Претходно
Како да ги одберете совршените очила за сонце?
Очилата за сонце одамна не се „само“ моден додаток и станаа незаобиколен дел од секоја летна комбинација. Квалитетните очила за сонце не служат само за привлекување внимание и за надополнување на изгледот, туку се и неопходна заштита од опасното УВ зрачење. Очите се десет пати почувствителни на УВ зраците отколку кожата, а овие зраци можат и трајно да го оштетат видот.
На поголем ризик се изложени луѓето со сини очи бидејќи имаат помалку пигмент, што значи дека се почувствителни на зрачењето. На своите очи можете да им помогнете и со здрава храна. Грашокот, кељот, спанаќот и останатиот лиснат зеленчук содржи лутеин, кој помага во спречувањето штетното сино светло да дојде до позадината на окото.
Кога ќе одбирате очила имајте го превид следново:
УВ заштита
Препорачливо е да купите очила од познат произведувач кои пружаaт вистинска УВ заштита од сонцето. Изберете модел на кој пишува 99% или 100% заштита. Само тие навистина штитат.
Нека бидат темни
Ако се погледнете во огледало и низ стаклата ги гледате своите очи, тогаш тие нема доволно да ја блокираат светлината. Полупроѕирните очила не ни изгледаат добро.
Важна е рамката
Очилата не треба да ви паѓаат, туку да стојат цврсто дури и кога ја мрдате главата.
Купете ги од оптика
Наместо на улица, купете очила во оптика. Така ќе добиете совет од стручњак, а тој ќе ви помогне и да изберете модел кој ги следи цртите на вашето лице. Секогаш барајте рамка која ја следи линијата на веѓите.
За да не погрешите во изборот на формата на очилата, прочитајте кои најдобро ќе ви стојат, според обликот на вашето лице.
Срце
Да: мачкести и заоблени очила
Не: премногу декоративни очила
Правоаголник
Да: големи очила и прилепени за лицето
Не: премногу кратки очила во однос на лицето
Овал
Да: секој вид очила добро стои на овално лице
Квадрат
Да: кружни, овални и очила со облик на мачкини очи
Не: премногу остри геометриски облици
Круг
Да: широки, правоаголни очила
Не: кружни очила, дебели рамки во боја
Слични правила при изборот на очила за сонце според обликот на лицето, важат и за мажите.
