Претходно
Функционални и забавни: Плетени модни додатоци за летната сезона
Некогаш стриктно резервирани за поегзотичните места, шеширите и плетените чевли се неопходни модни додатоци за ова лето.
Забавни, но во исто време структурирани, тие на секој изглед магично можат да му дадат неформална и лежерна калифорниска вибрација која изгледа одлично и одговара на секој стил. Без разлика дали ова лето ќе патувате некаде или пак ќе останете во градот, со само еден моден акцент ќе можете да го инкорпорирате тропскиот изглед кој е и трендовски и шик.
Во кои парчиња да се инвестира? Дознајте во продолжение!
Мини торба
Одлична за секој ден и за носење на основните работи каде и да одите. Таа лесно може да се комбинира во бизнис стил.
Плетен визир
Дали сакате да носите релаксирана пунџа или високо да ја кревате косата? Тогаш овој визир е одлична инвестиција за вас која истовремено ќе ви овозможи и заштита на лицето на сонцето!
Тркалезна торба
Одите на плажа? На вечерно излегување? Или пак, на работа? Оваа кружна торба е доказ дека тропските вибрации секогаш треба да бидат со вас, дури и на работа.
Еспадрили
Одлични за викенд прошетки и за опуштени излети со семејството.
Шешир со широк раб
Благодарение на овие шешири, во секое време можеме да изгледаме како вистински дами, без разлика на тоа дали сме во фустан или во фармерки и маица.
Федора шапка
Ако не сте фан на големите шешири, федора моделот е одлична алтернатива.
Автор: Антонина Велјановска
