Претходно
Портобело „пица“
Доколку сакате да експериментирате во кујната и да испробате една поинаква „пица“ ви го предлагаме токму овој рецепт за „Портобело пица“.
Потребни состојки:
- 300 г „портобело“ печурки
- 50 мл маслиново масло
- 250 мл излупени домати (може и од конзерва)
- прстофат сол
- бибер по вкус
- ½ лажичка шеќер
- 1 лажичка оригано
- 1 лажичка босилек
- 150 грама рендана моцарела
- 10 мали топчиња моцарела
- 1 лажичка буковец
Начин на подготовка:
- Врз хартија за печење во плех наредете ги печурките без дршки и со длабнатините нагоре. Врз секоја печурка ставете масло и печете ги 10 мин. на 250 ᵒС.
- Додека печурките се печат во длабок сад ставете половина конзерва домати и зачинете ги со сол и бибер. Додајте го и ориганото, сечканиот босилек и ренданата моцарела и измешајте ја смесата.
- Секоја од печените печурки наполнете ја смесата од домати, сирење и зачини, ставете по едно топче моцарела и наросете со буковец.
- Печете уште 10 мин. на 250 ᵒС.
Добар апетит!
Можеби сакате да го дознаете и рецептот за меки пица ролнички од лиснато тесто што брзо се прават и исчезнуваат од чинијата за секунда.
