Претходно
Ручек од 5 состојки: Едноставен трик за совршен лосос
Ако немате многу време, а сакате да направите вкусен и здрав ручек со многу малку состојки, тогаш Џејми Оливер има решение. Кога ќе го ставите лососот на ладна тава и го ставите да се пече на средна топлина, ќе стане многу крцкав и вкусен.
Потребни состојки:
- 2 х 150 г филети лосос (со кожата)
- 300 г чери домати
- грст босилек
- 8 маслинки
- 30 г зачинет колбас
- дополнително: сол, бибер, маслиново масло и оцет.
Начин на подготовка:
- Поставете го лососот на ладна тава од страната без кожа. Три минути откако рибата ќе биде малку кафеава, свртете ја на страната со кожата и печете ја околу 5 минути или додека не е крцкава.
- Додека рибата се пече, исечкајте ги доматите и маслинките и додајте сол, бибер, оцет и малку маслиново масло.
- Насечкајте го колбасот на кругчиња и ставете го во тавата со лососот две минути пред крајот од печењето. Потоа додадете ги и доматите за 30 секунди.
- Украсете со босилек или по избор.
Погледнете го и овој рецепт за домашен хумус кој ќе го обожавате.
