Претходно
5 начини да го исчистите телото по пиењето антибиотици
Единствената намена на антибиотиците е да ги елиминираат бактериите што предизвикуваат одредени болести на организмот. Но, иако тие имаат позитивни страни, сепак имаат и несакани последици што можат да доведат до слабеење на имунитетот и уништување на „добрите“ бактериите во организмот – оние од суштинска важност за нашето здравје.
Антибиотиците не ги уништуваат само патогените бактерии, туку и претходно споменатите „добри“ бактерии (што помагаат при варењето на храната, создаваат невротрансмитери, синтетизираат витамини…), па затоа е многу важно да се обидете што побрзо да си го заздравите организмот, особено ако сте ги пиеле оние со широк спектар. Чистењето на организмот претставува секојдневен труд, но тоа е единствениот начин на кој ќе успеете да одржите рамнотежа помеѓу бактериите и габите, односно кандидата, што може значително да му наштети на вашето здравје.
Постојат неколку начини на кои можете да го подобрите имунитетот и да го исчистите телото по земањето антибиотици:
1. Еден од најдобрите начини е да започнете процес на чистење на организмот така што ќе консумирате храна што е богата со антиоксиданси. Тоа се овошјата и зеленчуците! Храната богата со антиоксиданси ќе ги елиминира и отстрани остатоците од антибиотикот во клетките и крвта и ќе ви го подобри имунитетот. Сировите овошја и зеленчуци би требало да се состојат во поголемиот дел од вашата исхрана за да можете одново да поставите рамнотежа во организмот.
2. По земањето антибиотик, добро би било да вклучите и витамин Ц во форма на суплементи. Препорачаната дневна доза од овој витамин е 500 милиграми и нема потреба да ја надминувате бидејќи организмот ќе ви го исфрли вишокот.
3. Од исхраната исфрлете го обработениот шеќер, преработената храна, скробот, вештачките бои и вкусови, како и конзервансите бидејќи претставуваат добра база за создавање и развивање кандида. Би требало да избегнувате и одредени овошја што имаат висок процент на шеќер. Побарајте здрави алтернативи за засладување во периодот на чистење на организмот.
4. Послушајте го најдобриот совет за здравје и внесувајте бар 2 литра вода дневно. На тој начин го прочистувате црниот дроб, заедно со бубрезите и го подобрувате имунитетот.
5. Не заборавајте на пробиотските суплементи што е добро да се пијат и за време на антибиотиците, а не само потоа. Изберете квалитетни и проверени пробиотици бидејќи стомачната киселина ги елиминира повеќето од оние што се наоѓаат на пазарот. Исто така, по завршувањето со антибиотиците, можете да консумирате и домашни ферментирани производи (јогурт, кефир…) што ќе ја обноват вашата цревна флора.
Прочитајте ги и овие 4 важни нешта кои треба да ги знаете за антибиотиците.
