Претходно
Чоколадирани замрзнати банани
Вкусна закуска полна со витамини за целото семејство
Потребни состојки:
- Банани (скоро презреани)
- Чоколада
- Шарени трошки, мелена плазма, мелени ореви или лешници (состојки по ваш избор кои би ги искористиле за украсување)
- Дрвени стапчиња за сладолед
Начин на подготовка:
Излупете ги бананите и пресечете ги на пола. Боцнете ги половинките банани на дрвените стапчиња, а потоа поставете ги на чинија обложена со хартија за готвење и оставете ги да се замрзнат во замрзнувач.
Чоколадото искршете го на парчиња и растопете го на тивок оган. Потоа оставете го на страна да се олади. Додека стопената чоколада се лади, извадете ги состојките за украсување. Може да одберете мелени ореви или лешници, мелена плазма, шарени трошки и сл. Тоа е ваш избор и го препуштаме на вашиот вкус и креативност.
Извадете ги бананите од замрзнувачот и потопете ги во стопеното чоколадо, а веднаш потоа извалкајте ги во трошките за украсување.
Потоа вратете ги украсените банани во замрзнувач да се замрзнат повторно. Послужете ги како десерт или закуска.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
