Претходно
7 совети за подобрување на вашите комуникациски вештини!
Дали сакате да ги подобрите вашите комуникациски вештини? Без разлика дали понекогаш ви претставува вистински проблем да ја пренесете вашата порака или само сакате да бидете подобар слушател, сметаме дека ќе ви бидат корисни овие совети.
Но, најпрвин да разјасниме што претставува „ефективна комуникација“. Ефективната комуникација е процес на размена на идеи, мисли и информации на јасен, прецизен и лесно разбирлив начин за слушателот или публиката. Тоа вклучува не само ефикасно зборување и пишување, туку и внимателно слушање и разбирање на перспективата на другата личност.
Ефективната комуникација може да биде клучен елемент за градење посилни односи и избегнување на недоразбирања или конфликти. Во продолжение ви споделуваме неколку совети за подобрување на вашите комуникациски вештини.
1. Бидете внимателен слушател
Вежбајте така што ќе им посветите целосно внимание на другите кога тие зборуваат, на начин што ќе воспоставите контакт со очите, ќе поставувате релевантни прашања и ќе давате повратни информации за да покажете дека разбирате.
2. Зборувајте јасно
Забавете го говорот, изговарајте ги полека зборовите и зборувајте со соодветна јачина. Кога ќе научите да комуницирате подобро преку појасен говор, на другите ќе им биде полесно да ве разберат.
3. Контакт со очи
Гледајте ги луѓето во очи кога зборувате за да изградите доверба, да покажете искреност и да го задржите вниманието. Контактот со очи е моќен, но едноставен начин да ги подобрите комуникациските вештини.
4. Користете го говорот на телото
Насмевнете се, кимнете со главата во знак на согласност и користете соодветни гестови за да го засилите вашиот говор и да им покажете на другите дека сте вклучени во разговорот.
5. Поставувајте прашања од отворен тип
Наместо прашања со да/не одговори, поставувајте прашања кои почнуваат со „што“, „зошто“ или „како“ за да го поттикнете соговорникот на разговор.
6. Покажете емпатија
Ставете се на местото на другите размислувајќи за нивните чувства и перспективи. Ова покажува дека се грижите и ја поттикнува отвореноста и искреноста во разговорот.
7. Бидете прецизни
Преминете на поентата, избегнувајте ги непотребните зборови за максимално да ја искористите секоја можност да зборувате. Прецизната комуникација е знак за самодоверба и ефикасност, а тоа се клучните елементи на ефективните комуникациски вештини.
Откако ги прочитавте нашите совети за подобрување на вашите вештини, можеби ќе сакате да прочитате и на кој начин можете да ги развиете вашите интуитивни вештини.
Извор: themindsjournal.com
