Претходно
6 вежби за грб кои ќе направат да се чувствувате како да сте биле на масажа
Сигурно веќе знаете дека работата која вклучува седење е штетна за вашиот грб. Неудобноста, болката и грчевите во мускулите го влошуваат држењето на вашето тело. Ако немате време за масажа, но ви е потребна релаксација и повеќе енергија, овие вежби ќе ви помогнат во тоа. Најдоброто од сè е што можете да ги правите на столчето во вашата канцеларија.
1. Пеперутка
Зона на влијание и резултати: Коските на вратот, подобрување на држењето на ‘рбетот и подобрување на циркулацијата.
Почетна позиција: Седнете на работ од столот со исправен грб. Стапалата разделете ги во ширина на рамената.
Оваа вежба е комбинација од неколку јога пози. Ставете ги двете дланки зад главата, свиткајте ги лактите и испреплетете ги рацете зад вратот. Вратете ги лактите што е можно поназад. Вдишете, испружете ги рацете и придвижете ги градите нанапред. Издишете и вратете се во почетната позиција, па свиткајте го грбот наназад. Ќе почувствувате нежно истегнување на мускулите, но престанете со вежбата ако почувствувате каква било болка. Направете 5 повторувања.
2. Мачка-крава
Зона на влијание и резултати: Ослободување од болка во долниот дел од грбот, подобрување на положбата на пршлените.
Почетна позиција: Седнете на столот со исправен грб. Дланките поставете ги на колената.
Вдишете и нежно вратете ги рамената наназад, притоа истегнувајќи ги градите. Обидете се да ги допрете плешките една со друга без да ги подигате рамената. Издишете свиткувајќи го грбот, придвижете ги рамената напред и свиткајте го вратот накај градите.
3. Вртење на стол
Зона на влијание и резултати: Ослободување од болка во долниот дел од грбот, подобра дигестија.
Почетна позиција: Седнете на столот со исправен грб и стапалата на земјата.
Вдишете и исправете го грбот. Издишувајќи свртете се наназад. Ставете ги дланките на столот и не ги вртете рамената. Останете во оваа позиција 30 секунди, па повторете на другата страна. Направете по 3 повторувања за секоја страна.
Продолжува на следната страница…
