Претходно
Кои видови одмор му се потребни на телото за нормално да функционира?
Одморот е временски период кога ја надополнуваме нашата енергија на ментален и физички план и на тој начин го подготвуваме телото за следните активности. Дали знаевте дека покрај физичкиот, постојат и други видови одмор? Во продолжение прочитајте за што конкретно станува збор.
1. Физички одмор
Кога едвај успевате да ги држите очите отворени, тоа е сигнал дека вашето тело е исцрпено и има потреба од одмор. Физичкиот одмор е наменет за ослободување од напнатоста и смирување на вашето тело. Освен тоа, како што старееме, нашата потреба за физички одмор станува сè позабележителна.
2. Емоционален одмор
Емоционалното преоптоварување, без разлика на тоа дали се работи за личниот или професионалниот живот, може да доведе до нарушување на функциите на мозокот. Од друга страна, емоционалниот одмор е тој што ни помага да го одржуваме менталното здравје. Тоа значи да останеме имуни на луѓето кои предизвикуваат негативни емоции кај нас како лутина, завист, срам, вина или љубомора.
3. Ментален одмор
Дали одвреме-навреме се чувствувате психички исцрпени? Дали забележувате како вашиот ум е преполн со мисли, најчесто за она што се случило во минатото, но и за она што треба да се случи? Во тој случај, потребен ви е ментален одмор. Немирот, неодлучноста, недостатокот на внимание и зголемениот број на грешки во работата – сето ова се знаци дека ви е неопходен ментален одмор.
4. Одмор на сетилата
Светлината од екраните и воопшто, зголемената употреба на технологијата доведува до т.н. сензорна исцрпеност – потреба за одмор на сетилата. Ваквата појава не само што може да доведе до негативни физички ефекти како болка во вратот, туку може да влијае и врз вашите односи со другите. Според истражувачите, прекумерната употреба на новата технологија може да доведе до депресија, нездрава исхрана и лош квалитет на живот.
5. Социјален одмор
За некои од нас дружењето после работа претставува начин за одново полнење на батериите после напорниот ден. Сепак, да не заборавиме дека и дружењето и комуникацијата со луѓе бара дополнителна доза енергија која може да нè исцрпи. Социјалниот одмор, од друга страна, ни овозможува одново да се поврземе со себе, а на тој начин се намалуваат стресот и тензиите од секојдневните обврски.
Откако прочитавте за повеќето видови одмор, можеби ќе сакате да прочитате и за техниката за одмор која ја користеле Томас Едисон и Салвадор Дали.
Извор: themindsjournal.com
