Што е „tyre workout“ и зошто треба да го пробате?

Датум: 27 јун 2021

ВКУПНО:96
Share96
Send0
Tweet0
Pin0
Love0

„Tyre workout“ е важен дел од фитнес рутината, особено од кросфит тренингот и е голем тренд на Инстаграм. Тренингот со гума е различен од другите, предизвикува зависност и забава и е исклучително ефикасен за целото тело бидејќи ги зајакнува сите мускули. Гумата е основна опрема за многу различни варијации на тренингот што ќе биде одличен за вашата сила и кондиција.

Што е „tyre workout“ и зошто треба да го пробате?

Како функционира „тренингот со гума“?

Како прво, важно е да изберете гума што ќе ви одговара најмногу. Бидете внимателни при изборот бидејќи автомобилските гуми може да тежат помалку, додека големите, тракторски гуми можат да тежат до 80 или 100 килограми. Не постои специфична формула за тоа која гума да ја изберете врз основа на вашата висина и тежина, па затоа изберете според тоа како се чувствувате и за што мислите дека ќе ви треба. Безбедноста е врвен приоритет кога станува збор за овој вид тренинг, затоа придржувајте се до големината што е најдобра за вас.

Без разлика какви вежби ќе изведувате, особено ако ги правите за прв пат, добро истражете како треба да ги направите. Ова е „справа“ што може да ја имате дома, всушност во вашата импровизирана домашна теретана. И затоа треба да знаете точно како и за што да ја користите. Гумата може да се користи за склекови и за клекни-стани, но и за многу други вежби.

Од овој вид тренинг има многу придобивки – го зајакнува целото тело, од нозете и задникот до рацете и рамената, а за време на еден тренинг може да согорите 400-1000 калории бидејќи се активираат сите мускулни групи. Најдоброто нешто е што можете да правите сè со темпо што вам ви одговара, без брзање, а во исто време да согорите калории и да го зајакнувате вашето тело.