Претходно
Ова се 7-те најважни лекции за љубовта на кои нè учи животот!
Љубовта го прави животот вреден за живеење, нели? Но, животот ве учи и на значењето на љубовта. Еве ги 7-те животни лекции за љубовта што ќе ги научите во текот на вашиот живот!
1. Вашата прва љубов сте вие самите
Самољубието е од суштинско значење за здрава врска, а преземањето контрола врз вашиот живот е првиот чекор кон тоа. Ако не развиете среќен и здрав однос кон себе, како ќе знаете дали избирате некого поради љубов или поради потребата за справување со вашата осаменост или несигурност?
2. Љубовта е избор
Љубовта не е како волшебно стапче кое ќе ви го направи животот полесен и поубав, но тоа е одлука да се посветите на некого и да застанете покрај таа личност без оглед на сите проблеми и предизвици.
3. Љубовта значи прифаќање
Кога навистина сакате некого, не се обидувате да го промените. Една од главните љубовни лекции што животот ќе ве научи е дека вистинската љубов е да прифатите некого онаков каков што е и да го поддржувате во неговиот личен раст.
4. Љубовта не е секогаш синоним за среќа
Една од најважните лекции во поглед на љубовта е дека таа понекогаш не е еднаква на среќата. Љубовта не е секогаш фер игра. Иако може да ви донесе радост, исполнетост и среќа, ќе има денови кога ќе ви донесе солзи, ќе ве натера да се преиспитувате и ќе ви се чини дека сте ја направиле најголемата грешка во вашиот живот. Тоа е убавината на љубовта! Не е секогаш лесно. Ќе има подеми и падови. Но, на крајот, сè ќе биде во ред! Сите болни искуства ќе ве научат нешто за љубовта и ќе ве зближат вас и вашиот партнер уште повеќе.
5. Неопходен е здрав компромис
Кога сте заљубени, ѝ давате приоритет на вашата врска пред вашето его. Во текот на вашата врска може да има многу препирки и мали расправии, но ако навистина се грижите за вашата врска, нема да дозволите овие ситни конфликти да создадат јаз меѓу вас двајцата туку ќе се обидете да постигнете среќен компромис. Ќе бидете спремни да се жртвувате за партнерот и ќе работите за да најдете заеднички јазик.
6. Неопходен е позитивниот начин на размислување
Една од лекциите за љубовта што ќе ги научите е дека позитивниот начин на размислување е неопходен за да имате среќен живот, што пак води до успешна и исполнета врска.
7. Без условувања
Вистинската љубов нè учи да даваме, прифаќаме и негуваме, без очекувања. Да, сосема нормално е да очекувате вашиот партнер да ви возврати на чувствата, да се грижи за вас, да ви даде приоритет и да ви посвети внимание, но што ако не прави ништо од овие работи? Ќе престанете да го сакате? Можете да изберете да продолжите или да ја напуштите врската, но не можете да се спречите себеси да не ја сакате личноста. Една од најважните животни лекции за љубовта е дека вистинската љубов бара од нас да ги ставиме потребите на другите пред нашите и безусловно да сакаме.
Откако ги прочитавте најважните лекции за љубовта, можеби ќе сакате да прочитате и за разликата меѓу љубовта и приврзаноста.
Извор: themindsjournal.com
