Претходно
Откријте каква перница ви е потребна според положбата во којашто спиете
Добриот сон е многу важен, па затоа и изборот на добра перница добива на значење. Д-р Јан Лефковиц, киропрактичар од Њујорк има неколку совети за вас кои ќе ви помогнат да откриете каква перница ви е потребна според начинот на којшто спиете и како со тоа да го унапредите сонот и општото здравје.
Ако спиете на страна
Оние кои спијат на едната страна треба перницата да ја пикнат во просторот помеѓу нивната глава и рамото додека лежат. Најдобар избор за вас би била потврда и рамна перница. Доколку имате болки во долниот дел на грбот се препорачува и една перница помеѓу нозете.
Ако спиете на грб
Изберете средно тврда перница со средна големина. Тие добро ќе ја потпрат главата и ќе го чуваат ’рбетот исправен. Ако најчесто спиете во оваа положба и имате болки во грбот, ставете една перница под колената. Тоа ќе го намали притисокот во долниот дел на грбот.
Ако спиете на стомак
Д-р Лефковитц вели дека никогаш не треба да спиете во оваа положба. Тоа предизвикува да спиете со искривен ’рбет затоа што главата мора да биде сосема свртена кон едната страна. Ако не можете да се одвикнете од сипењето на стомак, а сакате да го постигнете тоа, тој препорачува да пробате со спиење на едната страна, а потоа од страната на стомакот да поставите уште една перница која ќе ве спречи да се вратите во старата положба. Ако пак не можете да се откажете од ваквиот начин на спиење, тогаш изберете мека перница во која главата ќе биде сместена на удобно и вратот нема да се вкочанува.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
