Претходно
Внимавајте: 5 широко распространети митови за кондомите во кои мора да престанете да верувате
Презервативите се контрацепциско средство со најраспространета употреба. Освен за заштита од несаканата бременост, голема улога имаат и при спречувањето на полово преносливите болести. Но, иако денес се достапни скоро насекаде, многу луѓе и понатаму веруваат во некои сосема погрешни митови за овие гумени заштитници. За да ставиме крај на ова размислување, со вас ги споделуваме најголемите невистини за кондомите.
Мит број 1: Ако ставите лубрикант на кондомот, ќе го спречите несаканото кинење
Вистина: Лубрикантните на база на масло и петролеј всушност може да го оштетат кондомот.
Мит број 2: Кондомот штити од сите полово преносливи болести
Вистина: Кондомот не штити во целост од генитален херпес, ХПВ, сифилис и срамни вошки. Презервативот не е доволна заштита ниту кај херпес тип 2, односно генитален херпес, ниту кај херпес тип 1, односно орален херпес за кој неодамна се открило дека може да се пренесе и по полов пат. Кај ХПВ, како и кај херпесот, може да се случи личноста да боледува со години без никакви симптоми, и исто така без никакво предупредување да ја пренесе болеста на партнерот.
Мит број 3: Ако сте алергични на латекс, не можете да користите кондоми
Вистина: Можете да користите кондоми кои се изработени од полиуретан.
Мит број 4: Добро е да ги чувате кондомите во паричникот
Вистина: Чувањето на едно пакетче кондом во паричникот подолго време може да го ослаби материјалот од кој е направен, односно може да се создаде ситни дупчиња во него.
Мит број 5: Користењето два кондома одеднаш ја дуплира заштитата
Вистина: Користењето два кондома одеднаш всушност ја намалува заштитата, бидејќи се создава поголемо триење и поголема можност за презервативот да пукне.
За екстра заштитен и сигурен секс, дознајте неколку заповеди на кондомите.
