл слатка павлака
- 250 гр путер
Начин на подготовка:
Загрејте ја рерната на температура од 180 Целзиусови степени. Ставете ги листовите од бадеми на хартија за печење и печете ги во рерна некое време, додека не поруменат.
Подготовка на филот:
Одделете ги жолчките од белките. Во мало тенџере ставете ги жолчките со 80 гр шеќер и 100 мл слатка павлака и загрејте ги на тивок оган, мешајќи постојано со жицата, додека смесата не почне да згуснува. Внимавајте да не зоврие!
Кога кремот ќе се згусне, изладете го ставајќи го тенџерето во поголемо тенџере што претходно ќе го наполните со ладна вода. Мешајте постојано со жицата додека филот не се излади.
Со миксер изматете ги путерот и изладениот крем. Ставете го филот во фрижидер.
Подготовка на кората:
Цврсто изматете ги белките и додајте 120 гр шеќер. Полека промешајте ги мелените бадеми.
Ставете хартија за печење на плех и формирајте правоаголник од тестото.
Печете ја кората на температура од 180 Целзиусови степени, не подолго од 15 минути.
Отстранете ја хартијата и оставете ја кората да се излади. Потоа, пресечете ја на два дела.
Премачкајте ја едната кора со една третина од филот, ставете ја другата кора и премачкајте ја целата торта со остатокот од филот.
Одозгора посипете ги сите листови од бадеми.
Погледнете како да направите зебра торта што не се пече.
