Претходно
Без јаглехидрати: Рецепт за освежувачка салата со тиквички и сирење
Ако во моментот се придржувате до план за исхрана во којшто нема простор за јаглехидрати или сакате да направите неколку измени во вашето мени, пробајте ја оваа брза и вкусна летна салата, која е соодветна за речиси секоја диета.
Потребни состојки:
- 1 зрело авокадо
- 1 чаша варен грашок
- 1 тиквичка со средна големина
- 1 мала свежа краставица
- 100 грама фета сирење
- половина калинка
- неколку лисја магдонос
- 3 лажици пржени семки од тиква
- сол, бибер, маслиново масло и оцет
- јогурт и сладок чили сос за прелив
Начин на подготовка:
1. Сварете го грашокот и оставете го да се излади. Излупете ја тиквата, измијте ја и потоа изрендајте ја на тенки парчиња, исечете ја на ленти со нож или претворете ја во „шпагети“ со помош на спирализатор. Направете го истото и со краставицата и со авокадото. Излупете ја калинката и извадете ги семките од неа.
2. Ставете го зеленчукот во поголем сад, додајте сол и бибер, масло и оцет и измешајте сè. Исечете го фета сирењето на мали коцки и додајте го во салатата, а потоа повторно измешајте малку. Исечете ги измиените лисја од магдонос и на крај посипете ја салатата со сечкан магдонос, калинка и семки од тиква.
3. Во сад измешајте неколку лажици јогурт и малку сладок сос од чили, во зависност од тоа колку лут прелив сакате да добиете. Послужете го преливот со салата.
Погледнете како да направите вегетаријански бургери од киноа и спанаќ.
