Претходно
Брз и вкусен летен оброк: Печени пиперки во павлака
Ќе уживате во секој залак.
Потребни состојки:
- 6 пиперки
- 50 мл масло
- сол и бибер
- 3-4 чешниња лук
- 200 мл кисела павлака
Начин на подготовка:
Измијте ги пиперките, па прободете ги на 5-6 места со виљушка.
Ставете масло во тава, ставете ја на средна топлина и ставете ги пиперките. Покријте ги и оставете ги десет минути, додека маслото се загрева и додека се печат од едната страна. Потоа свртете ги пиперките и печете ги од сите страни.
Кога пиперките ќе бидат испечени, тргнете ги од огнот, фатете ја секоја за дршката и расечете ја од средината надолу, така што сокот ќе излезе во тавата или во некој друг сад.
Во друг сад измешајте ги киселата павлака, лукот, солта и биберот и со лажица ставајте од смесата во пиперките.
Потоа, превртете ги пиперките, така што киселата павлака ќе се измеша со сокот што го испуштиле пиперките.
Погледнете како да направите и полнети домати.
