Претходно
14 причини зошто да се фокусирате на себе наместо на барањето љубов
Веројатно уште од мали сте сонувале да ја пронајдете љубовта на вашиот живот. Сите луѓе, без разлика дали признаваат или не, имаат желба да бидат сакани. Проблемот е што понекогаш луѓето толку многу се фокусираат на барањето љубов од другите, што целосно забораваат да си покажат љубов кон себе. Доколку упорно ја барате љубовта, погледнете зошто наместо тоа, треба да се фокусирате на себе.
1. Љубовта не е сè
Филмовите, сериите и разните приказни ни кажуваат дека сè што ни е потребно е љубовта. Но, ова не е вистина. Љубовта би требало да ви биде цел, а не фокус. Таа е неверојатна и минувањето време со саканата личност е бесценето, но постојат и други нешта кои го бараат вашиот фокус и кои се исто важни колку и љубовта.
2. Љубовта може да ви го одвлече вниманието од вашите цели
Дали сакате да патувате или да одите на факултет во друга држава? Ова се навистина тешки подвизи доколку се фокусирате на врска. Многу е полесно да ги поставите и постигнете целите кога не сте врзани. А којзнае, можеби ќе ја најдете сродната душа додека ги исполнувате вашите амбициозни цели.
3. Нема засекогаш да бидете сингл
Во некој момент од животот, ќе се појави вашата личност од соништата и ќе ви го промени целиот свет. Но, ова можеби нема да се случи сега. Има некоја слобода во тоа да бидете сингл, па зошто да не уживате во ова? Сега можете да правите што сакате, а самото тоа е неверојатно.
4. Врските значат компромис
Штом ќе запознаете некој и врската ќе стане сериозна, ќе откриете дека без компромис, ништо нема да функционира. Ова може да биде особено тешко доколку вие и партнерот имате различни цели или желби. Па, искористете го овој сингл период да се преселите во градот што го сакате и да аплицирате за работата од соништата. Можеби партнерот би ве поддржал во ова, но засега фокусирајте се на себе и бидете себични уште малку.
5. Најпрво сакајте се себеси
Важно е да се разберете себеси пред да се поврзете со некој друг. Како ќе му ја дадете потребната љубов на партнерот ако не можете да си ја дадете ни себеси?
6. Опуштено состанување
Опуштеното состанување може да биде забавно, па зошто да не го пробате? Можете да запознаете навистина интересни луѓе, а ова ќе ви помогне да откриете што навистина сакате од вашиот партнер.
7. Љубовта се случува кога никој не ја бара
Дали некогаш сте барале нешто и сте го пронашле веднаш штом сте се откажале? Ова може да се случи и со љубовта. Кога најмалку очекувате, во вашиот живот ќе се појави вистинската личност, па бидете подготвени и за тоа.
8. Секогаш ќе се имате себеси
Партнерите доаѓаат и си одат, но секогаш ќе се имате себеси. Низ сите подеми и падови, сите добри и лоши нешта, вие секогаш ќе бидете вашиот најдобар пријател.
9. Ќе бидете подобар партнер
Животот е одличен учител, а многу од лекциите се за љубовта. Конфликтите со другите ќе ве научат на воздржување и барање решение. Секоја ситница во вашиот живот, всушност ве подготвува за врската со неверојатниот партнер што ве чека во иднина.
10. Ќе го избегнете скршеното срце
Неизбежно е во потрагата по вистинската љубов да останете со скршено срце. Навистина е тешко да одредите на кого да му верувате, но кога нема да брзате, полесно ќе го препознаете сериозниот партнер кој нема да ве повреди.
11. Љубовта бара многу работа
Навистина вреди, но љубовта не е лесна. Потребно е да бидете подготвени за сите тешки периоди, за да можете да уживате во убавите. Нештата како деца, брак и финансии се огромни одлуки, па доколку не се согласувате со партнерот, сигурно ќе се појават проблеми. За љубовта да трае, потребно е засега да научите како да се фокусирате на себе, така што во иднина ќе можете да се фокусирате и на партнерот.
12. Пријателите се важни
Фокусирајте се на пријателите наместо на потрагата по совршениот партнер. Покрај вашето семејство, и пријателите ќе бидат долго со вас. Тие ќе бидат овде кога нештата ќе тргнат на лошо.
13. За вистинска љубов потребно е време
Најдобриот вид љубов бара време да се развие. Веројатно сте слушнале за фазата меден месец. Ова е можеби забавно, но тоа не е љубов. Минувањето низ добро и лошо и соочувањето со искушенија и расправии ја сумира вистинската љубов. Бидете трпеливи, ќе го дочекате и ова.
14. Вие сте сосема доволно
Вие сте моќни и повеќе од способни да бидете сè што ви е потребно. Никој не треба да ви го кажува ова, бидејќи длабоко во себе го знаете. Вашиот партнер треба да ве поддржува, а не да пополни некоја празнина. Оваа личност треба да може да ви покаже колку сте неверојатни и сами.
Погледнете ги и советите што ќе ви помогнат да ја развиете љубовта кон себе.
