Претходно
Мејкап идеи: Гламурозни стилови кои мора да ги испробате оваа есен
Датум: 26 ное 2015
Коментари: 0
Есента е најубавото годишно време за нова љубов, нови почетоци и планови, но и за испробување нови мејкап трикови. Во неа царуваат боите на златото, бронзата и кафеавите тонови. Тие се топли, а сепак во секоја од нив преовладува некоја мистичност. Погледнете ги и испробајте некои од нив во вашата шминка.
1. Сребрена сенка
Погодна е за вечерни излегувања. Таа го отвора погледот, особено ако интензивните нијанси се нанесуваат на внатрешните агли на окото.
2. Усни во боја на црвено вино
Темните кармини се хит за оваа сезона, но бидете безгрижни и секогаш одберете го оној со мат текстура.
3. Сина сенка за очи
Но не онаа стандардната, бебешко сина нијанса, туку кобалтно сина, која совршено ќе го надополни секој ваш изглед.
4. Нежно розови усни
Кој вели дека овие нијанси се резервирани само за летните денови? Понесете ја оваа „бонбон“ боја на усни уште вечерва, со една мала напомена – остатокот од шминката не треба да биде пренагласен.
5. Сјајни црвени усни
Прва лекција за заводливост: црвените усни ќе бидат уште посовршени доколку се сјајни. Едно е сигурно – ќе ги мами момците за бакнежи!
6. Зачадени мачкини очи
Совршен изглед кој одлично се вклопува во „даркерски“ стилови. За овој изглед да биде полн погодок, облечете што било од кожа – јакна, здолниште, панталони… Сигурни сме дека ќе ве следат погледи каде и да се појавите.
7. Цик-цак ајлајнер
Неконвенционално нанесениот ајлајнер е идеален ако сте одлучиле да одите на журка со електронска музика. На усните нанесете крем боја на кармин, за целото внимание да биде насочено кон вашите очи.
8. Металик зачадени очи
Со малиот црн фустан не ви е потребно ништо друго освен елегантно нашминкани очи. Ваквиот изглед е идеален се за вечерно излегување, но и за дочекот на новогодишната ноќ.
