Претходно
Кога ќе се почувствувате осамено, потсетете се на овој текст
Да се биде сам некогаш и не е така лоша работа затоа што секому одвреме-навреме му е потребен одмор.
Доколку се чувствувате осамено дури и кога сте опкружени со луѓе или пак неодамна сте биле многу повредени, овој текст е за вас.
Кога се чувствувате како срцето да ви е скршено, знајте дека не сте сами
Во светот постојат уште многу луѓе кои се наоѓаат во иста ситуација како вашата. Биле разочарани и скршени сè додека не ја пронашле љубовта која им дала чувство на безбедност и сигурност. И покрај тоа што сакале со цело срце, притоа откривајќи ги најситните делови од нивната душа – сепак биле напуштени.
Но, никогаш не се откажале. Не се откажувајте ниту вие затоа што секогаш ќе се најде некој кој ќе го цени доброто кое го носите во себе.
Вербата дека после разочарувањето ќе се случи нешто подобро им ја одржало надежта на овие луѓе и така успеале да се издигнат над сè.
Кога се чувствувате како губитник, исто така не сте сами
Дури и најпознатите брилијантни умови во светот доживувале неуспеси пред да станат успешни. Тие ја вложувале целата енергија во нивните идеи и напорно работеле – и сепак се случувало да им бидат отфрлени.
Одлучноста да се обидат повторно и неоткажувањето биле пресудни за нивниот успех.
Кога се чувствувате премногу тажни, знајте дека не сте сами
Некои од најсреќните луѓе во светот не биле отсекогаш такви сè додека не сфатиле дека задоволството и среќата можат да се пронајдат и во самото постоење. Таквите луѓе го восприемаат секој момент и се фокусираат на позитивните нешта – но, некогаш среќата едноставно им се испушта од раце.
Тоа што ги одржало да продолжат да бидат среќни е нивната верба дека сонцето секогаш изгрева после мрак.
Кога се чувствувате дека не можете понатаму, верувајте дека не сте сами
Дури и оние најмотивираните биле во ситуација кога мислеле дека не можат да направат чекор напред, пред да сфатат дека сепак мораат да го изодат својот пат. Верувале дека универзумот не сака да ги повреди, верувале дека луѓето кои ги сакаат ќе бидат секогаш присутни во нивните животи и сепак – доживеале екстремна загуба.
Нивната верба за подобро утре им помогнала полесно да се изборат со лошото чувство.
Кога се чувствувате изгубено, знајте дека не сте сами
И некои од најсамоуверените луѓе биле соочени со несигурност и збунетост пред да сфатат каде „тргнале“. Ги проучиле сите мапи, ги следеле мудрите совети и сепак – се сомневале во тоа која е нивната цел.
Им помогнало нивното верување дека на крајот сè ќе испадне како што треба.
Запомнете дека не сте сами во ништо. После секое разочарување ќе се случи нешто подобро. Бидете одлучни и никогаш не се откажувајте затоа што упорноста е клучна во некои моменти од животот. После темнината сонцето повторно ќе изгрее како што се случува секој ден. Никогаш не губете ја надежта за подобро утре.
