Претходно
Нов моден тренд за оваа сезона: Џемпер со карнери!
Доколку сте уморни од зимата, но сепак уживате во топлите џемпери, тогаш ќе ви биде мило да го откриете овој нов моден тренд.
Џемперите со карнери потсетуваат на периодот на романтизмот и тие се новата опсесија на трендсетерките и модните блогерки. Најчесто можеме да ги видиме во нежни бои, како што се розова, сива и бела, но овие романтични џемпери се достапни и во темни бои, како што се маслинеста и црна. Со карнери на ракавите овие џемпери изгледаат доста женствено, а можете да ги комбинирате на многу различни начини.
Модните блогерки овие џемпери најчесто ги носат во комбинација со фармерки или темни кожни панталони. Исто така, убаво изгледаат во комбинација со мини здолништа и високи чизми над колена. Без разлика како ќе се одлучите да ги комбинирате, сигурно ќе добиете многу комплименти. Удобни, топли и забавни, тие се вистинско освежување во вашата зимска гардероба.
Погледнете ги фотографиите и пронајдете идеја за вашата следна модна комбинација.
