Претходно
Рецепт за природно ѓубриво за здрави и бујни цвеќиња!
По долгиот престој во затворен простор, неопходно е да им обезбедите на цвеќињата соодветна исхрана и што е можно повеќе сончева светлина. На растенијата им се потребни одредени витамини и минерали за да растат и да цветаат. Во продолжение ви споделуваме рецепт за органско ѓубриво за цвеќиња.
Станува збор за ѓубриво кое можете да го користите не само за растенијата во затворен простор, туку може да биде идеален избор и за растенијата кои го украсуваат вашиот двор и балкон.
Потребни ви се две состојки кои веројатно веќе ги имате во вашата куќа – кора од банана и лушпа од јајце. Земете една кора од банана и лушпи од две јајца, ставете ги во блендер со малку вода и мешајте додека не добиете хомогена смеса. Истурете го ова природно ѓубриво во шише и додадете вода. Протресете го и наводнете ги растенијата со добиената течност. Со овој третман, вашите цвеќиња ќе станат побујни и поздрави.
Кората од банана содржи фосфор, кој позитивно влијае на цветањето на растението, калиум, кој го поттикнува растот и развојот и калциум што го зајакнува растението. Лушпите од јајца, пак, се богати со калциум, а содржат и магнезиум, фосфор, калиум и натриум – состојки кои позитивно делуваат на квалитетот на почвата и придонесуваат за здрави и цврсти стебла.
Откако го прочитавте нашиот рецепт за природно домашно ѓубриво за цвеќиња, можеби ќе сакате да прочитате и како правилно да одгледувате лаванда во вашата градина.
Извор: sensa.mondo.rs
