Претходно
Зошто пријателствата кои траат подолго од 10 години се посебни?
Ако сте пријатели со некого подолго од 10 години, тогаш треба да се радувате затоа што вашето пријателство било ставено на „тест на времето“ и „положило“. Можеби имате многу пријатели, но не секој е толку посебен како личноста која ви е во мислите додека го читате ова. Добра работа во врска со пријателствата е што тие стареат како виното – колку се постари, толку се подобри!
Доколку имате 10-годишно пријателство, веројатно ќе се пронајдете во следниве аргументи.
1. Пријателот/пријателката ве познава такви какви што сте
Ако сте пријатели со некого повеќе од 10 години, тој навистина добро ве познава. Всушност, ве познава толку добро што понекогаш сте изненадени од тоа колку добро може да ве „прочита“. Не можете да скриете ништо од него, па и без да размените ниту еден збор, вие се разбирате.
2. Далечината не го загрозува пријателството
Би било убаво да останете близу до пријателот и да ги гледате во кое било време, но понекогаш животот има поразличен план и ќе ве одведе далеку еден од друг. Добрата страна кај цврстоизграденото пријателство е тоа што далечината нема да ја намали неговата вредност. Да се има пријателство постаро од 10 години има свои предности, а една од нив е дека секогаш можете да сметате на својот пријател, дури и ако не сте се виделе долго време. И, кога ќе се видете, вашата средба е исполнета со долги, цврсти прегратки.
3. Секогаш можете да се потпрете еден на друг, дури и ако се случи да не поразговарате неколку недели
Добрата работа во врска со долгогодишните пријателства е што знаете дека понекогаш може да бидете премногу зафатени, па да немате време ниту за телефонски разговор. Вашиот пријател нема да се налути поради тоа, а понекогаш може да поминат и неколку недели, пред повторно да се видите. И кога конечно ќе се сретнете, ќе биде како ништо да не се сменило и ќе се чувствувате исполнето кога ќе се разделите.
4. Вие ги знаете најдлабоките тајни еден за друг
Постои причина зошто вашето пријателство го положило „тестот на времето“, тоа е затоа што одлично комуницирате и се разбирате. Кога некој долго време е ваш пријател, заслужува отворено да разговорате и да ги споделете вашите тајни еден со друг. Вашиот пријател знае за вас повеќе отколку повеќето други.
5. Тој/Таа ги знае и вашите „неславни“ приказни
10 години е долг временски период. И за тоа време, веројатно сте биле сведок на некои навистина „неславни“ моменти. Но, за жал, пријателите никогаш не дозволуваат да ги заборавите оние срамни приказни – дури и ако се случиле многу одамна! Вашиот пријател секогаш ќе биде овде за да ве потсети на онаа „глупава“ работа што сте ја направиле, без разлика дали тоа ќе ви се допадне или не…
6. Имате милион луди приказни за вашите минати авантури
Зад вас е времето кога сте имале авантури и секогаш ќе ги обновувате тие прекрасни спомени. Можеби сега водите различни животи, но секогаш ќе се сеќавате на „добрите времиња“ кога сте лудувале, а понекогаш и сте правеле и „глупави“ работи заедно. И двајцата знаете дека тоа се спомени што ќе траат вечно.
7. Бевте заедно во сите значајни моменти
Дипломирање, унапредување на работа, стапување во брак и прославување роденден – сте биле еден покрај друг во сите големи моменти во животот. Дури и ако сте биле многу зафатени, не постоела шанса да не присуствувате на значајниот момент на вашиот најдобар пријател. Без оглед на сè, секогаш имате време да се соберете за да ги прославите работите што ви се важни.
8. Вашиот пријател ја видел „најдобрата“ и „најлошата“ верзија од вас
Вашиот пријател ја знае вистинската верзија од вас. Некои луѓе можеби ве познаваат површно, но вашиот пријател ве видел во вашето најлошо, нефилтрирано издание. Тој бил со вас во тешките моменти, а бил со вас и кога сте „биле во елемент“. И затоа вашето пријателство е посебно, затоа што знаете дека е вистинско.
9. Тој/Таа ќе биде цел живот покрај вас
Сега веќе најверојатно нема да се оддалечите и пред вас е долг пат! Тој бил тука за вас кога ви „горело под нозете“, но заедно сте пребродиле сè, па токму затоа вашето пријателство ќе трае уште многу долго.
Можеби сакате да прочитате и зошто нашите најдобри пријатели се најчесто оние кои ги среќаваме додека студираме?
