Претходно
Дозволете им да си заминат на луѓето коишто сакаат да си одат од вашиот живот
Дозволено ви е да ги пуштите да си заминат партнерите кои решиле да ви раскинат. Дозволено ви е да ги блокирате и да ги фрлите фотографиите што ви будат чувства на носталгија. Дозволено ви е да ги заборавите, колку и да е тоа болно.
Ништо не им должите повеќе. Не мора да им бидете најдобри пријатели, па дури ни познаници. Не мора да ги следите на социјалните мрежи. Не мора да правите ништо за нив. Сега смеете да ја тргнете ознаката од фотографиите на Фејсбук. Смеете да кликнете на копчето „отследи“. Не мора да комуницирате со нив никогаш повеќе. Најверојатно ќе ве боли уште повеќе доколку продолжите да контактирате.
Немате обврска да им давате ништо. Тие се откажале од вас. Готово е. Раскинавте. Љубовта исчезнала. Не треба да ја враќате назад во живот.
Не мора да разговарате со нив кога ќе ви се јават и ќе ве молат да се смирите. Тоа не значи дека сте бесчувствителни. Не значи дека сте лоша личност. Не значи дека ги мразите. Тоа само значи дека конечно сте решиле да се грижите за себе. Мора да го правите она што е најдобро за вас. Мора да го правите она што е најдобро за вашето ментално здравје и разум.
Дозволено им е да ви се налутат. Дозволено им е да мислат што сакаат. Но, тоа не значи дека треба да паднете на нивно ниво. Не мора да ги барате. Не мора да им одговарате и не мора никогаш повеќе да ги видите нивните лица. Дозволено ви е да правите сѐ што е потребно за да го излечите вашето скршено срце и не мора да се извинувате поради тоа.
Дозволено ви е да бидете најдобри пријатели со самите себе. Не мора да им одговарате на луѓето кои имаат ниско мислење за вас. Можете да престанете да комуницирате со луѓето коишто порано сте ги сакале. Треба да престанете да ги барате оние кои ве повредиле толку многу.
Сѐ е во ред. Дозволено ви е да заздравите и да си го посветите целото време на светот. Мора да го направите она што е најдобро за вас. Мора да направите сѐ што е потребно за да ја преболите личноста којашто ве повредила. Мора да продолжите понатаму. Мора да се ослободите од болката и сите сеќавања што ве прогонуваат во соништата.
Никогаш не се извинувајте поради овие работи. Не се извинувајте поради тоа што сте се грижеле за себе. Не се ставајте себеси на последно место. Што ако ви се налутат вашите поранешни партнери? Постои причина зошто се поранешни, се согласувате?
Дозволете им да заминат. Посакајте им сѐ најдобро. Кажете им збогум. Прекинете ја комуникацијата. Излечете го вашето повредено срце. Никогаш не се извинувајте поради тоа што се сакате себеси. Не се извинувајте поради тоа што се грижите за себе онака како што тие никогаш не се грижеле за вас.
Во продолжение прочитајте зошто ќе ги изгубите луѓето кои останале во вашиот живот, ако продолжите да мислите на оние кои си заминале.
Насловот е неразбирлив, реченицата нема смисла