Претходно
Подгответе се за летниот одмор: Едноставна 10-минутна вежба за совршено обликувано тело
Кога бевме деца, поголемиот дел од нас секојдневно скокавме на јаже, без да знаеме дека тоа е одлична вежба за нашето тело. Со скокањето на јаже вие го обликувате целото тело, и истовремено слабеете – сè тоа додека лудо се забавувате. Зарем има подобар начин на вежбање?
Многу холивудски ѕвезди и топ модели во своите програми за вежбање имаат вклучено и скокање на јаже како кардио тренинг. Тоа е многу поздрава алтернатива на трчањето, кога станува збор за сигурноста на вашите зглобови и колена. Од друга страна пак, не само што ги зајакнувате мускулите на вашите нозе, туку истовремено влијаете и на рацете и рамената, како и на стомачните мускули и срцето. Целото тело е во движење и постојат голем број забавни начини во целост да го искористите јажето при согорувањето калории. Исто така да не заборавиме и на фактот дека станува збор за една од најевтините вежби.
Имајте на ум дека скокањето на јаже не е толку лесно колку што звучи, ниту пак како што го помните од детството. Да, тоа е многу ефективно, но истовремено е и многу напорно. Ако долго време сте биле неактивни, тогаш сигурно ќе се уморите по само неколку минути. Но, не откажувајте се! Нека вашата цел на почетокот биде помала, и како што ќе поминуваат деновите така зголемувајте ги и минутите. Во следното видео се наоѓа вежбата која треба да ја работите, и откако полека ќе ја совладате, пред вас ќе следува само успех! За само неколку месеци вие ќе имате одлично тело кое со гордост ќе го покажете во бикини на плажа…
